|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
06-18-2008, 08:10 PM
|
#1 | ||
  
|
من مسرح الحياة
السلااااام عليكم
كيفكم جميعا ؟؟؟ بداية احب ان اعرفكم بنفسي ... فتاة تدعى روز <<< لاتصدقون  لي من العمر سنوات وشهور وايام  حياتي كالمسرحية تحوي على الكثير من المشاهد احببت ان اشرككم معي ليكون لكم دور ولو بسيط في مسرحيتي <<< عشان تعرفون شكثر احبكم لستُ فيلسوفة ولا كاتبة ولكنني احب الكتابة بالعربية والعامية ايضا حسب الأجواء المحيطة ( تحملو مزاجيتي شوي ) لن اطيل عليكم سأعود عندما أرتب افكاري اراكم على خير |
||
|
|
06-19-2008, 04:34 AM
|
#2 | ||
|
بااااااااااك من جديد
بصراحة بعد ماقرأت البداية الي كتبتها حسيت اني توهقت نوعا ما اكثر شي اعاني منه في الحياة هو التعبير عندي صعوبة في التعبير ودائما ماتخونني الكلمات بعد في مشكلة ثانية بس الحمدلله ماتبان بالكتابة بعدين تعرفونها تأخر الوقت والمفروض اناااااااام لسه باقي لي اختبار واخلص .. لا مافهمتو غلط اخلص اختباراات خلااااااص بتخرج واخيراااااااااااااااااااا ماادري شنو بيكون شعوري يوم السبت افرح ازعل بفارق صديقاتي الي كانوا اكثر من خوات لي روميتي تعودت عليها صارت هي عايلتي مااقدر اقول اني متغربة عن اهلي لاني ماطلعت خارج الحدود لكني بمنطقة ثانية ... اهلي بالشرقية وانا بالعاصمة الرياض مو بعيد مرة بس بعد مو قريبه اشتقت لاهلي واخيراااا برجع بيتنا وبنفس الوقت بشتاق للشله هنا  .................................................. ....................... احيانا الانسان تجيه حاله غريبه يحس فيها ان مشاعره تتتضارب داخله مجموعة مشاعر متناقضة مايعرف كيف يطلعها او بشنو يفرغها هذي حالتي اليوم ابي اضحك ابي ابكي ابي ارقص ابي ادرس مجموعة تناقضات وتراكمات داخلي لازم تطلع عشان ماانفجر يارب صبرني وساعدني ** إليك ياصديقي ... لم اتوقع ان يكون لغيابك هذا التأثير ** تصبحون على خير التعديل الأخير كان بواسطة : كريستل روز بتاريخ 06-19-2008 الساعة 04:37 AM. السبب: كالعادة مزاج :) |
||
|
|
|
06-19-2008, 01:56 PM
|
#3 | ||
|
صبااح الخيرات والليرات
كيف صباحكم ؟؟ عساه جميل ورايق عن نفسي صباحي زحممممة .. نمت متأخر وصحيت بدري وجوعاااااااااانه بس ماني ماكله الحين مو عنااد بس بنتظر العمال يجون عشان يفكون اثاث غرفتي و نخلص جزء من الحوسهاليومين الجايه بنام في غرفة فاضيه .. بنام على الارض يالله بعتبره نوع من التغيير بصراحة ماتوقعت ان عندنا اغراض هالكثر كلنا بنتين بس شنو هذااا !!! لما نقلنا من بيتنا مااذكر اننا عانينا كذا والحين شقة نتفه غرفتين على صالة ومطبخ وهلكنا تعب لنا كم اسبوع واحنا بس نعبي بهالكراتين يكفي بس الاوراق ماتوقعت نفسي اكتب هالكثر طلعت شطورة وانا ماادري المهم اليوم بفضي غرفتي خلاص تم ترتيب كل شي ولله الحمد عقبال المطبخ كل مااشوفه يعورني قلبي ماعندي غير اممم يومين بس والله كثيييير الي قاعد يصير ... وبعدين من الاساس مااحب المطابخ ولا ااحب اطبخ بس من وين جات كل هالالات وهالمواعين ماادري مو من كثر مانطبخ بتقتلني امي اذا شافتهم نصيحة اليوم : عزيزتي الطالبة اذا تدرسين بعيد عن اهلج وساكنه بشقة لاتأخذين راحتج وايد يعني لاتتشرين اغراض الدنيا للمطبخ وغرفتج لاتتعبين حالج وتزينينها .. ابجورات ولوحات وعلب وهالخرابيط الافضل لو تحتوي على سرير ومكتب والسلام والصالة كنبة وحدة وتلفزيون ويكفي عشان اذا جيتي تعزلين ماتتورطين ولاتتعبين ادري قصيدة صارت مو نصيحة بس الي عانى مثلي بيحس وصلو العمال اشوفكم على خير |
||
|
|
|
06-28-2008, 07:44 PM
|
#4 | ||
|
يوميات جميله وباديه اجمل الله يعينكـ، على نقل العفش
مشكورة الاجمل ردج .. الحمدلله خلصنا الله يعينج على لملمة الاغرااض صج هم .. ويووفقج ,, اختج \ فخوره بنفسي هلا خيتو فخوره ابشرجج لميت الي قدرت عليه والباقي تركته لصديقتي << نذله |
||
|
|
|
06-28-2008, 08:05 PM
|
#5 | ||
|
واخيراااااااا خلصنا
هم وانزااااح رديت لاهلي لامي وابوي وخواتي واخواني رديت لبيتنا عقبال اخوي ابو راكان قولو امييييييييييين خلصنا من هم لملمة العفش جينا لهم ترتيبه هنا الظاهر اني مطوله بس احلى شي هنا فيه اهلي يساعدوني يعني ممكن اخلص بسرعة ولو اني طولت صار لي اسبوع الا يوم من رجعت للبيت ومارتبت ولاشي شوي نفسي مسدودة افكر بصديقاتي مشتاقه لهم ومشتاقه لشقتنا 5 سنوات ماهي سهلة تدرون الي يبعد عن اهله فترة ويرجع يحس بشعور غريب ماادري بس بعدني ماتعودت اني خلاص بظل هنا على طول احس اني بإجازة وبرجع مرة ثانية على طاري الاجازة ياحظهم الطلاب على حظي يعني يوم اتخرج يصير رمضان اجازة وانا اجازتي بتنتهي بدري لان باقي لي سنة الامتياز الي تبدأ بعز الحر بشهر اغسطس واداوم رمضان كله تقريبا لا وبعد المستشفى بعييييييييييد نصيحتي اليومية : اذا قالت الوالدة هذا مكان بعيد يعني بعيد اسمعوا الكلام واختارو غيره لاتعاندون لان عنادكم بيجي فوق راسكم ** ان تكون صديقي .. يعني ان تتفهم شعوري ان لا تجرح احساسي .. ان لاتلقي باتهاماتك في وجهي ** |
||
|
|
|
07-05-2008, 08:50 PM
|
#6 | ||
|
مسااااء الخير
شخباركم ؟؟ وكيفكم مع الاجازة ؟ امس كان يوم جميل جدا جدا اقدر اقول انه من اجمل الايام الي ممكن تمر علي رحنا بيت خالتي ام الصبايا عشان كان في حفلنا السنوي بمناسبة نجاح طلاب وطالبات عائلتنا الكريمة  بس المميز هو اني وبنت خالتي قطوة ( لقبها  ) خريجاتكنا نجوم الحفلة  هي ثانوي وانا جامعة  ماقصرت خالتي بصراحة ولا خواتي ماتوقعتهم عاملين هالشغلات الحلوة وكان المكان مزين بشكل جميل بالونات وبوسترات وفيه لوحة تحمل اسمي وثانية تحمل اسم بنت خالتي ووحدة فيها اسماء كل الناجحين و كيكات التخرج ( ثنتين ) كانت هبي فيس لابس قبعة تخرج حاطينهم على جنب مرررة خطيرة ان شاء الله احط لكم صورتها بعد مادخلنا بشوي اخذتنا خالتي فوق ( الحفل كان بالقبو ) وقالت يالله البسو عباياتكم  شوي وتجيب وشاحات مكتوب عليهل الف مبروك التخرج ولبستها للخريجات بس وباقي البنات والاولاد اممم بس كلمة مبروك 2008 ورتبتنا طابور واعطت الاشارة اشتغلت اغنية وقالت يالله انزلو اييه صدقوا كانت مسيرة  سوا لنا مسيرة شاركو فيها كل بنات العائلة الناجحات بجميع المراحل الدراسية والاولاد الصغار بس طبعا ونزلنا مع الدرج على اغنية التخرج مرتبين واختي الكبيرة تحت ماسكة الكاميرا وتصورنا وباقي خالاتي والبنات تصفيق وتصفير ... كان كأنه حفل تخرج حقيقي مااقدر اوصف لكم شعوري من جد كنت مرة مرة مرة مبسوووطة وكانوا مفضين لنا مكان بالمقدمة وقفنا على جنب وخالتي بالوسط وخالتي الثانية على جنب تنادي اسمائنا وحدة وحدة نطلع للوسط عشان خالتي تسلمنا الشهادات مع اعلان النتائج  فضايح طلعت وبالاخير كان تبادل الهدايا فديت بنااات خالاتي وخواتي طبعااا من جد فرحوني كل الي صار ماكان عندي خبر فيه ماكنت ادري ولاعن شي  بس كانت احلى سربرايز و احلى حدث كان سي دي فيه عرض عاملته اختي عني وعن بنت خالتي فيه صور لنا من صغار الى ماكبرنا وكلام طبعا لنا  اثر فيني كثيروالي صدمني باخر العرض كان في سلايد كلمات اهداء من اعز صديقاتي كل الحنان صج اسم على مسمى الله لايفرقنا السي دي كان في نسخ منه توزعت على كل صبايا العائلة فضااايح صورنا واحنا صغار تفشل بصراحه بس مو مهم كانت ذكريات حلوة وهاليوم اكيد راح ينضاف كذكرى حلوة الله يخليكم لي ياحلى اهل بالدنياا وربي يديم افراحنااا توني قبل شوي صاحيه من بعد سهرة امس عشان كذا متحمسه  بعدني متأثره بأمسورجولي تعورني ... خمنوا السبب  الحين اخليكم من زمااان عن المنتدى بروح افتر فيه شوي سلااااااااام |
||
|
|
|
07-05-2008, 09:01 PM
|
#7 | ||
|
وصلني هالتقييم توني اشوفه
السلام عليكم .أحببت المرور هنا , بداية يومياتك جميلة , > أختك السائرة وعليكم السلاااام حياج الله و مشكوره اختي عالمرور كلماتج اسعدتني من هنا حبيت ابارك لاختي فخووره واختي اشتياقي الف الف مبروووووووووووووك حاولت ارسل لكم بس مارضى والى الامام اختكم كريستوله |
||
|
|
|
07-08-2008, 09:18 AM
|
#8 | ||
|
صباح الخيييير
عودة مع التقييمات مليون مبروك عقبال الشهاده الجامعيه يارب . اختج \ فخوره بنفسي الله يبارك فيج خيتو اخذناها الجامعية خلاص عقبالج ان شاء الله يالله حبيبتي كملي يوميااتك رووووعه والله أحس كأني معكم < < < < < << <<قطه حياج الله اختي لا قطه ولاشيات تسلمين على التشجيع |
||
|
|
|
07-08-2008, 09:38 AM
|
#9 | ||
|
صباح معطر بذكر الله
صباح يملؤه الأمل والتفائل صباحكم خير وبركه ان شاء الله المزاااج صافي جدا ولله الحمد لا اعلم مالسبب ربما لسعادتي بمفاجأت الاخوات الغاليات درهـ و Dad's girl شكرا لكن من القلب مبرووووووووك لجميع الخريجين والخريجات  تمنياتي للجميع بالتوفيق في حياتهم المقبلة كنت اتمنى ان ابعث تهنئة خاصه للجميع ولكن عدد مشاركاتي لايسمح بذلك فعذرا احبتي على التقصير تحياتي للجميع كريستل روز |
||
|
|
|
07-13-2008, 04:06 AM
|
#10 | ||
|
صباح الليل
شخباركم ؟؟؟ اشتقت ليوميتي مع ان ماعندي شي جديد اكتبه نومي ملخبط لا ليلي ليل ولانهاري نهار مسكينة امي تعبت وهي تنصحنا نضبط النوم بس الحين استسلمت خلاص ما مننا امل حتى مشروعي مع صديقاتي تاخرت بتسليمه مررة متفشله منهم ان شاء الله بعدين احكي لكم عنه الحين بحط تقيميين وصلوني وبروح اكمل مشروعي لي عودة .................................................. ........................... احم قصدي عقبال الماجسيتر والدكتورااة .. مادري شلون خربطت ! سوري ,, اختج \ فخوره بنفسي هلااا حياج اختي .. عادي توقعت انج مخربطه مشكوره على التهنئة عـزيزتي كريستل,,أنتِ من يستحق التهنئة,,ألف مبروك عزيزتي,,وصبرتي ونلتي نصيبكِ,,,وبصراحة عشت معاكم جـو الحفلة,,مــاودج نسوي حفلة أنا وياج ××عيون الوفا×× هلاااا وغلااا خيتو الله يبارك فيج .. مبروووك لج بعد كلج ذوق ياقلبي اممم حفلة ثانية ,, ايه اكيد مابقول لا يشرفني والله بس حددي الموعد فأمان الله  |
||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
