♥∞● كل يومﮯ اقول تتبدل الأحلامﮯ فيني !! ●∞♥

محلاني اماراتية · 06-20-2008, 06:53 PM

مرآآحب بأهل القلوب الوفيهـ ...~*

انتـهي وقتـي معاك لا تنادينـي ..
وانكسر قلبـ بحبـك خابت ظنونـه ..
انتـهى شوق ووفـا مابينكـ وبينـي ..
راح ابدا انسـى هواكـ واعيش من دونـهـ ..

ما اعرف اذا يومياتي بتكون حلوه او لا.؟

يمكن اغيب ايام او اغيب اسبوع او سنة محد يعرف بعلة الظروف.؟؟

بس اتمنى صفحاتي تنآآل ع رضاكمـ..~

[الحياة]!!..~*

يومن اقول الحياة تتغير من حال لـ حال واتصير أحلى بـ وايد،،،
بس هذا المكتوب فينا يوم االحزن يطوي علينا او الفرح يتفح لنا أبوابه،،،
ظروف الحياة ساعات تكون صعبهـ وساعات نقدر ع هالظروف ونتغلب عليها بس حمداً لك يا ربي عن كل حال..~

محلاني اماراتية · 06-20-2008, 06:57 PM

~..[ هدني ظلم الليالي خانني ماضي وحاضر
شابت أطراف الجدايل والعمر ولى بريقه..

![قم إلى الصلاة متى سمعت النداء..من لزم الاستغفــــــــار جعل الله له من كل هم فرجــــــــا ومن كل ضيق مخرجا ورزقه من حيث لا يحتســـــــــب]!
اللهمـ آآمـــــييين،،، وجمعة طيبه لكمـ يأعضاء ألم الامارات..~

عاد يوم الجمعة لازم يظهرن العزايم ونحنا بس علينا نكشخ ونتزهب للعزايم هيه لاهـ،،،

صلينا هنيهـ في بيتنا وكشخنا وضربنا خط من جلباء متجهين الى مدينة السحر والجمال (خورفكان)..~*

اليوم صارت عزيمة في بيت خالوه فطيم << عادي عادي خالوه مابتزعل مني قاعده اشهر ابها ككككككككك ،،،

وخالتيه عازمة خالتي اللي هيه بنت عمة ماماه احبها هالانسانة وطبعن انا دلوعتها منو قدي هيه لاهـ وعازمة قوم خاليهـ ويدتي اما ماماه ويدت عيال خاليهـ يعني يدتي الثانية
ام مرت خاليهـ امها يعني ^_^،،،

وعاد بيت خالتيهـ عود فله يعني الريايل بالميلس ونحنا بصالة الحريم والبنات ،،، شو الغدا عاد كان غوزي لحم وعيش ولحم ومعكرونية بشاميل وانواع الحلويات ( بلح الشام ، كنافهـ ، كيك انواع ) ومحشي ملفوف وانواع
السلطات وبث ،،، حد يبه من هالاكل قولو لاتستحون عادي .؟؟ تتدرون عاد انا ما اكلت غير بلح الشام وبشاميل طشونهـ وسلطة بس هذا غداي واايد علي صح؟؟

شوفو عاد بالغدا كل حد يناقش بموضوع عرس ولد خاليهـ شو بسون وماعرف شو ،،، مافي مواضيع ثانيهـ الحين غير العرس وبعد العرس بقررون السفر ادريبهم والله انهم كككككككككك احش عن اهلي عادي عادي،،،
عقب الغدا رحنا نحنا وبنات خاليه فوق غرف بنات خالتيهـ يالسنا انسولف واطرشنا من موبايلتنا اغاني وصور <<< هالبنات ضايعات والسبه هالاغاني ههههههههـ انا منهم وفيهم هههههههههـ اعترف ترا لاهـ،،،

فجاه دخل ولد خالتيهـ بس عندها هالولد خخخخخخخخ خطيبي اسمه حمد اسولف اسولف لايروح فكركم بعيد ولد خاليتهـ يحليله بعده صغير يعني 8 سنوات
اختي: حمد حمد منو تبه اختنا الصغيرة او محلاني امااراتية.؟
حمد: لا ابغي هالدبهـ ..

محلاني اماراتية: الحين انا دبهـ خلاص ماباك انا هب دبهـ بس اتشوفني اكبر منك ههههههه..
اختي: منو تبه.؟
حمد: هذي محلاني اماراتية..
محلاني اماراتيه: ابيه انا استحي منك اظهر برع..
الكل: ههههههههههههههههههههههههههههههه..

يحليلك انا اباك بس انته كتكوت وانا وحده بصك 21سنة هههه عودة كبيرة عليك مايصير هالكلام والكل يضحك علي ،،،

وعقب آذن العصر وكل من البنات راحو يصلون وعقب نزلنا تحت عند الحريم انكمل سولفنا معاهم كككككككككككك،،، وشويه اتصل بي اخويهـ انه بنروح البيت ،،،
محلاني اماراتيه: باي حمد..
خالتيهـ: حمد اتودعك تباني احجزها لك اخطبها هاا.؟
امايه تضحك ..
محلاني اماراتية: هيه اباك انا واترياك لين تكبر ههههههههههههههههه..
امايه: انتي روحج بتربينه ككككككككك..
محلاني اماراتية: عادي عادي ياما ناس خذو اللي اصغر منهم هههههههههه<<< شو هالتفكير بعد .؟؟

اول ماوصلت البيت فتحت الابتوب اكتبي لك ماجرى لي من احداث^_^ ..~*

رجعتي كانت حزينة وفي خطاها الجرح ثاير
والاماني حلم عابر في بحر عيني غريقه ]..~

محلاني اماراتية · 06-21-2008, 01:47 AM

----{..علمتني الحياة
أن أبكي وحيداً لكي لا أسبب الحزن لمن حولي..
وأن أسجل شكواي على أوراقي..
وأحتفظ بها لنفسي..}----

محلاني اماراتية · 06-21-2008, 04:22 PM

مرحبآآ ملايين..~
[عد ماهلّت مزون واعداد طير في السما وحلّق وحام].~

يوم اقول لكم يومي يمكن حلو او لا ككككككككككككـ،،،

كنت في سابع نومه ولاحد يدري عني واحلام حلوه كنت احلم ابها بس شو الاحلام ماعرفها ههههههههههـ،،،

تدرون ليش.؟؟ لانهـ اختي اللي اكبر مني دخلت علي الغرفة وبندت المكيف علي وحطت ولد اخويهـ حمني حذالي عسب شو اقوم والعب معاه
انزين الحين الساعة 10 اشحقه اقوم ياخي فيني ارقااد مابغي اقوم من صباح الله خير من الله البارحهـ سهرانهـ لين الساعة 2بليل بس شو
اسوي عقب شافتني بعدني ع الفراش شلت حمني وراحو عني بس ماقدرت ارقد لانهـ طاار الرقاااد وسوا لي باي ككككككـ
قمت وتغسلت كنت بروح اتريق بس اخويهـ يه بيتنا وقالت لي اختيهـ اخر العنقود شو رايج انروح بيت اخويهـ الي بـ خورفكان وانا بخاطري اقول
امس رايحين الخور بس بيت خالتيهـ والحين بعد انط الخور مرة ثانية شو هاا قالت لاهـ بيت اخويهـ من زمان ماسرناه خلينا انغير جووو قلت لهاا
اوجيج قمنا يالله رحت اسبح مال سريع وكشخت مال سريع من الله بيت اخويهـ بس بنسير مابغي اروح بيت حد ثاني الموهيم ظهرنا من البيت ع الساعة 11:20
مر اخويه الشيشه يشتري لي ريوق وعقب سيدة طرينها خورفكان شوفو شوف اهلي كلهم بخورفكان الا نحنا اهيئ اهيئ بجلباء وعاد نضرب خط من كلباء الى خورفكان درب
طووووويل ياخي مايصير والله بس شو انسوي عادي عادي ،،،

الموهيم وصلنا بسلامهـ بيت اخويهـ ^_^،،،
قلت بحدر المنتدى واكتب لكم يومياتي لكم ،،

انتظرو مني المزيد،،،

جآآآآآآآآآآآآآآآآآآآآآآآآآآآآآآآآووو..~

أفدآآعة الله..~
[ من خفـــــــاّ قــلّب مجروح..~

محلاني اماراتية · 06-21-2008, 04:24 PM

في رحمة الله يا حور الجنهـ،،،،
هذي وحده تصير لي ابوها ولد خالتيهـ مال خورفكان،،،
حــور الطفلهـ فـ عمر الخامسهـ من عمرها التي توفت والسبب من طبيب عراقي في احدى مستشفيات كلباء،،،
ماآ عسانا ان نقول حسبي الله،،، الله يصبر ابوها وامها ويداتها وعماتها اللهمـ آآمين،،،
اللهم اجعلها روض من رياض الجنهـ،،، واغسلها بالماء والبرد والثلج كما يغسل الثوب الابيض من الدنس اللهمـ آآمين..~

محلاني اماراتية · 06-22-2008, 01:17 AM

مرحبآآ ملايين ولايسدن وان سدن ،،، فلا باس الزود لهل الزود لحشامي..~

شوفو ماترومو علي هيهـ لاهـ هههههههههههههههـ،،،
يقول لكـــمـ لاهـ ردينا من خورفكان العصر انا واختيهـ آخر العنقود،،،

اخويهـ ومرته وعيالهـ كانو يبوناّ نروح معاهم الشارجهـ نباّت فـ الشارجهـ بس اختيهـ الدلوعهـ خربت كل شي،،،

محلاني اماراتيهـ: حووو شو رايج انروح معاهم.؟
اختيهـ: لاه اذا هم بروحو الشارجهـ يردوني جلباء..
محلاني اماراتيهـ: حلااّاّاّاّاّم خاطري اروح يالله بنروح وبالمرة بنخلي اخويهـ يودينا ميغاموول شو قلتي..؟
اختيهـ: لااّاّاّاّ ابغي ارد البيت مايخصني <<< شويهـ بصيح اوووف دلوعهـ هالبنت..
محلاني اماراتيهـ: اوووف انزين مابنروح معاهم بس عاّاّد بس خاطري..

ردينا جلباء بسلامهـ حمدلله ع سلامتنا ^__^،،،

اول مادخلنا البيت كلهم رقود والا شويهـ قامو القوم اللي بالبيت ككككككككككـ ،،،
شفت امايهـ ..
محلاني اماراتيهـ: ع وين يا حلوو.؟
امايهـ: بروح اعزي اختيهـ فـ خورفكان عشان حور الله يرحمها..
محلاني اماراتيهـ: هيه سمعت انهم يصيحون كسرو خاطري واظني العزا بيت يدتها يعني بيت خالوه..
امايهـ: هيه الحين بنروح جداهم..

عاّاّد خواتي اللي آكبر مني راحو بقينا انا واختيهـ آخر العنقود بالبيت يعني معانا البشكارة واخواني المزوجين بس كل واحد بالملحق مالهم..
صليت العصر ويلست اطالع TV فلم هندي منو قدي ككككككككككككـ ،،،

ع الساعه 5 حسيت بيوع والله والله جان اقول للبشكاره سوي لي بلاليط << عاّد العصر شو اسوي صرت اعشق البلاليط ياّخي^_^،،،
الموهيم والا شويه مرت اخويهـ يايبهـ لي حمني الصغنون،،،
ام حمني: هاج حمني حشرة ابوه يبغي يرتب اغراضه عسب بظهر الحين الدوام وهو مسوي فوضه..
محلاني اماراتيهـ: يااي فديتك ليش مسوي لـ بابا حشره هاا.؟
حمني يطالعني ويضحك الريال موليه مب مسوي شي شكله ههههههههههههههـ..
محلاني اماراتيهـ: خلاص فديتج خليه عنديهـ بلعب معاه..
ام حمني: خلاص عيل بروح اساعد اخوج اوجيج..

يلست العب ابه ويات اختيهـ آخر العنقود وشلت عني ويلست افرفر من قناه لـ قناه آخر شي حطيت نجوم الخليج4 وحطو شو اقول لكم
حطو كلهـ شعر وقصايد امووووت ع هالسوالف والله وربي << انزين وبعدين يعني شو انسوي بج.؟؟

الموهيم عقب يابت اختيهـ حمني ويلسنا انصيحه

ههههههههههـ احسن حلاآآآآم نحنا اشرار كككككككككك،،،
تتدرون شو سوينه لهـ يقول لكمـ جان انحطه ع دريشة الصالة وهو يطالع ابوه يظهر اغراضه ويحطهم بالسيارة هو يطالع ابوه وعباله بروح عنه

<< جي حمني صار كككككككككـ
تم يصيح ككككككككككككككـ انزين ابوك مابروح عنك حبيبي حمني لا تصيح هههههههههـ تحفهـ هالصغنون لاهـ

،،،

المهم عقب ياآآت امه جان تقول يالله انا بروح بيت اهلي يالله حمني انا واختيهـ اونه ماسوينا شي لـ حمني ههههههههههههـ انسوي له باي
انشوفك ع خير حبيبي ،،،

وراح حمني عنا وجان يآذن المغرب صلينا ويلست اطالع بعد مره ثانيه tv ماكوو شغلهـ لاهـ ،،،
ماطالع شي موليهـ بس برنامج ديني عيبني بـ قناه دبي كل جمعه يحطوه ويعيدونه السبت تميت اطالعه لين ياو قوم امايهـ ،،،
محلاني اماراتيهـ:أمايه بخلي اختنا العوده اتوديني السوق محتاجه اغراض وابغي اشتري لي جوتي حق عرس ولد اخوج اقصد ولد خاليهـ..
امايه: اوكيه سيروه بس اتردون بسرعة..
اختيهـ العوده: هب الحين تونا واصلين من الخور بوصل امايه العرس عقب بنروح سوا انا وانتي واخر العنقود السوق..
اذن العشاء وصلينا وماكشخت من الله رايحهـ السوق مافيني اكشخ عسب لايقولون هذي وحده مب يايه السوق يايه العرس وانا
مااحب الرمسة لعمري والله المهم سرنا الفجيرة اشتريت لي جوتي حق العرس وعقب رحنا سفير جلباء واشتريت لي كريماّت حقي
عقب اختيهـ مرت واشترينا عشى لانهـ ما مسوين عشى بالبيت وهالحين وصلنا بسلامة البيت ^_^،،،

خاطري ارقد ولا انش بس وين باجر الصبح وراي ملييييون شغلهـ لازم انخلصها بسرعة اوووه مالي خاطر ياّخي ع نشه الصبح بس
كل شي يهون داّم شغلي مهم صح لاهـ ،،،

يالله تصبحــــــــون ع خير وأحلاآآآم سعيـــــــدة وكوابيـــــــــس بعيدة للجميع

..~

باجر يوم يديد واحلى يومياّت مني لكمـ

..~

فـــ داعة الرحمــــــــن ،،، عليــــــــكم الرب حــــــــافظ..~

محلاني اماراتية · 06-22-2008, 01:22 AM

ماينفع المشتــــــــــــــاق
كثره مناويه..
قلبي عليـــــــل وداخل القلب ضيقــــــــــــــه..
اسلي الروح الحــــــــزينه
بطــــــــــــــاريه..
لكن حبيبي مايعرف الحقيــــــــــــــــــــقه..
لو يدري اني مشتاق له
واغلـــــــــــــــيه..
مـــــــــا كان فارقني ولا
دقيقه..

والله اكره اشوفكــم اتصدون عنــــــي،،، ومااحب الجفا والصد عن الشوف،،،
والله اكره الفراّق وسبب فراّقنا سبب خل قلوبنا تنحرق بس حمدلله ع كل حاّل،،،
اتمنى اترد ضحكتنا وسوالفنا شراّّت قبل ولا انخلي حد يخرب علاقتنا مع بعض،،،
وقلوبنا تتصافئ فـ هالدنـــــيا ونرتاّح بــ أخرتنـــــــاّ اللهمـ آآمييييييين..~

ليـــــــــــن متى بنتم جيهـ نشوف بعض ولانشتاّاّق لشوفت بعض..؟؟

محلاني اماراتية · 06-22-2008, 12:47 PM

~---{أهلاً هلاً ..عدد ما انهلّي من امزون الغمام،،~

اليوم انا صج صج مضايجهـ قايمهـ من صباّح الله خير عسب انسير الفجيرهـ معرض للتوظيف والتدريب بـ الفجيرهـ ،،،
عقب سجلنا جذا مكان بالمعرض ،،،

تبون الصراحهـ انا شي اسمهـ شغل مابغي ياخي ابغي اكمل دراستي البزنس اما الشغل موليهـ مااحط فبالي ،،،
حتى شوفو شوفو حظي النحس استغفرالله اتصلو بي انهـ رقم الطلب اللي عطوني غلط يعني مابشتغل كككككككككككـ<<< شوفو هالبنت والا بلاش ،،،
بس يالله اذا ظهر شغل لي عاّدي واذا ماظهر بعد هم عاّدي عندي ^_^،،،

انزين عقب ظهرناّ من المعرض ورحنا الاتصالات شويهـ ،،،،
عقب ظهرناّ من الاتصالات رحنا مخبز زهرة الخليج <<< من صغري احب هالمخبز وووواايد ،،،

المهم عقب رديــــــــنا درب جلباء ..~
يالله بروح ألعب مع ولد أخويهـ سعود،،،

هذاّ هو يومي اشوفكمـ عقب ..~

سلامي عدّ ماهب الهبوب..سلام لك واجب منّا وعلينا}---~

محلاني اماراتية · 06-22-2008, 12:52 PM

---{..بغيت اعلمكـ قبل لاتروح ياخلي
إن زعلكـ صار هاليومين بـ"زيادة"..

كنت أحسبكـ كل ماصديت متغلي
بس للأسف صار هذا الطبع لكــ " عادة"..

بيني وبينكـ أشوف"البعد" أسهل لي
خلاص ببعد ما دام xإنx عندي إرادهـ..!

تبغي الحقيقة؟!!
كرهت الحب وجهادهـ.!!

هيهـ محلاني اماراتيهـ كرهت شي اسمهـ حب ههههههههههههـ ،،،

البعض مناّ يعرف معنى اّلحب !والبعض الآخر لايعرف معنى اّلحب!!؟
ولّلحب معاني كثيرهـ..~

محلاني اماراتية · 06-23-2008, 01:20 PM

السلام عليكم و رحمة الله و بركاته..~

يسعدلي هالمسـاّ الحلو ع اليميع ..

إن شاّء الله الّيوم يكون يومـ حلّو ع اليميع =)

اّحس عمري كل يوم اقوم من وقت خاصهـ الصبح الساعه 10

شو عندي ياّخي الناّس ادحهاّ اّرقااد

بس ماعرف ليش معنه اليوم ماعندي مشاوير

ياّخي الناس اجازهـ وانا ارقد اخر الليل وانش من وقت ليش مااعرف<< شو عندج تقومي من وقت.؟

الموهيم قمت وغسلت ويهي وضروسي عسب ماتخترب كككككككككـ

رحت ابغي ريوق شكلهم مامسوين ريوق رحت الثلاجهـ شفت كيكهـ بالكريمة البيضهـ وشفت عصير برتقال وخذتهـ

شوفو ريوقي عاّد منو قدي <<< خووش ريوق والله

عقب قلت للبشكاره اتجهز لي طماط + بقدونس + خيار وووووووووو....ألخ

سويت شوو.؟؟ قوولو لاهـ سويت تبـــــــــــــولة حد يبغي.؟

وحمدلله تغديت أكلّت تبولهـ وثريد لحم لاني عفت العيش ..

جاّاّاّاّاّاّاّو

فدآآآعهـ الله ... الرب يرعاكمـ..~

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)