’,. ابْدوي كمّلْت مسياري قصدْ }~*

سح ـر العيون · 06-20-2008, 03:42 PM

ابْدوي كمّلْت مسياري قصدْ .. أتبع الودْق الذّي غطّى الرفود /~

استرآح اليوف و فوادي بردْ .. عقبْ مآ مرّيت عـ ديار اليدود }~

مرحبا مليون /~

طبعاً اتقبّل التبريكات لاني اليوم صلحت كمبيوتري

بصراحه من زمان خاطري اكتب يومياتي بس ما تفيجت بصراحه ..

هذه هي صفحتي و ان شاء الله بتعرفون كل شي عن الفيلسوف من خلال هذه الصفحه ..

اليوم 02/02/2008 .. الساعة 02:46 ص

طبعا انا توني واصل من السينما شفت فيلم [ اظن اسمه هاك ^^ يعني الرجل الاخضر .. ]

بصراحه الفيلم كان روعه .. جدامنا كانو بنات [ عايله كامله ] و بينهم بنات صغار و في نص الفيلم ظهرت اشياء للكبار بس .. فـ اظطرن البنات انهن يغادرن خخخخخ حليلهن و الله

كملنا الفيلم للنهايه .. بصراحه نهايته شوي عبيطه

عقبها تعشينا كـ العاده .. و رجعنا للمنازل

برمسكم شوي عن نفسي ..

اسمي : م . م . ع . الكعبي << مجرم هارب ^^

عمري في حدود الـ 20 سنة

العنوان : ماقدر اقولكم مكان محدد لاني من دبي و بوظبي و العين ^_^ << غريب انته و الله ..

هواياتي كثيرة بصراحه : كرة القدم [ ودرتها من فتره الحين انا دب ] , الكمبيوتر [ عشقي الأول و الأخير ] , التجارة [ احبها و ما يهمني الربح كبير و الا صغير ] , السينما [ ماحب الـ tv و اشوف اغلب الافلام في السينما ] , احب اكون دوم عـ ظهر خيلي و الا عـ ظهر درّاجتي ..

اشياء احبها :
احب الاجواء الرومانسيه , احب المشي في الحدايق او عـ البحر , احب الضحك [ اعيش حياتي و ما اعرف الضيج ] , احب التعارف [ احب اكون اسم يُذكر بالخير عن الكل ] , أحب حيواناتي و احس بوناسه و انا في المزرعه عندها [ خيول و نعّام و بعران و ارانب و غزلان و عقارب و جلاب و صقور و بغبغاء و اشياء وايد ]

ناس احبهم :
احب امي و ابوي بشكل فظيع [ ما ارتاح إلا و انا وياهم ] , احب اخواني [ عددهم 19 ] , احب ولد عمي نصور [ حرام مسافر عنّي ] , احب ربعي [ سالم , علي , حسن , منصور , خليفه , سعيد إلخ .. ] , أحب العمّال ( الأجانب ) اللي يشتغلون عندي و عند ابوي و احب اشوفهم دوم مستانسين , أحب عمي محمد [ تاجر ] و عمي سالم [ في السفارة الإماراتية في المغرب ] , بصراحه ماحب حد يتفلسف علي لاني بكل بساطه .. الفيلسوف ,

الفيلسوف انسان بسيط جدا يحب الضحك دائماً و لا يعرف الحزن له طريق .. ما اعصّب وايد لكن إذآ صارت و عصّبت مستحيل اشوف جدامي و ممكن أأذي اي انسان ..

هذه كانت البداية .. و اتقبّل ملاحظاتكم عن طريق التقييم or الرسايل الخاصه or رسايل الملف الشخصي ..

.. الفيلسوف ..

سح ـر العيون · 06-20-2008, 03:44 PM

.. خلوني بقولكم شوي سويت في الساعات القليلة الماضيه :

الساعة الحين 1:00 في يوم اليمعه المبارك .. اعاده الله علينا و عليكم بالخير و البركه ..

توني واصل من المسيد العوود .. حليلي هالاسبوع سرت بروحي ..

طبعا خلال رحلتي الطويلة من باب البيت الرئيسي لـ كرسيّ الملكي .. صادفت زيد الدين زيدان [ زايد ] و هو يعض حميد ^^ ..

خلوني بسير عند الاهل في الميلس بتغدى و بيي بقولكم مواقف زيدان العجيبه

سح ـر العيون · 06-20-2008, 03:46 PM

باكـ /~

و تنهال الأتصالات عليْ بسبب مشكلة في سيرفر الشركة الكوريه و لا عذر لي الا : { هناك تعديل في السيرفرات لجعلها اقوى }

هممممممممممممم << مهمووم

الكاسبر سكاي يأبى الا ان يعاند ^^ << هذا مشكلتي الحقيقيه في الحياه ..

<< المشكله مشتركه بيني و بين الغضي

..

سوالفنا في الميلس :

ابوي و دريول عمي [ العراقي ] .. و اخواني الكبار [ حمد و أحمد و عيسى و عمر ] ..

العم محمد بو كرش غايب عن الساحه .. و الأخ العود [ البكر ] مصبح غايب عن الساحه ^^

نقاشات سياسيه و اقتصاديه .. ارتفاع و نقص العيش و الديزل ..

مشكلات في المحافظ و الاستثمارات ..

ارتفاع سوق الاسهم و انخفاضه ..

اعراس و احتفالات .. وفيات و عزاء .. اشياء كثيره اسمعها بأذني لكنّي لا اسمع الا المفيد منها بـ عقلي

خلوني الحين بسير ارمس ولد عمي و اخوي عن مشكلة هالسيرفر الكوري و بررد بحطيلكم صورة زيدان و هو لابس نظارتي

سي u

سح ـر العيون · 06-20-2008, 03:50 PM

سلام .. حام و سام و سلام و سلوم ,, مـــــوصـول للـدوله إمــاره إمــــاره ..
علـى العـواصم كـل حاكـم و مـحــكـوم ,, و على الصدور الواسعه و الصداره ..

خلال رجعتي البسيطه للميلس .. لا تزال صدى المناقشات تسري في اذني .. لكن هذه المره عن الشقق و الأراضي في إماره النهضه [ دبي ] .. و المجادله حول السفر و التذاكر و البلديه و التطور و و و و إلخ ..

و سفير الإمارت في الرباط يتجادل مع وكيلة سفرياته حول موعد السفر ..

هذه المره لم يبقى الا الارباب الكبير [ بابا ] و اخوي الدب احمد .. و صلاح ولد عمي و السفير سالم الكعبي ^_^

<< ورده لكل الموجودين

تبْري بـ حبر و قمقم الحبر مختوم .. و الجنّي الأزرق مرتكي بالمغاره
و اقرا عليها الراجفه و سور الروم .. تحصين لا ترجف زوايا جداره ,,

طال الأنتظار يا ناصر [ ولد عمي , حبيب قلبي , شقيقي : مسافر بريطانيا من سنه يدرس و بيرجع تاريخ 17/7 ]

ولد عمي الدكتور خالد سافر كمبوديا و بيتم اسبوعين [ تدريب لأكتساب خبره ] << دكتور اسنان ..

انا قبل اسبوع كنت في قطر & البحرين << صياعه من الخاطر

و خلال هالايام القادمه احتمال اسير مصر << يا عيني ع ـ الفراعنه

نسيت اقولكم اني اعشق التصوير بس للأسف ما عندي وقت حاليا له [ كمرتي canon 400D ]

موبايلاتي : N95 , NOKIA 5310 و الحين ادور الـ NOKIA 8800 الذهبي or البني

احب طلعات البر و الصيد بالصقور or الصيد بالجلاب السلق or الصيد بالسلاح << يا مجرم بتقضي عـ الحياه البريه

سيارات القنص في قروبنا ثلاثه [ جيب رانجلر , نيسان شتري (كشف) , نيسان طويل في نهايته قفص ]

سيارتي الشخصيه [ BMW 740 Li ] , سيارتي للطلعات و للبداير و لـ تل الساد [ NISSAN VTC ]

بس شكلي كتبت وايد .. يلاا اشوفكم عـ خير

اسكّنه و اسدْ عن كل زيزوم .. من جن نجد لـ جن مسقط لـ واره ..
بـ الجن ما احتجت لسكرتير مخزوم .. يكتبلي و تبري ثقيل(ن) عياره ..
جن الجليد اللي ورى الغطبْ مزكوم .. و إذا يبون اكتبلهم في غزاره ..

همسهـ : الأبيات من كلمات الشاعر الإردني الكبير [ رعد الشلال ]

سح ـر العيون · 06-21-2008, 02:08 AM

مرحباا مليوون ..

الساعة 1:00 ص ..

توني راد من رحلة قنص بسيطه كان حصادها ثعلبين فقط ^^ ..

طبعاً عشا و ما تعشيت .. و الله اتضوووور جوووعاً

همسهـ : شكرا لكل اللي قيمني .. و اللي يتهمني بـ أي شي اقوله : القافله تمشي و لا يهمها نباح الكلاب [ و اللي فوق راسه بطحه يتحسسها ]

صح نسيت اقول : مبروك يا سمانا عـ الاستايل الصيفي المميز و بصراحه حلوه النعال اللي عـ اليسار .. يبالي آخذ شراتها

يلاا الحين وقت قنوات السينما عـ البروجكتر [ فاتح سينما الأخ ] ^^ .. بسير بطلب عشا و رصيد من المطعم و بشوف لي فلمين لين الصباح لاني حاجز فيلم اكشن و فيلم مصري هع هع

[ الفيلسوف واحد من عشّآق الفن السابع ]

حد يبى عشى ..؟؟ اللي يبى يخبرني عـ التقييم

يلاا نشوفكمـ ع خير عقب 5 ساعات و إلا باجر الظهر

وش هي الحياه بدون فلسفه ..؟!

سح ـر العيون · 06-21-2008, 02:13 AM

قبل لا اقوم عن الكرسي الملكي رن تلفون البيت ..
و إذ بالمتصل حرمة عمّي :

أنا : ألو مرحبا ..
المتصل : اهلا و سهلا شحالك ..؟؟
انا : الحمدالله بخير و سهالة الله ..
المتصل : ما ياكم ولدنا محمد ..؟؟
انا : لا و الله نحن مبندين الكراج من ساعتين محد يانا ^^
المتصل : اوكيه شكرا .. طوط طوط طوط

[ لا تعليق ]

سح ـر العيون · 06-21-2008, 03:28 PM

اقتباس:

صح نسيت اقول : مبروك يا سمانا عـ الاستايل الصيفي المميز و بصراحه حلوه النعال اللي عـ اليسار .. يبالي آخذ شراتها

حد بيقول هذا ينقل يوميات واحد ثاني ^^ .. هذه يومياتي في منتدى سمانا و انا انقلها هني و هناك [ و الا لازم اكتبها مرتين ]

مثل ما وعدتكم بتلاقوني الظهر .. ناش قبل ساعه كان عندي شغل و خلصته .. بسير بتغدى و عقب بسير الجمعيه و برررد بكتب بكم شي من حياتي

وصلني مسج :

الغالي ما ينعرف غير لا غاب ..
و الحبيب تعرف قيمته لا فقدته ..

ماني بمشاعر الغلا كذاب و لعّاب ..
و لاني منافق بحب اللي عرفته ..

ابياتي ما تمدح غير غالي و احباب ..
و انا ما اكتب لغير اللي اعزه ..

سح ـر العيون · 06-21-2008, 04:43 PM

توني سرت اتغدى و شفت برنامج [ لحظة الحقيقه ] عـ mbc 4 بصرااحه برنامج غريب ^^

قبل يومين شفت فيلم [ باندا كونغ فو ] .. اول مره اشوف برنامج البطل جي يضحّك .. ^^

بصراحه من اروع افلام السينما اللي شفتها [ قراصنه الكاريبي ] , [ رامبو 4 ] .. << يعيبني وايد سلفستر ..

الساعه الحين 3:45 الظهر .. بسير بسبح و بصلي و بتمشى شوي في المزرعه

سي يوو ..

سح ـر العيون · 06-21-2008, 06:03 PM

آموت عـ شوف المليحات و أغرم .. الفاتنات الغرمجيات الحشام ..

ليت الشتا يرجع جان ما بتحصلوني اكتب هاليوميات الحين [ اكيد .. قاعد في البداير اجهز الخياام و الدراجات ]

وينج يا ايام البداير [ تحدي بين علي خلفان ( خميني ) و بين فيوتشر ] .. و الله ايام حلوه بس الحين حرر محد يسير هناك ..

تعرفون شو احلى شي في الدنيا ..؟؟ و في نفس الوقت هو اتعب شي في الدنيا ..؟؟

[ التجاره ]

خاصه اذا كنت تتعامل ويا زباين ( مرض ) ..!!

سح ـر العيون · 06-22-2008, 02:37 PM

طلبنا تغييير النك من سح ـر العيون لـ الفيلسوف و محد عبرنا

الساعه 1:30 الظهر ..

توني ناش من الرقااد .. [ راقد من الساعه 9 المسا ]

الواالده ربي يحفظها يايه توعيني .. حموود حموود قووم .. شو فيك ..؟؟ شي يعورك ؟؟

انا : لا ما فيني شي ..

الوالده : يلاا قووم ليش راقد للحين ..؟؟ قووم صل و تغدى ..

قمت تغسلت و قعدت في الصاله شوي و إذا بي [ ارده ] أبي قادماً من الخارج .. و بعدما وزّع الحلويات عـ عبدالرحمن و زايد .. قالي هاا محمد شو فيك .؟؟ شو يعورك ..؟

لا تستغربون من الاسئله .. من حقهم يسألون ترى اول مره جي ارقد وايد ..

[ حد(ن) يصيح المآل و يقول ضايع .. و أنآ أصيح حبيّبي بالرجوعي ]

قبل كنت ارقد و مستحيل اغلق الموبايلات .. الحين لا مابا حد يزعجني و لازم ابند الموبايلات ..

اسمع زايد الحين يصيح ..

بسير بسبح و بصلي و بتغدى .. [ نآس يعدلون غرفتهم و للحين راقدين في حجرتي ]

بخليها مستوره هالمره بس ..

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)