|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
05-30-2008, 10:32 AM
|
#1 | |||
 
|
°l||l° طموحي يتخطي المستحيل °l||l°
بسم الله الرحمن الرحيم السلام عليكم ورحمة الله يا أعضاء ألم الأمارات .. حبيت من هالصفحه إني أعبر عن بعض يومياتي أتمني إنكم تستفيدون من الشي اللي بقدمه .. ويمكن الأنسان من موقف بسيط يستفيد لكن أتمني إني أفيدكم وتراني قالبه للنقد بس بدون تجريح ... بعرفكم بنفسي قبل .. أنا دموع الهاجس سجلت في هالمنتدي تاريخ 1 - 3 - 2006 وكان أول منتدي أسجل فيه هو هالمنتدي كنت قبل أتابع كل شي في المنتدي بس عقب من كثر ما حبيت المنتدي حبيت إني أشارك فيه .. نكي دموع الهاجس أنا اخترته جي اخترت قبل ما أسجل فيه كذا اسم لكن كل الاسامي كانت موجوده في المنتدي .. أحيانا أشوف إنه النك يركب عليه وأحيانا لا أحسه النك ما يخصه فيني ... معني النك نيم مالي طبعا دموع تعرفون شو معناتها ما يحتاي أفسرها .. الهاجس من هجس وهو الشي الذي يدور بالخاطر .. طموحي إني أكون ناجحه في المستقبل أو أكون فعاله في المجتمع اللي أنا عايشه فيه وأنا أقصد إني أحقق شي لأني مع المقوله اللي تقول " الحياة أمل ومن فقد الأمل فقد الحياه " يعني اللي عنده بصيص من الأمل إنه ينجح ويحقق اللي يباه بيكون قادر على فعل هذا النجاح ... أتوقع اليوم بس كفايه وايد رمست أتمني من الأعضاء إنهم يكملون حياتهم حتى لو واجهوا الكثير من الصعاب ... تحياتي لكم : دموع الهاجس 
التعديل الأخير كان بواسطة : الهــ دموع ـاجس بتاريخ 05-30-2008 الساعة 10:34 AM. |
|||
|
|
05-30-2008, 06:08 PM
|
#2 | |||
|
السلام عليكم قبل ما نبدأ حبيت أشكر كل من عيناويه 13 وإن شاء الله بواصل .. والفارسه أقولها الصفحه كانت منوره أكيد بكل الاعضاء مشكوره خويتي على هذا الإطراء .. فوووووووورسه ليش كاتبه إسمج بالانجليزي كل ما أقراه أقراه الفراشه خخخ اتحراج غيرتيه إلا اليوم قريته الفارسه  ... وأشكر أختي قمووووره وتسلمين على كلماتج المشجعه لي أكيد ... اليوم بحطلكم جزء من موضوع أنا قريته أتمني إنكم تستفيدون منه وإنتوا تقرون الكلمات أباكم تعيشون وياها .. الكلمات تدفع الواحد لتخطي الصعاب اللي تواجه فأسلوب جدا راقي وممتع ... تعلم إن تحتوي كل من يمر بك.. لا تصرخ عندمـا يتأخر صديقك .. ولا تجزع حين تفقد شيئا يخصك.. تذكر إن كل شئ قد كان في لوحة القـدر .. قبل إن تكون شخصا من بين ملايين البشر . إن غضب صديقك .. اذهب و صافحه و احتضنه .. وان غضبت من صديقك .. افتح له يديك و قلبك .. إن خسرت شيئا .. فتذكر انك قد كسبت اشياء .. و إن فاتك موعد .. فتذكر انك قد تلحق موعــدا. ً مهما كان الألم مريرا ومهما كان القادم .. مجهولا ..افتح عينك للأحلام و الطموح ..فغدا يوم جديد .. و غدا أنت شخص جديد . لا تحاول إن تجلس و إن تُضحك الآخرين بسخرية من هذا الشخص أو ذاك .. فقد تحفر في قلبه جرحا .. لن تشعر به .. و صديقك.يعيش به حتى آخر يوم من عمره . فهل على الدنيا أقبح من إن تنام .. و إن ينامون وصديقك .. يئن من جرحك ؟!! و يتوجع من كلماتك ؟! كن قلبا و روحا تمر بسلام على الدنيا.. حتى يأتي يوم رحيلك .. إلى الآخرة .. فتجد من يبكي عليك من الأعماق.. و لا تدري .. متى يكون الرحيل ..ربما يكون اقرب من شربة الماء .. أو اقرب من أنفاس الهواء . بالتأكيد .. سترى إن الحياة يمكن إن تكون جميلة حتى في عز الألم .. و في وسط المعاناة .. ستجد إن ابتسامة ما تخرج من أعماقك .. تخرج من زحمة اليأس و المرارة .. تخرج من صميم الذات.. عندها ستتذكر ,,,كم أنت إنسان... هذا الموضوع مقتطفات منه مب كله بس طراحه من أجمل المواضيع اللي قريتها .. أتمني إنكم تستفيدون من اللي تقرونه وأتمني إنكم تنفذونه لأنه في النهايه الأنسان مهما يواجه من مراره في الحياه أكيد يواجه في حياته الكثير من الايام الحلوه .. نشوفكم على خير وقت ثاني ...
|
|||
|
|
|
05-31-2008, 02:34 PM
|
#3 | |||
|
السلام عليكم اليوم مثل أي يوم مر بسلام والحمدلله طبعا أنا عندي أسبوع إجازه وبدرس الأسبوع الياي صيفي والله يوفقني ويعدي هالصيفي على خير وتخطف أيام الحر بسرعه .. صح ما كان لي نفس آخذ صيفي الواحد بيا يرتاح من بعد تعب كان سنتين طبعا ما خذت فيها إجازه مثل الناس العام خذت صيفي بعد وكانت إجازه آخر السنه هي شهر وإجازه الربيع 3 أسابيع يعني أنا أحسها شويه هالاجازه لأن الأيام اطوف بسرعه ونرجع نداوم من أول ويديد ونكرف في هالجامعه ... يا أعضاء ألم الامارات بقولكم تجربه استوت فيني والحمدلله عدت على خير ... أنا قبل يوم بغيت أدش الجامعه كنت أتمني أدرس قانون كنت أحب هالمجال صح ما كنت أقري وايد فيه بس أنا أحب إني أدافع عن الناس إذا كانوا مظلومين بس أستوي شي ما كنت محطتنه فبالي ... بتقولولي شو أستووووي ؟؟؟!!!! أبويه كان معارض إني أدش قانون وإضطريت إني أدخل مجال أنا ما كان لي رغبه فيه بس يوم دخلت المجال اللي أنا فيه الحين الحمدلله مرتاحه يمكن صح علاماتي مب وايد عاليه لكن الحمدلله بالنسبه لي مرضيه ... تعرفون أنا صح كان خاطري أدش مجال معين بس يمكن الظروف لعبت دور وما دشيته لكن مع هذا أنا دشيت مكان ثاني والحمدلله لين الحين حققت فيه النجاح وبإذن الله أكمل ... يعني مب شرط أي شخص يدرس الشي اللي يباه وإذا ما درسه تستوي كارثه بالعكس ممكن هالشخص يبرز في أماكن ثانيه حتى لو ما كانت قد طموحه ... أظن كفايه اليوم نشوفكم مره ثانيه ..
|
|||
|
|
|
06-01-2008, 12:20 PM
|
#4 | |||
|
السلام عليكم أشكر بقايا آلام على التقييم وإذا يومياتي بتشجع وايد ناس وبتدفعهم للأمل أنا مستعده أكتب وأكتب وبدون تعب لأن الهدف من هالكتابه الأستفاده .... بتكلم اليوم عن الصداقه .. الأنسان تمر عليه في هالحياه ناس وايد في منهم ينعدون أصدقاء وفي منهم زملاء وفي منهم تعارف .. يعني الأصدقاء يعني يكونون نادرين تراهم وصدقني ما بتعرف بقيمة صديقك إلا يوم تفارقه .. أحيانا تعلب الظروف دور وتفارق شخص انته تعزه ويمكن يكون صديقك فهل بتتأثر ؟؟؟ أتوقع مدام هو صديقك يعني بتتأثر بس هل هالشي يحطمك كأنسان ؟؟ كلنا مرينا بأصدقاء افترقوا عنا لأسباب مختلفه لكن في النهايه هل المحبه والمعزه تنتهي بالعكس ما تنتهي حتى لو تفارقنا .. يعني مثلا بقولكم سالفه يوم أنا كنت صف خامس صح الزمن وايد بعيد لكن يمكن من أكثر الأشياء اللي أثرت فيني وأذكرها لين هاليوم .. كانت عندي صديقه الروح بالروح وهي وحليلها يوم وصلنا هالمرحله جان تقولي إنه هم بينتقلون وجي بس هي ما تعرف متى بيكون آخر يوم إداوم فيه في المدرسه وفي فتره من الفترات أنا مرضت وغبت عن المدرسه ثلاث أيام يوم رديت أشوف البنت محد يمكن تأثرت بس مع هذا ما نسيتها لين اليوم أذكرها وأذكر أسمها بس اللي حاز فخاطري إني ما سلمت عليها قبل ما تنتقل ... أحيانا الأنسان يفترق عن ربعه بسبب الظروف يمكن الظروف تكون أقوي عن الشخصين بس اللي الله كاتبنه بيستوي ... أنا أفترقت عن أشخاص بسبت ظروف كانت أقوي عن الطرفين لكن مع هذا ما نسيتهم ولا عمري بنساهم إن شاء الله لأنه عندي أمل إني في يوم من الايام ممكن أشوفهم ممكن نرد مثل قبل ..الأنسان ما يوقف عند نقطه الأنسان يكمل ... هل فكرتوا فيوم من الأيام إنكم تسامحون الشخص اللي افترقتوا عنه ؟؟ ليش لا بالعكس هالشخص يمكن ما وده يفترق عنكم بس الظروف مب بيده الظروف أقوي عنه هل فيوم يلستوا مع نفسكم وقلتوا ليش هو ابتعد هل حاسبتوا عماركم ... على العموم أتمني من كل شخص عنده صديق لا يفرط فيه بسهوله حتى لو الكل ضدكم أتمني إنه تكون عندكم أمل لأنه في الدنيا بعدنا عايشين وما انتهينا .. أتمني من الكل إنه يشوف أغلاطه قبل ما يحاسب ربيعه أو صديقه بسبب غلطه هو ارتكبها ... صح صعبه إنك تفارق شخص تعزه لكن الأصعب إنك تمسحه من حياتك للأبد ... واللي يمسح شخص من حياته هل هو فعلا عد هالشخص صديقه إذا كان عادنه صديقه ليش ينساه ؟؟؟ في النهايه أتمني من كل اللي يقري هالموضوع إنه يحط ألف عذر لصديقه وأخوه لأنه محد يعرف شو في النفوس وأتمني بعد إنكم تستفيدون من اللي انكتب ... نشوفكم على خير
|
|||
|
|
|
06-02-2008, 09:46 PM
|
#5 | |||
|
السلام عليكم شحالكم يا عرب ؟؟ اتمني إنه الكل يكون بصحه وعافيه .. أشكر أليون الوحداويه على تقيمها .. الوحداويه طولي بعمرج يمكن الشخص اللي جدامج جذب للسبب هل أنتي بتحاسبين صديقتج ليش هي جذبت وإلا بتقطعين علاقتج فيها حتى قبل ما تعرفين هي ليش جذبت ؟؟ طبعا إليون الوحداويه تقول الصداقهـ شيء جميلـ ,, لكن إذا مرهـ وحدهـ جذب ما اسميهـ صديقـ لان مفهوم الصداقهـ من الصدق و ليس الجذب .. شوفي يالوحداويه أحيانا الأنسان يضطر يجذب بسبب ظروف طبعا أنا ما أشجع على الجذب بالعكس أنا مول ما أحب هالصفه لكن أحيانا الظروف تجبره يسوي هالشي حتى لو ما يبا فعشان جي قبل ما تبتعدين عن هالصديق أو تنهين صداقتج وياه لازم تعرفين شو اللي خلاه يجذب صح الوحداويه ... اليون الوحداويه شرايج تستوين اليون الوصلاويه خخخ تشجعين ويايه بنسوي فريق وياج .. تسلمين مره ثانيه على تقيميج واليومياتج منوره بوجودج حبيبتي ... أشكر أختي الصغيروونه على تقيمها وكلماتج وسام على صدري يا أختي الصغيره  ..والله يسعد الجميع في الدنيا والآخره يا الصغيرونه ... أمس كان من أحلي أيامي رمست أنسانه من زمان ما رمستها تولهت عليها وعلى ضحكتها الحمدلله صح استوت ظروف بس ما أدري ما توقعت فيوم أرمس هالإنسانه بس كل شي مكتوب والحمدلله إني رمستها مره ثانيه .. من الفرحه ما ياني الرقاد أمس خخخخ فديتها والله محد يسواها بتظل غاليه على قلبي حتى لو الظروف عاندتنا ... نشوفكم على خير
التعديل الأخير كان بواسطة : الهــ دموع ـاجس بتاريخ 06-02-2008 الساعة 09:48 PM. |
|||
|
|
|
06-03-2008, 12:40 PM
|
#6 | |||
|
السلام عليكم إنا لله وإنا اليه راجعون ,, أبوظبي في 3 يونيو / وام / ينعى صاحب السمو الشيخ خليفة بن زايد آل نهيان رئيس الدولة " حفظه الله " أخاه الشيخ ناصر بن زايد آل نهيان وزملاءه الذين انتقلوا إلى رحمة الله تعالى إثر حادث سقوط الطائرة العمودية التي كانوا يستقلونها الليلة الماضية فوق مياه الخليج . وبهذه المناسبة الأليمة تعلن وزارة شؤون الرئاسة الحداد الرسمي في الوزارات والدوائر الحكومية لمدة ثلاثة أيام اعتبارا من اليوم. هذا وسيصلى على جثمان الفقيد وزملائه بعد صلاة عصر هذا اليوم " الثلاثاء " في مسجد سلطان بن زايد آل نهيان في البطين . ويتقبل صاحب السمو الشيخ خليفة بن زايد آل نهيان التعازي في قصر المشرف بعد أن يوارى جثمان الفقيد الثرى. " تغمد الله الفقيد بواسع رحمته وأسكنه وزملاءه فسيح جناته وإنا لله وإنا إليه راجعون ". اللهم اغفر له ارحمه و عافه و اعف عنه و اكرم نزله و و سع مدخله و اغسله بالماء و الثلج و البرد و نقه من الذنوب و الخطايا كما ينقى الثوب الابيض من الدنس وأبدله دارا خيراً من داره وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ر وعذاب النار اللهم ثبته عند السؤال والهمه النطق بالصواب اللهم عبدك وابن عبدك وابن أمتك يحتاج إلى رحمتك وأنت غني عن عذابه ـ إن كان محسناً فزد في حسناته وإن كان مسيئاً فتجاوز عنه إنا لله وإنا إليه راجعــون ادعوله يا أخوان هو محتاي دعائكم في هاللحظه .. نشوفكم على خير
|
|||
|
|
|
06-03-2008, 11:36 PM
|
#7 | |||
|
السلام عليكم مساء الخير على الجميع ... أشكر كل من قيمني ومشكورين بس أنتوا مب حاطين أسمائكم على العموم مشكورين .. المود اليوم ما ادري أحس بضيق شوي .. ليش الأنسان يوم يعز شخص ويتمناله الخير .. يشوف الشخص يبتعد عنه أكثر وإلا يسمعه رمسه ما تخطر على باله .. هالإنسانه عزيزه على قلبي وايد فوق ما تتصور أحاول أرضيها بأي شي بس ما ادري ليش كل ما أحاول أتقرب منها تبتعد عني .. إذا تقري اليوميات حبيت أقولها إني لا يمكن أتخلي عنج حتى لو تبتعدين إنتي عني .. أتمني أعبر لها شو فقلبي بس يوم أشوفها ضايقه وإلا مودها مب أوكي أسكت ما أقولها شي.. أتمني هالأنسانه تعيش حياتها مرتاحه والحزن يخوز عنها شوي .. هالأنسانه طبعها غير عن الناس أول مره أتعامل ويا وحده جي طبعها ترى طبعها شوي صعب بس شو أسوي هالأنسانه خلتني أعزها بأسلوبها وصارت أغلى شخص عندي بس الأيام والظروف لعبت دور في تفريقنا وعقب ما ردينا ويا بعض أتمني إنا نرد شرات قبل وأحسن وننسي اللي صار ونفتح صفحه يديده ..يالله الحمدلله على كل حال .. طبعا هالأنسانه أتمنالها الخير أتمنالها تعيش مرتاحه وتستانس في حياتها وأقولها عندج ربع وياج في الشده قبل الفرح ... صديقتي أصبحتي الهواء لي ..أصبحتُ لا أفكر في شخص سواكِ .. لماذا أسرتيني لهذه الدرجه هل فيكِ شي مختلف ؟؟ هل فيكِ شي جذاب ؟؟ أنتي ضحكتي كيف لا وأنا أضحك عندما تضحكين .. أنتي الدافع لي للأمام أنتي النجاح لي .. أنتي ملكتي وجداني .. أنتي من غيرتي أسلوب حياتي .. شكرا صديقتي ستظلين في قلبي رغما عن الجميع .. أدري مب فالحه في الفصحي بس شو أسوي عشانها كل شي يهون .. وأقولها حتى لو الكل ضدنا اللي الله كاتبنه بيصير وأنا أحبج وايد ... ونشوفكم على خير
التعديل الأخير كان بواسطة : الهــ دموع ـاجس بتاريخ 06-03-2008 الساعة 11:43 PM. |
|||
|
|
|
06-04-2008, 04:52 PM
|
#8 | |||
|
اكذب عليك ان قلت ماني بمشتاق
واكذب عليك ان قلت حبك نسيته خل الكلام اللي طعن صمت الاوراق يحكي لك اللي ما نطقت وحكيته ناظر عيوني شوف تاثير الاشواق شوف الفرح وشلون بعدك جفيته كتفي يشيل من الزمن فوق ما طاق والضيق يرضابي وانا مارضيته الى متى وانا انتظر لحظه اشراق الى متى والحزن هالقلب بيته الى متى والهم ينحت بالاعماق واسقيه من فراقك دمع بكيته ياصاحبي شف خاطري ما بعد راق بنفس الطريق اللي انتهى وابتديته ضاق الزمان وكل شي بعدك ضاق حتى القصيد اللي بصدري احتويته عمر الشعر ما ضيق صدور الاوراق الضيق ضيقي لاكتبت وقريته تعبت اجمع ما بقالي من اشوااق واقول ليت الوقت يفهم ياليته ياقو قلبك وانت محرقني احراق ارفق بحال اللي ذكرك ونسيته تدري عزاي ان حدك القلب تشتاق دور علي بكل درب مشيته يمكن تلاقي درب بدروب الفراق يجوز ربي كاتبه واهتديته ومدام ربي في يده قسمت الارزاق انا اقتنعت بما كتبه ورضيـــــته الكلمات منقوله ما أعرف كلمات منوه بس للأمانه تراها منقوله مالي نفس اليوم أكتب شي بس أقول لشخص يعرف نفسه إنه الدنيا دواره وبدور الدنيا عليك الله يسامحه بس ... نشوفكم على خير ..
|
|||
|
|
|
06-05-2008, 11:44 AM
|
#9 | |||
|
السلام عليكم صباح الخير لجميع مرتادي ألم الامارات وإن شاء الله يكون يومكم مليء بالتفاؤل والله يبعد عنكم الضيق والحزن ... ألف مبروووووك للناجحين والناجحات في الثانويه العامه يستاهلون والله .. والله يوفقهم في حياتهم الجامعيه اليديده .. ربيعتي نجحت وهي ثانويه عامه تستاهل صراحه والله يوفقها في الجامعه اللي بتسيرها .. ما أدري جان حد من أعضاء ألم مخلصين الثانويه  يالله جانه حد مخلص ولا يزعل بنقوله مبرووووك ويستاهل ... بعد يومين بيبدأ الدوام الصيفي .. موووول مب متشجعه لهذا الصيفي بس شو بسوي لازم آخذه .. الله يعديه على خير بس ... كل ليل دون صـوتك ينقضي قــهر وظــلام مثل طفل ضايع وســط المــلا يصرخ كسير كل لحظه في غيابــك ترسل لقلبي سهام وكل جــرح في وجودك يصبح بعيني يسير من يموت "بحب" مثلك لا حشى ماله ملام تاج راس للبشر مــن يلبسه يصبح أميــــــر نشوفكم على خير
|
|||
|
|
|
06-05-2008, 11:02 PM
|
#10 | |||
|
•°o.O ( الــيــقــط ) O.o°•
السلام عليكم شحالكم يا أعضاء ألم وضيوف ألم عساكم بخير .. اليوم أنا أشوف في المواضيع عيبني موضوع وحبيت أنقله لكم .. وهو طريقه عمل اليقط : *نضع اللبن في وعاء طبخ ونضعه على نار هادئة حتى يتبخر الماء .. وتبقى كتلة لبن متجبنة .. انظرالصورة .. اللبن يطبخ على النار و ( سائل اللبن ) على وشك الجفاف :  * بامكانك تسريع عملية تجفيف المصل ( سائل اللبن ) عن طريق شخل المصل ثم إعادة كتلة اللبن المتجبنة على النار الهادئة حتى يجف السائل تقريبا .. * بعد ذلك ارفع الجدر من على النار واترك اللبن المتجبن يصل إلى درجة حرارة الغرفة ثم ابدأ بالعجن حتى تتحول إلى عجينة واحدة .. * ابدأ بعمل كرات صغيرة بحجم حبة الليمون الصغيرة ثم اعملها على شكل اقراص مع وضع شكل اصابعك عليها كما هو واضح من الصورة ويمكنك استخدام القوالب للتشكيل ... * صف الاقراص في صحن مفروش بشاش او منشفة لتسحب رطوبة اقراص اليقط وغط اليقط بطبقة من الشاش ثم انشره في الشمس لمدة يومين او ثلاثة ..  * بعد ان يجف ستخرج بيقط نظيف من شغل إيدك ويفتح النفس .. * ممكن طبعا تضيف ملح على اللبن قبل طبخه إن اردته مالح شوي أو تترك الحليب يتحمض شوي قبل طبخه إن اردته اكثر حموضة او ملوحة .. * وهذه النتيجة النهائية ... هذه الاقراص نتجت من ( جالون لبن كامل )  وصحتين وهنا .. مثل ما قلتلكم الموضوع منقول هو والصور أتمني إنكم استفدتوا من اللي قدمناه لكم .. نشوفكم على خير ..
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
