[مقابله] ::+::alain ::+::

alain

.+[ راكب تكسي ومدلع نفسي ]+.

سلامي ع الي راكب تكسي ومدلع نفسه خخخخخ حلوو االنك نيم تبادل ..

اقتباس:

السلام عليكم اخوي

وعليكم السلام ورحمة الله وبركاته ..

اقتباس:

اشكر اختي انين الصمت وكذلك الاخت المتالقة أخت ألم علي طرح هذا الموضوع الشيق جداً

الشكر موصول لـ الاخت ومجهود دائما طيب منها ..

اقتباس:

السؤال الاول: هل تعشق التصوير ؟

الجواب ف توقيعي [ عاشق التصوير ]

اقتباس:

السؤال الثاني :- هل تحب تصوير الاطفال فقط ام أي شي تراه من حولك؟

طبعا الاطفال لهم طابع خاص ف التصوير واحب تصويرهم ..

اقتباس:

السؤال الثالث :_ من مواضيعك الشيقه والجميله سيل من الاحزان لماذا الاحزان وهل مررت بموقف محزن جعلك تذكرها ؟

دائما اخوك يمر بـ المواقف المحزنه ولكن عنوان هذا الموضوع هو لـ انشودة رائعه ..
للمنشد سلطان محمد والانشودة عن المحروم الشيخ زايد رحمه الله عليه ..
تفضل بـ الضغط ع هذا الرابط ( تره توقيع فلاشي ^_^ ) ..

هنــا

وعطني رايك بـ الانشودة ^_^ ..

اقتباس:

واسف علي الاطاله وبالتوفيق

افا عليك اخوي ونحن حاضرين ف اي وقت ..

واشكرك ع المرور الطيب ..

ونتشرف بـ حضورك ف ألم الامارات ^_^ ..

اخوك ف الله ..
محمد ..

alain

.+[ ضوايه ]+.

اقتباس:

السلام كليكم والرحمة شحالك أخوي

وعليكم السلام ورحمة الله وبركاته ..
ابخير ربي يعافيج وانتي شحالج ربج ابخير ..

اقتباس:

حبيت أطرح سؤال خطر على بالي وبعدين الأسئلة الثانية إن شاء الله ^_^

ونحن حاضرين ف الاجابة اختي ..

اقتباس:

- شو الأشياء الي تلفت نظرك ، وتستحق التصوير ؟!..

بصراحه الاشياء النادره احب اصور شي غريب بنفس الوقت ..
ولكن اكثر شي يلفت نظري الطبيعة امووت في الطبيعة ..
وشكلي بـ اتجه لـ هذا المجال ..

اقتباس:

تسمحلي اقترح عليك اقتراح ^_^ صمم مجلد خاص فيك من الصور ونترياه إن شاء الله ينطرح مع ردودك على أسئلتنا <<<< الله يعينك بس أخوي ^_^

فالج طيب بطرح لكم بعض الصور القديمة [ من الارشيف ] ف الموضوع ..

اقتباس:

أختك ضوايـــ^_^ـــه

ربي يوفقج واشكرج ع المرور اختي ..

اخوج ف الله ..
محمد ..

alain

.+[ aNeeNalsmT ]+.

اقتباس:

السلام عليكم ورحمه الله وبركاته اهلا فيك اخوي العين وسعيدين بهالاستضافه ..

وعليكم السلام ورحمة الله وبركاته ..

انا اكثر سعادة اختي الكريمـة وشكرا ع الاستضافة ..

الاسئلة :

اقتباس:

1- ماهي اروع صورة بنظرك تم إلتقاطها وماهو مووضوعها ؟

بصراحه اكثر من صورة ولكن اعتقد الافضل بنظري ..
لاني حبيت اوصل رسالة عبر هذي الصورة ^_^ :



۞ اللهم إني أسالك حسن الخاتمة [ جديد العـين ] ۞

اقتباس:

2- حكمتك في الحياه ؟

كما تدين تدان

اقتباس:

3- ماهي امنياتك ؟

حج بيت الله سبحانه وتعالى

اقتباس:

4 - طموح تصبو للوصول اليه ؟

اكثر من شي ^_^ ..

1-العتق من النار

2- رضاء الوالدين

3- أن الله يرزقني زوجة صالحه وبنت حلال والذريه الصالحه

4- عمل صدقه جاريه يأتيني أجرها حتى بعد أن يواريني التراب

وووووألخ ..

اقتباس:

هذا ما لدي الان وان شاء الله لنا عودة مع اطيب تحيه انين

بنتظار عودتج اختي الكريمـة ..

واشكرج ع المرور الطيب ..

اخوج ف الله ..
محمد ..

حورية عمان

السلاام عليكم و رحمةالله و بركاته أخي الكريم >>> عاشق التصوير .. و النعم ..

بعد التحية والسلام ..
أضع أسئلتي بين يديك لتجيب عنها بعد إذنك طبعا ..

حقيقة سبقني الكثير في وضع الاسئلة .. و هذا ما جعلني حائرة في طرح أسئلتي ..

*** سؤال وجيييه جدا جدا .. لماذا لازلت محتفظا في بيانات العضو بالمستوى التعليمي الثانوي ؟؟؟

1- كيف وجدت في نفسك موهبة التصوير ؟؟ هل هناك أشخااص آخرون في العائلة يمتلكون نفس الموهبة ؟؟

2- هل هذه موهبة أم تعلم ؟؟ الى من توجه شكرك و امتنانك أنك أصبحت عاااشق و مبدع في التصوير ؟؟

3- اذا صورت صورة حلوة واااايد و نادرة .. و اتعلقت بهذي الصورة حييييييييييل .. لمن تهديها ؟ من هو الإنسان الي في نظرك يستحقها ؟ يعني تعتبره توأم رووحك ؟؟ إلي ما يغلى عليه أي شي ؟؟

4- اذا شاركت في مسابقة أو في معرض عسب تعرض الصور الي صورتها ؟؟ شو هي الصورة الي بتكووون في الصداارة ؟؟؟ و منو بتعزم على افتتاح المعرض ؟؟

...

هذا كل ما لدي..

اعذرني على الإطاله ..

تحياتي : حورية

alain

.+[ ملامح عشق ]+.

اول شي مرحبابج ف الموضوع والمنتدى بشكل عام ..

وان شاء الله نشوفج من الاعضاء المميزين ف ألم الامارات ^_^ ..

اما بخصوص سؤالج :

اقتباس:

كلمة تصوير وكاميرا ماذا تعني لك؟؟

تمضية وقت الفراغ بشيء مفيد ومحاولة الوصول للاحتراف في هذا المجال لأني أثق في قرارة نفسي بأن لكل صورة ملتقطة ذكرى معينة وتعيد الصورة شريط ذكريات المستقبل ..

اقتباس:

وتقبلو مروري..

الف شكر لج اختي الكريمة ع المرور ..

اخوج ف الله ..
محمد ..

alain

لي عودة بعد الصلاة باذن الله ..

اخوكم ف الله ..
محمد ..

bundy

السلام عليكم اخوي محمد

بس حبيت اقول لك راح اتابعك من وراء الكواليس

تقبل الله ياخوي

وشد حيلك

alain

.+[ TEETOO ]+.

اقتباس:

السلام عليكم ورحمة الله وبركاته

وعليكم السلام ورحمة الله وبركاته ..

اقتباس:

شلونك أخوي ؟

ابخير ربي يعافيج وانتي اشلونج ..

اقتباس:

هلا فيك وربي

اهلين وسهلين ..

اقتباس:

اممممممم

اقتباس:

1- انت متزوج؟ واذا كنت فهل عندك أطفال؟

لا أعزب وحاليا ما افكر ف الزاوج ..

اقتباس:

2-هل حبك للأطفال هو اللي أدى انك تخترع موضوع (صور اليهااال)

موضوع صور اليهال اعتقد منتشر بشكل كبير ف المنتديات
وحبيت اطرحه ف ألم الامارات اما حبي للاطفال بـ كل تاكيد انا احب اليهال ..
والله يحفظهم جميعا ..

اقتباس:

3- سؤال يحيرني اذا عنك خوات اوصفلي احساسك لهم

لوول سؤال غريب خخخ احساس الاخوة لا اكثر <= سلامي ع الجواب ..

اقتباس:

4-وش الدنيا بنظرك؟

مجرد نقطة وستزول ..

اقتباس:

5-وش أكثر شي تتمناه؟

الجنـة ..

اقتباس:

6- وش أحلى فترة عندك في حياتك ومراحلك العمرية؟

اكيد مرحلة الطفولة ..
شي فرق بين الحين وقبل سبحان الله ..
الواحد قبل يتمنى انه يكبر ويوم يكبر يتمنى انه يرجع صغير ..
سبحان الله ..

اقتباس:

7-أصعب موقف مر عليك؟

وفاة ربيعي ف حادث وانا كنت بكون وياه بس سبحان الله
الوالدة طلبت مني اوصلها مكان ومن عقبها ربيعي توفه ( رحمه الله عليه )

اقتباس:

8-انت من اي برج؟

امممم ما اذكر بصراحه يمكن العقررب خخخخ ..

اقتباس:

9-وش تخصصك؟

ما عندي خصص حاليا ولكن يالس افكر اي تخصص ادخل ^_^ ..

اقتباس:

10-وأخيرا رأيك في الناس بشكل عام ومبدأك معهم في التعامل؟

الناس انواع اختي الكريمـة ..
شي الزين وشي الشييين ..
والله يجمعنا دائما مع الزين ( الناس الطيبه ولي تخاف ربها ) باذن الله ..
اما التعامل .. اعمل الشخص بـ المثل ..

اقتباس:

ارجو اني ما كون ازعجتك اختك

افا عليج اختي لا ازعاج ولا شي ..

وحاضرين ف اي وقت ..

شكراا ع المرور ..

اخوج ف الله ..
محمد ..

special lady

السلام عليكم

اخبارك اخوي؟؟؟

اممممممم


احب ابدي اعجابي بتصويرك

عندي سؤال واحد

ايش نوع الكام الي تنصحني اشتريه؟؟؟




موفق اخوي

alain

.+[ حورية عمان ]+.

اقتباس:

السلاام عليكم و رحمةالله و بركاته أخي الكريم >>> عاشق التصوير .. و النعم ..

وعليكم السلام ورحمة الله وبركاته ..
والنعم بـ حالج اختي ..

اقتباس:

بعد التحية والسلام .. أضع أسئلتي بين يديك لتجيب عنها بعد إذنك طبعا ..

بفكر خخخخخ [ سوالف اختي ] حاضرين ..

اقتباس:

حقيقة سبقني الكثير في وضع الاسئلة .. و هذا ما جعلني حائرة في طرح أسئلتي ..

<= مشكلة شخصية مهم ف الموقع <= مصدق عمره الاخ ^_^ ..

اقتباس:

*** سؤال وجيييه جدا جدا .. لماذا لازلت محتفظا في بيانات العضو بالمستوى التعليمي الثانوي ؟؟؟

لاني مخلص الثانوية وما دخلت مكان حاليا !!
كنت بطالي ولازلت بطالي من سنة 2004 ^_^ ..
فكرت بـ العمل ولكن قرارت اخيرا اني اكمل ..
ولكن بعدني لوول يالس اشااور عمري وباذن الله خير ..
دعواتج لنا اختي الكريمـة ..

اقتباس:

1- كيف وجدت في نفسك موهبة التصوير ؟؟ هل هناك أشخااص آخرون في العائلة يمتلكون نفس الموهبة ؟؟

بصراحه كنت احب التصوير وانا صغير ..
وعيال الشعبية [ الفريج ] دائما يقولون لي انك تملك موهبه ف التصوير ..
لانه اي شي يصير ف الشعبية لازم اي اصور [ صور عاديه ] هب فيديو ..
وبعد فترة طويلة قرارت اخذ كيمرا عادية اجررب نفسي وعرضت اكثر من عمل ..
لـ الاهل والاصدقاء والكل متعجب انته مصور هذي الصورة !! خخخخ ومن عقبها ..
اخوي العود ما قصر عطني هدية كيمرا كانون D350 ولحد الحين الكيمرا عندي ..
وبين فترة وفترة اصور ^_^ ..
نعم عندنا ف العائلة يمتلكون نفس الموهبة [ اخوي العود ] ^_^ ..

اقتباس:

2- هل هذه موهبة أم تعلم ؟؟ الى من توجه شكرك و امتنانك أنك أصبحت عاااشق و مبدع في التصوير ؟؟

انا اشوفها موهبه ^_^ ..
اخوي العووود والاهل دائما كانو يشجعوني ف التصوير ..

اقتباس:

3- اذا صورت صورة حلوة واااايد و نادرة .. و اتعلقت بهذي الصورة حييييييييييل .. لمن تهديها ؟ من هو الإنسان الي في نظرك يستحقها ؟ يعني تعتبره توأم رووحك ؟؟ إلي ما يغلى عليه أي شي ؟؟

اهديها لـ امي [ ربي يحفظها لي ] ..

اقتباس:

4- اذا شاركت في مسابقة أو في معرض عسب تعرض الصور الي صورتها ؟؟ شو هي الصورة الي بتكووون في الصداارة ؟؟؟ و منو بتعزم على افتتاح المعرض ؟؟

اممم صورة الوردة على المقبرة ^_^ <= عسب اسوي فلم رعب من بداية المعرض ^_^ ..
عقب بعرض لكم الصورة ف الموضوع [ ومع بعض الصور من الارشيف ] ..
طبعا بعزم الجميع ..

اقتباس:

هذا كل ما لدي.. اعذرني على الإطاله .. تحياتي : حورية

شكرا اختي الكريمـة ع المرور ..

واتشرف بـ حضورج ف الموضوع ..

اخوج ف الله ..
محمد ..