شـــــــــــــــــــــلـــــــــــل ..... ((

نبض الخيال

بسم الله الرحمن الرحيم


السلام عليكم ورحمة الله وبركاته




هذي ثاني ذكرى اقدمها للغالين وما راح احط لكم مقدمه طويله اخاف تملوني

علشان هيك نروح للقصة علطوول ...






ونقول بسم الله الرحمن الرحيم ...




مثلي مثل غيري اذا مر علي الجديد ما اشوفه الا استــفــهــــامـــات

وطبيعي اني

اخاف منه ويمكن اصيح بعد (( الله يستر ))


المهم .. انا دائم اذا مر علي جديد ويخوف

تلقاني عند اقرب واحد كبير وغالبا عند امي

لكن القهر كل ما جيتها وعلمتها باللي فيني تضحك علي

تقولون لي ليش .... ؟؟!!


ليش لان اللي صار لي

شيء طبيعي

يحصل لي انا

ويحصل لك انت بعد (( ايه انت )) وانتي بعد.. :SnipeR (25):

هذا اذا كنتم طبيعين مثلي ام اذا شيء ثاني فتراي ما ادري ..

اكيد انكم تبون تعرفون وشو اللي حصلي لكن اصبروا شويات ....

انا مره كبرت وزاد وزن دميجتي بس الظاهر اني ما قست وزن

راسي من زمان ولا كان تركت المذاكره من زمااااااااان وتركت قراءة الكتب

والمراجع والمخطوطات والمذكرات ووزعتها على

المثقفين امثالي لكن وش اسوي صار اللي صار كبر راسي وانتهى الوضع

والحين ما بيدي حيله ... غير ان اثقل من راسي زوود .

والله يعينك ياللي ببتروع من راسي :SnipeR (9):



الشاهد

انا على ما اذكر من طلعت من بطن امي وانا احط يدي تحت راسي

اذا جيت انام جيت انام

يعني مخلي يدي وساده متنقله ..

ولا تحسبون اذا صار عندي وساده اترك يدي واعطيها اجازه لا لا لا لا

كنت في هالحاله احطها تحت الو ساده وانام ...

واستمريت على هالطريقه الين ما صار لي الشيء الجديد

اللي عطيتكم مبادىء عنه في اول الموضووع

لكن يبقى عندكم تساؤل وشو الشيء الجديد ووش دخل يدك وطريقة نومك فيه

اقولكم سؤال جيد .... :SnipeR (9):

وهاتيلكم (( عرفتوا تقرونها )) الاجابه فاقرؤها ....

يدي ودميجتي يا شباب ويا شابات ويا شياب ويا شائبات هي لب الموضووع

ليش .. ؟

لان يدي هي اللي حصل لها الشيء الجديد ..

ورااسي هو الجاني ..

طيب كيف وضح اكثر يا نبض الخيال ... ؟؟

اقولكم

في يوم من الايام كنت تعباان هلكاااان ما اااشوف احد

مدري وشلون وصلت للسرير ...

الشاهد اني وصلت لسريري ...

وانسدحت ونمت

ولكن .....!!؟؟

ولكن .....!!؟؟

ولكن .....!!؟؟

ولكن .....!!؟

بطريقتي المعرووفه اللي تعرفونها حطيت يدي تحت الوساااه ونمت

لاحظوا وانا تعباااان هلكاااااااان

يعني منذ ان استلقيت على جنبي اليمين علطووووول نمت من غير ولا فكره وحده :SnipeR (101):




ولكن وبينما انا في اغوار نومي وداخل غرفتي

قمت (( صحيت )) وشلون ليش كيف وضح ...

وش اللي مقومك وانت

تعبااااااااااان


وهلكااااااااان


ونعساااااان


سؤال جيد والجواب يقول ...



قومتني يدي يوم انشلت وصارت تلعب بالهواء

ايييييييييييييييييييييه :SnipeR (2):

ذكريات ذاك اليوم

تخيلوا يدكم ما تتحرك لا وتلعب بالهواء بعد

شعور يحسدك عليه البشريه والحيوانيه والفضائيه والنباتيه

شعور يخليك تفكر وتفكر وتستذكر اي معلومه او فائده قريتها في حياتك

او اي موضوع عنوانه (( اليد حين تلعبُ بالهواء الطلق ))

او بعنوان (( رقص الايادي على نص الليالي ))


عموما اخوكم استذكر وفكر وقراء وعبر

مر في لحظات ....

على كل المجلات والبرامج الوثائقيه والمجلات الاسلاميه والعربيه والهنديه

عن كل شي ..

قراه او شافه او سمع عنه في حياته العصاميه :SnipeR (68):


مع انها لحظات بس ..


الا ان عيوني صارت عدسات سوت ليدي فحص مبدئي بمساعدة من يدي

الثانيه وعلطول حكمت يدي وشخصت الحاله ....


وبكل بساطه قالت شلل ............


ومن يوم جاني هالاستنتاج ما تشوفووني الا طيرااااااااااااان :SnipeR (101):

وين وش بتسوي وين بترو ح فكر شوي ؟؟

الجواب ..


مدري بس الظاهر باروح (( لامي ))

الغريب اني بالطريق اشوف

يدي المشلوله مره تسبقني ومره وراي

تدودل ((تتارجح )) لا ني ما اتحكم فيها ..

المهم تعرفون ان بيتنا قصر وغرفه امي بعيـــــــــــده يعني يمكن

بيني وبينها سته امتار الامترين ونص وثلاثة ارباع ..
.




الا اني وصلت بسرعه البرق الملتهب في ليلة الشتاء الملتهب

اصلا ذيك الليله التهاب في التهاب ..





عموما وصلت لامي

ويوم جيت اقولها وش فيني

مع انه ما يحتاج اقول شيء واضح من شكلي

وجهي اصفر ويدي مرجيحه وعيوني مغوره وو وو وووو .. الخ




ما علينا من كل هذا

لا ن كل هذا راح يوم صارت المفاجاة وانقلبت التشخيصات

وتغيرت الوضعيات ..


تغيرت لتفتح اسلوب التاتاه على لساني

بس ليش تغيرت

تغيرت .. ؟!!

لا ن يدي تحركت بقدرة قادر

طيب وشلون

اقولكم وشلون



دميجتي يوم نمت وخليت يدي تحتها وقفت الدم بيدي فتخدرت

مدري انشلت الشاهد اني ما قدرت احركها ويوم

قمت وتحركت بداء الدم يجيها ببطء الى ان قدرت احركها

وهنا انقلب الوجه الاصفر الى احمر والعيون المغوره الى مصكره

والحمد لله اني ما صحت ولا كان انكشفت وانتشرت قصتي

وضحكوا العالم علي بدايتا من اخواني الى مالا نهايه

والحين عقب ما كبرت علمت كل العالم بما فيهم انت اخي القاريء



واما عن نهاية قصتي فانا يوم وصلت لامي

تاكدت ان يدي تحركت وبعدها عطيت امي ابتسامه وخربطت عليها شوي

لاني مدري وش اقولها بذاك الوقت همين رحت انام بس يدي ابعد ما يكون عن راسي


والسلام خير ختام ...