[مقابله] ::+::arweena ::+::

جنون خطوة · 07-13-2008, 06:52 PM

السلآم عليكم و رحمه الله و بركاته ,

إحساس طفلة ,

السؤال الأول ,
~ الصداقة , ما تعني بالنسبة لج ؟

السؤال الثاني ,
~ متى تنزل دموع إحساس طفلة ؟

السؤال الثالث ,
~ اذا كان من الممكن تغيرين شي بحيآتج , شممكن يكون هالشي ؟

السؤال الرابع ,
~ شو المكان اللي تتمنين تزورينه ؟ و ليش ؟

أتمنى ان اسئلتي ما ثقلت عليج ,
و احتمال يكون لي عوده

اختج , تائهة الخطوة

سعوديه وكلي عز · 07-13-2008, 07:20 PM

[..مساء الخير .. مساء الشاعريه .. مساء البرآآئه ..‘‘

بداية من نكك ||أحاسيس طفله || ..

شوقتيني لمقابلتك .. وغصب عني أتيت لأدون كم سؤال من مافي جعبتي ..!!

||

1//الطفوله وماأدراك مالطفوله .. هل عشتيها .. وتطبع مواقف في ذهنك منها ؟؟ اذكري لنا موقف جميل من طفولتك

2// للتصوير شروط .. وأساسيات كونها نوع من الفن .. بم تنصحين المبتدأبفن التصوير؟؟

3// هل لك ميول رياضيه ؟؟ واذا كان لك ميول ماذا تعرفين عن نادي الهلال السعودي .؟؟

4// الأحلام حلوه .. وسوـوـوكر الدوـوـونيا ماهي أحلامك ؟؟

وـوـوـوـوبس ‘‘]

دمتي بسعاده ورضى }}

|...|سعوديه وكلي عز |...|

شيخة القبيلة · 07-13-2008, 07:36 PM

السلام عليكم ورحة الله وبركاتة

اهلين اختي إحساس طفلة

س1 : شنو احساسك لما تشوفي الاطفال ؟ و تتمنى ترجعي ايام الطفولة ؟
س2 : شي لازم تسويه بحياتك اليوميه؟
س3 : كلمات لها معنى عندك؟

1_المستقبل

2_الوفاء

3_التخطيط

س4 : وشــــــرايك بـ شيخة القبيلة وبكل صراحه؟

انتهت اسئلتي و اعذريني اذا طولت أو ثقلت عليكي بالأسئله ..

يعطيك الف عافيه ..

..تقبلي فائق إحترامي و تقديري..

**Arweena** · 07-13-2008, 08:12 PM

اقتباس:

السلام عليكم ورحمة الله وبركاتهـ ..

وعليكم السلام والرحمه ..

اقتباس:

شخبارج وعلووومج ..؟ من طول الغيبات ياب الغنايم

انا بخير دامج انتي اهني ..

اقتباس:

* من هي احساس طفلهـ ؟

سؤال صعب ..

انسانه عايشه في هالدنيا .. تاكل وتشرب وتنام .. وتمارس هواياتها بكل هدوء .. وايد عندها طموحات .. انسانه خياليه لكن في حدود المعقول .. تعلمت الكثير الكثير من الماضي وما زالت تتعلم ..

ليش أقولج منو انا دامج انتي اكثر وحده تعرفيني ؟؟

اقتباس:

* شو يعنيلج هالنــك ؟؟

أنا .. في ألم الإمارات ..

اقتباس:

* بما انج مصوره .. افضــل الاماكــن لالتقاط الصوره ؟؟

ماشي مكان معين ..
لكني أفضل اني أصور (في الخارج) .. يعني في ضوء الشمس ..

اقتباس:

* افضل صورة عندج ؟؟

ماادري والله ..
واايد صور ..
لكن الأكثر .. R O S E اللي هي آخر صورة نزلتها ..

اقتباس:

* شو علاقة احساس طفلة بالمطبـــخ ؟؟

ماشي أي علاقة تُذكر ..

اقتباس:

1- الــم الامــارات؟

بيتي الثاني ..
وأول بداية لي في عالم الإنترنت ..

اقتباس:

2- نفحـــات امــل؟

اختي التي لم تلدها أمي ..
توأم روحي ..
وأجمل ما قدمهـ (ألم الإمارات) لي ..

اقتباس:

3- البحــــر ؟

عالم آخر مليء بالأحاسيس والمشاعر ..

اقتباس:

4-الحـــب

؟

كل شي في الحياة ..
ما يعيش الإنسان بدون حب ..

اقتباس:

كونــي بانتظــاري ..

اترياج

**Arweena** · 07-13-2008, 08:15 PM

اقتباس:

المشاركة الأصلية كتبت بواسطة وهيب

السلام عليكم ورحمة الله

هل بالإمكان طرح اسئلة في مجال الأدب والشعر ؟

انتظر الإجابة شاكرا

أخوك/ وهيب

طبعا بالإمكان ..
أعشق الشعر اناا ..

**Arweena** · 07-13-2008, 08:22 PM

اقتباس:

اجد فى النك حقك قمة الرومانسة والرقة..

شكـــرا ..

اقتباس:

بما انك مصورة
ماهي الاسباب التى جعلتك تحبينا التصوير ..

تمشي الحياة وايقاف اللحظات أروع ما فيها ..

**Arweena** · 07-13-2008, 08:49 PM

اقتباس:

هلا وسهلا أحساس طفله

مرحبا و الله

اقتباس:

س/ماهي بطاقة الشخصيه ؟لك الحريه في الرد

إحساس طفلة..
عمري 17 سنة و10 شهور
طالبة في جامعة زايد .. وتوني مخلصة أول سنة ..
في بالي أتخصص تصميم داخلي
أعشق التصوير وأحب الشعر وأهوى القراءة..

اقتباس:

س/ماهوالموقف المحزن والموقف المفرح في حياتك؟

وااايد مواقف مرت علي .. وايد منها مفرح ووايد محزن ..
لكني مب من النوع اللي يتذكر مواقف ..

اقتباس:

س/ماهوالشي الي تتمنيه ولا تحقق؟

وايد أشياء ..
وأغلب الأشياء اللي تمنيتها وما تحققت حسيت انها خير لي واايد ..

اقتباس:

س/ اكثر عضو لفت أتباهك؟

وأكثر من عضو ..

اقتباس:

ولي باك ثاني

حياج الله ..

اقتباس:

أتمنى اقامه سعيده مع الاسئله

تشكرااات ..

**Arweena** · 07-13-2008, 09:04 PM

اقتباس:

السلآم عليكم و رحمه الله و بركاته ,

وعليكم السلام ورحمة الله وبركاته ..

اقتباس:

~ الصداقة , ما تعني بالنسبة لج ؟

شيء ثمين ..
لكنها تخوّف في بعض الأحيان ..

اقتباس:

~ متى تنزل دموع إحساس طفلة ؟

عندما يُجرح إحساسها ..

اقتباس:

~ اذا كان من الممكن تغيرين شي بحيآتج , شممكن يكون هالشي ؟

الماضي ..

اقتباس:

~ شو المكان اللي تتمنين تزورينه ؟ و ليش ؟

امممممممممم
وايد أماكن ..
لكن أول مكان ابغي ازوره ..
هولندا ..
وليش .. لأنها بلدة الزهور ..
وانا من عشاق الورد والزهور ..
وأحس انها مكان راائع للتصوير .. لووول

اقتباس:

أتمنى ان اسئلتي ما ثقلت عليج ,

بالعكس .. جميلة جداً

اقتباس:

و احتمال يكون لي عوده

بـ انتظارج ..

**Arweena** · 07-13-2008, 09:28 PM

اقتباس:

[..مساء الخير .. مساء الشاعريه .. مساء البرآآئه ..‘‘

مســـاج ورد

اقتباس:

بداية من نكك ||أحاسيس طفله || ..

شوقتيني لمقابلتك .. وغصب عني أتيت لأدون كم سؤال من مافي جعبتي ..!!

قصدج إحساس طفلة ..

هلا وغلا ..

اقتباس:

1//الطفوله وماأدراك مالطفوله .. هل عشتيها .. وتطبع مواقف في ذهنك منها ؟؟ اذكري لنا موقف جميل من طفولتك

نعم عشتها لكن مب مثل ما بغيتها تكون ..
موااااقف !!
سبق وذكرت انا مب من النوع اللي اتذكر مواقف ..
خصوصا مرحلة طفولتي ..
يمكن مجرد صور لكن مب مواقف كاملة !!
السموحة .. حاولت أعصر مخي بس ما اتذكرت أي شي ..

اقتباس:

2// للتصوير شروط .. وأساسيات كونها نوع من الفن .. بم تنصحين المبتدأبفن التصوير؟؟

أهم شي في التصوير (الفكرة) اللي تحتويها الصورة .. والمعنى ..

انصح المبتدأين في إنهم يركزون ع الفكرة اولاً وبعدين الكاميرا وبعدين الزاوية .. وآخر شيء الإضاءة والألوان ..

اقتباس:

3// هل لك ميول رياضيه ؟؟ واذا كان لك ميول ماذا تعرفين عن نادي الهلال السعودي .؟؟

للأسف ابداً ما أحب الرياضة ..
وعن نادي الهلال السعودي .. أسمع عنه لكني ماأعرف غير انه سعودي

اقتباس:

4// الأحلام حلوه .. وسوـوـوكر الدوـوـونيا ماهي أحلامك ؟؟

اذا انتي تقصدين أحلام اللي مثل الطموح ..

1. ابدع في مجال تخصصي ..
2. ابني مسيد في دولة اسلامية فقيرة ..

اما عن الأحلام .. اللي هي مجرد حلم في الخيال ..

أحلم اني ألمس السحاب مثل ما أشوفه ..

اقتباس:

دمتي بسعاده ورضى }}

وياج ياااربي ..

**Arweena** · 07-13-2008, 09:41 PM

اقتباس:

السلام عليكم ورحمة الله وبركاته

وعليكم السلام والرحمه

اقتباس:

س1 : شنو احساسك لما تشوفي الاطفال ؟ و تتمنى ترجعي ايام الطفولة ؟

اتخبل ع اليهااال

بوجودهم تكتمل حياتنا ..
قبل كنت اتمنى ارجع .. لكن الحين اتطلع أكثر للمستقبل ..

اقتباس:

س2 : شي لازم تسويه بحياتك اليوميه؟

وايد اشياء تعودت اسويها ..
لكن أكثر شي لازم اسويهـ ..

ايلس روحي في مكان هادي .. وأفكـــر

اقتباس:

1_المستقبل

ما يجب أن يعمل له الإنسان في حاضرهـ ..

اقتباس:

2_الوفاء

من اجمل الأشياء في الحياة .. على الرغم من قلتهـ !!

اقتباس:

3_التخطيط

بدونهـ .. الحياة فوضى !!

اقتباس:

س4 : وشــــــرايك بـ شيخة القبيلة وبكل صراحه؟

امممممممممممم ..
ما احتكينا في بعض وايد ..
بس يمكن أحسج هادية شوي !!

شكــرا حبووبه ..

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)