ديـــــوانــــيــَّـــة مــجــالـــس الــشـــعـــر

سراب الشارجه

شري يميزني

ابشري بالدرجات يا سلام انا لو يخلوني في برنامج شاعر المليون كان قسمت المليون على جميع المشاركين

سراب الشارجه

رباب // صديقتي من زماااااان ونحن جيران بعد

بدينا بالواسطه

سراب الشارجه

مطلوب مني قصيده عن الفراق هاي سهله ييت في وقتها

خلوني اروح اصلي العصر واعمل لي كاس شاي كبييير يعدل راسي
واشوف شو راح يطلع معاي


رباب// لا تنسين العشره والذكريات الجميله يوم كنا نجمع الثلج ايام العاصفه الثلجيه
\
في موسكو مب في الخليج

خويت الشوق

سلام عليكم ورحمة الله وبركااااته .. واسعد الله اوقاتكم بكل خير .. شحالكم وعلومكم؟؟! ان شاءالله بخيير؟! ..
الصرااحه طلعت صوره من النت وعيبتني .. ولانه الصوره واايد اتعبر عن اللي في خاطري .. اول مره اشوف صوره واعبر فيها ع شكل قصيده ..سو كتبت قصيده عليها .. وتعرفوون اني مبتدئه ف يا سراااب خفي عليه هههه .. بس يلا بمشي الحال ان شاءالله..

بخليكم مع الصوره شوي ..

http://shantetsafar.jeeran.com/files/83952.jpg


شوق.. وله .. حنيين.. حزن.. ظلام.. فراق..قهر..ذكرى سواء كانت حلوه ولا مره .. كل هالاشياء توحي في هالصوره

وهاي هي القصيده .. واتمنى تنال اعجاب الجميع .. همسه (فيها ركاكه فالوزن ادري خخخ)



وقفت لحظه وانا انظر واشوف ايمين وثم ايسار..
واشوف اطيوف اشخاصن وانا دموعي في عيني
مشيت شوي الين وصّلت هالكرسي ومسحت غبار..
وثم قعدت ع الكرسي واقول ياربي وش فيني؟!
مسحت دموعي ابسرعه بدون تفكير وبكل اصرار..
وقلت يارب ساعدني ترا هالناس تعنيني
رفعت راسي اشويه واشوف الشير كيف اكبار..
واقول حبي ترا اكبر وحبهم في شرايني
غمضت اعيوني وانا اسمع صدى صوته وانا محتار..
واقول ياربي اااه يارب متى بس بيجيني؟!
فتحت اعيوني والدمعه تسيل ع الخد مثل النار..
ونار اليوف اكبر من نار الدمعه وووحنيني
سرحت افكر بلحظه واقول ترا مهما صار..
ترا اظروفه الدايم هي الوحيده تشقيني
قمت من ع الكرسي واشوف الليت والانوار..
حياتي سوده من دونه ونوره بس يضويني
بعدها مشيت فالشارع بالاميال وبالمتار..
وانا اصرخ كسير القلب "وينك يا هوا سنيني"
(لحظه بس خبرني شو العلوم والاخبار)..
أي اعلوم واي اخبار .. بس منهو يناديني؟!
رجعت اشوف من نادى وتوديني هالافكار..
واقول اكيد حبيبي ياي عشان يشافيني
صرخت صرخه اقويه "حبيبي كاتم الاسرار" ..
وفجأه مااشوف اي حد وضيقة بال تسريني
رجعت امشي وهم امشي الين ما وصلت الدار..
وترا اي دار من عقبه .. تموتني وتحيني؟؟؟
دوا جرحي منى قلبي… ربي كاتب الاقدار..
وانا بصبر وبتحمل دخيلك لا تبكيني


سراااب .. هههههههه راعينا اشوي بالدرجااات لووول


تحياتي للجمييييع

سراب الشارجه

وعليكم السلام

يا هلا شري

بعد هالكرسي والذكريات والشير // يمكن ربعنا يقولون شو //الشير //الشجر

شو اقول انا وكم بحط من درجات

صبري عليه لين الحين ما ادري كم مسموح اخاف اعطيج فوق المسموح وتطيح النتيجه على راسي ويعطوني كرت احمر قبل عن يعطوني اصفر

بعد تعرفين // رائدة المستحيلات مول مانعه شي اسمه تفاهم يوم تعصب الله يستر بتوديني زنجبار

سما القصيد

وعليكم السلام و رحمة الله وبركاته..

..صح لسانج ..( شري يميزني)

..
وان شاء الله سراب تحط لج الدرجة الكامله..

.. سراب قلبها طيب..وما تخالف..

....

اخوي سعود..

بنشوف جوابك على سؤال اختي رائدة..

.. والحقيقة ودنا نعرف القصيدة..

......

..وبهالمناسبة..

..ياليت الشعراء اللي يكتبون في القسم ..يشرفونا

في ديوانيتنا..علشان نستفيد من خبراتهم الشعريه..

.. وما على الحاضرين قصوور..

.. لكن نفتقد حضورهم معنا..

.....

.. تحياتي لكم..

سراب الشارجه

سعود

راسك باقي طال عمرك

شو عليك اضحك مب يالس تجلب بالدروج تتووور على موبايل اكل الدهر عليه وشرب عشان تحط به البطاقه

باجر بشتري وااااحد يدييييد بكارتونه و معه شحن والسماعه بعد شو عيل
---------

عاد شاريه شي غير عن الناس كلهم يجون بالكارتون والشحن والسماعه

خويت الشوق

مرحبا اختيه سراااب ... انتي كريمه ونحنا نستاهل .. بس اتصدقين انا ما احب المجاملات.. حطي اللي اتجوفينه انتي صح وانه القصيده تستاهل هالعلامه ولا لاء .. واذا عند اختيه الكبيره رائده .. لا تحاتينها ههه فديتها هي طيبه خخخخ..

هلا والله سمااا .. صح بدنج فدييييتج .. خخخخ لا تحاتين ادري انه قلبها طيب .. وتراها ربيعتيه من زمااان .. صح سرااااب؟؟؟!



عيبني هالبيت وقلت بكتبه ..:
أنـــا مثـلك على كـل حال احب واشتاق واتوله .. واذا عنـــي غيابـــك طااال مكانك منهو يحلـه

سراب الشارجه

صـار الـفـراق اللي بـلا عد يا زين

*********** كنك نسيت اللي من البعد تعبان

وين المحبه وينها عشرة اسنين

*********** بعدك عذاب وانا من الشوق سهران

لـفـراق يبكيني كل ساعه وحين

*********** حتى على حالي يـبـكــون عربان

بي شوق فجر بي اكبر براكيين

*********** وانت بالفراق مرتاح تضحك وطربان

ان كان هانت عشرتي قلت آهين

*********** ماله الهوى قاضي ولا حكم سلطان

اروح اشكي لـمـن الله لي يعين

*********** على حـكـم ظـالــم انا في هيمان

يـلـعـب على قلبي لعب البزارين

*********** يغيب عني اشهور ولا شي قد كان

وان قلت له مشتاق قال بعد يومين

*********** كملي الـقـصيده وانا بختار عنوان

مدري بك صاحي او ما المجانين

*********** بشوف لك مطوع دخلوا بك الجان

يمكـن يـرد عقلك وبعد الجفا تلين

*********** وتـرجـع مثل اول واتـقـول غلطان
---------------------------------------------------

والسموحه قلت الكلمات بتكون سهله وطلع مخي مقفل

خويت الشوق

ياااااااه رووعه رووووووعه .. الصراااحه يت في وقتها .. الصرااحه طررر.. بدون مجامله والله .. صح السااانج صديييقة الصدوووقه (مصلحه) .. لا حليلي ..