مواقف البنات في المدرسة

ليتل قيرل

السلام عليكم
شحالكم ؟؟
انشالله بخير


حبيت أقولكم عن بعض المواقف اللي غالبا ما تتكرر عند طالبات المدارس

أدري أن كل اللي بيقرا .. بيوقف عند بعض المواقف و بيقول (( صح والله .. كان يستوي جي ))


** الموقف الأول

البنت : مس ما فهمت الدرس ..
المس : لازم ما بتفهمين وانت ترمسين ويا ربيعتج ..
البنت : طبعا تصخ

** الموقف الثاني

البنت : مس الجو وااايد حلو .. خلينا ناخذ الدرس برع ..
المس : انتن داخل ما تفهمن .. برع شو بتسون ؟؟ بتيلسن تطالعن البنات .. ماشي طلعة ..

** الموقف الثالث

البنت : مس الشمس فعيوني .. ممكن تبدلين مكاني ؟؟
المس : الشمس زينة حق البشرة .. انثبري مكانج ..

** الموقف الرابع

البنت : مس .. ممكن أشرب ماي .. أو .. مس ممكن أروح الحمام ..
المس : لا مب ممكن .. ما تشربين ماي أو تروحين الحمام الا في حصتي .. تحملي .. انتي مب ياهل ..

** الموقف الخامس

البنت : مس .. ممكن تطلعينا الفصحة وقت ؟؟
المس : ليش انشالله ؟؟ شو عندكن ؟؟
البنت : ماشي مس .. بس السندويجات بيخلصن ..

** الموقف السادس

البنت : مس .. ممكن تأجلين الامتحان ؟؟
المس: ليش أأجل الامتحان .. تراني مخبرتنكن من اسبوع ..
البنت : لا مس .. عرس ولد يرانا اليوم .. ما بقدر أدرس ..
المس: وولد يرانكم شو يستويلج عشان تحضرين عرسه ..
البنت : يستوي ولد يرانا .. و أمه ربيعة أمي .. وأبوه ربيع أبويه .. وإخته ربيعة إختي .. يعني لازم أحضر العرس ..


** الموقف السابع

المس : ليش ناسية الكتاب فلانة ؟؟
البنت : مس .. كنت أذاكر .. و خليته عالمكتب .. و نسيت أحطه في الشنطة .. عبالي حطيته أمس ..

** الموقف الثامن

المس : وين الواجب ؟؟
البنت : مس اليوم الصبح كنت أجيك عالواجب .. لقيت أخويه الصغير مشخبط عليه .. و الواجب صعب ويباله وقت .. و أنا جيكت عليه في السيارة ..

** الموقف التاسع

البنات عندهن امتحان
البنت : مس ممكن تشغلين المكيف .. حر
امس : الجو بارد ..
البنت : حرام عليج مس أنا حرانه
المس : ماعليه .. فجي الدريشة
ابنت : مس شمس ..
المس : أحسن .. اكتسبن اللون البرونزي
(( شكها المس متعاقدة ويا شركة تجميل .. عليها تسود البنات .. عشان يشترون منتجاتهم .. عقل تجاري و الله ))

** الموقف العاشر

المس : في الرحلة باجر .. مابغي شيل ملونه .. ولا نقشتها عودة .. و العباة مابغيها مخصرة ..
البنات كل وحدة في إذن ربيعتها : طااااااااف .. حتى ثيابنا بيتحكمون فيها .. والله يلبس اللي أباه .. ما عليه منها أنا ..

** الموقف الحادي عشر

في الامتحان
البنت : مس .. ممكن آخذ المساحة من مريوم ؟؟ ( أي اسم )
المس : عواش .. عطيها مساحتج .. أدريبكن تبن تغشن ..


** الموقف الثاني عشر

رن جرس الفصحة
البنات : مس .. خلاص طلعينا الجرس رن ..
المس : ما عليه .. خمس دقايق بشرح النقطة هاي و بطلعكن ..
طبعا نص الفصحة تفوت ..


أدري أن هالمواقف وااايد تستوي في المدرسة عند البنات ..
بس أتمنى أن حد من الأولاد يقولنا عن مواقفهم في المدرسة ويا الأساتذة ..
وبنات الجامعة يقولونا عن مواقفهم في الجامعة ..
و طلاب الجامعة نفس الشي ..

أتريا ردودكم لا هنتو ..

حبر و ورق

السلام عليكم ورحمة الله وبركاته

موضوع غير نقاشي
ينقل لمجلس المواضيع العامة مع التحية

نور المنتدى

مرحبا..

** الموقف السادس

البنت : مس .. ممكن تأجلين الامتحان ؟؟
المس: ليش أأجل الامتحان .. تراني مخبرتنكن من اسبوع ..
البنت : لا مس .. عرس ولد يرانا اليوم .. ما بقدر أدرس ..
المس: وولد يرانكم شو يستويلج عشان تحضرين عرسه ..
البنت : يستوي ولد يرانا .. و أمه ربيعة أمي .. وأبوه ربيع أبويه .. وإخته ربيعة إختي .. يعني لازم أحضر العرس ..

** الموقف السابع

المس : ليش ناسية الكتاب فلانة ؟؟
البنت : مس .. كنت أذاكر .. و خليته عالمكتب .. و نسيت أحطه في الشنطة .. عبالي حطيته أمس ..

هاي أكثر المواقف اللي تتكرر يومياً في صفنه
موضوع حلوو..تسلمين حجية
ألف شكر،




تحياتي ..
نـ ــور

ام سلوم

اكثر موقف يحصل ويتكرر دايم قدامي ايام الاختبارات
البنت.. مس ممكن أله حاسبة نسيت ألتي
المس..احنا كم مره نبة عليكم ماتنسون الادوات مافي أله .استنى لين الكل يخلص
..وتبدا طبعن المناحه في القاعه
بصراحه البنت ترحم الاختبار كوم والألة كوم
تقبلو مروري

شجون الشامسي

بصراحه كل هذي المواقف تصير ولا بعد ألعن عن هذي المواقف
ههههههههههههههههه
تسلمين على الموضوع

جدول الضرب

تسلمين اختي على الموضوع الممتع
وفعلا كل هامواقف اتصير وازيادة
الله يعطيج العافية

ليتل قيرل

مشكوووووورين عالرد
وشدوا الهمة يا شباب
نبى نجوف مواقفكم
ولا هنتوا

خيدر الامهاجر

تسلمين يا خت عله هاي المواضيع ونشالله نشوفلك مواضيع اخره

العصماء

ومن المواقف معلمة (بالسعودية )
شو ألي بالسبورة يامعلمة أسفة معلمة ممكن تقرين خطج موواضح أبد
المعلمة : شو أقرا ألي بالسبورة
الطالبة :اية
المعلمة : أي سطر ولا كلة
الطالبة : لا ألي على اليمين ,أو على الشمال ,وفوق ,تحت
وعلى هالحال
الله يعين المعلمات

عشير المحبه

اي والله احنا نعوووور راس الابلوت (احنا ازعج صف في المدرسه دوم تعهدات خخخخ)
وناااااسه يكون
caca