|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
01-28-2008, 03:22 AM
|
#1 | |||
  
|
•·.·°¯`·.·• (يوماً سيتحقق الحلم ) •·.·°¯`·.·•
السلام عليكم ورحمة الله وبركااته
لكل شي اول مرة وكل شي صعب في بدااايته لكن مع المثااابرة والإصراار نحقق وننجز الكثير طبعاً في جميع مجالات الحياه العلميه وهي الأهم والإجتمااعية ..  الله يحقق لنا كل ما نطمح ويعينا على دنيانا ويرزقنا كل الخير .. 
|
|||
|
|
01-29-2008, 12:42 AM
|
#2 | |||
|
مسااااااااااء الخيرااااااااات
من فترة تقريباً 6 شهور سوينا في بيتنا طابق ثاني توسعنا يعني عاد الفترة اللي كان العمااال يبنون أحنا موجودين في البيت ..  الله لا يرااويكم انواع الإزعاااج و نفخة الراااس  لا واللي زااد الطين بله .. كانت عندنا أختي واالد .. إزعاج من جميع النوااحي ..  اليهاال والضيوف في صوب والعماال والتكسير والبنى في صوب ثااني .. وأكيد أكيد ما نسيت اصور بصديق اياامي المخلص (جواالي الغالي )  بس للأسف نسيت أصور قبل ما يبدون  هذي بعض الصور : البدايه :       بدأت المعالم تبين :      البوفيه :   غرفتي مع اختي الصغرى ..    الصالة :  المغسلة :  غرفة إخوي آخر العنقووود ..   غرفة شبابية بحته (إخوي )   هذي الصورة سميتها اللجوء السياسي .. كنا لاجئين في غرفة إختي ..   وهذي أغراضنا كانت لاجئة في المجلس :  وحتى الكمبيوتر كان لاجئ وادخل منهـ   المدخل المؤدي للطابق الجديد:  انا تقدرون تقولون وين ما أحط رااسي انام لكن اختي قعدت اسبوع ما تنام زين ياعمري بس والله قبل النقل حوسه وضيقة خلق وكل البيت اغراااض مالكم محط رجل .. بس النتايج رااائعة والحمد لله .. الله يوسع علينا وعليكم ويرزقكم السعادة جميع ..
|
|||
|
|
|
01-29-2008, 11:22 PM
|
#3 | |||
|
عـــــــــمود البيت
ذبل صوتي ولك ناديت ونادت لك زوايا البيت ولا رديـــــــــــــــــــت يبـــــــــه وكلمة يبه ذابت عــلى لساني معك غابت يبــه ما عدت انا الطفلة رحلت وطفلتك شــــــــابت قويت ولا قوى النسيان ينسيني أعز إنــــــــسان وفيني آهـ وش فيني يبه فيني الحزن بركان ذكرت الحوش وجمعتنا آهـ وفنر يضوي محبتنا ياليت الوقت بس يرجع يـــبــه مـت ومعك متنا
|
|||
|
|
|
01-30-2008, 02:02 AM
|
#4 | ||||||||
|
مساااااااااء الخير
خواااتي و حبيبااااااتي من كل قلبي شكراً اقتباس:
دُرَهْـ يشرفني ويسعدني وتنور صفحتي بوجودج ياأختي الله يسعد ايااامج يارب  اقتباس:
تسلميييييين والله الله يوفقج ويفرح قلبج يارب اقتباس:
وعليكم السلام ورحمة الله وبركاته والله يوفقج يارب تسلمييين والله الله يحفظج .. اقتباس:
آمين وياج يارب  اقتباس:
تسلمييييييين والله الله يسعد قلبج واياامج ويحقق أحلامج وكل اللي تطمحين له في حيااتج 
التعديل الأخير كان بواسطة : حلم راودني بتاريخ 01-30-2008 الساعة 02:04 AM. |
||||||||
|
|
|
01-31-2008, 03:14 AM
|
#5 | |||
|
جداتنا قدوتناا
صبااااااااح يليق بجمال قلوبكم دايماً اذا مرت على مسامعي آيه القوااعد من النساء اللي في سورة النور : قوله تعالى : ( وَالقَواعدُ مِنَ النِّسَاء اللَّاتي لاَ يَرْجُونَ نِكَاحاً فَلَيْسَ عَلَيْهِنَّ جُنَاحٌ أَن يَضَعْنَ ثِيابَهُنَّ غَيْرَ مُتَبَرِّجَاتٍ بِزِينَه وأَن يَسْتَعْفِفْنَ خَيْرٌ لَهُنَّ واللهُ سَمِيعٌ عَلِيمٌ ) يدور في بالي سؤال ليه جداتنا وحريمنا الكبار ما يتركون الغطاا مع ان هذي رخصة لهم من رب العالمين .. وطبعاً الكلام هذا ما خليته في قلبي وصرت دايم اردده وان فلانه ليه ما تكشف مع انها كبيرة وفلانه وفلانه أذكر مره قلت هالكلام لابوي الله يرحمه وقعد يفسر لي وفهمني المعنى صح قالي ان رب العالمين صحيح عطاااهم رخصة على قولتي لكن هذي الرخصة مشروطة اولاً : إنهم يكونون غير راغبات في الزوااج أصلاً .. ثانياً: إنهم يكونون متسترااات مو كاشخين كشخه ملفته .. وبعدين بين الله عز وجل انهم ان إستعفوا واستمروا في تسترهم خير لهم وأحفظ لمكانتهم.. والله اقتنعت بالكلام وعجبني انا كنت ناويه اذا عجزت اكشف عندي رخصة من الله بس عاد أحين غيرت رايي بأستعف أخير الله يرزقنا الجنه يارب ونكشف هنااك .. والله يثبت جداتنا وكبارنا على طاااعته ولا يغير عليهم حاال
|
|||
|
|
|
02-02-2008, 01:22 AM
|
#6 | |||||
|
مرحباااااااااااااااااا الصرااااحة دعمكم يسعد الخاااطر اقتباس:
الله يوفقج يارب ولايضيع لج تعب والله يوسع عليناااا وعليكم واتشرف بمتابعتك ومرورك مادري اذا تذكرين مره سألتيني ليه ما افتح يوميه .. انا ماكان عندي جواب بس فتحت ليش مادري .. الله يفرح قلبج ويسعد ايااامج دوووم.. ـــــــــــــــــــــــــــــــــــــــــــــــ اقتباس:
الله يديم عليج البسط والسعااده والنور نوركم والله أسعدنتي شوفتج هنااااااا الله يوفقج يارب
|
|||||
|
|
|
02-02-2008, 02:07 AM
|
#7 | |||
|
التكنولوجياااااا
صبااااااااااااااح الخير
ع الناس الغيــــــــر التكنولوجيااااااا بتجنني وتحرق اعصاابي وبعدين يعني الاب توب جديد وفيه مية عله توه ماصار له شهر .. وتوااالت المشكلات على قلبه .. هو كان شحليله قبل ما اوديه للبرمجه .. وديته وبرمجووووه وافتر مخه مسكين .. العله الأولى : الوايرلس مايشتغل ..  العله الثانيه : البلوتوث ما يشتغل .. العله الثالثه : امس قالي ادخل رقم المنتج .. ولا رضى يدخل على الوندوز..رجعته على نفس اللي برمجوووه الله يهديهم .. وقالوا لي لازم نسويله فورمات .. شنو فورمات ولا فور حيا حرام عليكم توه صغير ما كمل شهر .. بس مافي حل ثاني يافورمات ولا كيفج .. استسلمت للأمر الواقع وسوينا له فورمات .. وكل شي رااااااح عاد انا كنت قاعده اكشخه وانزل فيه اشياء.. حرام عليهم .. انــــــــــــــــــــــــــــــــا اكره التكنولوجيااااااااا
|
|||
|
|
|
02-03-2008, 12:00 AM
|
#8 | ||||
|
مرحبتين بالزين ..
اقتباس:
والمرحب لاهان مسموحة يا اختي واتشرف والله وتسعدني جداً متابعتج.. الله يوفقج يارب ويسعد قلبج
|
||||
|
|
|
02-03-2008, 01:36 AM
|
#9 | |||
|
الغـــــــــــربه كربه
السلااااام عليكم
شعوووور الغربه مؤلم والله و حرقة قلب ..  يكون الواااحد بعيد عن اهله .. واي شي يصير فيهم ما يقدر يشاركهم .. لا افراااح ولا أحزااان <<بعيد عنكم ..  الحمد لله هالشعور ما حسيت فيه شخصياً .. بس اشوفه باللي حولي .. صديقااتي بعض الجيراان ..  عندي صديقاات أهلهم هنا وهم بعيد .. والعكس هم هنا واهلهم بعيد .. تبين حرقتهم وألمهم بالمناسباات الأعيااد والأفرااح اذا ما قدروا يجوون .. اذا كلمتهم بالعيد اول سؤاال اسأله صديقتي جيتي الشرقيه ولا .. حلات العيد مع الأهل .. وهي لحالها .. بس اشواا غالباً صديقاتي يجوون عند أهاليهم .. اذا قالت جيت افرح من قلبي والله ..  عندي صديقه ولدت وهي لحالها هنا واهلها بعيد وعيالها ماعندهم احد .. وكلهم صغاار .. لو كان بُعد المنطقه ساعة ولا ساعة ونص تهووون بس 5 ساعات ولا 8 ساعات مو قليلة .. المشكله انها هي هنا متوهقه وامها هناك قلبها ياكلها وتحااتي بنتهااا .. الله يعينهم والله ..  لا المشكله الأم ما تقدر تجي عندهاا عيال صغار ومداارس .. ما تقدر تتركهم .. وبين وين ووين لما تروح زوجها مرتبط بالشغل والإجازات مو على كيفه .. ـــــــــــــــــ وجارتنا بعد تونا اليوم رايحين لها نعزيها في اخوهااا كان مريض وهي تحاتيه وحاجزة تذاااكر بتروح تشوفه بعد ما تخلص المدااارس وحوسه الإختبااراات بس الله ما كتب الحمد لله على كل حااال الله يصبرها ويربط على قلبهااااا .. صعب هالشعور حتى يوم توفت امهاااا الله يرحمهاا مالحقت عليهاا تلاقينها كرهت الغربه وكرهت سنينهااا .. يعني شالفاايده تروح لهم تعزي وتزيد الموااجع وتتفتح الجروح .. الله لا يفجعنا بغالي .. ــــــــــــــــــــــ الله يعين كل مغترب ومغتربه وإن شاء الله يرجعون لأهاليهم وتقر عيونهم بشوفتهم ويشااركونهم بكل المناسباات عن قرب .. وصدق اللي قال الغربه كربه ..
|
|||
|
|
|
02-04-2008, 03:46 PM
|
#10 | |||
|
بـــــــــــــــــاركولي :o)
السلام عليكم ورحمة الله اللهم لك الحمد كما يليق بجلال وجهك وعظيم سلطانك نـــــــــــــــــــجــــــــــحـــــــــــــــت  مابغت تطلع نتيجتي ؟؟!! طــــــــــول امس وانا على نــــــــــــــــــــار  وكل شوي داااخله موقع الكليه المتخلف ولا طلع فيه شي  واتنقل من كنب لثاني واقلب بالجراايد والمجلات <<متوتره ..  وكل شوي قلت لهم ملل .. طفش .. هم عارفين الغمنده بس ساكتين .. واليوم طلعت النتيجه والحمد لله ..  ترا ما طلع شي بالموقع بس إختي مكلمه وحده تعرفها بالكليه وطلعتها . . الله يوفقكم يارب وتنجحووووون هانت بروووووووووح سنه راابعه بعد ترم إن شاء الله 
التعديل الأخير كان بواسطة : حلم راودني بتاريخ 02-04-2008 الساعة 03:59 PM. |
|||
|
|
أقسام الموقع
العرض العادي
