بنآت البحرين .. طلبتكم ..

شجون العمر

السلآم عليكم و رحمة الله و بركاته ..

شلونكم ؟ عسآكم طيبين ..

بليــز انا أبي مساعدهـ من بنات البحرين + الإمآرات ^^" ..

رفيجتي في البحرين تبي تطرش لي اشياء من البحرين للإمارات عن طريق البريد السريع ..

بس لآ انا و لآ هي نعرف شنو هي شركات البريد السريع الموجودهـ ..

بلـييييز حد يساعدنآ و يدلنا على طريقهـ سهلهـ و ممتازهـ و تستاهل الدفع اللي بيندفع فيها ..

أنا طلبـتكم و أدري‘ ما بتردووني ..

و تسلـموووون .. السموحهـ ..~

الكرستالة

هلللللللا بك...

والله مدري ...

أن شاء الله باقي الأعضاء يفيدونك...

وبالتوفييييييق...

khalijia-89

يا هلا اختي

بإمكانج تستخدمين خيارات كثير .. بس طبعا يعتمد على السعر إلي بتدفعينه ..

في شركات بريد معروفة مثل DHL و Fedex بس أسعارهم أحيانا تكون مبالغ فيها .. بالإضافة إلى انه وايد عندنا تجارب وياه انهم ضيعوا الأغراض

بس أحسن خيار أهو بريد البحرين العادي .. تروح المكتب وتعطيهم الشي إلي تبي توصله يكون في علبة مغلفة بأوراق بيضا .. وبيعطونها فورما لازم تمليها فيها عنوانج .. وتختار شلون لازم توصل لج .. في حال أختارت انه الصندق هدية راح يوصلح لعند باب بيتكم .. او في مكتب البريد حق الإمارة تبعكم إذا اختارت انه لازم انتي تروحين تستلمينه ..
بالنسبة للسعر يكون بالوزن على كل كيلو في سعر محدد لكل دولة ما اعتقد راح يكون الكيلو الواحد اغلى من 20 دينار بحريني ..
يعني انا لما يدزون لي ي شي بالبريد السريع ياخذ 3 أيام وانا في نيوزيلندا آخر الدنيا .. ولو كان البريد العادي ياخذ اسبوع .. فأحسن شي انها تختار البريد العادي لأن المسافة من البحرين لدبي قريبة وما بياخذ وايد على ما يوصل .. غير انه احسن وأوفر..
في الفورما نفسها لازم تكتب محتويات العلبة .. عشان بريد الإمارات يتأكدون انه ما في شي بيدخل البلد مخالف او اي شي .. يمكن حتى يفتحونها !! بس ما بياخذون شي ولو أخذوا بتوصلج رسالة انه كان في صندوق مطرش لج جذي وجذي واحنا أخذناه لو تبينه اتصلي ولو لا خلاص انتهت السالفة ..
ومع محتويات العلبة تحط سعر تقديري للأشياء عند البريد .. فلو لا سمح الله ضاع يقدر البريد يعوضها بقيمته

اتمن اني فدتج مع كلامي الكثير

مومو الشقية

تحية

كنت ودي اساعدش

بس والله ما اعرف

شجون العمر

khalijia-89

تسلمين غنآتي ع المسآعدهـ ..

وايد ساعدتيني صرآحهـ .. بس اهي شكلها تبي تطرش بشركهـ مثل الفيديكس و الدي اتش إل اللي قلتيلي عنهم ..

و ممممم بخصوص الـ 20 دينار .. مو جنهم وااايد !!!؟؟؟

و فوق هذا كله انا مب ساكنهـ في دبي ^^" .. يعني ابي شركهـ يكون لها فرق في إمارتي ..

ع العموم شكراً لمساعدتج .. و بنطر الأخوات يمكن يساعدوني ..~

khalijia-89

هلا شجوون ..
أكيد مو 20 دينار لأن أنا يدزون لي بهالسعر بما انه دولة بعيدة فأنا اقول لج أكيد السعر أقل بوايد لأن الإمارات قريبة ..

ال dhl لها فروع في الإمارات ومعروفة اكثر انها احسن والنظام بالظبط مثل بريد البحرين العادي انه يوصل على بيتكم .. لكن في شي مهم .. أنه لو وصل بيتكم وما كان في أحد موجود مثلا في يوم من أيام الاسبوع .. بيحطون لج رسالة ترا وصلج بريد وراح يوصل لج في إجازة نهاية الاسبوع مثلا يوم الخميس .. في حال انه مرة ثانية وصلووه ومحد في البيت استلمه .. لازم انتي تروحين تاخذينه من البريد بأسرع وقت .. لأن لو ما استلمتينه في حدود اسبوع راح يطرشونه مرة ثانية لصاحبته .. و لو ما كان مثلا المكتب مالهم قريب منج تقدرين تتصلين عليهم وتقولين لهم يدزوه مرة ثانية لج راح يكون بسعر جدا بسيط ..
وكلهم يعني لهم نفس النظام .. بس السعر اهو الفرق .. حتى الخدمة مثل الشي
عشان جذي انا انصحج ببريد البحرين العادي لأنه أوفر وبيسوي لج مثل الشغل بالضبط
اووه وبعد نقطة الشركات وايد تحاسب على شنو داخل العلبة وإلي بيطرش .. لأن عندها وايد قوانيين عكس البريد العادي

وعشان تتأكدين اكثر دخلي موقع ال dhl وشوفي الفروع في الإمارات إذا في قريب منج او لا

إذا عندج أي سؤال ثاني .. بالخدمة

شجون العمر

تسلميييييييييييييييين يا قلبي ما قصررررتي ..

أنا اتصلت في دي أتش إل .. بس بعدني ما قلت لرفيجتي تسأل عن التكلفهـ و جذي ..

و هم قالوا لي انه خدمتهم door to door ..

فـ ما اعرف .. بعدني ما فكرت فيها و الله ..

تسلمين على مساعدتج حبيبتي ما قصرتي ..

فيج العشم و الله ..~

khalijia-89

حاظرين الشيخة D=
قصدهم من المكتب للباب ههههه بس هم اختصروها سووها DOOR TO DOOR
ان شااء الله يوصلوون اغراضج بالسلامة