|
|
|
|
|
|
||
| إعلانات منتديات ألم الإمارات |
|
|
|||||||
| مجلس يوميات الأعضاء مجلس مخصص ليوميات الأعضاء فقط ، وبإمكان العضو المشاركة بموضوع واحد فقط على أن لا يخالف قوانين المجلس |
| كلمات البحث |
| flavors |
 |
|
|
LinkBack | أدوات الموضوع |
التقييم: 
|
طرق العرض |
|
#1
04-19-2008, 04:16 PM
|
|||
|
|||
♥. . Flavors
{ مـدخـل . . . ~
• • مجنونْ بِكْ وأعترفْ لِكْ صِرتْ مجنونِكْ لا الذنبْ ذنبِيْ ولآ ذنَبْ الهوىْ ذنبِكْ - - - -  عــدنـــا والـعـــود آحمــد ـو شلـونكم ياآهل اليوميـات •• آدري آدري أشتقتوا لي بس خاينكم التعبير ومب عارفيـن شلون توضحون •• آآشتــقــت لهلـ قسم مـوت صرآحه واليوم طقت براسي أرجع أفتتح يوميات يديده خاليـه من سوالف اليهال اللي كانت بالاوليـه «« كلش يالكبيره هع  عاد عنـدي سوالف وآآآيـــــد من كثرهـا مادري متى بحطــهـا بس يلا بالأيام الجايـه راح أتحفكم بالجديد ..« خفي علينـا ع العمـوم ماأبي أطول عليكم من البدايـة ولي عودة في وقت لآحق - - - -  • • S e e U ~ ..مـخـرج } لَوْ كِلْ هالنَآس بعيونيْ يشوفوُنكْ انْ كانْ ذآبْ بٍغلآكْ العَآلمْ وحَبِكْ
|
|
04-22-2008, 12:38 AM
|
#2 | ||||
|
....................................{ الـ,,,ـلآم عليـكم }
أدري بكم تقولون وينها ذي فتحت يوميات ولا عاد شفناهـا بس هذاني رجعت طليت عليكم من يديد كسرتوا خااطري أحسكم قاعديـن بالظلام الدامس وأنا باخله عليكم بشعاع نور «« أخلصي علينا  أقول ... مب ملاحظين شي علي .... صايره وايد اهتم بتنسيق الألوان وحالتي حاله الظاهـر هذي البدايـه بس علشان تنفتح نفسكم لتعمق بالباقي والياي الله يسـتتـر منه  ¨ ¯¯¯ ¨¯¯¯¨ • • اليوم بالمدرسـه كان يوم شبـه حافــــل .... ومن أبرز الأشياء اللي صارت أأني أبتديـت أشتغل بالـ ساعات المجتمعيـه واللي هي عباره عن " 10 ساعات " يكرفوني فيهــا ..بس طبعا موزعه على آيام الأسبوع ....  وبما أنه أنا وربعي تونا أول سنه ثانوي ماندري شنسوي ومانسوي أخترنا نكرف داخل المدرسـه مافينا ع الكراف برى .... وخمنـوا شـ شتغلت لحـوظـتكم ؟؟  » أبيــــع كتـــب بالأسبوع الثقـافي اللي أبتــدى من يوم الأحد « صراحه وبأمانه الشغله مريحه أوي أوي .. مرتزهـ على الكرسي وجدامي الطاوله كلهـا كتب وقصص للأطفال < وحطوا تحت أطفال مليون خط  ... واللي تبي تشتري حياهـا الله واللي ماتبي الساحه شكبرهـا تروح تسرح وتمرح بعييد عني .....  طبعا والشي الأريح بشغلتي هذي أنه ولا وحدة تفكر تشتري كتاب مني ... تدرون ليش لأنهـا كتب يهالوهـ وتعتبر أهانه لهـا لو شالت كتاب عليه صور كرتونيـه سخيفــه ومن دااخل قصـه قصيره وآآآآيــد كل صفحه فيهـا جمله أو جملتيـن بالكثيــر وحاطيـن لج صورة شكبرهـا ينقال لها تفتح النفس للقرايــه  بس بنفس الوقت أحس روحي مفتشله .. لأنه الساحه مليانه بناات رايحيـن راديـن .. يمرون صوب « س » يشوفون البضاعه <-- متعوب عليها هع هع ويشرون من عندهـا لأنه القسم اللي هي تبيع فيـه عباره عن روايات وقصص عالميـه وماأخش عنكم أني قاعدهـ بمكاني وعيني ع الروايات اللي عندهـا خاطري أروح أطخ لي كتــاب عن خاااطري ,,, بس شغلي حابسني بمكاني <-- ماتحسوني عايشه الدور بقوهـ  بينما رفيجتي الثانيـه كانت الكتب اللي عندهـا عباره عن كتب دينيــه وفي بنات يجون يشترون منهـا ... آما أنــا  قاعده حالي حال الكرسي اللي تحتي ... ولا حد يمر صوبي آبداً من يشوفون أول كتاب بقسمي يقولون الكلمه الشهيره " لا لا ذولا حق يهالوهـ  " < هع هع هع من الآحراج قلت حق الـ M!Ss المشرفه علينا ..." مس محد يشتري قصص يهال ! " عطتني أبتسامه مادري شقصدهـا منهـا وهي رايحه ... أظنهـا تقصد " شوووفي شغلج وأنتي ساكته بس  " يلا كل شي يهون علشان الـ 10 بالميـه اللي راح تنـضـاف لنسبتي بأخر الســنـــه وله لولا الحاجه حاان ماأشتغلت بياعه أخر عمري ... ¨ ¯¯¯ ¨¯¯¯¨ • • تصدقون ودي بشنو !ودي أغمض أفتح ألاقيني غايبـه باجر ,,, <-- مخططه الأخت صح أحس مالي خل أروح بااجر .. ودي أرقد على كيفي وأقوم أجابل النت وله التلفزيون أو حتى الـ D V D وأتنقل من فلم ليـن فلم بدون لا أقول " آوووووف باجر مدرسـه " ¤ متى تجي الأجاااااااااااازهـ يارب ¤ باقي وآيد على شهــر 6 ...  آآآييييييففف <- مانقدر ع الدلع . . وو .....! بس هذا مافي جعبتي لليــــوم ... آشوفكم وقت ماأتفرغ خبركم صرت بزنس ومن  ماعندي وقت فراغ وآآيــد <--لا ينط لج عرج بس آآآآيــه وعلى فكــرة قبل لا أطــلع قريت من جم يوم بملف الورد مال أوخيتي الصغنونه قصيــدة أعجبتني مــووـت قلت أشارككم فيهـا بالمرهـ يمكن تعجبكم ... مثل ماعجبتني ومع هالقصيــدة أختم هاليوميـه على آمل اللقاء بكم في يوميـه آخرى ..... دمتم بود <  • • كل شبر بهالوسعيـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينةوالحياء فـي البنـت زيـن وفيـك آجزم لا ركـادة ولا حيـاءٍ يـذكـرون تعرفينـي أعرفـك ؟! مذكـر إنــا ملتقـيـن لا أعرفك من تكوني و لا تعرفي مـن أكـون وإطمأني أن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـادريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإلي ماشتروا يتفرجـون وإذا ع البال عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا ؟ أسألـك ! ولا مانـك تسمعيـن قالوا ربعي ذي كفيفـة قلـت لا لاتمزحـون !!! لين شفتك يوم رحتـي يمسكونـك باليديـن ما دريت إلا عيونـي أربـع أربـع ينزفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون قلت سنّـةهالحيـاة وحـن ترانـا مؤمنيـن الله اللـي مسيّرنّـا بيـن كافـ وبيـننــون وكل أبونا نختلف مع إننا مـن أصـل طيـن سبحان يلي مصورنا ولله في خلقـه شـؤون يعني حنا كل أبونـا عـاد إسمنـابنادميـن وليا قضى ربك أمر وقـال لـه كـن فيكـون فينـا يلـي رازقه خيـر رب العالمـيـن وفينا يلي هو لعطفه بحاجة القلـب الحنـون وفينا يلي مـا شكـى مـن علـةٍ كالآخريـن صـمٌ وبكـمٌ و عمـيٌ فـهـم لا يفقـهـون بس قليل عـاد فينـا للنعـم هـم شاكريـن والله يرزق هالخلايق من حيث هم لا يعلمون وتدري عاديالكفيفة حنا تراى متشابهيـن وإن ما نعمت أبصارنا القلوب أهـم إلي يعتمـون يالكفيفة يالعفيفـة إن قلـت آسـف تقبليـن يغفر الله ذنوب عبده ليا خطا وهـل تغفـرون • • 
|
||||
|
|
|
04-27-2008, 09:42 PM
|
#3 | ||||||
|
مـسـاؤـو
乂 乂 乂 تصافينا بعد غيبة وبين حبه وطيبه فديته ماقدر يبعد فديت الشوق في قليبه رجع لي  وفي يده وردة يبي فيها يراضيني ومن فرحي انا فيها تحدر دمعي من عيني انا ادري بيرجع لي وبكل لهفة تريته وعاد في وسط قلبي كأن عاد في بيته ملك روحي وملك عقلي وغدا حبه مثل ظلي ولو جيت احكي عن زينه شقول انا و شاخلي ؟؟ 乂  توني ماكلـه أندومي ... ميـن يبي ..؟؟ لحد يستحي .. اللي يبي يـقول " أنــا "وراح أطرش لـه على طووول بالفـاكس ... . . طبعـاً حضرت جنابي مارحت المدرسـه اليوم من جذي تشوفون مزاجي عال العـال متفرغـه وماعندي شغله غير الدوارهـ بشوارع النــت من الصبح ... ومن منتدى لمنتدى ,,, بس أأخر شي أرجع هني وأدور بقسم القصص أدور شي يديد ... جزء ! أو حتى قصـه يديدهـ توها نازلـه علشان أأقرى وأتحمــــس ......... أقول لكم مادري شبلاني هالأيام على الروايات المترجمه .... صايــرهـ تـوصلي رفيجتي قصص من عندهـا وأأنــا شغاله قراييــه ... بس صراحه أخر قصه قريتهـا قهـــرـرـرـر ... ورفع ضغــط رغم أنهـا حلووووووووووووهـ موووتـ طبعا مافيها حب وماحب ... لا .. أجاثا ماعندها وقت لهلـ خرابيط .... أأكيد من قريتوا أسم الكاتبـه عرفتوا القصه تتكلم عن شنو .... آآيـوووهـ شاطرييين  .... القصه كلها أكشن وجريمـة قتــل وتشويق و و و و .... ألى أخرهـ وبيني وبينكم أنـا مب وي هالقصص .. لأني متعودهـ على حبني وأحبك بس من قريت هالروايـه تلخبطت علومي ...... أسم الروايـه .. وأختفى كل شي ..... وصج أختفى كل شي شوفوا بعطيكم نبذه عن البدايـه علشان لا أحرق باقي القصــه ... واذا فكرتوا تقرونهـا أنصحكم ... حطوا أعصابكم بثلاجه ...... لأنه الأحداااث راح تولع بالأخييير وماأنصحكم بالتحمس الزايد لأني بغت تضرب فيوزاتي لما خلصت القصـه هع هع آحــــم .....  الله يسلمكم ذولا عشــرة أشخاص كل واحد مرتكب له جريمه من زمااان وناسيهــا وطبعا جريمه مايعاقب عليهـا القانون ... !! بتسألوني شلوون ...؟ بقول لكم .. مثل الجرايم اللي تصيير ... بس المحاكم ماتقدر تسوي شي ولا تصدر حكم بدون دليل ... وللأسف هالدليل مب موجود ..... فــ يتسكر هالملف بدون مايأخذون جزاهم ... عاد في وااحد مهووس بتطبيق القوانيــن راح تطق براسـه يجمع هالمجرميـن الـ10 واللي كل واحد له برستيجه بالمجتمع ... على جزيره هنديـه محد فكر يطب أرضهــا ... ألا بالمناسبات .... وهنااااااك بيصير اللي ماتوقعوهـ .......... وعلى فكرهـ ... قاتلنـا مايذبح عشوائي وبطريقـه عشوائيـه ... لا .. الشيخ حاط أغنيـه هنديــه وشغال ذبح على نفس اللي ينذكر فيها ,,, واللي متذكرته من هالأغنيـه ... " سهــر عشرة صبيـه هنود .. نام وااحد وبقى تسعه " < الموهييييم خلونا من هالقصــه ...... . عندي تقـيـميــن من ثنتيـن عســـل ربي يعافيكم على هالترحيب ....
 ويخليـهم لي بروووحي بس <000 اقتباس:
 ماأنحرم منج ياربـ ..اقتباس:
 • • B • R • B ~ يمـكن أرجع يمكن لوء .. يعني لحد ينطرني < ياواثق ~
|
||||||
|
|
|
05-09-2008, 12:20 PM
|
#4 | |||||
|
صباح الخير والأحساس والطيبـه صباح مايليق الأ بأحبابي
 وربـي مـآ تغيـر شي آنـآ نفس آلجنـون آللي غلب علي { عقلت شــوي .. هديت شــوي طبيعـي .. يمكن لأني كبــرت شــوي !!}  مزاجي اليوم عال العـال مرووقـه من قلب بهلـ الأيام اللي راحت كنت ماغير مجابله الكتب وأأدرس لأمتحاناتنـا الغثى والحمدالله أفتكييييييييييييييت حمل وأنزاااااح وخذيت درجات الـ " الأجتماعيات , العلوم " والحمدالله جاايببببـه علامات ترفع الراس أما باقي المواد راح يخلص تصحيحهم يوم الأحد وبأذن الله ناااجحــه وأدعوا لي أقدم زيــن بأمتحان الرياضيــات ,, خااايفـه خووف مب صاااحي  أقول لكم أول أمس صارت هوشــه بالمدرسـة ««-- مابقى حد ماقلتي له تدرون شنو رجفت من الخرررعـــه أول مره بحياتي أشوف هوشـه جداامي بالضبط العاده أشوف من بعييييييييييد بس هالمرهـ .. أمام بؤبؤ عيني بالزبط  مايفصل بيني وبينهم ألا كم متــر !!!  بويات مع ثنتيـن خوات بس صراحه عجبوني الخوات وحدهـ تعطي كف والثانيه تسحب الشعر مادري شسبب الهوشـه ,, بس اللي أعرفه أنه الهوشـه خلصت لصالحة الخوات ... « مسحوا بكرامة البويات الأرض ,,,, « أأحســن .. وعقبال كل بويـه ياااااااارب صراحه أنا وحدة حااقده ع البويات وكل اللي يعرفوني حافضيـن هالشي أأكرهم أأكثر من كرهيي للزهيويه « وأنتوا بكرامة » <-- خووش تشبيـه والله «« قدرهم !!   وصلني ع الأيميل من كم يوم كركتيرات شكثثر ومن بينهم هالكركتييييييير شوووفوووهـ  صج لا قالوا أصحاب العقول فـ راااااااحــه صراااحه أشفق على هالعالم اللي تصدق خرابيط قنوات السحر والشعوذهيعني بالله كلامهم أشــكــرة مبيـن شلخ ! شلوون يصدقونهم ؟ ذولا واحد من الأثنيـن ياأما أغبياء ... أو يستغبوون ..!!  الحمدالله على نعمة العقل اللي نعرررف منهـ الصح من الغلط والشيـن من الزيـــن واللي أستغنوا عن عقولهم ربي يعينهم صراحه !!!  آآيــه قبل لا أنســى هذا تقييم وحييد وصلني وربي يعااااااااااافي صاحبته اقتباس:
منووورهـ ياقلبي والله ,,  .. أورفواار ..
|
|||||
|
|
|
05-10-2008, 03:25 AM
|
#5 | ||||
|
مزحك ماهو وقته
/
/ وش بقى لي غير دمعٍ بعد ماهم .......... غسلوك ؟! وش بقى لي من فقدتك [ غيـر ] صـورة لـك فبالـي آه لوّ تحس فيني بعد ماهـم .......... كفنـوك !!؟ كنـت [ اهـزّك ] قـوم يالله إمسـح دموعـي ياغالـي قوم مزحك ماهو وقته بسّك انته .......... واحملوك !! وصرت اتمتم [ ويـن رايـح ] ليـه تتركنـي لحالـي ؟ هذا يضحك لسّـه عايـش وفجـأه عنـي [أبعـدوك] !! ليه عني تبعـدووووه واهـوا مستانـس قبالـي !!!؟؟؟ رد ياثوبـه [ علامـك ] ليـه تـرضـى يشلـحـوك ؟ أحتضـن ميـن فغيابـه ثـوب [ مرمـي ٍوخـالـي ]؟ ربــي إرحمـهـم عـبـادٍ كـبـروك وعـظـمـوك ربـي ماهـو كفـر منـي ربـي إغفـر لـي هبالـي . / / لشاعرة : الهنوف بنت خالد
|
||||
|
|
|
05-11-2008, 10:02 PM
|
#6 | ||||
|
وأنطـفـت الكهـربـــآآ
  سلامـن عليـكن ياأأهل اليوميـات  اليوم قدمـــــــت أأخرر أمتــحــان بالوحده الثــانيــه وعقبال ماتجي أمتحانات الوحده الثالثـه وأأفتــك وتجي الأجاازهـ وأعيــــش حيــاتي بالعرض والطـــوولـ ,, بس أول مارجعت البيـت لقيـت باب الصاله مفتوح على مصراعيـــه والجماعه متيمعيـن بالصاله ... ليش .. شسالفه .... " الكهرباء بنـــدت !! " تشمت فيهم شمااتــه مب طبيعيــه خبركم توني راجعه من المدرسة وشبعانه برااد ليـن قلت بس ... والباص مايقصر بالبروودهـ تقول العامله لراعي الباص قصر ع المكيف يطوووووول زياادهـ ... ههع جنه يعــانـــد .. المهم قعدت بالصاله بالعبايه والشيله وحالتي حاله وأبتديت أسرد عليهم أحدااث يومي الشاق وأأأشك أذا حد فيهم سمعني لأنه كل وحده متعكر مزااجـهـا من الحررر ....  المووهييييم .. بعد 10 15 او 20 دقيقه من وصولي ألا الكهربا تشتغل أنقزوا وصاروخوا وحالتهم حاله وسكروا البيبان ودشوا ركض دااخل وأنا رحت داارنا أبدل ,, وأختي وراي ولما لبست جلابيتي الحبيبـه ألا الكهربا تبند للمرهـ الثانيــه  وجان أفطسسسس ضــحـــك من يديد وعليآ على حالهم يعورن القلب هههع كانــوا جذي >  < صاروا جذي > <رجعنا قعدنا بالصاله وفتحنـا البيبــان وبسطنــا ..... وكل وحده تنافـــخ ومتملله ليـن أمي أستسلمت وقالت بتتصل على بيت خالتي نشيل قشنا ونرووح لهـــا ,,, كلمتهـا وأتفقوا على كل شي ... وقالت أمي منـا ليـن الساعه 4 .. ماأشتغلت الكهرباء جينــاكم تمينـا قاعديـن ومايمدينـا نسكر من عند خالتي ألا الكهربا تشتغل < طلعت فيهـا نذاااااااااااااااله هالكهربــاا عاد أمي أستانست وقالت خلاص مابنروح ... توهـا بتخطي خطوهـ لداخل ألا والدنيــا تصير ظلام داامس <-- تبالغ ماعليكم  عاد أمي هني وخلاص عصبت .. فطست حررر يافديتهـا .... وذولا يلعبون فينــا راحت أتصلت مادري ويـن وسألتهم عن الكهربا ألا يقولون أنه برى مسوين حفريات مادري شبلاهم وشكلهم قطعوا سلك .. .. وقطع الكهربا ع الفريج كله مو بس بيتنـا ,,, ويقول الشيخ .. " ساعه ساعتيــن وحتشتغل الكهربا ياستي  "المووهييييم أنا عصــبــت وقعدت أدعي بقلبي ماتشتغل الكهربا علشان نروح بيت خالتي وأشوف المسرحيـه اللي قالتي لي عنهـا " س " .... تحمست لهـا موووووووتـ ,, بس للأسف ماحصل نصيييب لأنه بعد أقل من ساعه أشتغلت الكهربا ومارجعت طفــت وتكنسلت الطلعه باللي فيهــا ,,  صج لا قالوا .. تجري الرياح بما لا تشتهي السفـن < عافينا بسكوتج واللي يرحم والديج
|
||||
|
|
|
05-16-2008, 08:59 PM
|
#7 | ||||
|
في بيتنـا متطفل !!!!!
مســاؤو.......
جايبله لكم خبررر طاازج صارت حالـة طواارئ بالبيــت من شوي صراااااااخ وصياااااااااح وحالتنـا حااااالــه للحيـن أرجف من الخرررررررعـــــــــه  كنت قاعدة أأهذرر مع بنت خالتي ع التلفون ماخليت شي ألا وقلته لهــا وصوت ضحكي يسمعه أأخرررر بييييييت بالفـــرييييييـــــج ,,,, يعني بأختصار كنت مرووقــه لحد ماسمعت صرخت أختي بالصاله ... وصرخه مب هينه بعد صرقعت أأمي ,, ومانسمعهـا ألا تقوووول " يمــــــآآآآآآآآآآآآآآآآآآآآآآآآآه بريعصيييييييي " < هذا حيوان مادري حشرة زااحفـه قمة بالقرررف ربي يقرفــه ,,, وأقل من ثانيـة ألا هي معانا بالغرفة وترجف من الخوف طلعت أمي ونادت الخدامة وشمرواآآ أسلحتهم للقضاااء علييييييـــه  الخداامه ماسكه المخمه وأأمي البف باف < عبالهـا ذبانه هو وله زهيوي الله يعزكمم !!!!مادري شصاار برى ماسمعت غير صوت الـ بف باف وعلى طول وراااهـ صوت المخمه " طاااااخ " وصررخت أأمي ..... جااان تسكر أأختي الباب بقووووووه وتناااقز خااايفه خبصتني معاهـا ماغير بنت خالتي ع التلفون " شفيييييييكم !! وشفييييييكم " قلت لهـا بريعصييييييييييي ,,,, ماتت ضحك وتطنزز < أأيه اللي يده بالماي مب مثل اللي يده بالنــاااار ماوعيت ألا أختي فاتحه حلجها على كبره وتصيح ,,, ونسمع صوت صرااخ برى ونشاركهم أنا وأختي الصراااخ ,,, واقفيـــن فوق السرير من الخرعه ,,,, وآآخر شي دشت أأمي مختبصــه وقالت : راااح المطبببخ ,,,, جات الخدامة ترجف من الخرعه مب قادرة تتحركـ ,,, ورجعت مره ثاني تحااااارب معاهـ بالمطبخ وأحنا قاعديـن نهدي أختي اللي أحشرتنــا وتصارخ وتصييييح وتقول " ضبب ,, واللله ضب مب بريعصييي !! "وعن نفسي كنت ماغيرر أأرجف وأأسكتهـا ماقدرت أأنطـــق قلت لبنت خالتي بسكررررر ماأقدر أحجي سكررررت ,,,, وجييييييت غرفتنـــا بعد ماتطمنـا أنه السوبر خدامة ذبحته ولعنة والده والديـه وتوهـا مطلعته برى وقاطته بالزباله اللي برى " الله يعزكم "  بس للحييييــن قلبي يرقـــع !!! مع أني ماشفته بس مجررررد أني سمعت طااريـــه آحس بخووووفـ ماحصلشششش
|
||||
|
|
|
05-16-2008, 09:13 PM
|
#8 | ||||||
|
تقيمـاآآآتـ
.
. تقيميـن وصلونـي وربي يعافي هالأصابع اللي طقطقت ع الكيبورد و وسعت صدري ,, اقتباس:
اقتباس:
|
||||||
|
|
|
05-26-2008, 02:10 AM
|
#9 | ||||
|
الـمــود : أنــواع الزفـــت ...  لا ٺۺٺڪي للناس لاضاق بالڪ الناس ماٺملڪ مسره ولا ياس الناس مثلڪ حالهم من حالڪ والڪل من مر الليالي ۺرب ڪاس ولا ٺحسبنڪ بالٺعاسه لحالڪ اعرف ٺرى عايۺ معڪ بالۺقا ناس . . . 
|
||||
|
|
|
05-31-2008, 11:15 PM
|
#10 | ||||
|
هــذرهـ × هــذرهـ
الـســلآم عــليـــكم ياآهـل الــدار   من جـمــان عن الهــذرهـ ,,, والشخبطـه باليوميــات .. آحس المكان غبببببررر .... يلا .. شويـت تنظييف ويصير زي الفـــل .. بمـا أني مروقـه اليوم .. بعد سلسلة من الأيام الكئييبــه اللي أنا نفسي مادي أشـ سببهـا شكلهـا نفسيتي كانت عايفـه الوناســه والضحك وحابـه تجرب النكد والهم شوي ,,, ماغـــيـــر منكده على نفسي وعلى اللي حولي <-- الله لا يبتليكم بهلـ نفسيـه الغريبــه يقولون تصيير للبني أدم مرهـ كل 10 قرون <-- يازيـنج ساكته تــرى ماعندي سالفــه .. ولاني جايـه وفي جعبتي سوالف بس جذي تصفحت يومياتي القبليـه وحنيتت لأيام الخبال قلت أأكتب شي وبالمرهـ أنظف المكااان ,, ويمكن تطلع سالفه مني ولـه منااك ...!! المـهم خلوني أقول لكم عن أخباري المدرسـيـه ,, وبعدهـا أقول لكم شمخططه للأجاازهـ اللي أنتظــرهـا بفــآآآآآآآرغ الصبــر يلا نبــدأ بسم الله ..... آحــم .... كــح كــــح <-- صحـه على قلبي يافديت قلبي وقلب اللي خلفوونـي  آخبــآري المــدرسـيــة اللـه يسلمكم أنــا مبتلشـه ببروجيكت حق الرياضيــات ,, ومب عارفـه شلون أسويــه ..!! المـس بكــل وحــده تطلع لنــا بروجيكت شكل ,,, وهالمــرهـ طالعه بـسـالفـه يديدهـ ألا وهي تبي منـا نسوي قاموس رياضيات ,,,  بتسألوني شلون ,,, بقول لكم .... اللي فهمته أنه نسوي نفس قواميس أمة محمد ... نحط حرف الـ A ونصف تحته كل الكلمات اللي تبدأ بهلـ حرف ,, وحرف الـ B ونصف تحتهـ كل الكلمات اللي بهلـ حرف وألى أخرررهـ ,,, بس الفرق أنه مانحط معنـى الكلمة تحت لا ,, تبينا نحط مسألـه تحت كل كلمة علشان نوضح معنـاهـا <--  آووووووووفـ ,, أحس روحي بعاني معانـاهـ مافي مثلهـا ... بس يلا ,,, الله كرررريـــم .. آيـه قبل لآ أنســى ,, بسـألــكم لو في وحده معاكم بالمدرســة وجودهـا مضايقكم ,, وماتبون تجرحوونهــا وودكم أنهـا تفااارج ولا عاد تشوفون ويهـا من يديد بس زوود الذرابــه مخليتكم مستحمليـنهــا .. علشان لا تنحرج ولـه تشيل بخاطرهـا ,,,, ... شرااااح تسوون ؟؟ <-- اللي عندهـ حل يسعفني فيـه بسرررعــه .... ترى نفسيتي تعبت... مخــطــطـــآت  24 - 6 <-- يوم الفررج والفكــه من المدرســــه أدعولي بس أأنــجــح وأرووح ثــانـــي ثانوي .. يآآآآآآآآآآآي ماأصدق ,, آآحس روحي أمس كنت بالأعداديـه وغمضت وفتحت صرت بأول ثانوي وبعد كم شهـر بتسكر المدرسـة ولما تفتح بأذن الله بأذن الله بأذن الله بكوووون ثــااااااانـــي والله وكبرتي يالحووظــه وبعد سنتيـن دااشـه الجامعه أن شالله من اوسع أبوابهـا <-- هههههع عــاد أنـا بالاجازهـ عندي لستـه طويلـه بالأشيــاء اللي بسويهـا أن شالله ومن أبرزهـا بقرى لي قصص شكثر حاطهـ تحتهـا خطوط وناويـه عليهم بالأجازهـ ,, وبعــــد بنزل قصتي اليديدهـ ,,, وقسماً بالله مشتاقـه لقسم القصص والروايــات ولردود أعضاء غااااااااااااااااااليييـــــن تابعونــي وه بس يافديتهم ....عــآآآآد بالاجاازهـ بفلهـا بالطوول والعــرض  بشووووووووف أأفلاااااام ,,, وبسهـــر ع الـ TV ومابحاتي لا مدرسـة ولا بطيييخ وبرقد رقااااااد على كيف كيفي ومابقوم ألا حززززتـ ماأأبي ..... وبجابل الــنـــت ,,, وبنطلع نتمشى < أن شالله > وندوور الدووحــه .. ومابخلي حد من أهلي مابروح لــه ...... متى بس تجي الأاجاااازهـ متىى . . ياحظهم بنات الحكووومــه أجزووا وأرتااحــوووا ,, وأحنا ياخلف الله على حالنــا مكروفيـن كــرآآآآفـ اليــهــــد ,,,, يعني شفيهـا لو أجزنا معاهـم عاد لو تفتح مدارسنـا قبل الحكوومــه بنتــحــررررررر لأنه صج صج ظللللللم ولـــن أسكت عليييييــه ..... بحتج أحتجاج ماله مثيل ....  . . ME TO YOU شايفيـن هالدبدوب اللي حاطتـه صوره شخصيــه أأعشقــه أمووت فيــه ياربي سوو كييييوت لو تشوفوني ماغير أفتر من منتدى لمنتدى أجمـع له صور ,,, ياحلاتـه ياحلات شكلــه ,, آمووووووووووو ووووووووآآآح عليــه ياربي ودي أعضه هالدبدوب من حلاتــه ,, بذمتكم مب حلووو <-- أستخفت البنت  8 8 نــوووووم الــعــووووآآفـــي يا MY DIL  << دل أو DIL= قلب ( بالهندي )بمـا أنـه هذرتي خلصــت فلنـا لقاء قرريب أذا مب بكره أو اللي بعدهـ فأكييييد بالأجاازهـ علشان أتفرغ من قلببببببب لـكل شي ,,, بدل مجاابل الكــتـــب اللي مايجيب غير الهم See You 
|
||||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
