ليش الريال عيب يصيح..؟؟

عازفه الصمت

من وجه نظري ......

لان الرجال معروفه عنه القوه في الشدائد .....

فاذا صار الرجال دموعه على كل شيء تنزل وش بقى للحريم ......

دموع الرجال تنزل بس مو عند اي شخص مايبي يوضح ضعفه ........

تحياتي ......

ملكتني بحبك

غلاي تسلمين ع السؤال حلو كثير وابدا مو عيب بان الريال يبكي كل انسان عنده نقطة ضعف تخليه يبكي والريال مايبكي الا على شي يستاهل انه يبكي عليه مو مثلنا نبكي على أتفه الاشياء ويبقى في الاخير الريال انسان من لحم ودم وله قلب يحس وله مشاعر من اسبابها يصيح وبعكس اذا صاح راح يرتاح شوي لان البكي يريح لكن الحلو والافضل انه يبكي لحاله مايكون عنده حد لان طبعه ريال والانثى بتستمد قوتها من الريال وفي كثير من الرجال يكتمون ويكتمون ويجي يوم ينفجرون
والله يسعدك غناتي

جبروت الالم

سؤال الاغلبيه يسال لان رجال يشوفونه مصدر القوه والثابات والبعض قدوه فوقت الشدائد هو موعيب بس تخيل ريال جدامج يبجي انتي بنفسج اتحسين ان شي غلط

حورية عمان

..

موضوع جميل ..
و هو سؤال يحير الكثير ..

أنا عن نفسي ما استحمل أشوف دمووووع رجال ..

أحس إنه يكون في حالة ضعف .. و انا ما أحب إني أشوف رجال في هالحاله .. لأن الرجال قوي ..

..
حورية

شجون الشامسي

ألحين لو دش واحد من الشباب وقرى شو كتبنا عنهم ما بصدقون أونهم ما عندهم سالفه

الله يسلمج الأنهم لازم ما يصيحون والله لو صاح الريال من بيكون يقدر يتصرف بعقله وبعدين حبيبتي نحنه الحريم حساسات هب قاسيه قلوبنا شراتهم هم الله وأكبر ما أدري من وين هذا الجمود
تبين الصراحه بعض الأحيان أحس عمري أكرهم بسبت أنهم قاسين ولو تبينهم مره يحسن بل مره ما تتحرك فيهم شعره

نسمة صباح

السلام عليكم ورحمة الله وبركاته ..

مشكووورة اختي على هالموضوع الجميل ..

انا من وجهة نظري الرجال عيب انو يصيح فهذا صحيح ......؟!؟!

لأن لو الرجال بكي مين ماراح يبكي ..

صحيح انو الرجال بشر لكن مو على أي شي ..

يعني مش مشكلة لو بكي لكن مو اما م الناس يبكي لحاله ..

لو بكي امام الناس تقل رجولته ..

البكاء فقط لنا نحن .. ههههه

أكرر شكري اختي وجزاك الله خير ..

تقبلي مروري .............. اختك :نسمة صباح

المطروشية

الريال اللي يقول ما يصيح هذا شخص كاذب مستحيل الريال ما مر في موقف صعب بكي فيه
يمكن بينه وبين نفسه صاح مب جدام الكل لازم بينفجر من البكاء


مع خالص تحياتي اختكم
المطروشية

الرشا

الريال مب عيب يصيح ، لأن الصياح عمره ما ماكان ضعف أو تقليل من رجولته ، بس بعد مايصيح على كلي شي ويصير حساس ، والريال مايصيح إلا على شي قوي ، نحن نعرف واحد ما يصيح أبد لو شو ما صار وهو ريال كبير وماشاء الله عليه عنده قوة تحمل وصبر بس مره صاح وكان يصيح مثل الياهل والسبب حس أنه بيخسر ولده لأنه صار عليه حادث ، يعني الحين عيب لأنه صاح؟ لا طبعاً ، صياحه كان من خوفه على ولده هذا ما يعتبر ضعف أو تقليل من رجولته أبداً والله بالعكس ، وأنا هذا رايي والسموحه منكم

أحلا الامورات

يمكن أفراد المجتمع عودنا أن الرجال أنسان قوي
مو بسهوله تخرج مشاعر
بصراحه أحس أنها قلت رجوله منه
أحس الرجال لازم يصير خشن
لازم يصير عكس الجنس الناعم

طلبة الغالين

السلام عليكم ورحمة الله وبركاته
مرحبا اخوي عشير المحبه...
ماشالله عليك..صدق سؤال يطرح نفسه!!
ليش الريال عيب يصيح!!؟؟ امر غريب..

الريال هب عيب انه يصيح بس نحن كمجتمع بدوي بشكل عام تعودنا انه كلمة ريال توحي بالرجوله والقوه والصمود والصلابه .. وتعودنا الريال بطبعه انسان ثابت ما تهزه ريح..بس بعد مصايب الدنيا تلزمه في بعض الاوقات بالصياح..بس هو مب عيب..بس تقدر تقول ضعف على موقف هو ما قدر يستحمله...

وشكراًً.... اختك... طلبة الغالين...