|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
07-25-2008, 04:27 PM
|
#1 | ||
 
|
مذكـــــــــ بنت بدو ــــــــــــــــــــــــرات
ياسلام هالحين على كثر مادخلت الموقع ماقد فكرة أفتح هالقسم مع أني أحب اليوميات
بيني وبينكم يمكن كل هذا ذل من أبو أشباب المزيون أخوي دايم يهدد على الفاتوره بس ماعليه بضحي وبكتب بعض يومياتي إن الله يسر بس تصدقون بعض الأعضاء يومياته روووووووووووووووعه بسم الله الرحمن الرحيم أول شئ بكتبلكم عن ثالث ثانوي جعلها 0000000000ماني بقايله بس تصدقن يابنات يوم طلعت منها شعر راسي شايب والعقد النفسيه ذابحتني بس الحمدلله عدة على خير عاد كيف أخذت النسبه هذي قصه ثانيه من أخر يوم أختبارات وأنا نوم زي العالم ماعرف ماغير كوابيس أقطعت قلبي المشكله إنه ماعندنا كمبيوتر ولأعرف أحد أمون عليه عنده كمبيوتر عاد أنا كنت مع بنات عمي وصديقتي نفس السنه يعني أبتلشنا كلنا تدرون وش سوينا صديقتي الله يسعدها كان عندها أخو يدرس برى فأشارت علينا رفيقة العمر إنا نعطيها أرقامنا وتعطيها أخوها يدخلها في موقع وهم يرسلون علينا النتايج شوفو الشحططه كيف الله لايفضحنا وجى اليوم الميمون يوم النتايج والله يابنات إني من يوم صليت الفجر والجوال في يدي المهم أطلعت نتايج عاد الحض المزيون طلع نتيجة صديقتي ووحده من بنات عمي ما بقى إلى محدثتكم والثانيه من بنات عمي الساعه صارت عشر وأنا خلاص ضغط سنه كامله ونتيجه عيت تطلع وأعصاب تلفانه وكنت جالسه عند أمي في غرفتها وكل شوي داق علي وحده من البنات وأنا ماعاد أتحمل مافيه أمل إلى أحتري يوم السبت يعني يومين زياده الله يصبرني والدمعه في طرف العين جى المزيون السالف ذكره****أخوي ألي يهددني على الفاتوره********* وما أدري وش قالي بس أنا عييت أجيب ألي قالي المهم أنه كفخني ظليمته شينه ضربته ماهي قويه بس أنا على الحافه كان أنفجر لكم أصياح وميمتي ترتاع على بالها الضربه ذبحتني ومحدثتكم هات ياصياح وأمي تهاوش المزيون هواش محترم بردة قلبي وأصيــــــــــــــــــــــح لين خلاص خلصت الدموع كان تتصل رفيقة عمري الموقره : رفيقتي:هاه وش تتسوين مبتعثه في مطبخ أمي :سوات الله أبرك عادي بقعد ليوم السبت وأروح أخذ النتيجه %%شف شف هذي الي تو بغت تموت%% رفيقتي: الله يعينك أجل يالله مع السلامه مبتعثه في مطبخ أمي:مع السلامه جت الساعه 12 الظهر وأنا على حطت يدكم كان يشور علي أحد الشيوخ أخواني أني أعطي رقمي الشيخ أخوي ابو محمد ويروح يطلع النتيجه من عند رجال أختي المهم تكرم المهندس أبو محمد وراح وأنا من يوم راح وأرجع أتحرقص من جديد وكل مادق التلفون ألقطه فيخيب ظني قهروني جماعتنا هالحين ماقد دقوا إلى اليوم مادري وش عندهم المهم التلفون عندي في الغرفه وأبوي وامي جالسين في الصاله ومعهم السفير أخوي الكبير كان يدق التلفون وألقطه أبو محمد: ماشاء الله ماشاء الله ماشفتي نسبت بنت عمك ليش ماجبتي مثلها هالحين بالله وش اسويبه الله يوفقها بس علمني ياخي عن نفسي مبتعثه في مطبخ امي:طيب أنا **خلاص ماعاد أقدر أتكلم احسني بموت** أبو محمد:وش البشاره وقولك مبتعثه في مطبخ امي:**مدري وش أقوله**طيب قول وابشر ابو محمد:لا اول وش البشاره مبتعثه في مطبخ امي:ابشر بكيكه&&لاتناضرون ماعندي شي وش أسويبه&& ابو محمد:كيكه وضحك خلاص ماعليه مبروووووووووك94 مبتعثه في مطبخ امي:في ذمتك كم كم ابو محمد:لالاهي ماهي94 بالضبط لكن ماهي بعيده عنها هي بالضط 93,77 خلاص الأعصاب دمار وأنا صرت ملعبه كان أقعد أصيح واصيح ابو محمد: يابنت الحلال علامك وووو......... وأنا قد نطلت السما عه وأصيــــــــــــــــــح لين قلت بس وسلامتكم المره الجايه بكتب كيف كنت أختار تخصصي ووش سوت خالتي وكيف وصلني خبر خطبتي وعلوم كثيره 0 يالله الأخت المصون تناديني أغسل المواعين معها عاد اليوم دوري أنا وياها تمسوا على خير 
|
||
|
|
07-25-2008, 11:24 PM
|
#2 | ||
|
الساعه 2.55الظهر محدثكم جالسه على سريري والكمبيوتر في حضني
المهم وين وصلنا .............إيه يوم أخذت النسبه هالحين عاد باقي التخصص وبصراحه كنت ميته على شئ أسمه علم النفس أعشقه بجنون نجي للمفيد كل ما سألني أحد وش بتدخلين قلت علم نفس الحمدلله وش ذا القسم ....مهبوله أنتي .....مأنتي بصاحيه ..يافضحنا فضحاه من الكلمات هذي وأشباهها سمعوني أهلي المصيبه يوم جلست مع أمي قالت وش قررتي قلت ياطويلت العمر علم نفس أسمعن يابنات وش قالتلي شوفي وأنا أمك أنتي تراكي مأنتي بّصّرّيّه((يعني مأنتي بصاحيه)) وإذا دخلتي هالقسم بيزيد بلاكي &&يعني مرضي&& فأحسلك شوفي غيره بالله هذا دعم بصراحه مألوم أمي يمكن لأنها غير متعلمه الأدهى والأمر إن خالتي دقت علي - هاه وش بتدخلين - ياطويلة العمر بدخل علم نفس - أنتي صاحيه ولا مجنونه وش تبغينبه تبغين توسوسين تبغين العيال (أولاد أخوانها)يفضحونا - والله القسم عاجبني وبصراحه نفسي أعالج عايلتنا بصراحه أحس فيهم عقد نفسيه فلازم أضحي علشانهم فزعلت خالتي وقالت بتقاطعني إن دخلته يمه من أهلي شككوني في نفسي فاصليت صلاة إستخاره وماحسيت بشي فصليت مره ثانيه وبعد ماحسيت بيشئ وصلي مره ثالثه وأتكل على الله ويجي يوم التسجيل وأروح للجامعه الي وداني كان واحد من أخواني إلي أصغر مني المهم دخلت الجامعه وعملت كل الإجراءات وما بقى إلى القسم ويوم قلت علم نفس - أسفين سكر القسم أمس - كيف سكر ياجماعه - أكتفا من الطالبات - طيب من هنا من هنا - مررررررررره لاتحاولين سكر يعني سكر وأسجل قسم ثاني وطلع لبو الشباب أخوي وأركب السيااره - هاه سجلتي - قلت إيه - علم نفس يالموسوسه - لا أرتح قفل وسجلت قسم ثاني - خلاص يعني قبول نهائي - أيه ياطويل العمر قبول نهائي - والله من يوم دخلتي لين ألحين وأنا أدعي أنهم مايقبلونك - جعلك للمرض ليش وش سويتلك(أخوي هذا أمون عليه مش سالف الذكر ألي دايم يهدد) - بس مابيهم يقبلونك لأن الجامعه شكلها كلها ..................... ماشفتي لبسهن معل جنوز متقطقطات أبها وعبايات مفتحه - طيب أنا وش علي منهم مثل مافيه ناس كويسين فيه ناس بعد شينين والواحد دايم على دينه وتربية أهله له المهم ونمسك الخط راجعين ودخل البيت وأقابل رئيس الدوله(ابوي طبعاً ورئيس بيتنا فقط لاغير للمعلوميه فقط) بشري قبلوكي أبشرك الحمد لله خلاص يعني الحمدلله السنه الجايه أداوم بصراحه فكره حلوه أنك تكتبين وأحد يقرالك المهم نسيت اعرفكم بنفسي أسمي مبتعثه في مطبخ أمي عمري19 هوايتي أعشق شئ أسمه قراءه جرايد قصص كتب كل شئ كل شئ والتعبث في كمبيوتري أحب أكثر شئ مقالات عامر الأحمدي تركي الدخيل سعد الدوسري أعشق القصص ألي تحكي الواقع بصراحه مايرفع ضغطي كثر القصص ألي كنها مسلسل خليجي بهرجه وفشخره على الفاضي بنات الله يسلمكن ألي تعرفلي قصص حلوه ترسل لي أسمائها المره الجايه ماأدري وش بكتبلكم بس خلوها على البركه يالله بروح للخوات متجمعات بصاله وأنا مرتزه بالغرفه للحالي الله يعين على الحر ياناس الدنيا مولعه مدري أحس أني قمت أقط خيط وخيط بطلع قبل أوهق عمري وسلامتكم |
||
|
|
|
09-22-2008, 03:16 AM
|
#3 | ||
|
من زمان وأنا ماشيكت على تقييم الموضوع وبناء على ذلك قررت مأكمل
قلت يابنت ماله داعي تكلمين نفسك على صفحات المنتدى ضفي نفسك وكيبوردك أحسن لكي وكوني مطلعه فقط ولكن بعد الأطلاع على تعليق بعض الخوات مثل خوخاتي نوناتي وسحر الكلمه قلت بما أنه قد تكون أخر زياره لي للمنتدى فمن الأحترام والتقدير لهن أن أكتب بعض المواقف ألي مريت فيها شكراً لهن على الأطلاع على فضفضتي كنت ناويه أكتب لهن على الخاص لكن تفاجأة أنه لازم يكون لي 100 مشاركه علشان أرسل طيب إذا كان ماعندي كلام مفيد يفيد المنتدى ومتصفحيه وش أسوي أجيب شيء تافهه علشان تكثر مشاركاتي ولا أعمل قص ولصق للمواضيع وأنا بصراحه مأحب الحركه هذي فيه سؤال سألتني إياه سحر الكلمه لكني أعتذر لها عن الرد وأوعدها إذا كتبلي الرب ورجعت مره ثانيه للمنتدى وشاركت 100 مشاركه أني أرد عليها على الخاص ماعليه أكملكن يومياتي يمه من أهلي تحطيم على درجه عاليه من التخصص بما أنا في رمضان فأختي ألي أصغر مني مجنونة مطبخ فجاء يوم وقعدت تفنن في المطبخ (الحق لله لها نفس في الطبخ رووووووووعه ماء شاء الله) المهم ماطول عليكم قعدت تسوي كباب للفطور وكل مادخل واحد من الشيوخ -الحمدلله أنتي على بالس(بالك)طباخه -شف شف البربسه بس -مسويه طباخه المهم جاء وقت الفطور وحطينا الأكل وبعد المغرب يوم جينا نشيل الصحون لقيناهم قاضين عليها الحمدلله على العايله ألي ترفع المعنويات بس وأخيراً رحت للحرم من يوم دخل رمضان وأنا والمزيونات خواتي نبغا نروح للحرم وكل ماشفنا صلاة التراويح في الحرم قعدنا ندعي بالعمره &&للمعلوميه مو أول مره نعتمر بس مكه لها عشق خاص حتى وحنا تونا طالعين نشتاقلها الله يشرفها&& المهم ماطول عليكم أتصلنا بالوالد (كان طويل العمر في منتجعه الخاص**المزرعه**وأستأذنا منه أن واحد من السفراء أخواني يودينا للعمره وسمح لنا ألي كلمت الوالد هي الطباخه** سالفت الذكر** وهي ألي أخذت الموافقه من الوالد وماقصرت ذلتنا كل شوي وهي قايله -تراني أنا ألي قايله لأبوي وذيك اليله نقضيها تجميع للغطاوي ووش نحرمبه والله يأني تبهذلت لين لقيت غطوه أعوذ بالله المهم جاء اليوم الموعود ورحنا ومن يوم مسكنا خط الحجاز ووحده من الشيخات مسويه رادار على الطريق ((الأخت هذي مجنونه عشق شيء أسمه إمارات وتحتل الأمارات الدوله الثانيه في قلبها بعد دار أبو متعب)) المهم ياطويلين العمر طول الطريق وهي -بنــــــــــــــــات شوفن شوفن الجيب هذا من أبو ظبي والكزز من دبي وووووو0000000 وإذا وقفنا في محطه -بنــــــــــــات شوفن السياره ألي جمبنا كويتيه يعني بالعربي مسويه رصد تام ودقيق لكل أهل الخليج وسياراتهم وقفنا في محطه وهي كانت مسويه رصد لسياره إماراتيه في الطريق والسياره كملت طريقها وراحت عاد زعلت هي لأنها راحت عليها وسوت رصد لسياره ثانيه وبعد سبقتنا ولا عاد شفناها وبعد فتره لقينا السياره الثانيه ممسوكه لسرعه وتضحك الشيخه ضحك بغت تموت0 رصد حتى لي يوم كنا في الحرم كانت تمشي جمبي عاشقة الخليج أختي عاد أنا متحمسه مره في الدعاء (**الله يكفيكم شري إذا تحمست**) -00000*قالت أسمي* أنتي تطرين(تشحذين ,تتسولين) قلت-نعم (ماسمعت وش قالت) -أنتي تطرين -ليش أن شاء الله شاحذتكي شيء -شوفي نفسك (بطبعي لما أدعي أحياناً تجي علي حركات مدري شلون أفرق أيديني ولما أتحمس وأذكر دعوه مهمه أجمع يديني وكأني أصفقبها مهبوله لأحد يشره علي) -فضحتينا المصريات يطالعن فيكي كأنك مهبوله ولا طراره -مالك شغل وأمسكي أخوك لا تضيعين ثم يصفقكي -لاتنهبلين وتفضحينا بس أحذر خواتي وضعت أنا لما كنا في الطريق للعمره سألت البريسنسات خواتي -حافظات رقم الشيخ (أخوي ألي ودانا للعمره هو نفسه ألي وداني أسجل في الجامعه) بصوت واحد-لا -ماشاء الله وإذا ضعتن وش بتسون -عادي نمسك أقرب عسكري -والرقم من وين بتجيبنه يالحلوات -ندق على جوال أمي -جوالها اليوم أنقطع ما يستقبل ويالله أخذن رقم أخوكن وحفظنه وحفضن البنات الرقم ولما أعتمرنا وفي أخر شوط في السعي شوفوا حالنا أخوي ووحده من المهبل خواتي يتشاورون في السحور وش يشترون ومعشوقت الخليج تتفرج في الناس والباقي ملتهي المهم خلاص خلصنا وبنطلع من المسعى قال أخوي -شوفن نبي نروح هالحين لباب الفتح ونطلع من عنده وأنا أحط الجوال مع خواتي لأنه طفشني وألتفت لأمي لأنها تعبت وقعدت أشرب مويه معها وأطالع أدور الشيخ وخواته وما ألقاهم وجوالي معهم يالله وش الدبره هالحين لا جوال ولا رقم حافظه أشواء أن أمي معي علشان يخف الهواش -يمه هالحين وش نسوي -دوريه أذنك تشوفينه ودور مالقيت أحد -يمه أنتي فلوسك معك - أيه معي -خلاص خلينا نروح لأي محل ونشتري بطاقه ونكلمه -طيب أنتي حافظه رقمه -لا بس بدق على خالتي وأخذه منها وتطلع روحي لين جانا أخوي بس المره هذي من هزاء البرنسيسات قعدن بهزئن علشانا أخرناهن على السحور والله عالم فاضيه0000 اليوم السبت 20/9 الساعه 4,59 صباحاً -بنــــــــــــــات بنـــــــــــــــــات تعالن بسرعه (هذي أختي عاشقة الإمارات في الصاله وتطالع في صلاة الفجر في الحرم ) وتقوم وحده من الستات ألي عندي بتروح لها وتقول -والله لو يطلع السالفه إماراتي لصفقها في الصاله عاشقة الإمارات –تعالي شوفي -وش فيه -إماراتي طاحة سفرته(معليش أدري مرض أختي قوي بس تراها توها مراهقه وصغيره ولاينشره عليها قلتلكم قبل ودي بعلم النفس علشان أعالج العايله بس مالله كتب) أول مره أركب السفينه قبل كم سنه رحنا نتمشى في ربوع بلادي ودخلنا ملاهي عاد أنا صاجه أهلي ألى أركب قطار الموت وكل الألعاب الصعبه ولما قعدنا ندور في الملاهي شاف أبو الشباب السفينه وحس أنها صعبه فسألني تبغين تركبينها -قلت الله الله مره بركبها -بس ترى أن سمعت لس (لكي )حس صفقتك (الشباب عيال أمي ماعندهم ألى بصفقكن وصفقكن الله يعين بس ومع ذلك طيبين الله يسعدهم) -مره منت سامع لي صوت ويروح أخوي يقص التذكره لي ووحده من خواتي ومن قرادة الحظ مافيه أحد بيركب السفينه ألى أنا وأختي ورجال واحد وولده صغير يمكن 5سنوات عمره المهم ركبنا حنا في جنب والرجال وولده في الجنب الثاني وأنا والبرنسيسه عملنا أحتياطاتنا (دخلنا براقعنا داخل الشيل علشان ماتطير مع الهواء وتنكشف وجيهنا) المهم بدت العبه وهمست لأختي -تراني أسمع لكي صوت ولاصياح ثم يفضحنا الرجال أول شيء العبه خفيفه ثم بدت العبه تزيد سرعتها ومن فلاحتي جايه في نهايتها يعني على الطرف والله أني أحس نفسي بطير من زود السرعه مسكت عمري مسكت عمري لين خلاص أحس قلبي بيطلع من بين ضلوعي يعني أهدد أختي وفي النهايه من الخوف أرقع لكم بعالي الصوت -وقفهــــــــــــــــــــــــــــــــا وقفهــــــا ياحيوان ياكلب يا هندي وقـــــــــف - تكفى يا0000(اخوي)خله يوقفها الله يرحم والدينك00000 وصيح وصيح لين قلبي أحسه أنمصع من جوفي وأبو الشباب أخوي يضحك ضحك بغى يموت هو والهندي قهرني صراحه أمي تقوله وقف العبه وهو ماعليه من أحد ويوم نزلنا من العبه والله أني أتنافض من الراعه والخوف والمزيون أخوي -أحـــــــــــــــــــــــسن تستاهلين والله إني متقصد علشان تتوبين شوفوا الدعم ألي يبيض الوجه الله يعين بنات أستروا ماواجهتم أتمنى أني مأكون غثيت أحد وإذا أحد منكن ماعجبه كلامي كل ماعليها إلى أنها تضغط علىْx وتختفي الصفحه بكلامي الساعه6,24 صباحاً والنوم للحين ماجاني وأنا خلاص مخي قفل معاد أتذكر شيء ولكن على العموم الله يسعدكن أتمنى عن جد أن ما أكون أزعجت أحد ولاأوصيكن في العشر الاواخر يمكن تصادفن ليلة القدر وتكونن كمن قام 83 سنه قيام وتراها فيها تتحقق الدعوات بإذن الله والسلام عليكم ورحمة الله وبركاته |
||
|
|
|
09-24-2008, 02:08 AM
|
#4 | ||
|
ياقلبي يادونات تراني كنت أردى منك بس رحموني أهلي بعد السنين الطويله من ضعف البصر
وطلعولي عدسات الله يعين ولأني أكتب مذكراتي قبل وبعدين أشبك وأعملها قص لزق فعلشان كذا ماأنتبهت لصغر الخط يالله مع السلامه بروح أتابع المسلسل المفضل للعائله على فكره تحياتي لطالبة الثانوي خوخاتي نوناتي الموعد بكره إن شاء الله بكتب لكم عن هبالي أنا والعايله |
||
|
|
|
09-26-2008, 03:48 AM
|
#5 | ||
|
 يـــــــــــــــــــــاربي تسعدكن بصراحه ترفعن الروح المعنويه ودي صراحه أكمل اليوميات أووأتونس معكن ولأكن أدعن لي أني ما أنقطع عنكن ياربيييييييييييييييه عن جد ترفعن الروح المعنويه |
||
|
|
|
09-27-2008, 04:14 AM
|
#6 | ||
|
الــــــــــــــــــــنوم مجافيني
الساعه 7,54 صباحاً وحضرتي عيى النوم يجيني شف شف الهوانم نايمات وأنا خبر خير صدق من قال النوم سلطان جو الديره بدى يبرد الحمد لله ومع ذلك مانستغني عن خرير المكيف شو بدي حكيكن هالمره لحظه بدي فكر أممممممممم أيه تذكرت**لازم يرجع المعدن الطيب لأصله وأنا مأمداني على طول قلبت مادح نفسه يبيله 00000** المهم هذا ياطويلات العمر والسلامه كنا مره من المرارير في منتجعنى وجاء وقت العصر وطلعت أنا والبريسنسات نتمشى والعاده أنا نلبس براقعنا وجلالاتنا لأن المكان مكشوف وفيه عمال ومحدثتكم كانت حديثت عهد بلبس البرقع ماطول عليكن قعدنا نتمشى ونطق حنك وقادتنا رجلينا لمكان الغنم وكان المزيون ألي عمرنا أصغر مني يمكن عمره حدود 13 أو14 المهم هو يحترم خواتي الكبار ويستحي منهن والوقت وصل أخر العصر يعني المغرب قريب حنا البنات كنا نسولف ونبغى نتفرج عليهم من بعيد ونروح وهو وأمي عند شبك الغنم ومعهم عامل والعامل الثاني قريب منهم ياطويلات العمر والسلامه قعد أبو الشباب يكلمنا ويسأل من وين رحنا ومن وين جينا ووقت مأهو يكلمنا كان يمشي ورايح لمكان المويه والولد كان يمشي ويتلفت يدور على شيء ماندري وشهو المهم شفته أخذ عصا طويله شوي وراح لمكان قريب شوي والعصا كان راسها حاد وثبت شئ في الأرض فيها ورفعه **الموقف تجلى أمام أنضرانا وكل وحده منا ترفع طرف تنورتها ولاجلابيتها وتقب#تهرب# **لما أقولكم مرض نفسي تصدقوني** العامل الصبح ذبح حيه**ثعبان**ورماها قريب علشان يحرقها ولكن لما يكون في الموضوع نذاله فأخواني يتكفلون بالموضوع لامن زود النذاله ترك كل البنات ولحقني والصياح صاك السماء -00000أترك أختك أترك أختك -والله أن مارحت عنها أني لعلم أبوك علاك**هذي الوالده** ولاحياة لمن تنادي وأنا صيحه في الأرض وصيحه في السماء عقدتي في الحياه الثعابين لم يتكلمون عنها مأنام الليل المهم أنا أركض والمزيون وراي بالحيه خلاص نسمي أنقطع وقلبي توقف والتعب ذبحني من العصر وحنا نمشي وألحين أركض لا أنا ميته ميته **لما أقول لكم نذاله فأنا أعني ذلك** بالله وش الدبره هالحين تخيلن الموقف معي ولد في يده عصا في راسها حيه ويركض يلحقني بها والجلال خبر خير أخر عهدي فيه يوم شفت الحبيب رفع الحيه والجلابيه واصله لركبه ماعلي ألى البرقع**بنت بدو أهم شيء البرقع فرحانه فيه حتى وقت الأزمه** وأصيح وأنادي الظاهر ماخلية أحد ماناديته حتى جداني ألي في القبر ناديتهم وأمي تتحلف فيه وخواتي يصايحن والعمال يتفرجون في المسرحيه المهم شكل المزيون تعب مدري ذل من أمي مدري رحمني قال حنا المغرب تنهبل البنت ثم من ياخذها ويوقف وأنا خلاص أنهبلت صحة صياح ماصاحه جدي وكمل ركضي للبيت 00000000 يالله قولوا وش الدبره مع عيال البدو. مره ثانيه الولد عجبه الوضع أي حشره كفيله بوناسته ماعليه ألى يمسكها والبنات كثيرات يلحق وحده ويجلس يضحك الوقت كان 12 الظهر وحنا كنا في طباخ التمر يعني درجة الحراره من 45 إلى 50 المهم الشباب مالين ماعندهم لاشغل ولا مشغله وجلس واحد منهم يتعبث بمسجل قديم ولما طلع البطاريات شاف فيه عنكبوت كبير ميت يعني كملت المعادله مبتعثه في مطبخ أمي+الوالد غير موجود+عنكبوت+ملل=الونـــــــــــــــــــــاسه كلها ويلقط العنكبوت ويلحقني وأنا أهج من البيت كله والله أني أركض بدون حذيان في الرمضاء ودور على البيت وهو ركض وراي رجليني أحترقت وقلبي أنقطع وهو يضحك ضحك وما وقف لين سمع سيارة أبوي ومحدثتكم مــــــــــــــــــاتت من الروعه والرجلين المحترقه والصياح لما أقول لكم مهبل تصدقوني من جد عايلتي سبيشل الله لا يحرمني من حنانهم الزايد0 لو سمحتي يالي سبيتيني تراني عصقوله أهبل ولا كلن يرى الناس بعين طبعه اليله متوقع ليلة القدر الدعاء لاوصيكم فيه الله يسعدكن ويحقق أمانيكن ويجعلنا من عتقائه من النار لاإله إلى أنت سبحانك إني كنت من الضالمين |
||
|
|
|
10-01-2008, 03:13 AM
|
#7 | ||
|
لك تأبريني يا سحر الكلمه عن جد فيه ناس ترفع الروح المعنويه وتوصلها لسماء
قلبي يمكن عقب هالمره ماعاد أدخل النت ولكن أدعولي أن الله يسهل أموري وأبشرن بعلوم عيال البدو مع خواتهم ألي كما تقهر ألا أن لهم مواقف تسجــــــــــــــــــــــل في ذاكرتي من شهامتهم**بدت عاد بنت البدو تمدح البدوان** وقد تكشف جانب من الجوانب الخفيه في عيالنا المزايين |
||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
