أرجوكم والله محتاجتكم

إدارة من غير مدير

أرجووووكم محتاجتكم جنبي يا مبدعين أرجوووكم أريد مساعدتكم في تنفيذ دورة فوتوشوب وفلاش للمبتدئين لأني راح أعمل دورة في مدارس للمدرسات أنا أول مرة أنطلب في التدريب وأرجوكم أبغى أثبت نفسي ويارب يوفق كل واحد يفيدني لأنه له الأجر في كل واحد يستفيد

راسي يابس

ليش انتي خايفه ..

omnyat

إدارة من غير مدير

مشكوووورة

M!~!@@JR

السلام عليكم .. اختي متى الدوره على شان نقدر نساعدك !!!


بس راح اعطيج نقاط... حطيها في بالج ..

اول شي خلي ثقتج بالله كبيره .. وادعي هذا الدعاء " اللهم اشرح لي صدري .. ويسر لي امري .. وأحلل قدةً من لسناني ...يفقهو قولي " هذا دعاء سيدنا موسى عليه السلام لما قابل فرعون



وثاني شي .. وزعي نظراتج بثقه على كل الحضور .. على شان الكل يكون منتبه لج ...


وثالث شي .. لا تروحين للتفاصيل العميقه جدا في الفوتوشوب .. انتي اعطيهم الاساسيات ...( نسيت اسأل كم مده الدوره ..يوم اسبوع ... او شهر ).... هذا راح يساعدنا كيف نساعدج



ورابع شي ... لا تخلين الملل يدب في الصف ... يعني سوي ربشه .. وحركه ... وسوالف ...





وهذا بعض الاشياء ياللي حبيت بس ابتدي فيها .. والباقي .. راح نمشي معاج خطوه بخطوه ان شاء الله ...

الله يوفقج ويسهل دربج


اخوك في الله
مهاجر

إدارة من غير مدير

يارب يخليكم لي والله صدق يوم أخترت المنتدى للمساعدة لقيت فيه مو زميلات لا أخوات لي

وهذه والمواضيع وياليت تختارولي الأفضل هي مدة الدورة لسه ما أتحددت بس أنا عندي موعد معاهم بكرة يوم الأربعاء ورايح يتحدد بإذن الله بس دعواتكم لي وأي خطأ عندي أو تعديل ياليت تقولولي ما في مشاكل وراح أكون سعيدة بالملاحظات

الفهرس
مقدمة ما هو الفوتوشوب
[1] .: شرح قوائم الفوتوشوب :.

[2] .: شرح صندوق الأدوات - صور + فيديو :.

[3] .: الاختصارات :.

[4] .: تركيب الفرش والفلاتر والخطوط والملحقات الأخرى :.

[5] .: شرح شريحة الطبقات - Layers Palette :.

[6] .: تأثير نصّي مثل الجوجل :.

[7] .: تأثير نصَي بكسلي :.

[8] .: تأثير نصّي - تذهيب + ثلاثي أبعاد - :.

[9] .: ثلاث طرق لصناعة خلفيات بسيطة :.

[10] .: تأثير الـ Gaussian Blur :.

[11] .: أنابيب ثلاثية الأبعاد :.

[12] .: صورة من تدرج لوني واحد :.

[13] .: صناعة ظل بطريقة احترافية :.

[14] .: جذب الأنظار :.

[15] .: طريقة مبتكرة لصناعة الخلفيات :.

[16] .: تصميم إطار بارز :.

[17] .: تصميم صندوق للبيانات :.

[18] .: 3*1 خطوط التلفاز + تنقيط الخلفية + إطار متقطع :.

[19] .: ست حشوات لتزيين التصميم :.

[20] .: إنشاء حدود ناعمة الأطراف :.

[21] .: عمل المكياج بالفوتوشوب :.

[22] .: الدمج بطريقة احترافية :.

[23] .: رسم كرة التنين - Dragon Ball`z :.

[24].: صناعة زرار زجاجي :.

[25] .: تصميم قنبلة كرتونية :.

[26] .: تصميم شعار برنامج الفلاش :.

[27] .: تصميم مشهد من تحت سطح البحر :.

[28].: تصميم خامة الورق :.

[29] .: صناعة الابتسامات أو الوجوه التعبيرية :.

[30] .: تلوين الرسمات الإلكترونية باحتراف :.

[31] .: محاكاة فلوبي دسك :.

[32] .: احترف استخدام الفرش - الجزء الأول - :.

[33] .: احترف استخدام الفرش - الجزء الثاني - :.

[34] .: احترف استخدام الفرش - الجزء الثالث - :.

[35] .: احترف استخدام الفرش - الجزء الرابع - :.

[36] .: احترف استخدام الفرش - الجزء الخامس والأخير - :.

M!~!@@JR

اسف طولت عليج اختي ..بس انتي ما شاء الله عليج ما تدشين غير الفجر ....لوول



على العموم .. الكثير من هالمواضيع ياللي تدورين عنها راح تلاقينها اهني في هالموقع " بعد اذن المراقبين .. يا ليت ما يعتبرونه دعايه لموقع .. "

انقري على هاللنك ياللي تحت

شامل نت: برامج ثيمات صور ايقونات جوال ماسنجر العاب فلاش تداوي بالأعشاب


فيه دروس حلوه .. وشرح للقوائم .. اختي .. لو هالدروس ما نفعت .. قولي لي .. وبرسلج مكتب بالانجليزي للفوتوشوب ....


على فكره .. ما عندي كتب كثيره بالعربي .. بس ان شاء الله راح اسوي ياللي اقدر عليه ..


والله يسهل دربج يا رب ...

إدارة من غير مدير

أختي أنا أصلنا ما أدخل الفجر بس صارلي أسبوع من يوم ما عرفت على الدورة وأنا ما أنام مو خوف بس قلق من ناحية عند إتقاني لإختيار الدروس وتوصيل المعلومة لأن كل إلي راح أعطيهم الدورة ما يعرفون شيء عن الفوتوشوب وبعضهم عن الكمبيوتر كله فأنا خايفة من هذا الشيء وعلى العموم ما قصرتي بس أنا إنجلزيتي ضعيفة يعني بدون كلافة الكتاب إذا إنجليزي فما راح أفهم شيء ياليت عربي ولك الأجر أضعاف لأنك تحاولين تساعدين الناس من غير مقابل وأنا على طول النت شغال عندي ما أطفية أبد غير وقت النوم وخاصة هل المنتدى

إدارة من غير مدير

صراحة وين الموقع ذا ما حطيته في بالي دايم أخشه وأخذ منه معلومات لنفسي ويوم جت الدورة نسيته مشكوووووووووووووووووووووووووورة بس هلى تنصحيني بدروس معينه هو كله مفيد وأنا حيرانه وش أخذ معليش طفشتك وياي

M!~!@@JR

هلا اختي


لووول ..أول شي انا اخ ..لول ..موب اخت .. وثاني شي الحمد لله اني قدرت اساعدج ..


بالعكس... الوضع بسيط .. وانا راح شرحه لج حبه حبه .. بس متى تبدا الدوره .. يعني اي تاريخ ..


وراح نبدى معاج خطوه بخطوه بعون الله .. لين ان شاء الله توصلين للي تبينه ..بس اختي .. ابا منج طلب ....



لا تفقدين الثقه في نفسج .. هذا اهم شي .. وياللي راح يكونون قدامج هم اوادم .. موب علماء .. ومرهم بسيط ولا تعقدين نفسج على الفاضي .. والمدرس لو ثقته في نفسه قويه .. التلاميذ يقون فيه .. والعكس صحيح ..


خالص الود