®¨*--|تساؤلات في الحب والكره والحقد|--*¨®

السلام عليكم ورحمة الله وبركاته ..


مرحبا بالجميع ..


كوني أحب اسأل اللي حولي باللي يدور فبالي ..

واحب أسمع آراءهم ووجهة نظرهم ..


دار حوار بيني وبين أحد الاخوات اللي تتدرب عندي ..

فقيرة ذبحتها من الأسئلة ...


ولكن اللي شد انتباهي هالموضوع :



الحب ....


الكره ...


الحقد ..




كنا مختلفات فالرأي في كل شي ..

وأنا احترم وجهة نظرها ..


ولكني قلت لها اذا بتردين لا تقولين : لا ... أو هيه ..


ابا لكل شي سبب عسب تقنعيني ..

وهذا الشي اللي اباه منكم ...



المهم ..


اللي دار بينا بان الحب موجود بينا ..

وان ما في انسان ما يحب ..


اختلفت وياها فهالنقطة ..

حيث ان اللي يكره ويحقد ما يعرف طعم الحب ابد ..




قالت : الحياة اساسها الحب .. ولكن من موقف أو شي ممكن يتحول الى حقد !!!



رديت : يعني كل من نشوفه أو نصادفه أول مره لازم نستلطفه ونحبه .. ومن يصير موقف سيء يتحول لحقد ؟؟؟ ماظن .. لأن في ناس نسمعهم يقولون اول ما يشاهدون حد .. هذا ما حبيته من شفته .. أو ما ارتحت له .. !!!



وسألتها : عيل هناك بعضهم حياتهم كلها كره في كره شو تقولين عنهم ؟؟



ردت باستغراب : الكره أبد مب موجود !!! ممكن تسمينه حقد !!!



قلت لها : ممكن الشخص من البداية يكون حقود قبل لا يحب ؟؟



ردت : لا .. الحقد ما ينوجد الا اذا صار شي هب زين بين الطرفين !!!




المهم افتر مخي .. حاولت ارتب السالفه أكثر ..

حسيت هي مقتنعه برايها ..

وانا مقتنعه برايي ..



وعطيتها بعض الامثله من الحياة كيف ان بدون سبب ينوجد الكره ..

وكيف ان الشخص ممكن يحقد عالناس ..

ومن زود هالحقد يتحول لكره شديد ..



وممكن أحب اللي حولي بقلب صافي محب للخير ...

ولكن هب كل الناس تحب اللي حولها وتتمنى لهم الخير ..




وتمنيت فقرارة نفسي دون ما أبوح لها بأن أشوف شراتها فهالدنيا بكثرة ..

عسب يعم الخير والحب بينا .. وننسى شي أسمه :



كره ..

وحقد ..




كم أكره هالكلمتين ...



فهل عندكم تعليق على هالحوار المطول والمختصر بشدة خخخخخخخخ .. ؟؟؟؟؟؟؟؟

اختي رثام /

>>> هذي اول مرة بحياتي اشارك في مجلس الحوار والمناقشات
يمكن لان موضوعك جذيني.....


طرحك حلو خاصة انه يتكلم عن اشياء لابد من وجودها وأشياء لازم اننا نحاول السيطرة عليها

الـــحــــب

موجود في داخل كل شخص ...
ومافيه اي انسان عايش بهالكون مايحمل داخلة شي من الحب...

اما من ناحية الكره.....

فمن رأيي ان الكرة مايجي الا من بعد مايتعرض الإنسان لموقف أو صدمة
من الشخص اللي يحبه او يحمل له مشاعر مودة...

لكن ماني قادرة اتخيل كيف الناس ممكن انها تكرة أو وش السسب اللي يخلي قلبها
يحمل فيه هالكلمة المجردة أو الخالية من المشاعر ومعاني الود والإحترام...

أما الــــــحــــــــقـــــــــــد ...!!!!

من وجهة نظري ما يحمل هالكلمة الأ الشخص اللي ما بيغاك انك تكوني ناجحة في حياتك..

أو تكوني أجمل...

أو أذكى...

أو أروع...

أو أنقى.......

وهالفئة من الناس يااااااااااااااااااااااكثر ماتلاقينهم...
وما يحقد عليك الأ أقرب الناس لك....

بس دايما أسأل نفسي .......

ليش هالناس اللي تربطني فيهم صلة أو قرابه...
يحملون هالمشاعر لي......؟؟؟؟؟!!!!!!!!

ليش يكرهوني.....؟؟؟؟؟!!!!

مع اني ماأتذكر اني تسببت لهم في جرح مشاعرهم ..
أو خليتهم يتعرضون لموقف مو زين.......

ليش يحقدون علي ....؟؟؟؟؟؟!!!!!!!!!!!!!!!!!!!!!

هل لأني اجتماعية اكثر منهم...؟؟

والأ لأني أسامحهم مع انهم ياكثر ما يغلطون بحقي ...
ويتهموني....
ويتبلون علي....

.......

تساؤلات كثيرة دائماتجي فبالنا عن سبب

هالــكـره

وهالـحــــقـــد......

وتجدين نفسك عاجزة عن الإجابة عليها...........................




اعتذر عن إطالتي .....

>>> مو ذنبي إذا موضوعك جا عالجرح....!!!!!


لك كل الشكر على روعة طرحك المتميزة.....

تقبلي مروري المطوّل
ولك أطيب التحايا وأرقها..



هـــيـــونـــة

هيونة المزيونة


فالبداية يسعدني تواجدج حبيبتي ..


صحيح ان الحب موجود فقلب كل انسان الا الخالي من المشاعر ..


ولكن ..


يمكن تلقين بعض الناس يقولون اللي يحب ما يعرف يكره ..

حتى لو تعرض لموقف من اللي يحبه ..


وفي هالشي ما نقدر نعمم ..

كون الموقف هو اللي يحدد ..

ان كان هالحب راح يستمر ..

او راح ينقلب لكره ..



المهم ..


الحقد ..


آآآآآآه من هالكلمه اللي ودي امحيها من قاموس حياتنا ..

صدقتي حبيبتي ..


يا كثر الناس الحقوده ..

ممكن تلقين اقرب الناس يحقد عليج اذا وجد اي شي جميل او رائع فيج او عندج ..


نفس هالتساؤلات اللي فبالج ..

انا سالت نفسي ولا لقيت اجابة ..


كوني مريت بنفس المواقف ..



هذي هي الحياة ..

فيها الزين والشين ..


ويمكن تلقين الزين عقب معاناة وتجارب مريره ..



مودتي حبيبتي ..

بقايا آلام



صحيح ..


الحب ..

مافي قلب يخلى من هالبذره ..


الحقد ..


عيب ..

أو اكبر عيب فالقلب ..

الحاقد ما يحب الخير لغيره ..



الكره ..


وصف لقلب أسود متحجر ..




كل الود حبيبتي ..

..
..
السلام عليكم ورحمة الله وبركاته ..
الحب .. مشاعر جميلة تتولد في القلب، وتنمو دون شعور، وتتغذى وتشتد من تلقاء اجتماعنا وتحاورنا مع من نكن لهم المشاعر، ربما تتغير هذه المشاعر ونحن من نحدد مقدار تغيرها،
فهذه البذرة ربما تخبو وتقتل بمشاعر الكره، من جراء مواقف حدثت ولا تنمحي في الوجود ..
الحقد يختلف عن الكره .. ربما أحقد على شخص ما لم أتعرض على موقف معه ولكن أحقد
عليه بما يمتلك وبما يملك مثلاً من قلوب تحبه وتجتمع حوله، أو ما يناله في هذه الحياة، أما
الكره فهو نابع من مواقف نتعرض بها من أشخاص نراه وتتطور مشاعرنا إلى الكره وعدم التقبل
من هؤلاء الأشخاص أي انتقاد أي نصيحة، ...
اللهم ازرع نضارة الحب في قلوبنا وابعد عنا الحقد والكره ..
..
أختي في الله رثام ..
طرح موفق .. ودمتي مميزة ..
حفظكِ الله ووفقكِ فيما يحبه ويرضاه ..
..
..

أم بيسان



وعليكم السلام ورحمة الله وبركاته ..


اللهم آمين ..


أجل عزيزتي ..

الحب يزداد وقد لا يزداد ..

فهو ينبع من التعامل مع من حولنا ..


والكره صفه تتفجر حال تعرضنا لموقف يحطم قلوبنا ولا ننساه ..

والحقد بذرة سوداء تحطم كل ما هو جميل حولنا ..




كل الود ..

السلام عليكم ورحمة الله وبراكاته
الحب أجمل شعور فهالكون ، شعور رائع بمعنى الكلمة

الكره ينولد بعد موقف أو حدث صار له بس مستحيل يكره انسان مني والدرب وأصلاً بفطرة الانسان تحصلينه دايماً يحب حتى لو قال أنه يكره هالشخص ممكن لوصار عليه شي بتحصلينه مهتم فيه وايد ويحاتيه ، والله سبحانه وتعالى مايخلق الكره فقلوب الناس

الحقد هذا من قل الايمان والدين فنفس الشخص ، وبعد من الغيره ، والناس تقريباً كلهم فيهم غيره ، بس غيره عن غيره تفرق ، والحقد يكون عند الانسان اللي يغار وااااااايد ، والعين والله يكافينها شرها تكون من الغيره


أتمنى يعجبكم ردي أنا بس حبيت اشارك
والسموحــــــــــــــــــــه

الحياة كلها الوان في ابيض واسود ورمادي وازرق واحمر ووردي كما فيها الحب والحنان والكره والبغض والحقد وفيها الجميل والقبيح والطيب والشرير والخير والشر ... من كل هذه الاشياء لماذا لا نختار الشيء الجيد ؟؟؟ لماذا ننظر الى الجزء الخالي من الكاس ؟؟؟ لماذا ننظر الى الاشياء من الزاوية الضيقة ؟؟؟ لماذا لا نسمي الاشياء بمسمياتها ؟؟؟ الحياة جميلة فيها الحب ، الجمال ، نحب بعضنا ولا نكره بعضنا البعض، في هذه الايام القميئة نحتاج الى الحب اكثر بكثير ، فلنحب الآخرين ليحبونا ... ابتسامك في وجه اخيك صدقه .

الرشا



وعليكم السلام ورحمة الله وبركاته ..


أكيد بيعجبنا ردج فديتج ..

وكلامج موزون ..


اجمل ما في هالكون شعور الحب ..

والكره شرات ما قلتي نابع من موقف بغيض وشر ..


اما الحقد لو تشوفينه منتشر بين الناس فهالزمن ..




كل الود يا الغلا ..