|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
08-03-2008, 04:28 AM
|
#1 | |||
  
|
ما يجول في خاطري .....
السلام عليكم
ترددت كثيرا قبل ان اخط لا اقول يومياتي بل اقول ابرز ما صادفني وما صادف من اعرفهم من لحظات او مواقف ربما تفيدالغير وربما تفيدني عندما افضض قليلا ارجو ان تعجبكم ولا اعدكم بكتابة منتظمة على حسب وقتي قد تطول وقد تقصر اتمنى ان تتحملو ركاكة اسلوبي لحظة مشرقة في حياتي عندما تم قبولي بالكلية احسست وقتها بسعادة عارمة ربما لاني مقبلة على حياة جديدة او مجتمع جديدة او ربما لاني شعرت وقتها اني اصبحت ناضجة وكبيرة كفاية وربما لان الكلية تقع في مكان لم ازره في حياتي فحبيت التغير كلها امور شدتني للكلية هذه بداية استرجع بعض الذريات وأعود اليكم 
|
|||
|
|
08-03-2008, 04:38 AM
|
#2 | |||
|
عدت لكم مرة اخرى تحموني قليلا لا والله مو قليلا كثيرا
شوفو اول يوم داومت بالكلية كان يوم بصراحة مدهش اشوف عالم عجيب بنات اشكال الوان وشباب اشكال الوان وطبعا احنه صف اول محط انظار الجميع والكل تريد تعرف طلاب صف اول بس اني ولله الحمد من النوع الذي لا اندمج بسهولة تعرفت على فتاة الله يذكرها بالخير كانت رائعة حقا وكانت نعم الصديقة في ذلك الوقت وقضينا اوقات ممتعة جدا ولكن هناك مشكلة انا لا اجيد لفظ حرف الراء زين هسة تكلون شنو علاقت هذا بالموضوع اني اكولكم بصراحة لان اسمي يوجد به حرف الراء وعندما يسألني احد عن اسمي انحرج واضطر اكول الاسم اكثر من مرة وكلما كررت حرف الراء ازداد الامر سوءا الى ان يصبح ينطق الحرف غاء شفتو شلون المسألة صعب بس حلوة اكو هواي بنات بوقتها كانو يحسدوني واني احقد عيهم اكو واحد يحد واحدلان عنده عيب خلقي بالنطق الله يهديهم عموما ماطول عليكم اتعرفت على صديقتي الي خبرتكم عليها واستمرت علاقتنا مد من الزمن وانقطعت لضروف الحياة اتمنى ان اعرف كيف هي الان اعود لكم لاحقا لاخبركم شيئا فعلته صديقتي وشعرت وقتها انه شيء مميز
|
|||
|
|
|
08-03-2008, 04:44 AM
|
#3 | |||
|
هسة اكيد ترون تعرفون شنو اشي المميز
اخبركم  شوفو ياجمعة الخير هاي صديقتي حالمة جدا في السنة الي درسنا فيها وتحديدا رأس السنة الميلادي سوت رسالة الرسالة عبارة جملة امنيات وخلتها بضرف وكتبت على الرف يفتح سة 2000 اتمنى اعرف مدى ما حققت من امنيات من الوقت الي كتبت فيه الرسالة الى سنة 2000 الله يذكرها بالخير  سأعود مسروقة من سبيس تون 
|
|||
|
|
|
08-03-2008, 04:53 AM
|
#4 | |||
|
هس اني عندي شي اريد اخبركم بيه نقلا عن احد اخوتي
بعد ان انتشر الكلام عن الحرب الطائفية في العراق كان اكو شباب بمنطقتنا دائما يسون جلسة باليل خاصة فصل الشتاء وقررو يطلقون على هذا التجمع اسم بما أنو تلك الفترة الفترة الذهيبة لاطلاق الاسماء على التجمعات والاحزاب فسمو تجمعهم حزب المدكوكة نجي نعرف المدكوكة هي اكلة عراقية نقدر نكول تابعة للحلويات عبارة عن تمر وسمسم ومكسرات حسب الرغبة المهم اشتراك الحزب كيلو تمر وكيلو سم سم لازم يدفعه كل مشترك لاصدقون هاي كانت نكتتت اخوي لى الموضوع  ما اطول عليكم تردون تعرفون شنو رباط الحجي يعني شنو علاقة حزب المدكوكة والحرب الطائفية اخبركم هذا الحزب متكون من مجموع شباب شيعة وسنة واكراد وكان اغلب احاديثهم نكات على بعضهم البعض واستهزاء بالواقع الي كان موجود في تلك افترة الله لايعيدها سأعود
|
|||
|
|
|
08-03-2008, 05:13 AM
|
#5 | |||
|
بصراحة اليوم اني عيني مجافيها النوم الكل نيام واكو عندي كهرباء الله يهديها ويطول فترة وجودها كولو امين
شوفو بكرى اول احد من شعبان واول احد من شعبان يسمو عدنه بالعراق يوم زكريا لا سألوني ليش لأن حتى اني ما اعرف عموما شنسوي هذا اليوم الله يسلمكم نأخذ فطورنا طبعا نصوم حسب الرغبة مو واجب اكمللكم نأخذ فطورنا ونروح على شاطئ دجلة والي يم الفرات على شاطئ الفرات عاد الي ماعنده نهر وين يروح ما ادري اكمل نروح طبعا تلقه الناس متجمهرة على النهر شباب وشابات واطفال ونساء بمختلف الاعمار ورجال ايضا الي طالع يغير جو الي مواعد ماكو احسن من هيج مناسبة الكل ملتهي بيه والي متونس على النهر والي يشعل شموع وخليها على خشبة وتروح بالنهر طبعا منظر النهر كلش حلو باليل والشموع تسبح بيه  على الرغم من الهوسة وازدحام السيارت على النهر بس بصراحة هو يوم كلش حلوة هذا غير الاكلات الي يسوها بيه واكيد الدلومة تتوسط مائدة هذا اليوم تدرون جوعانه بس مراح اسوي اكل احسن تخفيف عجبكم يوم زكريا سأعود
|
|||
|
|
|
08-03-2008, 05:53 AM
|
#6 | |||
|
اكيد هسة تكلون هاي المرة حجت هواي ولحد الان لم تتكلم عن نفسها او تعرفنا بنفسها
زين نجي للجد بصراحة انا امراءة عراقية طفولتي كانت مع الحرب العراقية الايرانية شبابي مع عاصفة الصحراء امومتي كانت مع الحصار الاقتصادي استقراري ونضج افكاري كان مع سقوط بغداد او احتلال العراق قد يتبادر الى اذهانكم اني عشت مأساةاقول لا هناك الكثير من الفرح الذي تخلل حياتي ولكن احببت ان ابين ما مر به عراقي لا لكي احصل على شفقة احد بل لكي ابين كيف نستطيع النهوض من جديد وكيف تحملنا قسوة الايام وصمدنا بوجهها مهنتي مربية اجيال اطفالي اولهم وبعدهم تلاميذي هذا يكفي بالنسبة لي سأعود
|
|||
|
|
|
08-03-2008, 12:03 PM
|
#7 | |||
|
صباحكم ورد
اليوم حبيت اسولف عن تغير النفوس مع تغير الوضع بالعراق قبل لايتغير الوضع اقصد قبل الاحتلال كانت الناس تذم كثيرا المرتشي وال يأخذ اكثر من حقه المفروض الناس الي اجت بعد السقوط تكون حريصة على عدم تكرار هذا الامر المصيبة الرشوة زادت واذا قبل تفض بطلي الطلي هو الخروف هسة اذاردت شغلة تفض بدفتر طبعا مو دفتر مدرسة لا حبايبي دفتر دولارات  وهاي حسب الشغلة بس صدقوني اقل شغلة تفض 300 دولار جدا مثل هيك امور تحزن لا والي يسوها ناس كان الها اخلاق وسخط على مثل هذه الامور شنو الي تغير ما ادري هاي هم الامريكان جابوها وياهم ما اعرف لو حالة الثراء الفاحش الي صارت بين ليلة وضحاها بضرف 6 سنوات من معدم الى مليارير اشلون محد يعرف يعني واحد وضيفته وراتبه وعند محل صغير لبيع العطور فجأتا تجده مليارير والله شنو صارت يشتغل بأحد المنضمات الانسانية زين الي يشتغل بهاي المنضمات تنزل عليه النقود من السماء هذا القليل من الكثير ان لا اقول هؤلاء هم الاغلبية من الشعب صدقوني هم اقلية ولكن الكلام عنهم كثير الله يهديهم والنفوس الصافية النقية هي هي في كل عصر ولاتتغير نتغير الاوضاع خل نعوف السياسة لاطير موضوعي 
|
|||
|
|
|
08-03-2008, 05:27 PM
|
#8 | |||
|
ساء الورد
اليوم راح اسلفلكم شغلة صارت معي مرة وانا اعد الريوك معناه الفطور هذا للي ميعرف عراقي تعرفون ام لاربعة اطفال وقتها الصغير الذي لايأكل نائم والبقية حولي الي يريد بيضة بصفار والي يريد دون صفار والي يريد شاي والي يريد حليب طلبات المشاهدين مو فطور  المهم سويت كل شي واخذت الفطور ورحت للحديقة لان الكهرباء طافية والمطبخ حار ترة حديقتي مو كبيرة صغيرة ولكنها تفي بالغرض الحمد الله  عموما واني مندمجمة وي اطفال بالفطورسمعت صوت نقر على الزجاج داخل البيت اتعوذت من الشيطان ودخلت للبيت وشفت الدخان مالي البيت الضاهر ورى ما خلصت قلي البيض نسيت الطاوة على النار والنار مشعوله واحرقت ستارة شباك المطبخ القريب من الطباخ والمطبخ حالة حالة ما عرفت اش اسوي رحت جبت بطانية وغطيت الطباخ حتى يوقف الحريق البطانية احترقت ادري صار فلم هندي بس هو هذا الي حصل  من شفت الوضع صار هشكل ركضت على الحائط الفاصل بينه وبين الجيران وصحت ام فلان لحقي علي البيت راح يحترق والله ام فلان ما قصرت اجت ركض ونزعت اسطوانة الغاز طبعا اني ابدا ما خطر على بالي وطفت النار بالماء وانتهى كلشي بثواني وانا واقفة ارتجف ماشاء الله شجاعة اني بعدين اكمل انتظروني
|
|||
|
|
|
08-03-2008, 05:50 PM
|
#9 | |||
|
اكمللكم
بعد ما انتهت مأساة الحريق اصبح البيت عبارة عن بيت اشباح اذن علي البدأ بعمليا التنضيف طبعا وحدي ما اقدار لازم احد يساعدني  اتصلت بأحد اعمام اطفالي لان زوجي بالدوام واجه اخذني لبيت اهلي واخذت اختي وخليت الاطفال عند اهلي ورجعت من اجل حملة التنظيف من كنا اني واختي انضف طبعا اني ياخافلين الكم الله  اخوي الكبير بيت اهلي يسوي تحقيقات وي اطفالي الي كان اكبرهم وقتها 4 سنوات طبعا زوجة اخي من اخبرني بذلك نجي على التقيقات نقلا عن زوجة اخي تكول اخذ بنتي الصغيرة وكلله خالو تعالي اسولف وياج من احترق المطبخ امك عيطت يعني صرخت بوت عالي ولمت الجران  وهي تخبره لا والله خالو بس صاحت على ام فلان وما عيطت  وهو يريد يوكعها بالكلام لا فلانة امك عيطت والتمو الجيران والبنية مصرة لا بس صاحت ام فلان  وانتهى التحقيق والاخ غير مقتنع  متلاحضون سأل اذا طلع صوتي وماسأل على سلامتي بس هاي احنه اهم شي صوتنا ميطلع حتى اذا انموت بس هذا لايعني انو اخي لاحبيني ولكن هذا ماتربينا عليه اتمنى ان تكون اعجبتكم حريقة مطبخي سأعود مرة اخرى
|
|||
|
|
|
08-05-2008, 09:02 PM
|
#10 | |||
|
السلام عليكم
أشلونكم متابعي يومياتي هذا اذا اكو متابعين اليوم اجيت اناقش مسألة اعلانات الصابون بالقنوات الفضائية واتمنى من الامهات والاخوات الي عدهم اخوة صغار ينطوني رئيهم ما ادري اذا مشاهدين اعلان صابون لايف بوي هذا الاعلان الي بي طفل يحضر قطة من النفايات والام تستقبله بكل رحابت صدر وكأنه احظر لها باقة من الزهور وليس قطة تحوي على مئات الجراثيم والمكروبات وتعزو فرحتها لوكنها تستخدم صابون لايف بوي اول سوأل وجهو الي اطفال عند مشاهدة هذا الاعلان هو ماما نكدر انجيب بزونه مثل هذا الولد للبيت طبعا البزونة هي القطة بالهجة العراقية سأعود بعد عودة الكهرباء
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
