|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
02-19-2008, 11:53 PM
|
#31 | |||
  
|
تعجبني "_"
 سود الأيام عشق وفقر واماني وانا احبك ولا اطلب شي واتمنى يمكن الله يفرجها على شاني او على شان يرفع هالحزن عنا وانت ياطيب قلبك فوق مايعاني ازعلك وانت ترضيني وتتعنى وصفك اللي وقف في طارف لساني ايه تشبه طفل طار بسما الجنه لا تبسمت جتك الشمس من ثاني ولا تضايقت صارت في يدك حنا
|
|||
|
|
02-21-2008, 02:41 AM
|
#32 | |||
|
مصدر الغيره ؟!؟
السلام عليكم ورحمة الله داايم يطرى على باالي سؤال وهو مصدر الغيره مين ؟؟  ام الولد ولا الزوجه ؟؟   يعني أم الولد تغيير على ولدهاا من زوجته ؟؟ ولا الزوجه تغير على زوجها من أمه ؟؟ وهنا شنو يكوون قرار الزوج ومع مين يصف ؟؟  لازم يكون الزوج عاقل وبار ويعرف يوزن الأمور ويبين حق كل وحده اهميتها بالنسبه له .. طبعاً امه هي اللي لازم تكون مقدمه على الزوجه من منظار ان الزوجه بدالها زوجه وان الأم ما تتعوض ابد مهما كان ..  و الزوجه لازم تحط في بالها ان هذي امه جنته وناره ولازم يكون بار فيها ويكسب رضاها ورضا رب العالمين .. وبالتالي تحاول تكسبها وتتحمل قد ماتقدر غيرتها ..   اللي غالباً بتكون بتدخلها بأمور حياتهم ..   تتقرب منها .. تعزمها بين فتره والثانيه .. تجيب لها هدايا حتى لو بسيطه تحسسها انها تحبها وانها ماخذت ولدها منها بالعكس هي تشجعه على الروحه لها ..عاد اذا كانت الزوجه هي اللي تغار الله يعينها هي اللي بتاكلها .. لأن محد يرضى على امه ..  الله يعين الزوجاات ويعين الأمهات .. انا بس اتكلم بالموضوع تعبت شلوون اللي عايشينه ..   ذكرت قصيده لفيصل اليامي كان فيها غيره وهالسواالف  بس الزوجه هي اللي كانت تغار  :. . قالت انت تغيضني ولا تحب تحرق اعصابي وتخليني اصير مثل نار بالهب دايم تشب مايطفي جمرها سيل وغتير قلت وش ذنبي اذا فيه اي ذنب شايفه انه على قولك خطير واهمست لي ودمعها منها يصب ماتخاف الله تعرفني اغير وصاحت وحسيتها شوي وتسب انا احبك وانت تعشقها كثير قلت انا احبك ولكني احب امي اكثر منك بفارق كبير امي اللي قلبها عن كل قلب شفت منها في حياتي كل خير امي اللي حبها من جد حب ياحلات إحساسها العذب الغزير ان تعبت النوم يرفض لا يطب عينها حتى تعرف اني بخير صدقها ما يعرف اشمعنى الكذب طيبها كنه مع خطاها يسير في رضاها اجري اللي ينكتب ومن دعاها الصعب يتبدل يسير إن بغيت احسب غلاها ما انحسب احسب احسب لكن اغلط في الاخير هذي امي قلبها عن كل قلب كيف اقارن حبها مع حب غير الله يسعد كل زوجين ويبعد عنهم الغيره المرضيه ..
التعديل الأخير كان بواسطة : حلم راودني بتاريخ 02-21-2008 الساعة 02:53 AM. |
|||
|
|
|
02-23-2008, 02:48 AM
|
#33 | |||
|
صحتنا
مرحبااااااااااا جميعاً
هذي رسااله قديمه كنت اليوم قاعده اسوي جرد للإيميلات واكتشفتها .. لقيت إن احنا نسوي اشياء صحيه واحنا ما ندري .. والعكس صحيح نخرب الدنيا ونفكر إن اللي نسويه صحي .. نصائح مهمة من أجل دوام الصحة بمشيئة الله * دع القهوة تبرد ..  لأن المشروبات الساخنه تؤدي الى خطر الإصابه بسرطان الفم او المريء >>بعيد الشر  **إضافة القرفة على القهوة ..  ضع نصف ملعقة صغيرة من القرفة في فنجان القهوة اليومي .. حيث يسهم في خفض مستويات الكوليسترول في الدم .. ويساعد الجسم على استخدام الانسولين بفاعلية اكثر !<< لكن للأسف ما احب طعم القهوه فيه .. *** مضغ العلكة (اللبان) بين الوجبات ..  ينصح بمضغ العلكة الخالية من السكر بعد الطعام لمدة نصف ساعة .. وذلك لتخفيف من اعراض حموضة المعدة . **** نظافة الأسنان ..  احرص على تفادي ترطيب فرشاة الأسنان بالماء قبل وضع المعجون عليها .. <<طلب صعب حيث أن الفرشاة الجافة تزيد من إمكانية التخلص من البلاك بنسبة 67 % . . *****النوم بشكل أفضل ..  تناول التفاح لمكافحة الأرق والنوم بشكل عميق .. فالنوم يساعد على مكافحة الشيخوخة المبكرة والاحتفاظ ببشرة شبابية . ****** تناول قطعتين من الشوكولاته يوميا ..  حيث يؤكد الخبراء أن الشوكولاته تبعد عنك فقر الدم وتحسن المزاج ! طبعاً النصايح واايد بس انا هذا اللي عجبني الباقي معروفين اللي هم شرب الشاي الأخضر , وأكل الخبز الأسمر , واكل السمك ..إلخ الله يديم علينا الصحة يارب ..
|
|||
|
|
|
02-25-2008, 12:14 AM
|
#34 | |||
|
السلام عليكم ورحمة الله
ماشاء الله هالأيام الوقت يمر بصورة سريعه ومخيفه بنفس الوقت ..  من يوم الخميس وانا عندي سواالف واايد وكل يوم تتأجل واقول بكره إن شااء الله ولا اسوي شي ولا اقول شي ولا اكتب شي .. مع اني ملاحظة هاليومين صايره اتكلم وااايد بس ما اشتهي اقراا ولا اشتهي اكتب ..  وصايره وااايد اتأثر باللي حولي بالوااقع.. واحياان بالقصص بعد .. الله يعين بس .. المهم : اليوم جات لي صديقتي ..  من زمان وهي بتجي بس الله ما اراد إلا اليووم .. قمت الصبااح لقيت مسج منهااا وهي اصلاً على بالي .. نزلت من غرفتي واسولف مع اختي واقولهاا فلانه صديقتي من زمان عنها بس توها راسلتلي اليوم .. بعد شوي إن شاء الله بكلمها ..  بعد الغداا قاعدين ولا يرن جواالي .. وي بسم الله فلانه توني اقول بدق عليها ..  صج القلووب شوااهد .. قفل الجواال قبل لا ارد  .. قمت اتصلت على بيتها وردت علي .. هلا والله شلونكم وحشتونا <<ومن هالكلام .. قالت انتي موجوده اليووم بالبيت؟؟  منتي رايحه مكان ..  قلت بتجيني وانا مستبعده الموضوع ومو متوقعته ابد ..  قالت إيــــــــــــــــــه .. قلتلها حياااج الله مابغت تطلع الجيه  .. قالت الواالده فيه .. قلت لها امي موجوده بس بتطلع بعد شوي .. بس ماعليج تعااالي .. رحت أتلبس وبدل ما اتكشخ قعدت اكلم صديقاتي الثانيات <<ذكرتني فيهم المشكله ان نصهم ماردووا ..  وخلصت تلفوناتي وكشخت ونزلت استنى صديقتي توصل ..  رن الجرس وفتحت الباب .. طلعت هي صديقتي وعيالهاا . .وأخيـــــــــــــــــــــــراً .. قلت لها واخيرا شفنا النسخة الجديده <<ولدها الصغير يهبل بسم الله عليه قعدنا الى بعد صلاة العشاء ..صلى رجلها وجاهم وخذهم .. بس والله انبسطت فيها وبجيتها .. غيرتلي جووو .. الله يسعد قلبها يارب .. دمتم خير
التعديل الأخير كان بواسطة : حلم راودني بتاريخ 02-25-2008 الساعة 12:22 AM. |
|||
|
|
|
02-26-2008, 12:04 AM
|
#35 | |||
|
أهل الكويت
 كل عام والكويت وحكومة الكويت وشعب الكويت بألف خير بالبركه عليكم عيد الإستقلال والتحرير .. والله يجعلها دووم عامرة ومتألقه فيكم ولكم .. والله يحفظها من كل مكروووه .. 
|
|||
|
|
|
02-27-2008, 01:16 AM
|
#36 | |||
|
انا وعبايتي
السلام عليكم ورحمة الله
يالله اشتقت حق عباااتي من زمان ما لبستهاا ..  بس الحمد لله الشوووق ماطول من يوم الجمعه لين اليوووم .. على قد ماكان الويك إند اللي راااح زحمه وروحاات وجيات ومناسبات وعيادة مرضى .. هالإسبوووع كان هادي ولا فيه مشاااوير .. حتى اليووم من كثر شوقي للشارع اقول لأمي .. بروح أجيب اختي من المدرسه .. << دايم اتهرب من هالمشوار  لكن قالت لي انها هي اللي بترووح عشان تبي تمر تشتري اغرااض .. ومايصير نطلع ثنتينا عشان عيال اختي عندناا وهي بالدواام .. بعد ماجابتها امي من المدرسه إلا تقولي المغرب إن شاء الله بنرووح بيت بنت عمي إذا بتروحين خلج جاهزه .. من الحماااس تغديت وطيرااااااان على غرفتي ..وطلعت يمكن 3 بدل البس واغير لين أستقريت على وحده .. ونزلت بعد صلاة العصر .. ولأحد جاهز غيري بما اني جاهزه والنااس مطولين وماعندي شي فتحت لابتوبي لكن للأسف مارضى يفتح شي شكل الإتصال كان مخرف .. .... لا ماسنجر ولا منتدى ولا شي ..  سكرت الدنيااا >>اللاب توب والسبيد تش .. إلا امي جاايه وتقول بالله مشيناا .. قبل نطلع صليت المغرب لأنه كان مأذن .. وإنطلقنا بعد ما لبست عبااتي وابحت لها بالشوووق اللي كان يعتريني لهااا .. وهي بادلتني المشااعر .. ترا حتى الجمادات تشتاااق لا يغركم إنها ما تنطق ..  الله يسعدك كلكم ..
التعديل الأخير كان بواسطة : حلم راودني بتاريخ 02-27-2008 الساعة 01:27 AM. |
|||
|
|
|
02-27-2008, 02:35 AM
|
#37 | ||||
|
تقييم
مسااااااااااااء السرور
والورد والعطـــــــور حبيبة ألبي : اقتباس:
طبعاً تمونين عزيزة وغاليه ..  تسلملي والله عيونج الحلوووين .. اي والله صاير الوقت مو ملكنااا ابد .. وانتي عسوووله لا نشبه ولا شي خذي راااحتج.. وعبري عن اللي بقلبج .. اسعدتني شوفة اسمج .. الله يحلي اياااامج ويسعد قلبج ..
|
||||
|
|
|
02-28-2008, 12:58 AM
|
#38 | |||
|
مرحبااااااااا
( " الشوووووووووووووووووووووووووق " ) يالله كلمه تتعبني .. خصوصاً اذا كانت لشخص لا يمكن اشوفه.. يعني مستحيل .. لو مساافر بنقول يرجع .. لو ضايع في أمل نلقاه .. لو مريض بيشفى ويطلع .. بس اذا كان الشخص متوفي .. مااااااااا في يدنا اي شي .. الدعااء ثم الدعااء ثم الدعااء هاليومين زااايد شوقي للغالي ابوووووي الله يرحمه واللي يزيد الحنين والشووق والوله الأحلام .. مادري ليه أحلامي بأبوي الله يرحمه محصورة في انه رجع .. يعني كل حلم اشوفه اركض بحضنه وألمه بأقوى ماعندي ,, وما بي ابعد عنه وداايم اعاتبه وليه رحت والحمد لله اللي رجعت ولا ترووووح مره ثااانيه ما نقدر نعيش بدوونك .. يقعد على نفس الكنب اللي داايم يجلس عليه بيده الجرااايد .. يشيل الغتره والعقاال ويستنى الغدااا.. نفس الحلم ترااا هذا اللي كان يصير بالوااقع .. يووم رااح ابوي صرت اشوفه حلم .. احياان اقووول صج اني كبيره وفاهمه ان اللي رااح ابد مايرجع .. بس اتخيل انه بيووم بيجي .. شلووووون مادري .. احياان اخرى اقووول ليتني مارحت اشوفه وهو ميت كان ماصدقت وظل عندي هالأمل انه يرجع .. وارجع اقوول الحمد لله اللي رحت عشاان اودعه اشوفه لآخر مره بعمري وابووس جبينه.. اللي ريحته لين أحين بخشمي ولا راااحت .. كااااااااااان بااااااارد .. ومكفن ولا يتحرك .. ليش .. استغفر الله يارب .. اللهم لا اعتراااض .. يعني ماكان فيه شي .. مرض شوي قبل وفااته ب18 يووم .. على قولة النااس ترا مرضه تصبير لكم عشاان مايرووح فجأه .. عمري ماتخيلت اشوووف ابوي بهذااك المنظر ابد .. اللهم لك الحمد كما ينبغي لجلال وجهك وعظيم سلطانك .. والحمد لله اللذي لا يحمد على مكرووووه سوااه .. الله يرحم ابووي الغاالي .. وبرحم موتانا وموتى المسلمين أجمعين .. والله يجمعنا فيهم في جنااته .. العااليه جنات النعيم .. على سرر متقابلين ..
|
|||
|
|
|
03-01-2008, 05:29 PM
|
#39 | |||
|
السلام عليكم ورحمة الله
اليوووم قمت من صباحية ربنا << الساعة 12 ظهراً المهم قعدت بالصاله وانا اسمع صوت صرير المرجيحه  المزعج المنرفز اللي قاعد فيها سنفور نتووف ..وآخر بسط ووناسه احنا نتنرفز من الصوووت وهو ولا على باله .. الله يسعد قلبك سنفوور ..واختي تقراا كتااب على الكنب قبال التلفزيوون اللي شاعر المليوون يحن على رااسنا فيه .. شوي إلا تقول تدرين وين امي .. ؟؟ غريبة جيتي وقعدتي ولا سألتي !! قلت لها متعوده كل يووم امي هالوقت تروح بيت امي تيتووه <<مسمى جديد ادلعها قالت ادري بس اليووم لا ماراحت عندها ثنتينهم رايحين البحرين .. ليه بسم الله امس رايحين .. قالت ايه اليووم بعد وااحد متوفي ورااحوا العزا .. الله يرحمنا برحمته امس كانوا راايحين عزاا وااحد غير .. عاااد البيت يصير كئيب اذا الأم مو فيه . . الله يعين امس واليووم نفس الأجواااء .. بس اليووم اشواا اختي والسنااافر عندنااا امس ماجااو إلا بالليل يوم جات امي .. الله يرحمهم ويعين اهلهم ويصبرهم .. ويرحم امواتنا واموااات المسلمين اجمعين ..
|
|||
|
|
|
03-01-2008, 05:37 PM
|
#40 | ||||
|
أهليييييييييييين وسهلين اقتباس:
تصدقين حتى انا اتذكر ذيك الجبنه المصريه اذا احد قالي حلووم ولا حلووومه الله يعيناا ويشرح صدرنا ويفتح نفسناا للكتابه والسوااليف ..ونشوف الإبداعاات .. تسلميلي والله اتشرف بمتابعتج يا اختي .. عزيزه وغاليه والله .. وبعدين عاادي خذي رااحتج تكلمي باللغه اللي تبين انتي بيوميااتي عادي .. احترم الحريااات الشخصيه .. نورتي .. واسعدتيني
|
||||
|
|
أقسام الموقع
