أشتاق للماضي ..... أشتاق مضمونه

الدفع الرباعي

من هنا قررت أن أبدأ
قريت كثير من اليوميات وعجبتني وقررت اني اكتب يومياتي معاكم (يعني مع الخيل ياشقرا)
أعرفكم على نفسي
الأسم الدفع الرباعي
العمر :18
المود : مزاجية والحمد لله
الحياة حلوة بس مو بكل الأوقات
ما ادري ليش ساعات احس اني في قمة السعاده وأغلب الأوقات أحس ان الدنيا ضاقت بي
وكل ما تجيني هالضيقة وعشان ابين للي جالسين جنبي اني مضايقة أقول (الضيقة اللي تالي عصير) ، فهم يعرفون ان ان المزاج اليوم تراااب
أشتاق للماضي ...........لا أنا اموت بالذكريات وأموت في شي اسمه طفوولة
واحب الخيل هيه واحب ايام الثانوية وهبالنا في المدرسة (ايه يا ايام زمااان)
هيه صح اليوم فتحت مذكراتي وقريت خربشات باسم أوراق في حياتي
وقلت بنزل ورقتين من حياتي
الورقة الاولى ( أحباب الله)
أحباب الله احبابي
أعشقهم بجنون , أعشق كل براءة تكمن في قلوبهم , أعشق الشقاوة التي تختلج أعينهم , كثيرا ما تخيفني إندفاعاتهم ومخيلاتهم الكاذبة لا احتمل بكاء أحد منهم ، أحس [ان قلبي يتقطع مع كل دمعة تخرج من أعينهم ....................... بهل المناسبه تذكرت قصيدة عيال حارتنا (لفيصل اليامي)
ياليت الزمن يرجع ورا ولا الليالي تدور
ويرجع وقتنا الاول وننعم في بساطتنا

زمان اول احسه فيه صدق شعور
نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولا نعرف ابد اغراب مغير عيال حارتنا

صحيح صغار في التفكير ولكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم في روحتنا وجيتنا

وعشان نأخر الحصه نخبي علبه الطبشور
نشاغب بس في الاخر تميزنا برائتنا

نحب الضحك والهيصه نحب ننط فوق السور
نفرفش ليه مانفرفش ما دام الضحك عادتنا

ولكن دارت الايام وبان الخافي المستور
وصار الهم متعلي على قمه سعادتنا

كبرنا وصارت الدنيا تصف احزاننا بالدور
وتهدينا الالم والهم غصب عن عيني رغبتنا

تعبنا من بلاوينا احد غارق واحد مقهور
وكلن غارق بهمه وفي الاخر تشتتنا

وانا ما اقول غير الا ياليت ان الزمان يدور
ونرجع للورا فتره نعدل وضع عيشتناد

هالقصيدة تذكرني بقصة (بلا رقيب) وهذا أحد أسباب حبي لهالقصة


الورقة الثانية (الحب)
"من الخطأ أن تنظم الحياة من حولك وتترك الفوضى في قلبك) هذا شعوري فوضى عارمة




لي عودة بإذن الله

الدفع الرباعي

اليوووم بالمره عادي بس الفرق ان باجر علينا دووووام احس بصداع مع اني ما درست وااايد بالاضافة اني من النوع اللي يأجل شغله إلين أجل غير بعييد وبالأخير تأتي القنبلة لتنفجر في وجهي تذكرت شي صارلي وقلت لازم اكتبه
ع اجازة الصيف اللي طاف يووم قررنا نروح عمره ، ما ادري ليش استانس يوم اسير عمره ، يمكن لأني طول الوقت أضحك ع الفاضي والمليان شغاله ضحك ، (يقولون كثرت الضحك تموووت القلب ) بس انا قلبي ميت من زمان ........... بس مو لهالسبب بس تصير مواقف تضحك ، خصوصا انك تشوف اشكال وألوان في المدينة ومكة .......... ما علينا بس بخبركم يووم كنا رادين من صلاة الفجر انا وخواتي ودخلنا اللفت وكان في اربع عجايز ين ، العجايز مب عارفين وين الله قاطهم (من النوع اللي دمه خفيف) والمشكله انهم كانوا قاعديين صوب ازرار الفت ، ما شاء الله عليهم ضغطوا على كل الازرار من الطابق الارضي ألين آخر طابق , وطبعا اللفت بدا يشتغل وبدا بالطابق الارضي ( اللي عند السيارات ) ، نحن ماسكين اعمارنا عشان ما نضحك عليهم قدام الشباب والعيايز نازلين سب ببعظهم
يحليلهم ، وانا خلاص مب مستحمله لازم اضحك واقول في نفسي (عيب يابنت عن قلة الادب ليش بتضحكين مستانسه بعمرج) , المهم سكر اللفت وراح للطابق الاول العجايز طبعا ما نزلوا
كانوا يتهاوشوون وحده منهم تقول للباقيات : ما لقيتوا غير هالعميه تدق الازرار ، ويوم فتح اللفت ع الطابق الاول وحده من العيايز طاحت ع ظهرها يعني طاحت ع الباب يوم انفتح وصرررخت صرخه عاد انا الحين ما استحملت انفجرت من الضحك ما يمدينا اضحك الا كل اللي في اللفت يضحكوون وياي أثريهم من الصبح شعوورهم مثل شعووري يبون يضحكووون .......... واللي زاد الطين بله كانت ويانا وحده مصريه يوم نحن نضحك كانت تقوللنا انتوا ليش تتهزهزووون وسارت عند اختي تبى تفتح الغشوة مالتها اونه افتحي عشان تتنفسين ................. وبس وسلامتكم
أن شاء الله لي عودة مع مغامرات العمره

الدفع الرباعي

كيفكم يا حلويين ( أكلم روحي )
إن شاء الله طيبين
بس قبل ما ابدأ بغيت أشكر كل الأعظاء اللي يقرون مذكراتي مع انهم ما علقوا بس : شكرا
أكيد شفتوا العنوان باسم حلوة الأحساس، هذا مي نك نيم بس اسم طرى على بالي وقلت بكتبه (وانا اليوم اسمي حلوة الاحساس ) ، اليووم بتكلم عن نفسي شوي (لازم نتفلسف)
التخصص
الله يسلمكم انا تخصصي هندسة كيمياء ، بتسألوون ليش اخترتي هالتخصص رغبة الاهل وبالنهاية نحن مسيرووون ولسنا مخيرووون الحياة تمشي بهالمنطق

الدفع الرباعي
اخترت هالاسم لأن واحد عزيز على قلبي كان يستخدم هالمفردة فحبيتها اصلا الاسم شوي غريب وكل ما اشترك في منتدى يسألون أنتي بنت ليش هالنيك نيم , وانا اقول الناس اذواق

الأشياء المفضلة
الخيل ... الخيل والبيداء تعرفني هههههه ، الورد بأنواعه وألوانها : الابيض، الاحمر ،الأصفر ), طبعا أحب الشعر (انا قارئة للشعر ولست بشاعره) ، صنع المقالب بس ما لقيت حقل مختبرات , أحب البحر والبر ، البرامج الوثائقية خصوصا اللي تتكلم عن عادات وتقاليد الشعوب ، الاخبار ( ما ادانيها بعيشت الله ) واحب المسلسلات الكورية التاريخية(مش المتطورة)
الشعراء المفضلين
حامد زيد وقصيدة (الجمهرة ), ساحر الشعر سعد علووش ( مرتبة الشرف ، المنحدر ،الوداع)، فيصل العدواني (نرجسية)، حمدان المري (السفر)، بن الذيب العجمي ، بن فطيس المري ، تركي الميزاني ، وفي قصيدة للباسل (غريبة )، نزار قباني ، أمل دنقل .............ألخ
شيوح أثروا فيني
الشيخ عبدالمحسن الأحمد (يهزني من الاعماق ) ، سليمان الجبيلان والبروفسووور احمد ديدات

كلمات سمعتها وللحين عالقة في ذهني
*******كله عند العرب صابووون .........معلمة الفيزياء*********
******* ما كنا لننجح اذ ما فشلنا **********
******* علينا أن نقبل الحياة كما هي ********
******** عش في الدنيا كأنك تعيش أبدا وأعمل لآخرتك كأنك تموت غدا******
******* ترا مو كل من دق الصدر رجال ***********
********* لا تأسفن على غدر الزمان لطالما رقصت على جثث الأسود كلاب
لا تحسبن برقصها تعلو على أسيادها تبقى الاسود اسود والكلاب كلاب******


أشاء أخاف منها
أخاف يووم أسوق السيارة :::::::: أخاف أطلع وما ارد البيت(أخاف اودع الدنيا )وعالعموم محد يحب الموووت، أخاف من القادم الأقوى ، أخاف ربي يعاقبني على سلبيه فيني (سررررررر ما بقولها )

أمنيات
أمنياتي ما تخلص أحتفظ فيها لنفسي بس أمنتكم ( أدعوا لي بالتوفيق والسداد ، واني اعدي امتحان الايلز على خير بعيده على آخر ثلاثة )


أشوفكم على خير مع التكملة

الدفع الرباعي

( تعجبت ، وسألت نفسي وش هالمشاعر اللي احس فيها بعض الأحيان )
شي جميل يوم تلقى واحد يحبك بجنون يموت اذا شاف دمعه في عيونك ، يعرف من عيونك اذا انت مستانس ولا متضايق ، يفزعلك بكلمة : لبييييييييييييييييييه قبل لا تنطق اسمه

لي عودة إن شاء الله
أسألكم الدعاء لي بالتوفيق والسداد
لاتنوسوا اجر الدعاء في ظهر الغيب

الدفع الرباعي

أكيد كل واحد منا ماضي جميل يحن له مابين الوقت والآخر ، ومهما كان الحاضر جميل لابد أن يكون الماضي هو الأفضل والأجمل ، طبعا أنا أتكلم عن مضمون الماضي ، أتكلم عن المبادئ ... الأخلاق ......الذكريات ......البساطة اللي كنا نعيشها ، أتذكر يوم كنا صغار ( طبعا أنا للحين صغيرة ههههه بس أتكلم يوم كنت أصغر) كنا ما نحاسب ع كلامنا كل شي يطلع بعفوووية مطلقة ، ما نخاف نتكلم مع أي حد في أي موضوع ، وما كنا نتكلف في لبسنا إذا سرنا مكان أو قابلنا أي حد ، كانوا الجيران عايلة وحده بيتنا وبيتهم واحد عيالهم 24 ساعة في بيتنا ونحن في بيتهم ، أما الحين ما نعرف من يسكن عدالنا ( نعيش غربة وحتى ونحن بين أهلنا ) ........ أي حياة هذي اللي كل واحد فيها اللهم نفسي ................ ناهيك عن الأخلاق اللي انمسحت من الجذور .، أعراض تنتهك بكل بساطة وقدام الملأ ولا كأن شيء صار ( الحياة فرررررررررري ، الحياة وردية ) ،،،،،،،، احس ان الحياة في هالزمن مثل اللي عايش في حلقة مغلقة يحاول الخروج منها ...لكن كل محاولاته بائت بالفشل ::::::::::: وطبعا الماضي بالاضافة للي قلته ذكرياااااات ، وخصوصا ذكريات الطفولة ............ أتذكر كيف كنت متمردة على أهلي وخصوصا على أمي كنت أعذبها عذااااااب هههههه ، يوم أزعل منها أحط ثيابي في شنطة سفر صغيرة واقوالها : خلاص انتي ما تحبيني أنا ما أقدر أعيش وياكم ، مليت منكم ، خلاص أنا بهاااجر ههههههههههههه (متأثرة بالمسلسلات المصرية ) ، وهي تطنشني تقول ياهل الله يكملها بعقلها ، أنا اظهر من البيت واوصل للشارع ورجل توديني ورجل تردني ما يطاوعني قلبي وبعد معاناة طويلة أرد للبيت ( منزلة راسي ليش؟؟؟؟؟؟ أحس بإهانه هههههه ليش محد عبرني ) هالحركة سويتها مرتين بس المرة الاخيييرة سويتها وكان في مطر أمي خبرت عمي وظهر يركض وراي ههههه وعقب ضربوني (استااااااااااااهل ) ، أكيد بتقولون هبلة ::::::::::

الدفع الرباعي

لكي تدرك قيمة العشر سنوات .... إسأل زوجين انـفـصلا حديـثاً


لكي تدرك قيمة الأربع سنوات .... إسأل شخص مـتخـرج من الجامعة حديثاً


لكي تدرك قيمة السنة .... إسأل طالب فـشـل في الإختبار النهائي


لكي تدرك قيمة الشهر .... إسأل أم وضعت مولودها قبل موعده


لكي تدرك قيمة الأسبوع .... إسأل محرر في جريدة أسبوعية


لكي تدرك قيمة الساعة .... إسأل عـشاق ينتظرون اللقاء


لكي تدرك قيمة الدقيقة .... إسأل شخص فاته القطار .. الحافلة .. أو الطائرة


لكي تدرك قيمة الثانية ولكي تدري قيمة الجزء من الثانية .... إسأل شخص فاز بميدالية فضية في الأولومبيات وفي الأغلب يكون الفرق بين الذهبي والفضي أجزاء قليلة من الثانية


لكي تدرك قيمة الصديق .... إخسر واحد


لكي تدرك قيمة الأخت .... إسأل شخص ليس لديه أخوات


الوقت لا ينتظر أحد وكل لحظة تمتلكها هي ثروة وستغلها أكثر إذا شاركت بها شخص غير عادي


لكي تدرك قيمة الحياة .... إسأل عن إحساس من على فراش الموت


لكي تدرك قيمة ذكر الله .... مت وأنظر ماذا فقدت من عمرك وأنت غافل

.................................................. .............

(صدق من قال الدنيا مصالح , ، ما أدري هالناس كيف تفكر , بس اليوم تصفحت المنتدى ولا حظت أشيااااااااااااااااء ، وارتفع ظغطي )