|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
06-17-2008, 12:40 PM
|
#1 | |||
  
|
يَـومِيــاتِــي وذِكْـريـاتٌ مِـن حيـاتِـي
بسم الله الرحمن الرحيم
الــســـ عليكم ورحمة الله وبركاتة ــــــــــلام في الحقيقه من فتره وأنا كنت معزم على أنشاء صفحه في اليوميات لاكن على مايقولون الهوى ضدك والموتر خجم عاد أمس العصر أخيرا عزمت وقررت أني ماراح أطلع الا و أنا مسوي الموضوع لاكن جاني أتصال وطلعت مستعجل وقدر الله وماشاء فعل دعمت والحمد لله جات بسيطه والدعوه سهالات المنتدى يجبر الواحد على المواضبه عليه بكل صراحه حتى اذا كان عنده أشغال ثانيه أو منتديات ثانيه مسجل فيها انا لي تقريبا سنه مسجل في المنتدى الا أن معرفتي بالاعضاء قليله جداً لأن أجي بين فتره وفتره و أنشغالي في منتديات أخرى لاكن بالفعل المنتدى فيه ناس مبدعين ماشاء الله عليهم منهم اللي طلع ومنهم اللي مستمر عرفت عن المنتدى من طريق أحد القصص اللي حبيتها وحبين كاتبة القصه دخلت قوقل أبحث عن كاتبة القصه لقينا لها مقابله في أحد المنتديات وقالت انا بديت في منتديات ألم الامارات وعلى قوقل مره أخره وبحثنا عن ألم الامارات و وجدناه وسجلنا فيه لاكن تفاجئت أن الكاتبه منقطعه لها ست شهور في ذاك الوقت يعني الان لها تقريبا أكثر من سنه وكانت أخر زياره لها في تاريخ 22/2/2007 وهي الكاتبة حمران النواظر قريت أول قصه لها (قمر خالد) وكنت رافض قرايت القصه لاكن قالي ولد خالتي (أنصحك يالبيرو تقرها والله أ،ك تدمن على القصص) وبالفعل راح وقتي كله مخصص لقصة حمران النواظر (قمر خالد) وسلامتكم
|
|||
|
|
06-17-2008, 11:49 PM
|
#2 | |||
|
أختبارات
ضغوط نفسيه خوف ألام المعده بسبب رهبة الاختبار وياليت نذاكر زين المدرسيين مو مقصرين معنى في الملخصات وبعض المدرسين يقولون في صريح العباره اثناء الشرح هذا السؤال راح يجيك في الاختبار لاكن انا ملاحظ شي الدراسه تغيرت فوق تحت يعني بالاول كنا ندخ المدرسه واحنا نبتسم ونضحك ووناسة الشباب في الفصل وضحك وسوالف وحركه لاكن ألحين أختلف كل شي أدخل الفصل واطلع محد يدري عني كله ساكت مالي صوت هادي مع أني بالاول مزعج ولا أفتخر أني مزعج لاكن أختلف الامر تماماً حتى كرهت المدرسه وسرن أغيب في الاسبوع يوم او يومين بحيث لي سنتين ماداومت اسبوع كامل بالمدرسه الا اياام الاختبارات لاكن الغريب في حفل التخرج كنت فرحان وحزين لأني بفارق المدرسه بكره علي اختبار احياء أنتظر الملخص يجيني من ولد خالتي بعد شوي ......
|
|||
|
|
|
06-18-2008, 11:51 AM
|
#3 | |||
|
الحمدلله خلص الاسبوع الاول وأدعوا لي بالنجاح
على فكره اذا دعيت حق أخيك المسلم أو عليه فيه ملك يقول ولك بمثل يعني اللي يدعي لي بالنجاح راح يقول الملك ولك بمثل اما اختبار اليوم اللي هو احياء الحمدلله زين وبما أني بثالث ثانوي مسموح لي ألتفت في الختبار يعني يتساهلون معنى المراقبين الله يجزاهم خير يوم السبت فيزياء الله يعيين ويعاون ان شاء لله في الفصل الدراسي الاول كانت علي ماده وحده وهي الحاسب مع أني شاطر بالكمبيوتر والنت لاكن الاستاذ الله يهداه عاد جدتي دايم تقول شد على حيلك كلها الا كتيب واحد وتخلص يوم الاثنين الا هي تسأل تقول هااه خلصت الاختبارات قلت لا باقي علي اسبوع ونص قالت يقولون عليك واحد بس <<خخخخخخخخ الله يطول في عمرها تحسب أني أختبر الحاسب بس مادرت انها أكثر من 10 مواد
|
|||
|
|
|
06-19-2008, 03:56 PM
|
#4 | |||
|
شرايكم في الصوره الرمزيه
اكييييد انها حلوه مشكلتي أني أحب مسلسل الزير سالم لان فيه وفاء الاخ ما أقصد ايام الحرب لا حتى قبل الحرب اذا قال كليب كلمه حتى اذا كانت تزعل الزير الا انه يتقبله مثل الامر عليه ولا يرضى أحد يغلط على أخوه كليب وحلو اللي كذا يحب أخوه محبه كبيره حتى سار يضرب بالمثل وفيه شعار واجد مثلوا الوفاء والاخلاص بالزير و أخوه كليب
|
|||
|
|
|
06-20-2008, 01:46 AM
|
#5 | |||
|
الهوين كان يمشي*كان يمشي فوق رمشي
اقتلوه بهدءٍ * وانا أعطيه نعشي من قال هذه الكلمات أوضح لكم هذي قالتها شاعره في عام الفيل كانت مجنونه بسبت أن عمها ذبح حبيبها عمها اللي قال (دع المقادير تمشي في اعنتها * ولاتبيتن الا خالي البالي) التلفزيون معاد يجيب شي عدل واذا جاب شي جننك بالفواصل الاعلانيه يعني تزهق ولا تتابع اللي تبيه اليوم كنت اسوق السياره وانفتح الكبوت وضرب القزازه الاماميه بس الحمدلله ما انكسرت ولا كان طاحت علي القزازه الله يعينا على اختبار الفيزياء
|
|||
|
|
|
06-21-2008, 08:50 PM
|
#6 | |||
|
أحلى بااااااك لعيونكم
الحمدلله أختبار الفيزياء عدا على خير والله يعينا على باقي المواد  بكره علي جيلوجيا(علم أرض) الله يعينا على الصخور والاحافير والمياه الجوفيه وباقي المنهج نصيحه لوجه الله عليكم بالاستغفار كثروا الاستغفار قال تعالى ( استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم أنهاراً). في حديث صحيح قال صلى الله عليه وسلم: "من لزم الاستغفار جعل الله له من كل هم فرجاً ومن كل ضيق مخرجاً ، ورزقه من حيث لا يحتسب". يعني اذا كنت متضايق او مهموم او خايف من وقوع شي كثر الاستغار وريح بالك يعني الله خلقنا وقدر علينا الضيقه والمصيبه والخوف ولاراح نقدر نبعد هذي الاشياء عنا الا بالستغفار اشكركم على مروركم في صفحتي
|
|||
|
|
|
06-23-2008, 01:23 AM
|
#7 | |||
|
السلام عليكم ورحمة الله وبركاته اليوم كان علينا علم أرض وكنت مغمض عيوني بنام و أنا ذاكرت بس مذاكرتي كانت حليوه دق الجوال الا واحد من العيال يقول تعال بالمجلس خذ براشيمك>>  بس عرفت ان الدعوه جمعت شباب ولعب بالوت قمت من الفراش ودلخت عليهم المجلس  الا المجلس معفوس فوق تحت اوراق منثره وحاطين ألة تصوير و أسلم الا يقوم راعي المجلس ويصور لي ثلاث أوراق كل ورقه فيها حول 8 أوراق مصغره والله و أخذها و أقصصها و أضبطها و أنا من داخل مو مقتنع باللي قاعد يسير المهم أني لعبة بالوت وطلعت من المجلس على الساعه خمس تقريبا وخليت الاوراق (البراشيم) الا يلحقني واحد من العيال فيها قال لي أخذها قلت لا ما أبيها قال أنصحك خذها قلت يا أبن الحلال أنا في عمري مادخلت براشيم معي وانا ألحين بثالث أدخل معي براشيم قال أيه لأنك بثالث دخل والله أن المدرسين يشوفونها عندك ولا يقولون لك شي الدعوه عاديه المهم خذتها ودخلت الاختبار كان زمن الاختبار ساعه ونص ويروح من الوقت ساعه والورقه عندي بيضه حاولت أحل من اللي ذاكرته لاكن مستحيل الاختبار صعب التفت على الشباب الا الربع رايحين فيها أوراق بيضا ماغير مكتوب فيها الاسم وبس ويدخل علينا المدير قال أشوف الشباب محد حل فيهم عشان كذا راح يوكن زمن الاختبار ثلاث ساعات كنت حاط البراشيم في مخباي اللي فوق والا يجي المراقب ويضرب المخبى اللي فوق ويقول يالله حل بسرعه انا عرفت أنه شاف الاوراق عندي وكأنه يقول طلعها وحل قلت له المكان مايصلح قال طيب قوم و أقعد هناك الا المحل في زاويه و أروح و أطلع أوراقي و أحطها على الطاوله وأحل الورقه كلها يوم خلصت الا الوكيل واقف على الباب ويقول يالبيرو عاد مو كذا شوي شوي ولا يضحك كذا>  انا سرت مثل ذا الفيس >  ولكن الحمدلله الدعوه عادي مثل ماقالوا عاد تصدقون ان واحد من العيال كان يلومني اني ما أدخل براشيم وانا أقوله شستفيد اذا عطوني محظر وعدت دور الا يقول انا أكثر واحد عطوني محظر غش بالمدرسه بس يشقونه لان المدرسين يحطون اسئله ولا أصعب منها الصراحه أنا لين ألحين مو مقتنع بالفكره أبدا بكره علي كيمياء الله يعين ان شاء الله
|
|||
|
|
|
06-24-2008, 01:31 AM
|
#8 | |||
|
الحمدلله خلصنا من الكيمياء وحليت زين
اليوم وانا داخل الاختبار واجهت استاذ الرياضيات سلمت عليه قلت شلون درجات الرياضيات يا أستاذ قال حتنجح لاتخاف أنا من الفرحه دخلت الأختبار اوزع ابتسامات على الطلاب بكره علي حاسب و توحيد الله يعين أن شاء الله أشكر كل اللي متابعين واللي قيموني التقييمات 777777
|
|||
|
|
|
06-24-2008, 01:51 AM
|
#9 | |||||||||||
|
اقتباس:
اقتباس:
اقتباس:
اقتباس:
اقتباس:
أحرجتيني بكلامكـ، والاحلى مروركـ، يالغلى ويوفق الجميع لاكن فيه شي بقولكـ، عنه بس ما أدري متى بالظبط وصراحه أسعدني مروركـ، وتقييمكـ عاد لاتقاطعين اقتباس:
ايه وانتي الصادقه كلها يومين بس بعدين ندور لنا جامعه سنعه ندرس فيها عساها تقبلنا أن شاء الله لاهنتي على التقييم والمرور اقتباس:
ولا المرشد الطلابي اللي كانت بيني وبينه ميانه بحيث أني أربع سنين في الثانويه وماقلت له استاذ الا كم مره ولا دايم اناديه أبو فلان وحتى المدرسين اللي من الجنوب واللي من الوسطى واللي من الشمال وبعضهم تختلف بيننا وبينهم المذاهب الا كانوا لنا أخوان متساهلين متعاونين حبونا وحبيناهم يعني (كنا مع المدرسين أخوان)الله يوفقهم جميع وبيض وجيههم ويجزاهم الخير بالدنيا والجنه بالأخره أختي خليتيني أتكلم عن مدرستنا وعن حبايبنا والكلام فيه طويل لاكن أن شاء الله بكتب أشياء واجد عن المدرس في الايام الجايه أشكركـ، على تقييمكـ، هذا التقييم له لون خاص اقتباس:
ولاهنتي على المرور والتقييم وأشكر كل من مر في اليوميات لان بالفعل أنا فيني حماس وفيه أشياء الواحد ماوده يقولها ويتكلم فيها عند اللي حوله وعز الله أنكم أخوان<<مسكت على الطيبه ألحين
التعديل الأخير كان بواسطة : البيرو بتاريخ 06-24-2008 الساعة 01:56 AM. |
|||||||||||
|
|
|
06-24-2008, 01:17 PM
|
#10 | |||
|
اذا كنت تتكلم بجديه وانت مستعجل ويرد عليك اللي تكلمه بكل برود
ويقوول هاااااااااااه دقيقه دقيقه راح يرتفع عندك الضغط وتقعد على نار الله يعيني على اللي عندي بس
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
