|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع |
التقييم: 
|
طرق العرض |
|
#1
08-06-2008, 10:12 PM
|
||
|
||
شوفوا المواطنه شو تسوي برع البلاد ؟ انزين ليش ؟
السلام عليكم ورحمة الله وبركاته
هالموضوع مايشمل كل البنات بعض البنات ... بس انا بتكلم عن الي شفته وقهرني ؟ وانا مسافر لأكثر من دوله عربيه وأجنبية شهد انتباهي شي غريب ... !!؟؟ وهو ( بنت أبلادي تحوط بدون عباه وبدون شيله ولابسه لبس مب لبس يبين كل شي فيها )!! يعني نست دينها وعاداتها وتقاليدها ونست انها تمثل بلادها .... !!! بس لانها برع البلاد !!! متخيلين معايه بنت عمرها 18 او 25 سنه تحوط بدون عباه وبدون شيله !! وان حد سألها من وين انتي قالت اسم بلادها بكل فخر ... !!! عجيب صراحه استغفر الله العظيم ... والله شي يقهر لاتنسين يالمواطنه او يالعربيه المسمله أنه الله عزج بالإسلاااااااااام وين ماكنتي والكل يعرف كيف تكون المرءه المسلمة ... في بلادها او برع بلادها لانها تخاف ربها وتعرف انه يشوفها في كل مكان وانها محاسبه على كل شي ... و إذا سألتها ليش هالحريه الزايده وعيب الي تسوينه وحرام ... ؟ ترد عادي منو يعرفني وطبعا البعض برضى اهلها لابسه هاللبس ؟ وفي منهن بدون علم اهلهن .. ومن ترد البلاد ولاجنها كانت بدون عباه وشليه وكليوم سايره السوق تفصل من هالعبي والشيل .. بس عشان تلبسهم جدام الي يعرفونها ... اعوذ بالله شو هالنفاق .. وليش انزين ... الحين تخاف على سمعتها وماتخاف من ربها ؟؟ طبعا كل واحد منا حر شو يلبس وشو يسوي في حياته بس مستحيل واحد يحب ويغار على بلاده يسمح لحد يشوه سمعتها باللبس او بأي شي ثاني ... أنا إن فكرت اسوي شي غلط بسويه جدام الكل فالبلاد او برع البلاد دام ماخفت من ربي شو عليه من الناس ..! في حفظ الرحمن
|
|
08-06-2008, 10:21 PM
|
#2 | ||||
|
كلام أكثر من رائع أخوي مقدرتلك هالغيرة بس من يسمع
كثير جدا من النساء إلي يسون هالشي مو وحدة ولا إثنين وللأسف هم مواطنات خليجيات أنا عني شفت العجب في كل سفرة من سفراتي زي مو معروف إن قليل من النساء السعوديات الي يمشون بدون غطاوي وفي مدن معينة وهذا الشي جميل جدا لاكن المشين أنه الحرمة لاراحت المطار تكون بحجابها الكامل وبس توصل الطيارة تلتفت فيها ماتشوف شي أسود أبدا أو شي ساتر شي محزن والمشكلة أنهم موبس يفصخون العبي لابعد ملابس أوربية شي يفضح يعني ياأختي مرة بتموتين لوحطيتي العباية ألبسي شي ساتر مقدرة غيرتك وأتمنى نقدر نغير شي بس ماأظن مجتمعنا بيتراجع عن ذي العادات
|
||||
|
08-07-2008, 12:37 AM
|
#3 | ||||
|
هذا حال الزمن نشوف وما نقدر نغير شي ،،
العيب مو منها العيب من أهلهاااا ،، يعيشون يومهم وينسون حساب ربهم باجر ،، وأغلب بنات هالوقت عباره عن عقل مقلد لا مفكر ،، للأسف يعني ،، مشكوره اختي على هالمداخله الجميله ... في حفظ الرحمن
|
||||
|
08-07-2008, 01:54 AM
|
#4 | ||||
|
بصراحه الموضوع بالنسبه لي ياي في وقته
لأنه انا بعد مقهوره من هالموضوع .. وتوني راده من السفر .. وشايفه العجب للأسف .. الكلام اللي انذكر كله صحيح 100 % وانا هالشي شفته بعيني بس في نفس الوقت شفت العكس ... يعني الحمدالله .. في بنات وحريم .. محافظات .. وحتى برا .. بعباياهن .. وشيلهن .. وانقبتهن بعد نحن ما نبا هذا كله .. راضين بأقل من القليل .. ع الاقل .. اللي ما بتحترم عاداتها .. وتقاليدها .. واللي ما عندها وطنيه .. ليش ما تحترم دينها كل هالاشياء يوم يسيرون الخارج ينسونه .. جنه الدين .. والعادات .. والتقاليد .. بس فالبلاد .. وبرا لأ الحين هالبنات يوم يسيرن هناك .. ويعقن عباياهن .. وشيلهن .. يقلدن اللي هناك .. يعني كأنه اللي هناك قدوه .. انزين سؤال .. ليش نحن يوم نسير عندهم .. نسوي شراتهم .. وهم يوم ايون عندنا .. ما يغيرون شي .. يعني .. عمركم شفتوا انجليزي .. ياي الامارات .. لابس كندوره .. وسفره .. وعقال .. او عمركم شفتوا فرنسيه .. يايه الامارات .. ولابسه عبايا .. وشيله .. طبعاً لأ ليش ؟؟ ... لأنه هاذي لا هي عاداتهم .. ولا تقاليدهم .. ولا (( دينهم )) .. هم يوم زاروا بلادنا .. ما غيروا هذا كله .. بس نحن ما نفكر صح .. ونتبعهم في كل شي .. بدون ما نشغل الشي اللي الله ميزنا فيه .. واللي هو (( العقل )) بصراحه انا فالسفره الاخيره .. انصدمت وايد من اللي شفته .. وياليت البنات كانوا صغار .. يعني 18 .. 20 .. او حتى فوق ال 25 للأسف .. حتى الحريم الكبار .. نفس الشي .. لا عبايا .. ولا شيل والمصيبه الأكبر .. انه كل وحده منهن .. ريلها يمشي عدالها .. ومستانس .. يعني الغلط مب بس من الحريم .. من الرياييل اللي صار ما عندهم لا غيره .. ولا احساس .. ولا وازع ديني .. ولا وطنيه .. انا ما اتكلم عن الكل .. ارد واقول بعضهم .. الله يرحمنا برحمته .. وبصراحه .. الله يستر من الياي .. شكراً على الموضوع .. واسمحولي على الاطاله
|
||||
|
08-07-2008, 02:18 AM
|
#5 | |||
|
مشكور اخوي على طرح الموضوع صدقك في بنات وحريم من يسافرون برع البلاد فرو العباه وسوى كل لي بخاطرهم ومن يردون البلاد لبسوها خوف من الناس والمجتمع دام ماخفتي برع ليش تخافين بصراحه في بنات وايد مصخوها لايخافون من الله ولا شي واشكره يسون الغلط ولا يستحون
|
|||
|
08-07-2008, 02:37 AM
|
#6 | ||||
|
دايم هالسؤال يدور في بالي
ليش اذا في بلدك لبستي واذا برا شلتي ؟؟؟ انا عن نفسي اشوف العجب العجاب هنا في بريطانيا!! واذا سالتي اي بنت ليش تسوي كذا تقول تبيني اطلع بالحجاب (سواء كان كامل او مو كامل ) قدامهم هذا الي قاصر او تقول الناس الي هنا عندهم هالشئ عادي ومادام انا جيت عندهم فبيكون عندي عادي حتى انا هو احنا ليش نلبس الحجاب؟؟ مو عشان الناس عشان ربي طيب ربي موجود في كل مكان في بلدك وبرا بلدك انا اعتبر الناس الي تسوي كذا ما عندها ثقة بنفسها لان لو عندها ذرة ثقة كان طلعت بحجابها وهي مفتخرة وما عليها من كلام احد اذا هي خايفة من كلامهم او نظراتهم بالعكس احنا المفروض اذا رحنا بلد اجبني نتسمك بعاداتنا وديننا ونبين لهم ان الشئ الي هم يسونه خطاء مو نرووح نقلدهم غريب والله ما عندي اي شئ اقوله الا ان شاء الله ربي يهدي الجميع الله يعطيك العافية اخوي على طرحك المميز .
|
||||
|
08-07-2008, 03:04 AM
|
#7 | |||
|
صدقت ليش البنات لما يسافرون ينسون دينهم واخلاقهم وقيمهم الي تفسخ الحجاب وتلبس لبس انا الصراحه بنت اتفشل لما اطالعها واوال ما يوصلوون الديره الي يبون بسافرون لها تغير لبسها بالطياره ما تنطر لما توصل بالسلامه يعني ما تخاف اذا ييلها الموت ...
وانا شفت جذي لما سافرت للدول الاجنبيه وكل ثقه فاسخين الحجاب ولا بعد لابسين نص كم والميك اب بعد الاوفر واذا سالتهم قالوا عادي احنا مو بديرتنا منو يعرفنا والمشكله اول ما يوصلون ديرتهم تشوفها تلبس العبايه و الحجاب لا بعد تلفه عدل وتمسح الميك اب ... والله ما اقول في النهايه الا الله يهديهم ويصلح حالهم وما ينسون ان في الله .. الف شكر اخوي على الطرح هالموضوع عجبني واايد |
|||
|
08-07-2008, 03:30 AM
|
#8 | ||||
|
هلا و غلأ
آختي كلامج عين العقل و الصحيح هذي البنت قبل ما تضر بلآدها ضرت نفسها يعني الحين آي آنسآن محرم يشوف آي شي في جسمج ولازم تتغطين مو لانج في بلادج لا لالا لانج مسلمه تخافين ربج ترآعين الله في نفسج آي قوة فيها الي تتفصخ في بلاد الغرب!! وآي قلب يطآوعها!! وين هلها !!! وين الغيرة علي العرض!! وآي الحجج بتقولينها قدآم ربج !!!! كنت مسافرة ما حد يعرفني يعني حجابج ريآآآء وسمعه !!!
|
||||
|
08-07-2008, 03:46 AM
|
#9 | ||||
|
مـرحـبـا . . سلمت يدينك على هالطرح المميز اللي جاء في وقته . . إعتقادي إن هذه المشكلة ما تظهر إلا عند من لا ثبوت لمبادئه لوكانت هذي الأخت تؤمن بما تطبقه داخل البلد لايمكنها تتنصل من هالإيمان إن كانت خارج الحدود . . ولو كان المربي قام بدوره كما هو مفترض عليه ما ترك الحبل على الغارب لأبنائه . . إذا الأساس خطأ فكيف ننتظر من الفرع الصواب إلا من رحم ربي . . من زمان قبل أكثر من ربع قرن ، كتب الله لـ(خالتي) أن تتغرب هي وزوجها بأمريكا ، وكان جدي -رغم إنه مو معقد إلا أنه ثابت المبادئ وربى أولاده على هذا الشيء- كان مشغول البال على حجاب خالتي لكنه في كل إتصالاتهم مايبين لها قلقه ، لكنها -يحفظها ربي- حست بنوع القلق اللي يعاني منه ، فلما نزلوا زيارة كانت جايبه معاها الكاب والنقاب اللي ماتطلع من البيت إلا وهي لابستهم وجابتهم حق جدي ، وكانت تعتذر عن إنها تلبس الكاب (بالطو طويل ) لأنهم يلاحقون اللي تلبس العباية ، فلما شاف كيف حجابها ساترها تطمن وبين لها إنه كان مشغول من هالناحية ، فقالت له إنت اللي ربيتنا وعلمتنا إن الرب واحد في كل مكان لايمكن أطيعه هنا وأعصيه هناك . . أشكرك أخوي . . وأعتذر للإطالة . .
|
||||
|
08-07-2008, 07:24 AM
|
#10 | ||||
|
السلام عليكم ورحمة الله وبركاته حياك الله أيها الأخ الغيور على فتاة الإسلام نعم كل ما ذكرته من حرقة معك حق فيها لكن (ليش ؟)... لأن من رأيتها وغيرها هن من المسلمات الوازع الديني والإيمان في قلوبهن ضعيف جداً لذلك قد ترى أعجب من ذلك في حياتهن اللهم أهدنا وإياهن.. والتربية التي هي الدور الأهم أساسها خاطئ فالحرية المطلقة وعدم زرع الرقابة الذاتية بل إهمال الجانب الديني في التربية أنتج قلوب خاوية من الخوف من الله عز وجل إذاً ما الفعل تجاههن؟... لا بد لكل من يراهن يذكرهن بالله والإيمان به يذكرهن بالنار والجنة يذكرهن بالموت الذي يأتي بغتة هؤلاء غفلن عن الدين أيما غفلة فلنكن لهن من الناصحين اللهم لا تجعلنا من الغافلين لذلك لابد لنا أن نتعلم أسلوب النصح حتى ننصح ونذكر إخواننا المسلمين هناك فالوقوف دون حراك قد يجر ويغر البقية اللهم أصلحنا وإياهم وأهدي الغافلين في حفظ الرحمن
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
}
العرض العادي
