|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
05-22-2008, 03:06 AM
|
#1 | ||
  
|
♥ ||| Dad's Princess ||| ♥
السلام عليكم ورحمة الله
كيف حالكم؟؟عسا ان تكونو بخير ان شاء الله بصرحة انا كنت مسجلة سابقا بـبيو دلوعة ابوها بس للاسف نسيت الباس ونسيت الايميل الي سجلت فيه  وبعد معاناة 3 شهور فكرت خل اسجل باسم جديد يمكن خيره لي  ومو شرط يكون شي سلبيوهذه رابط يوميات القديمه http://www.alamuae.com/vb/t235047-7.html المهم من جد كتابت يومياتي هنا خلتني مره ارتاح وسبيل لصحباتي يتواصلون معي ويعرفون اخباري حتى لو كنت مشغولة مره وما عندي وقت لتواصل وقبل لا ابدي بقول بسم الله الرحمن الرحيم اليوم:الاربعاء الساعه:01:00 بتوقيت جهازي  اليوم رحت المدرسه واحس ظلم كل المدارس مأجزين الا احنا  وطبعا الثلاثاء كنت غايبه وما تهنيت لاني ضيعت علي اعادة اختبار الادبوعورني قلبي لان هذي 5 مره يتأجل والاستاذه دائم تختبرنا اختبرين وتاخذ الاحسن وهذه الثاني فا لازم لازم اجيب علامه حلوه يارب امين وطبعا كنت متفقه مع ايمو تروح مدارس السعد تسوي بطاقتها الذكيه وتمرني نروح جيان عشان نشتري زي التخرج وطبعا من ذكائي مارحت لاني مصدعه وتحسفت من جد لان مره مره زهق وطبعا مشتاقه للاب توب حقي بعد ما اختربت بطاريته سرنا نستعمله بشاحن بس والحين حتى الشاحن اخترب وبابا متكيسل يصلحه وان جينا للحق صراحه انا عفته ابي ابيعه واشرتي جوال بداله ولا بشتريلي لاب توب لوحدي مو كل من ضرب بدماغه راح يستعمله ما يقهرني الا يوم اخترب رموه ولاحد كلف عمره يصلحه طيب انا من وين لي اصلحه حتى لو توفر لي مصروفي مارح القي الوقت اصلا اوديهياربي المهم حاليا بروح مع اخوي الحلو نتمشي اخيرا جاء الفرج
التعديل الأخير كان بواسطة : Dad's Princess بتاريخ 05-22-2008 الساعة 03:09 AM. |
||
|
|
05-23-2008, 01:40 AM
|
#2 | ||
|
بوح قلمي
لما اشعر بتنفسي يضيق لما بدات زفراتي بخمود يالهي لماذا لا اسطيع ان اعبر عن غضبي فرحتي دموعي دون ان اقابل بصراخ وتأنيب لماذا لا استطيع الهرب لماذا لا استطيع الصراخ لماذا لا استطيع المقاومه لماذا لا اسطيع الطيران بدت دموعي بتساقط ولا اري للاصق فرصه ببتعاد عن ثمي والقيود على يدي لم ينفعها نزف عروقي فابدت تضيق لم ينصفني انين قلبي للحرية ارهم يعبرون من امامي لكنهم لايسمعون صوتي المكتوم لما ينظرون الي نظرات الشفقة والاستحقار لما لا يفكون قيدي ويطلقون سراحي لم لايدعونني اعبر عما اريد دعوني اذهب اسمعوني اوقفوي دموعي فقد احترقت عيناي وغضبت اهدابي لا استطيع الصمود لم اعد احتمال اريد ان اطير اطلقوني اطقوني قبل ان انفجر شتاتا التعديل الأخير كان بواسطة : Dad's girl بتاريخ 05-23-2008 الساعة 03:19 PM. السبب: عذرآ ,, يمنع وضع الصور النسائية ^.^ |
||
|
|
|
05-23-2008, 03:32 AM
|
#3 | |||
|
من يومياتي السابقة
اقتباس:
طبعا ما كنت ناسيه احد بس حبيت اضيف على لائحتي صديقات جدد تعرفت عليهم ومره عسل واحلى شي انهم من عائلة راح اوصفهم لكم كا رأي مبدائي وبعدين راح اذكر طريقة لاقائي فيهم امير خ<<ها البنت عسسل مره وكيوت يا حياتي واحلى شي تحسينها على نياتها واهم شي لا قالت يوهه ابي اتزوج ههه احسها بتكون افشل ربة بيت(امزح ترى) ياربي ما اقدر اقول الله يوفقها وان شاء الله اتعرف عليها اكثر واكثر اميره ي<<<<هذي ما شفتها الا مرتين بس ما كلمتها عدل الا مره وحده مره حبوبه شكلها تحب الحقوق يلا ان شاء الله تدرس الي تبيه وان شاء الله التقي فيه كمان واتعرف عليها احسن اخرا وليسا اخير شريفه<يا حياتي عليها تشبهني الدبه او اني اشبها نفس الفيوزات الفاصله ههههههه يا حياتي عليها تضحكني الدوبه يجعلك ربي يسعدها واحلى شي يوم تقوالي ارب ارب<عرب عرب فراحانه بكلمه هههههه وفي طبعا بنات كثير بس لسها ماتعرفت عليهم تمام التمام وحكاية تعارفنا انو العائلة الكريمه قررت تسوي ملتقي كل خميس من كل شهر يكون طبعا فيه طابع ديني او محاضره والقصد الاساس انو تعرف على البنات العائله بما انو مانعرهم او ماتعرفنا عليهم من قبل فا مره مره حلو |
|||
|
|
|
05-23-2008, 04:09 AM
|
#4 | ||
|
مشتاقه لا ايمو وحشتني مره
اليوم بنات خالو معزومين عند خالتهم ويبوني اروح معهم وانا مابي بيشو قالتي تعالي عندي لان انا اخوي مسوي حادث وماعندي سياره يوم قلت لمام قامت تتكلم بكلام الي ما يعجبني ولا يدخل دماغي ابدا مادرى ليه احس اني بسيطه احب اروح لا اي احد مو مهم عندي كم مره جاوني ولا هم من اي عائلة المشكلة يحاولون يقنعوني انو كلامهم مو عن غرورو بس عن(كل واحد يعرف مستواه)<طيب ها كلام شنو صح انو مو كلل الناس نروح لهم بس اذا انتظرت صديقاتي يجوني عشان اروح وهم ينتظروني اجيهم عشان يجون راح نظل طول عمرنا لا حنا رحناولا جينا من جد احس حتى مالي وجه اقولهم تعالوالي على شنو وانا الي وحده يعني المفروض انا الي اورح اووف استغفر الله الزبده قاهريني لا وعشان ترقع تقول لو انك ما قمتي زعلانه كان خليتك تروحين بس الحين نحاسه مانتي رايحه خ المشكله داريه اني زعلانه ولالا مارح يصير الي ابيه <معليش ماي مام زي مافريند واحيانا اختي فا حتى هوشتنا كان حنا خوات واساس هذه شي عارفته بس ليش ينصرخ على واتهزاء ما عمري شفت اخواني زعلو وانقال لهم شي خخخ ولا الظاهر ها النمط ما يمشي الا على خخخخخ الظاهر اني وحيده ومتفرده بكل شي حتى الصراخ مايجيني الا انا <خخخ ماكاني توني مصيحه لين قلت بس المهم اني لستني مكتمه وزهقانه طبعا عيال خالتي بمجلس مع امي وخلاتي واخوي ياحظهم عندهم ربع موب انا بكل شي خخخ متميزه يالله احس انو لو اسافر ابعد مكان وادرس مارح افقد لاالبيت ولا حتى اهلي بعك احس اخير بعيش بهدواء اصارخ لين ينبح صوتي واجلس اهثر بدون ما يقولي مجنونه وهثاره ومادرى شنو واكييد ازعل واصيح بدون ما اخذالي تهزائه محترمه ونااسه تخيلو اصيح بهدواء وراحة بال<فاهمه الوضع غلط |
||
|
|
|
05-23-2008, 04:53 AM
|
#5 | ||
|
اهداْء لــ ايمو(I love you girl)
يحسدونك ع بسمه تشق طريقه بشفاتك
يحسدونك على دمعه تنزل وتحرق اهدابك يحسدونك ليش انك ايمو صادقة الاحساسي يحسدونك ليش انك ايمو صانعه اهدافك ينطروك تطيحين تنكسرين وتقومين بسكاتك ايمو اول ايمو اليوم لا يغيرك ريح ولا زوابع لا يغيرك كاذب ولا يغيرك فاقد سيروني على خطأك وجاوني يغيروني والاساس فيني اصلا اساسك يا رفيق دربي وش صار ليه تبينين لهم همك واصدافك خلك شجرة صنوبر لايكسرها فاس ولا حكي على قلبها منحاتي وخذي قوبله ماليانه سعابيل مني وانطمي بسكاتك  (I will Always Love you) |
||
|
|
|
05-23-2008, 07:58 PM
|
#6 | ||
|
 {{{حالتي عويصةالمفروض انو بكره ان ربي احيانا اختبار كيمياء + اختبار ادب + تسميع قران + تدريب على اغنية التخرج الـE + تدريب على اغنية التخرج الــ عربيه + وطبعا مابديت بشي ابدا ولا لي نفس ******** والاهل الحلوين في رحلة الى البحر ********************** مارحت مو حب للدراسه بل حب بهدواء وجلسه بحالي <<<<<<<<<<<الحاله لك الله عليها >>>>>>>>>>المزاج مقفلة على الاخر <<<<<<<<<<<
التعديل الأخير كان بواسطة : Dad's Princess بتاريخ 05-23-2008 الساعة 08:00 PM. |
||
|
|
|
05-23-2008, 08:29 PM
|
#7 | ||
|
اولا المزاج فتح<مكلمه ايمو وضاحكه لين قلت بس شلون ما يفتح
وثانيا وحده من البنات حسبي الله عليها تضحكتني كاتبه برسالتها الشخصيه بمسنجر بكره اجازه رسمية يا بنات غيبو وطبعا ما صدقت خبر قلتها كـــــذابه مين قال واكيد عصبت وردت علي {خلي عندج راي ومو لازم تتاكدين السبت اجازه والا لا ...غيبي وبـس وانا اظمن لج انه الاجازه رسمي ,بـس تعرفين حركات المدرسات وشغل السايلنت حقهم......انشر تؤجر وحتى لو ماراح تغيبين انشري.. غيرج يبي المدرسه تفظى ويستاذن......} وانا من الدلاخه جالسه اضحك وارسلها للي عندي مصدقه انا ووجهي فا نداى لمدارس الثانويية الي بظهران غيبو بلييز مابي اختبر بكره خخخخخخخخخ التعديل الأخير كان بواسطة : Dad's Princess بتاريخ 05-23-2008 الساعة 08:33 PM. |
||
|
|
|
05-24-2008, 01:57 PM
|
#8 | ||
|
It is a fun day
السلام عليكم ورحمة الله
بسم الله اولا وثانيا :ووووووووووووووووووووناسسسسسسه اليوم مره عادي بس احس كل الي كنت شايله همه انزاح طبعا امس بعد تعليقي رحت للللـاستاذتي الخصوصيه وفديتها حياتي شرحلتي الكتاب من الالف للباء ولا قصرت معي وبعدين رجعت اتابع الـTvمع خالاتي الحلوين بس طبعا كانو اولاد خالتي موجودي صدق مزعجين ما خلونا نسمع وبعدين نقلنا الصاله عشان العشاء وبرضو مزعجين ما خلونا نسمع عصبت عليهم ولميت جلالي ورحت غرفة اخواني فكه منهم خخخخخخ <تتوقعون اني سلمت طبعا لا لان اصواتهم الى عندي اوف بس جات خالي تتابع معي لانهم ازعجوها وهي مندمجه بـ(نور) فا استغليت الفرصه افتك من ازعاجهم وسكرت الباب عاد تصدقون مهند ياحياتي عليه للحين يزنن بس نور كانت ببداية المسلسل احلى بكثير مادرى شفيها قامت تصير قبيحه واااع وبانه هذي الانسانه خاطرى اسطرها استغفر الله هباله من جد اما فجر مره صاير كيوت بشعراتو ونيو لوك واما دانا وزوجها تووحفه يفطسوني ضحك من عذر بنتهم طالعه هبله عليه <بمسلسل طبعا وبعدين خلص نور وقامو الاهل الحلوين ع العشاء وتعشو وخلصو وانا انشف شعري وبعدين على 12 طالعو الكبار كلهم الواجهة البحريه وجلست انا واخوي الصغير واخوي الكبير حراسه علينا خخ<مادرى ليه امي تخاف ها الكثر وجلست طق حنك مع الطيبه بيشو الى 2 وقلتها خلاص بنام وصحيني 3 ونص اذاكر وطبعا لاصحيت لا 3 ولا هي دقت وما صحيت الا على 6 ونص من جد توهقت بس عادي قمت سميت بالله توضيت يوم خلصت اكتشفت اني بصلي وانا لابسه جزمتي (وانتو بكرامه) طبعا مارحت الا متاخره والمام راحت معنا عشان عندها موعد علاج طبيعي الموهم انو اول حصة اختبار كيمياء واطلع الي ماتبي تختبر تختبر الاثنين فا كان وناسه بس الابله شكلها تبي تحرنا خلت كل بنت تحط لنفسها علامه وتصحح لعمرها خخخخوطبعا بنت سالتني تعطينا نموذج من الاختبار<وانا شريه قلت خل اجرب المهم من المصلحه قربت الابله مني فادار الحوار التالي<تراه طووووويل مره يعني لاتتعبون Dad's Princess : صباح الخير يا ابلهالابله:  صباح النور يا ......Dad's Princess:زبدة الموضوع يا ابله ممكن ناخذ نموذج للاختبار ولا لا الابله:  لا طبعا ومشت وهي تضحك وما حققت مرادي حسافه المهم انو بعدها على تسميع القران مرت الابله من جنبنا واحنا متكيين بممر مادرى شنو قالت قامو قالو البنات لالالا يا ابله مانبي ما حفظنا اصلاوالابله ياحياتي قالت خلاص معليش بكره اجل وراحت اما الادب تعبت عمري وحفظ اخر شي الابله غايبه واتاري البنات ما قالو لها الثلاثاء ولا راحو عشان تختبرهم ما علي منهم مومني من اهملهم بطلب منها بكره برواق تختبرني نفس الحصه والي ماذاكرت عندها اربع جدران يطقها  ووامم ايه اخر حدث انو خلونانطلع 11 بدري لانه من الوزاره فا دقيت ع البيت محد رد فا سوني قالت بتوصلني بطريقها وفعلا نادتني بحصة رياضيات<قبل 11 يعني وطلعتني معها وجيت البيت امي اخترعت تقول شمطلعك الحين قلتها السالفه عاد قلتها انو لو ما كان ابو سوني جاء ياخذها كان خليت سوني تجي معي البيت بس يلا غيرها بغيرها امم المهم بكره على اختبار احياء ومحد من البنات عارفين من وين لوين <شكلي بذاكرالكتاب كله وهذي نهاية يومي الى الان
|
||
|
|
|
05-27-2008, 10:45 PM
|
#9 | ||
|
السلام عليكم ورحمة الله
كيفيك اخباركم ان شاء الله بخير يوم الاحد طبعا ما اختبرت احياء لان الابله عندها دوره ولا جات بس رحت اختبرت الادب ومره حلو حليت اسالتها وقالت اكتبولي اساله من عندكم وراء وجابو عليها رحت كتبت لها10 اساله يوم شافت ورقتي قالتي مشاء الله <مادرى قصدها سخريه ولا مندهشه اني سويت المطلوبينالمهم وماني متذكر ايه واخذنا كتاب التخرج مره حلو ملون طبعا صفحتي مو مليانه واستاهل وحتى في فقرة ماذا قالو عنها كاتبين عني هادئه حبوبه غريبه وفله مرجوجه وغريبه وستايلها غريب<اول شي حسبتهم يقصدو اني سايكو بعدي فضلت اخذها بحسن ظن فا قلت يمكن قصدهم غريبه بطريقه حلوه المهم وطبعا الي سوته نسيت تحط كلمة التخرج وطبعا <انا حطيت تاريخ ملادي غلط والغبيه ما صححته حتى خخخخ بس يلا سويته وخلصت وطبعا يوم شفت امي زلت اني ما اهديت لها التخرج ظليت اصيح الى وصلت المدرسه وطول اليوم ضايق صدري بذات انهم البنات اصلا معبين الكتاب من وراي با اشياهم ويوم جاء الشي الصغير الي يفرح مامتي نسوه ولا الي يقهر انهم كلهم شلل وكل شي يبونه محطوط اللهم الاخطاء الاملائي ام قروبي مره زعلانين تخيلو كاتبين لبنت في فقرة ماذا قالو عنها{{{{{ حرمه كبير وتصلح تتزوج مره طبعا البنت زعلت كثير وطلبت من الابله انها تمسها من كتاب كل بنت وفي بنت ثانيه حاطين الاهدات من اخوانه في صفحة بنت ثانيه برضو من قروبي الاولي تقول مالي ذكرات كلهم حاطينها بصفحه ثانيه والثانيه تقول هذي مو ذكرياتي ذاكراتها وبنت صحيح انها هاديه وكل شي بس مالهم حق يحطون لها سايلنت بيج<صفحة صامته والي مأكدلي انهم متعمدين انو الاغلاط بقروبي بس فا مره قهر المهم امس صاحبتي راحت للابلة وقالت لها اني مره متضايق وكلمتني الابله وواستني واقترحت علي اضيف صفحات انا من عندي ومادرى ايش بس تفشلت طول الوقت امسح دموعي وخشمي قدامها خخخخخخ المهم انو طاب خاطرى شوي ووهذه اغلب احداث امس ايه وخلااتي راحو امس من عندنا حسافه عاد ماما صحتني من النوم قالتي تبين تودعينهم ولا لا قلتها الا وبس واليوم استفغر الله وناسه خلصنا اخر درس رياضيات والابله يا حياتي عطتنا اوراق نكتب شعورنا ها اللحظه وجالسه تقولنا انو مرره استمتعت معنا مع انو تعبنها لان اساسا ضعيف بس قالت انا متاكده منكم لاني ما خليت معلومه وما عطيتكم وان شاء الله دفتر الرياضيات بيفيدكم لاني تاكدت انها شاملة كل المعلومات بس من جد بتوحشني ها الابله الله يسعدها امين اوف الابله العربي النحيسه اختبرت الاحد والمفروض اخذ فوق 10 وحاطلتي على الاول الي قلتها اني ماذاكرتها عشان كذه اختبرت مره ثانيه الاحد تقولي انها حطتها لانها لسه ما صححت ورقة الاحد ولا الي يقهر تتريق تقولي بس ذاكري بكره اخاف اصصح وتطلع درجتك مو حلوه قهرتني المهم مارح اذاكر ادب زهقت وانا اذاكره بذاكر نحو اخذت فيه 8 الظاهر فا بعدلها هو درس واحد ان شاء الله سهل وبرضو في اختبار كيمياء بس ذاكرته جمعه واحد برضو فا براجعه لان في جدول مزهقني مو عارفه شلون احله وشفتها اكثر من مره جابته ايه كمان بكره حفلة تخرج ايمان وبشاير ومنال وفطوم فا اقولهم مبرروك وعقبال الجامعه امين وان شاء الله رافعين راس اهلكم اكيد ا التعديل الأخير كان بواسطة : Dad's Princess بتاريخ 05-27-2008 الساعة 10:47 PM. |
||
|
|
|
05-30-2008, 06:59 AM
|
#10 | ||
|
السلام عليكم ورحمة الله
اخباركم جميعا يارب تكونون بخير وعافيه الموهم يوم الثلاثاء كنت مره تعبانه ونازله على الملائكه ماغير ساكته ومافي مره احداث غير جلست اذاكر كيمياء وسالتني المامي متى تخرج ايمان قلتها بكره فا طلبت مني اروح لها المدرسه واودي لها ورد طبعا هي سوبرايز حلو بس كان عندي اختبار ولا ادرى اي حصه فقالت مامي خلاصانا بوديه قلتها اجل بكلم شيرو ومنوله يستقبلونك وطبعا سوينا كل شي وجهزنا وعطيت ماما ارقم جولاتهم بس الاغبيه ثنتينهم ما خذوهاوطبعا الاربعاء خليت كل بنت توقع على صفحتها بكتاب التخرج وكلهم قالولي حركتك حلوه ونايسي مافكرنا فيهاالمهوم واثير يا حياتي كتبلتي فيه وسوني باقي اموله الدوبه ايه والبنات يبون اودي كميره عشان نصور اشياتنا قبل التخرج <عورني قلبي وقلتهم انا ادبرها بس اشياء مانبي نصور اعمرنااالومهم انو احسب تخرجنا الاحد وبعدين حسبتو الاربعاء وتو امس تقولين تاريخ4\6 باقي عليه يا هبله وانا ضحك واحك راسي  الموهم اني ابي اسوي شي غير شرايكم اقص شعري-اصبغه- من جد شا اسوي بذات انو لابسي مقيد بقميص ابيص وتنوره سوده حتى الجزمه المشرفه مهدده تبيها سوده ومارح يوكن فيه عباية ولا حتى قبعه اصلا الحفل باين عليه بايخ من جد بايخ انشودتنا اليبعربي لسه يفكرون يغيرونا ولا لا واحنا ما تدربنا على شي وجع وانشودة الانقليش للحين ما ضبطنها وجع استغفر الله كل شي يؤادي الى افــــــــــــــــــــــــــــــــــــــــــشـــــ ــــــــــــــــــــــــــــــــــــــــــــــــل حفلة تخرج كل يوم اصيح من القهر سخيفين من جد وما يستحون ولا يقولون انو احنا احسن دفعه مع انو جننها كثير مالت عليهم من جد مقهوره واحساسي قوي انه بيكتبون من فاشل من اساسه صدقوني وطبعا للحين ما خلصنا الا رياضيات والـE بس الكيمياء باقي فصل كامل ومواد الدين كل وحده باقي لنا فوق 4 دروس والفيزياء لستنا ببداية الفصل الاخير والعربي تونا خلصنا ولستنا نخطط ونحذف من جد وجديد ولا احلى شي يوم السبت عندي 5 اختبارت يا عالم خمسه ايش اخلص واخلص امس خلصت الفقه والنحو وحفظت القران واليوم بدية بصفحه الاولى\لا والطائفة اللاولى من 7 بالاحياء  وكملت دفتر الفيزياء وبكره لازم فصل كامل رياضيات مع انو مافيه درجات بس لازم لان تعبرت مراجعه لنا وطبعا اكمل الكمستري الي يزهق اوف اختباري الاربعاء من جد انقهرت جابت الجدوال وبرضو مع اني عرفت اذاكره الا اني ما حليت واقول للابله لاعاد تجبينه تقول لازم اجيبه قلته لا تجيبنه ذاكرته وشوفي ما حليت مره صعب قالتلي انتي يمكن ذاكرتيه مره وحده \لازم تتدربين عليه متى طيب ادرب عليه واحنا لسه بفصل الي قبل الاخير وبعله نمشي اووووووووووووووف الحاله مره عويسسه وانا جالسه انكر وطبعا واكيد الناس خلصت واشترت لتخرج وانا ما خلصت والي قهر اني باقي لبس التخرج ولبس للحفلة الي بيسونها لي اخواني ولبس لعرس ولد خالي والي اعتبره اخوي فديته وحتى بالاجازه بيكون قدرات+تسجيل+دورات عشان احسن الـE وطبعا ابي اسجل بنادي رياضياي مع بنت خالي لان كيلو واحد وبيصير وزن من الاوزان الزائده من جد قرف ماني عارفه انظم وقتي ابدااااااااااااااااااااااااااااااااااااااااااااااا ااااا يارب ساعدني وخفف عني  ^^^خربشات بنت ثالث ثنوي علمي مغلوب على امرها مع السلامه التعديل الأخير كان بواسطة : Dad's Princess بتاريخ 05-30-2008 الساعة 07:06 AM. |
||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
