كل إماره و شو أشهر أكله عندها ؟؟؟

أبدوي العين

--------------------------------------------------------------------------------

أكلة هل الفجيرة :


يا حافظ على هل الفجيرة ... من تيهم أتقييّل عندهم ضيف ... الله على الكرم الطافح فوق اليبال ...وخصوصا بعد يوم يقربوبك عندهم وتاكل هذيج الأكلة ما ودك بعد تظهر من الفجيرة .. بس الود ودك أتّم تظرب بالخمس ألين اليوم الثاني .. وأكلتهم مشهورة وهيه :

طاسة حلوى حارة وعدالها دلة أقهوه الملقمه في حزتها


أكلة هل راس الخيمة :



ياسلام أتسلم على هالأكلة المشهورة اللي عندهم .. .. أموت على طبيخكم اللي ما ينطبخ اللا على ظو يريد وحطب وما بينهن طابوقتين .. الصراحة يعت مشتهي طاسة جامي ويقط ولبن من امارة راس الخيمة ......... السموحة بويه منكم ..

و أكلتهم هي الجامي و اليقط و اللبن


أكلة هل أم القيوين :



لاااااااااا .. كله عاد ولا هل أم القيوين ..

الصراحة عندهم أكلة ما تخطر على بال واحد بيموت من اليوع .. أسمييييه عندهم أكله ..

ما يطبخونها اللا حزّة الغدا من عقب صلاة الجمعه ..

وهيه أكلة البياح:

تراهم مشهورين أبها ومحد شراتهم وشراياهم .. أنتوا ما تشوفون عربهم ومواطنينهم شقايل ينبع الكرم منهـــــــــم ..


أكلة هل عيمان :



ما يحتاي بعد أزيد عليكم الزود . . معروفين هل عيمان بخبز الرقاق هنتين أبييّزة .. وخصوصا بعد أوف حلاته اذا كان مدهون بدهن خنين .. وووووووه ..

وحظك من السما لو حالفك الحظ حد منهم عزم عليك تقرب عنده في البيت تاكل من ريوقهم أو غداهم أو عشاهم ...

.. ياجماعة الخير عليكم بخبز الرقاق المدهون بدهن خنين
من هل عيمان

أكلة هل الشارجة :



لا لا لا .. كلكم غلطانين .. هب الدانقو ولا شي ولا حتى الباجلة . . هذه كلها خرافات واحد مخرف يوعان .....

عندي انا المعلومة عن أشهر أكله عند هل الشارجة ........... الصراحة غلبتوني .. هيه نعم صدقتوا ..

ماشي أحلى من الدانقو حزّة العصر وحاط جدامك

هالطاسة الممزورة دانقو ولوميتين من الحامض

.. تعصرهن في الملة أمممممممم ....... أوففففففف أشوووووو هالعذاب ياجماعة الخير ..

أبتسم أنته تاكل الدانقو في الشارجة



أكلة هل دبــي :

أكلة هل دبي المشهورة هيه : الهريس .. واللي ماياكل منها يخيس . . وهل دبي معروفين في الأعراس لازم يكون في وسط الحوي

جدر هريس ..

واللي يقرب لازم يغرف له بالمظراب في طاستة .. وأنا مستحيل آكل هريس من أي أما رة ثانية الا دبي .. أقصد كل أمارة ولها خصوصيتها في أكلاتها الشعبية المشهورة .... .....

وقربوا هريستنا تراها طايحه وحااااااره>>



اكله هل بوظبي والعين:

كل أكله روحها صوب .. وكل وحده منهن ترمس عن عمرها .. ما أدري أشوووووو أطريلكم والاأشوووووووو ..

ترى كل وحده أحلى من ربيعتها .. بس أن بغيتوا الصدق : ترى ريوق هل بوظبي وهل العين شي مذهل وخرافي ..

خبز خمير بثيث مفروكه والمظروبة ...

/
\
/
\
م ن ق و ل

دموع أحزاني

مشكــــــــور أخوي عالموضــوع

تونـــي أدري ان كل إمارة لها أكلها الخاص اللي تتميز به

بس عندي ســـؤال شو اليقط وأكلة البياح

راعية العرقوب

تسلم أخوي على الموضوع اللي يوعنا


هههههههههههههههههههه


تحيتي لك

أختك راعية العرقوب

تواصيف

مرحبـــــا الساع
اخوي
بدوي عيناوي

اسمي موضوعك مميز بأكله وريحته...
وما شالله عليك حاط تعليقات ولا اروع لكل اكله جنك يالس الا تاكل منها... ههه

تسلم اخوي على الموضوع والتواصل المستمر لطرح مواضيع مميزة ومختلفة...

تقبل تحياتي
اختك
توادعنا

الرومنسي

مرحبـــا ..!

اف اف اف اف ع العوق


حلو أكلنا وخفيف ..!


تسلم على هذا الاختيار الحلو ونرقب يديدك المميز كالعاده


سلاامي

إنسانة حساسة

حليلنا هع ..

تسلم اخوي ع الموضوع الناااااااااايس

أبدوي العين

العفوووووو
ايه والله
سلمت يمينك على الرد
والله مدريبه لاني ناقل الموضوع
بنشدلك فالك طيب

أبدوي العين

يسلم من قال
خخخ
مشكوره على المرور
سلميت يمينك على المرور
لاهنتي
يزاك الله خير

أبدوي العين

مرحبتين ساع

منكم نستفيد والله
مشكوره على المرور
لاهنتي
ودعواتكم لي ولصاحب الموضوع لانيه ناقلنه وسمووحه منكم

أبدوي العين

مشكور اخويه الرومنسي على المرور
سلمت يمينك الشيخ