|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
05-19-2008, 08:13 AM
|
#1 | |||
  
|
مزايا وعيوب سيارتك
مــرحبــا الســاعـ ـ ،، شحالكم عساكم بخير ^^ اليوم والحين بالذات خطرت علي فكره وحبيت اني اشاركم فيها  الموضوع وما فيه هو وبعدها نقطتين رأسيتان : << لازم  هالموضوع بيكون بأذن الله تعالى مرجع كبير يفيد كل مشتري محتار شو يختار << حليله الشاعر  من السيارات بس اكيد من بعد مشاركاتكم معاي وتعاونكم الطيب << يباكم  يمكن حد منكم يدور في باله هالسؤال ويقول مثلا خليفه انته الحين شو سويت ما يبت شي يديد في ناس تشارك بمواضيع سيارات وتكتب عن مواصفاتها ,, نعم انا معاكم بس هني نبا المشاركات اكثر نقدا << مب نقدا يعني فلوس  °{ أكثُرّ تَفْصيلاً ~~~~~~~~~~~~~~~~~~~~~~~~~ اقصد نطلع عيوب السياره ونقول شو فيها حلو وشو فيها عيب مثل الناس تعرف السياره الفورويل للبر ! بس تعرف انه مب كل فورويل للبر ! مثلا في سيارات All Wheel Drive يعني مب سياره فوريل صالحه للبر مع انها عجلاتها الاربع تدور مثل اي فور ويل بس العيب فيها انها غير صالحه للبر لان عجلاتها الاماميه غير قابله للضغط الكبير الي يساعدها على حركتها في الرمله ,,  • So هــيـــا بــنـــا ونقووول بسم الله 
التعديل الأخير كان بواسطة : ™вσ ѕυℓтαη ²8 بتاريخ 05-21-2008 الساعة 08:20 AM. |
|||
|
|
05-21-2008, 08:16 AM
|
#2 | |||
|
POLO VW
سلام عليكم
اسف ادري اني طولت شوي بس كنت ادرس  عليه امتحانات الفاينل ادعوولي المهم نرجع لموضوعنا احترت شو ابداء في السيارات بس ابا احط شي انا بنفسي جربته السيارة: بولو انا شخصيا امتلكت البولو 2003 لـ 3 سنين وكنت اسوق سيارات ثانيه مثل S500 مرسيدس و استيشن V8 بس والله بدون مجامله كنت اتوله على البولو  لان سياره اقتصاديه وتلبي متطلباتي ولين الحين عندي لوول مب هاين علي ابيعها  بس الصراحه سياره صعب تحصل عيوبها وارتفعت مبيعاتها بشكل عجيب صورة:  تقييم السياره ثبات : 4 من 5  راحة : 4 من 5  قيمة السيارة : 4 من 5  الجودة والاستهلاك : 4 من 5  ترا مب صدق هالصوره لووول سعتها : 4 من 5  الأداء : 4 من 5  العيوب السيارة ما عليها كلام الصراحه وانصحكم بشرائها بس اذا كنت تمسك خطوط يوميا ما انصحك ان تشتريها لان اهذي اكبر عيوبها هذي السياره وكل السيارات الي في فئتها السياره ما تتحمل الخطوط ومتعبه بس هذا ما يمنع انك تطلع فيها بنهاية الاسبوع او بالعطلات ومن ثاني عيوب هالسيارة قطع غيارها غاليه السيرفس يتراوح من 250 الى 1400 درهم ومن غير السيرفس الميجر او الخدمة الكبرى وهي يوم توصل السياره الى اول 60 الف كيلو تقريبا يتم تغير فيها قطع مثل السيور المكينه وما شبه ذلك ما اذكر كم تكلفتها بس يمكن 5000 درهم البولو الها منافسين وايد ومن منهم  Honda Jazz  Toyota Yaris بس البولو تتصدرهم من قيمتها النقديه لان لو ترد تبيعها بعد قيمتها فيها هب شرات الهوندا والتويوتا ومن ادائها واقتصادها للبترول وهذي بعض الصور لكم لبولو اليديده   والحين اخليكم مع الفيديو والتحليل من ناس اكثر خبره بس هذي البولو يديده فيها شوي تعديل عن الموديل الي انا كنت استخدمه وهذي ديزل محركها YouTube - MSN Cars test drive of the Volkswagen Polo Blue Motion تقبلوا تحيتي 
|
|||
|
|
|
05-24-2008, 07:17 AM
|
#3 | |||
|
Mercedes C 2007
مرسيدس الفئة سي 2007 يديده بكل المعنى واكثر تطور من الموديل القديم
شوف التطور من و الى   فرق لو تلاحظون انها بعد صارت قريبه من الفئة الاكثر فخامه S  على ما اضن ان هذي استراتيجيه يديده للشركه لتصميم المرسيدس C قريب من S بأن يجذبون المشترين من الفئة الغير قادره على شراء مرسيدس S يعني تقريبا المرسيدس S 500 بنقول 250 الف والمرسيدس C220 مثلا ب 160 الف ولكن خلونا نشوف شو بنحصل في هالسيارة بسم الله الرحمن الرحيم الثبات: 5 من 5 .jpg) الي في الصوره C63 الاداء: 4 من 5  الراحة: 4 من 5  السعة: 5 من 5  هذي نفسها السيارة بس ام دبه قيمة السوق: 1 من 5  اذا اشتريتها لاتفكر تبيعها الجودة والاستهلاك: 4 من 5  السيارة بشكل عام زينه بس عيوبها ظاهره وواضحه مثل ما تشوفون معاي الثبات والسعة 5 من 5 ولكن قيمة السوق 1 من 5 وسبب سعرها الغالي وهذا اول عيب في السيارة والسبب الثاني هو صرفها للبترول C180 اصغر محرك لهذي السيارة تصرف 40 ميل للجالون السياره تتحمل الطرق الطويله بس مش للاستعمال المستمر مثلا اذا كنت تفكر انك بتستهلك السياره لمشاوير طويله انصحك تختار ستة سلندر الـ C350 ولمنافسين هذي السيارة لهم تأثير قوي وهم  BMW 3  Audi A4  Lexus Is200 واتمنى لكم التوفيق
|
|||
|
|
|
06-02-2008, 12:11 AM
|
#4 | |||
|
رنج روفر سبورت
رنج سبورت او رنج روفر سبورت
من شركة لاندروفر وهذي السياره حقق ارباح خياليه من مجرد طرح هذي السياره في الاسواق من كثر محبينها وشكلها الجذاب .. الرنج سبورت كلنا نحبه وسياره رياضيه بالفعل هذا الي نشوف ونسمع في الاعلانات وكلام البايعين بس خلونا نختبر هذي السياره ونشوف نتايجها  صورة:  الثبات: 4 من 5  الاداء: 3 من 5  سعتها: 4 من 5  قيمة السوقيه: 3 من 5  الراحة: 4 من 5  الجوده والاستهلاك: 3 من 5  مثل ما شفنا معاكم السياره تتراوح بين 4 الى 3 نقاط شو السبب ؟ اولا الشاصي للاندروفر دسكفري والمكينه لجاكور 4.4 وشكل قريب من رنج روفر يعني احس السياره ما سولها دراسه كافيه الها واذكر انها بسرعه طلعت للسوق عيوبها تصرف بترول وايد تصميم السياره في الباب الخلفي الكثير يتسائل شو هدف من فتح الزجاج من دون الباب ! بس الظاهر الرنج عرف يغطي عيوب السياره بمميزاتها حيث الراحه والرفاهيه اقصد يوم تكون راكب اي سياره فورويل لازم اذا بتطلع شي من السده او تغير المسجل لازم فيها حركه وتتقدم وتمد ايدك بس في الرنج تحس كل شي قريب منك مش نفس اي سياره  والي يفكر انه يشتري رنج انصحه يخذ الرنج الفوج هب السبورت  لانه احسن من السبورت وايد واذا كنت تريده سبورت ممكن تاخذ الفودج بمحرك السوبر جارج مع انه فيها عيوب هالمكينه واول سبب هو حراره جاو الدار ومنافسين الرنج هم  اكس 6 من بي ام دبليو و  الكايين من بورشيه وهذا فيديو لمتخصصين في تقارير السيارات YouTube - Top Gear reviews the new Rang Rover Sport YouTube - Who said Range Rovers were good off road!!*- وهذي صور لرنج سبورت معدل    
التعديل الأخير كان بواسطة : ™вσ ѕυℓтαη ²8 بتاريخ 06-02-2008 الساعة 02:10 AM. |
|||
|
|
|
06-07-2008, 06:47 PM
|
#5 | |||
 
|
صراحه عيبني مرسدس c220
لكن عيبه أنه أذا شتريته بخسر فيه بس مافرط في الفتك لو فيه سته وستين عيب
|
|||
|
|
|
06-07-2008, 09:25 PM
|
#6 | ||
 
|
المرسيدس عجيــبة لكن البولو مب ذاكــ الزووود
تسلمـ اخووي ع الطرح ربي لاهانكــ ولنا عودهـ |
||
|
|
|
06-07-2008, 11:44 PM
|
#7 | |||
 
|
الرنج والمرسيدس رووووووووعة
والبورش ماعليه كلام وانا عندي لكزس جي اس اليديدة وماشوف فيها عيب للحين وان شاء الله تم مثل ماهي يسلموو اخويه ع الموضوع النااااايس سلمت يمناك ويعطيك العافيه فمان الله
|
|||
|
|
|
06-11-2008, 07:52 PM
|
#8 | |||
|
  النيادي مجنون صدقك اخذ نيسان ابرك بس الي يبا الصالون مضطر ومشكوور على رايك  •!¦[• جميع الحقوق محفوظة © لدى ™вσѕυℓтαη ²8 •]¦!•
|
|||
|
|
|
06-11-2008, 08:14 PM
|
#9 | |||
|
زعيمة ابوظبي مرحبا الساع! اولا ارحبج بتسجيلج في المنتدى وبعدين ؛؛مشكووووره الرد الطيب وانا أويد راييج بس المرسدس طلعن فيه عيوب اكثر من البولو يعني ننسى شكل السياره او حجمها هذا الموضوع ياخذ كل اطراف من تحمل السياره وسعاده مستخدميها حتى الين بيع السياره بس في النهايه هو رأي المشتري ولو السياره في خاطره ويبا يشتريها ما تهمه العيوب والمقارنه •!¦[• جميع الحقوق محفوظة © لدى ™вσѕυℓтαη ²8 •]¦!•
|
|||
|
|
|
06-11-2008, 08:17 PM
|
#10 | |||
|
دمعة الآهات هلا والله منور الموضوع بتواجدج دمعه الآهات انا بنزل مشاركه عن موترج وينشوف شو عيوبه ولا تحرمينا من تواجدج الطيب •!¦[• جميع الحقوق محفوظة © لدى ™вσѕυℓтαη ²8 •]¦!•
|
|||
|
|
|
| العلامات المرجعية |
| كلمات البحث |
| بي ام, جديد, خبرة, رنج, سؤال, سيارات, سيارة, تجارب, لكسز, معلومات, نيسان |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
