|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
06-30-2008, 02:01 AM
|
#21 | |||
  
|
يادنيا أمطري أنا جييييت
شوفي أنا صايره هالأيام أعجز عجوز وأكسل كسول
بس يعني حسيتك ملزمه علي أجي وأسئلك وكأني شفت عيونك تتغورق>>لاتقولين قااء  وإليكِ اسئلتي (المنفردهـ): 1_ متى تخرجت من الثنوية؟ 2_ كم عمرك؟ أو متى ولدت؟>>هنا وش رايك فيني يوم ألقطها يالعفرييته؟ 3_ كيف تمشطين شعرك؟وكم شباطه تحطين؟ وكم سؤال منففردين أكثر  4_وش يعني برزك؟ 5_ليه تحسن انك بتطيرين من الوناسه وانتِ تسولفين معي؟ 6_الفتيات ومعاناتهم في قسم اللغة الإنجليزيه في مد وجرز كيف توضحين لنا هالنقطه؟  7_الطقاقه سارا وش تقرب للعنود؟ومين قالك هالمعلومه؟وايش شعورك تجاهه؟ 8_في نقطة الموسوعات الفيلسوفيه المتعصبه والمزدوجه في قمة أوج حديقة الورد ينبثق سؤال يقولك كم التاريخ اليوم؟ 9_وش قد أسئلتي خفيفة عليك وودك ماتخلص؟ 10_سؤال ودك تسئليني إياه؟ خلصت ...وسلامتكم..
|
|||
|
06-30-2008, 03:13 AM
|
#22 | |||
 
|
آلسلآم عليكم
أختي تآريم يسعد مسآكـ / صبآحكـ وكل أوقآتكـ بـ خير  مدري أدخل في الأسئلة سيدآ ولآ وش النظآم هنآ هـو الوآحد توهـ مخلص إختبآرآت يعني مآ أبيكـ تحسين إنكـ في إختبآر بس أجلسي و خلكـ إيزي و ريـلآكــــس والسؤآل اللي مآ تعرفين جوآبهـ ارفعي يدك اليمين  طيب ... يقولك السؤال الأول بما إننا داخلين على فصل صيف برآيكـ وش انسب مكآن الوآحد يصيف فيه و وش رآيكـ بالسيآحـة الدآخلية؟! .. و سؤآل ثآني صيفي بعد يقولكـ شرآيكـ بآلنآس آللي يبيعون آللي ورآهم وآللي قدآمهم عشآن يسآفرون برآ المملكة ؟!! .. للحين حلوين ؟! .. س3 : وش تسوين لو اكتشفتي أن الصداقة اللي تسمينهآ صدآقة حقيقية طلعت صدآقة مصلحة ؟! س4 : وش آنسب وقت للكتآبة و وش المود اللي تكونين فيه ؟! س5 : كم صفحة تكتبين في اليوم ؟! س6 : وش اكبر دآفع يدفعك للكتآبة ؟! س7 : اختآري صح أو خطأ : العلمي أحسن من الأدبي  يقولون أن بعد السآعة 12 النآس تهستر  تحسيني مضيعة الطريق و يبي لي اروح أنـآم  تحسيني أمون بزيـآدة 
|
|||
|
06-30-2008, 03:33 AM
|
#23 | |||
 
|
مساحة حرة:
معظم أيام طفولتي كانت في ديرة متخلفة بحكم شغل ابوي، و بسبب اختلاف طبايعهم عن طبايعنا، و انتشار المشاكل و الفساد بينهم اضطرينا ننعزل عنهم، و نكتفي بعلاقاتنا مع المتغربين مثلنا. فكانوا أصدقاء طفولتي يتمثلون بأثنين: أخواتي، و بنت جارنا المصري اللي تجينا تقريبا كل يوم. كانت أكبر منا بخمس سنوات على الأقل، بس مرة موسعة صدورنا، علمتنا جميع أنواع الألعاب، عرفتنا بـ "عين الجمل"، و سوت لنا حفلات نجاح و بطاقات دعوة، و عصفور ينطط، و اكسسورات المكرونة، و مواعين القصدير و غيره. لعبت معانا جميع أنواع الألعاب: سوق، مدرسة، حريم، ع س ص، حبشة... إلخ. كانت أكثر من بنت جيران، رغم أننا غثيناها ببثارة البزران. كان فيه غير "بسمة" بنات صديقات أمي لكن علاقتنا ما كانت بعمق علاقتنا بـ"بسمة". و كانت مصيبة المصايب تنزل علينا، إذا ما حصل أبوي إجازة في الصيف، و راحت بسمة لمصر، جد نطفش. فيه ذكريات كثيرة منها: -الدكتور أبو ريهام، اللي كان يقول عندي بنت أمورة مثلك، و كنت دايم أتمنى إذا دخلت غرفة الكشف ألقاها. - مراقبتي لخط طريق القصيم، و مجاهد النوم، لاني كنت أخاف من سرعة أبوي الجنونية، و مرة يئست و قلت لابوي ابنوم، و انسدحت، ضحك أبوي و قال مين يراقب الطريق معي. -الحديقة اليتيمة في الديرة، و المرجيحة الزرقاء اللي تدور و أطفال عرب في شناطهم ساندوتش و عصير و جايين بدون أهل. -سوق بريدة، و مسجده الكبير، و الزحلقة يمين و شمال لين تخلص امي من التسوق، و محل خلود اللي في الزاوية. -أختي الثالثة في المهد في حضن أمي و توهم طالعين من المستشفى -حديقة بريدة و شلالها، و الفرق الشاسع بين مساحتها و مساحة حديقة الديرة. -جارتنا اللي تشبة ممثلة ما، و الشكولاتات اليومية اللي تعطينا إياها. - توأم الجيران، اللي ما امدانا نفرح فيهم رجعوا للرياض -جارتنا المكاوية و اوراق تقويمها المسطر عليها مواعيد امتحاناتها، و اخوها راعي المشاكل -شارع الخياطين و قطع الأقمشة اللي نجمعها و نسوي منها ملابس. -سكك السوق الضيقة. -الباص أو مدينة الملاهي، اللي يفرجنا على كل الديرة -سواق المديرة المصري، و إذاعة القرآن و بيضة فطوره -مرام بنت الجيران، لعبت معنا مرة و عقب صرنا نلمحها لمح -الفلسطينيات اللي يموتون على المدرسة، و يلبسون مراييلهم في الصيف -منظر بنت جيرانا تبكي بعد ما نبذوها البنات -جارنا الدكتور، و بنته اللي انظلمت في هديتها -هيبة مديرة المدرسة، اللي معد شفتها في أي مدرسة. -قميص وردي اعطتني إياه بنت صديقة أمي يوم راحت أمي تولد. - سكة أول بيت سكناه و حصبة. -خالد اللي راح في حادث -بسّاطة حديقة بريدة -خطبة العيد و البدلة و الجيب العنابي، و انتظارنا على جمر عشان نسافر للرياض المواقف: -مرة كنا طالعين من مواقف حديقة بريدة في الليل، و كح أبوي كحة قوية غاب عن الوعي فيها ثانتين، طيرتنا لسور الحديقة المايل. -و موقف ثاني في سوق بريدة، كانت الدنيا ليل، و السوق مقفل، و البساطات يضفون عفشهم. ركبوا أهلي السيارة، و يوم جيت أحط رجي شخط أبوي بالسيارة، و راح. أبوي راعي مقالب، فقمت قويت قلبي و رحت جمب وحدة من البساطات، و أنا اتوعد في أبوي على هالمقلب، و تروح دقيقة، و خمس، و عشر، و جو أهل البساطة و راحت، و معد بقى أحد في الشارع المظلم إلا أنا و وبساطة ما اعرفها، دخلني الخوف صدق، شوي و يجون أهلي، و طلعوا ناسيني، و من التعب ما انتبهوا الا يوم مسكوا الخط و الباب يرقل، عاد من الشرهة فكيت الونانة و قلت رجلي توجعني صقعت الباب يوم مشت السيارة، و خافوا اهلي يحسبونه كسر مثل اللي في يدي. بس فلة الحجاج صدق إذا جينا للرياض، انواع الفلة، ولو أن ولد عمتي صديق الطفولة، اربع و عشرين ساعة يمعط شعري، بس احيانا نتفق مع بعض على اخته و نسوي حركات سخيفة، زي التتفيل من ثالث دور عليها في المدخل. و تحمق هي طبعا و تتوعدنا. و مرات نتفق كلنا مع بعض على اللعب في الحديقة، بعدين الفركة من عمي قبل لا يطقنا. و أحيانا أخريات يجي أخوهم و يتزعم تنتيف سعف النخل و نسوي فرشات، و طبعا تلحقنا كم لشطة. و مرة عثينا بالدقيق و عجنا و خبزنا، و ما قصروا اهالينا في العقاب. و أنواع الفلة إذا جت الافلام كرتون لو أننا صامينها و نسمع لبعض وش بيصير، و الافل إذا جاء "الحصن" و بركتهم الخضراء. طبعا ما كنا نخلى من الطقاق على من زحليقته اكبر، و انزلي من المرجيحة أمي قاطة فيها. أو نطاق مع عيال الجيران "الشياطين" (سم الله علينا ملائكة ) من ورى الجدار، و تهوشنا عمتي و تقول بيطيح عليكم الفرش الحامي، و للحين ما نعرف وش يكون.- موقف ما أنساه: كان عندي موعد في المستشفى ليدي، و بعد ما طلعنا، مر ابوي على واحد من معارفنا يسلم عليه، و دخلوني جو بيتهم. كان عنده ولد كبري في وجهه مرض جلدي، يصرق من جدته العلك و اللي توزيه و هي تهوشه تبي تعطيني إياها، و نضحك. بعدها قومت أمه أخته المراهقة بعد طقاق و اللي راحت على طول على التلفون تكلم صديقتها، و ما صكته الا المغرب يوم دخلت وحده من قرايبهم و معها طفل. ما نسيته لأن الولد كان فرفوش رغم تشوه وجهه، و لأن أول مرة في حياتي أشوف مراهقة على الطبيعة في البيت. - ما اذكر أني كنت أحب ألعب لعبة معينة. - كنت أكره واحد من عيال صديقة أمي، مرة حار و عصبي، و دايم يهاوشنا. ،‘ نبشتي ذاكرتي ،‘
|
|||
|
06-30-2008, 03:36 AM
|
#24 | |||
|
خدود البنات،‘
س1/ الي ماذا تميلين في كتابة القصه ؟؟>>(رومانسي , كوميدي ,.....الخ)
للاجتماعية س2/ حكمتك في الحياه ؟؟ تكرر  و يسعد صباحك،‘
|
|||
|
06-30-2008, 03:45 AM
|
#25 | ||
 
|
 السلام عليكم تاريم ولامره قريت لك موضوع وأنا عضوه جديده في المنتدى وحبيت أسأل عن أفضل كتاب قرأتيه وشكرآ
|
||
|
06-30-2008, 04:00 AM
|
#26 | |||
 
|
هاااااااي
أنــــا صراحة ما أعرفك ولا قد قريت لك بس من طريقة أجوبتك حسيت أني لازم أكتب شي .. س/ كم ساعة تناميـــن ؟؟ سؤال تحفة بس أختاري (8 12 14 ) ساعة في اليوم س/ بسألك سؤال مهم محيرني من جد لي يمكن شهر أدور إجابتة كل ما سألت أحـد حط يده على راسي أتمنى أنك تجاوبين لانه يعني لي الكثير .. الطيارة فيها بوري ؟؟ .. أحتاج لإجابة علمية منطقية ........ إذا تبين إجابة منطقية إسالي سؤال منطقي (حاسة كذا جوابك بس يله ) س/ أفضل الكتب اللي قريتيهم ونوعيت الكتب ؟؟ س/ هل أنتي ملمة بسياسة أو قضايا أخواننا المسلمين ؟؟ س/ كم نسبتك في الثنوية العامة ؟؟ ولا تنسين تدعيلنا باقي يومين على الشهادة .. س/ إذا قلت بعطيــك 50 مليووون (دولار أو يورو أو درهم أو ريال )المهم أنها 50 مليون أيش بتعملي بها ؟؟ وما أبي إجابة مثالية ... لا تصدقين خلي بس أبوي يعطيني مصروفي الشري عشان أسدد ديوني على أمي واخوانــي خخخخخخ حتى شغالتنا ماخذه منها 3 ريال عشان أتعشى أندومي .. هل زرتي المنطقة الشرقية (الدمام الحبيبة الخبر الظهران) أو يمكن أنك من سكانها على العموم لو زرتيها أيش أنطباعك عنها وأيش الأماكن اللي زرتيها .. خلاص أذا الفجر إذا جات في بالي أسئلة بكتبهـــا ؟؟ تحياتي .. قــ K.S.A ـــمر .. هههههههه أعرف فية تناقض بالأسئلة بس هذا اللي يدور براسي ولازم يطلع لي رجعة قريب..
التعديل الأخير كان بواسطة : قــ K.S.A ـــمر بتاريخ 06-30-2008 الساعة 04:03 AM. |
|||
|
06-30-2008, 04:04 AM
|
#27 | |||
|
جنون الدوبة،‘
شوفي أنا صايره هالأيام أعجز عجوز وأكسل كسول بس يعني حسيتك ملزمه علي أجي وأسئلك وكأني شفت عيونك تتغورق>>لاتقولين قااء قولي قاااااااااااء  وإليكِ اسئلتي (المنفردهـ): 1_ متى تخرجت من الثنوية؟ ممكن ما تكذبين و لا تغشين مرة ثانية؟ 2_ كم عمرك؟ أو متى ولدت؟>>هنا وش رايك فيني يوم ألقطها يالعفرييته؟ 3_ كيف تمشطين شعرك؟وكم شباطه تحطين؟ إذا بغيت تغشين المرة الجاية غشي الأجوبة معاها  وكم سؤال منففردين أكثر 4_وش يعني برزك؟ ما فيه مساعدة صديق 5_ليه تحسن انك بتطيرين من الوناسه وانتِ تسولفين معي؟ مين قدي أكلم صاحبة الفخامة  6_الفتيات ومعاناتهم في قسم اللغة الإنجليزيه في مد وجرز كيف توضحين لنا هالنقطه؟ المصيبة في ثلاثة: المناهج الزفت، و ضغط الجدول، و الدكتورات الحلوات 7_الطقاقه سارا وش تقرب للعنود؟ومين قالك هالمعلومه؟وايش شعورك تجاهه؟ أنت أخبر، وحدة غشاشة، شعور تجاه أي مواطن تجاه وحدة ما عنده ضمير 8_في نقطة الموسوعات الفيلسوفيه المتعصبه والمزدوجه في قمة أوج حديقة الورد ينبثق سؤال يقولك كم التاريخ اليوم؟ أنظر في الأعلى 9_وش قد أسئلتي خفيفة عليك وودك ماتخلص؟ قد أني وصلت للتاسع في دقيقة  10_سؤال ودك تسئليني إياه؟  خلصت ...وسلامتكم.. ههههههه يوم قررت تكتبين أسئلة قلت الله يعين بدوخني سبع لفات، بس طلعت فنتكة كلها من آخر محاظرة، ترى تصلحين أبلة  خليك دايم قريبة، ‘ 
|
|||
|
06-30-2008, 04:18 AM
|
#28 | |||||||
|
دمعة، النموذج إياه،‘
اقتباس:
اقتباس:
وَ اقتباس:
اقتباس:
* لبنت عمتي
|
|||||||
|
06-30-2008, 04:28 AM
|
#29 | |||
|
 مساء الورد  هلا تاريم شخبارج ان شاء الله طيبة ^^  راح أسأل أسأل خفيفة ع الطاير ^^^^ اذكر بيت لقصيدة غايب عن بالي اسمها ^^ لأبو القاسم الشابي " إذا الشعب يوماً أراد الحياة فلابد أن يستجيب القدر" اختلف معنى الحياة بالنسبة لكل شخص ^^ بعضها قالو أن الحياة صعبة! والبعض قال أن الحياة حِلوة ^^ وأنا مع الشابي أقول أن الحياة إرادة ^^ والحياة بسمة ودمعة شقاء وتعب ولكن بالوقت نفسه فرح وسعادة ! شنو معنى وسر الحياة بالنسبة لج؟ ^ ^ تعرفي فيه اسطورة اسمها كما غنى برومثيوس بحثت عنها لمن كنت ادرس قصيدة نشيدة الجبار ^^ وهيا تحكي عن برومثيوس الي سرق النار ووزعها على الناس فعاقبه الاله و قيده بحجارة ! كل يوم يجي غراب يفقع عينه و ياكل كبده ! هممم ^^ لو حد سرق قلبك معنوياً ؟ وشعورياً ^^ اشتكون ردة فعلك! قريتي قصة العمى مو ^^ هل تعتقدين ان العمى البصري اقصى من العمى الروحي؟ ووش معنى كلن بالنسبة لك ؟ ووش نظرتك للاعمى بصرياً وروحياً تحبين تقرين أساطير ؟ ^ ^ ^ فيه مثل لعلي الجارم يقول فيه : الشجاع من يخلق من اليأس امل لان الياس فيه طعم الموت و لان الشجاعة معني الحياة ! و لـ توفيق الحكيم يقول ان عقل المرأة اذا ذبل و مات فقد ذبل عقل الامة كلها و مات اش رايك بالمثلين .. هل أنتِ معهم او ضدهم ^^؟!! ^ ^ أخيراً تاريم انتي كاتبة مبدعة ما شاء الله عليك وكلن له طموحه ^^ ودي اعرف طموحك وراء عالم الادب غير انك تكوني اديبة معقولة مالك حلم طيب اش حلمك الي بنسبة لك ما بيتحقق ؟؟ وبما انك كاتبة وش الاخطاء الي تحسي انك ارتكبتيها وما تبين تكرريها ؟ اش النصايح الي توجهيها لكل كاتب ؟آخر سؤال هههه>>عارفة جننتك تحبين تقرئين للقراء المعروفين أكثر لو للقراء المبتدئين لو اثنينهم بتساوي؟ وبث>>ما بغيتي هههه موفقة غلاتيه وعقبال ما نشوفج كاتبة عظيمة
|
|||
|
06-30-2008, 04:51 AM
|
#30 | |||
|
رباب،‘
مدري أدخل في الأسئلة سيدآ ولآ وش النظآم هنآ على الجنب اللي يريحك هـو الوآحد توهـ مخلص إختبآرآت يعني مآ أبيكـ تحسين إنكـ في إختبآر بس أجلسي و خلكـ إيزي و ريـلآكــــس والسؤآل اللي مآ تعرفين جوآبهـ ارفعي يدك اليمين وراي مخدتي يونون من ثقلي، الوضع تمام طيب ... يقولك السؤال الأول بما إننا داخلين على فصل صيف برآيكـ وش انسب مكآن الوآحد يصيف فيه و وش رآيكـ بالسيآحـة الدآخلية؟! .. و سؤآل ثآني صيفي بعد يقولكـ شرآيكـ بآلنآس آللي يبيعون آللي ورآهم وآللي قدآمهم عشآن يسآفرون برآ المملكة ؟!! .. للحين حلوين ؟! على حسب، يختلف إذا العائلة كبيرة أو صغيرة، ميسورة و لا على قدها. و السياحة أونس شي بالدنيا، لو الود ودي كل يوم بديرة مأجرين عقولهم س3 : وش تسوين لو اكتشفتي أن الصداقة اللي تسمينهآ صدآقة حقيقية طلعت صدآقة مصلحة ؟! اجمدها، مب آخر و لا أول علاقة تصدمني س4 : وش آنسب وقت للكتآبة و وش المود اللي تكونين فيه ؟! لما أبغى أجمع لفكرة و ارتبها، أجلس بين اهلي، عشان يساعدوني في أسماء بعض الاشياء، و إذا دخلت الجو انزويت في مكان هادئ س5 : كم صفحة تكتبين في اليوم ؟! حاليا صفر، سابقا 3 صفحات في الاسبوع، أو أقل و غالبا قصة قصيرة س6 : وش اكبر دآفع يدفعك للكتآبة ؟! تسجيل الفكرة، و مشاركة غيري بمغزاها س7 : اختآري صح أو خطأ : العلمي أحسن من الأدبي ههههههه أنا أدبي، و أكره هالمقولة، و انقهر إذا قلت أدبي، شفت الاحتقار و لا التصغير في عينهم. فكرة أن الأدبي للاغبياء و الكسالى تقهرنين صح هو سهل من العلمي و اريح، بس حفظ من و إلى و هذا أصعب من الفهم. و دخلته أنا لأنه أسهل الطرق إلى روما "الإنجليزي" يقولون أن بعد السآعة 12 النآس تهستر تحسيني مضيعة الطريق و يبي لي اروح أنـآم تحسيني أمون بزيـآدة ههههههه لا حياك عادي، كنت من زوار يومياتك، و تعجبني عفويتك، و مغامراتك باللابتوب أنت و أمك
|
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
