|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| مد جزر في حوار الذات |
|
|
LinkBack | أدوات الموضوع |
التقييم: 
|
طرق العرض |
08-31-2010, 02:15 AM
|
#251 | ||||
|
غثيان ينتاب عيناي وقلبي وأكاد اختنق من لواهيب الألم ضجيج أطيافهم يكاد يحرقني وأصواتهم تكاد تهجر مسمعي وانا باقية بلا حراك بلا شيء هكذا مكتفت الأيدي عزيزي قف هناك لم أعد متتوقه لرؤيتك أو حتى استراق صوتك دعني دون غثيان ولا حتى استرجاع ماهو جالب له !!
|
||||
|
08-31-2010, 09:44 AM
|
#252 | ||||
|
صباح الـ game boy
 من كمن يوم يوم كنت ادور السيديات جلبت الحجرة فوق تحت وجان ألقى هالـ game boy ول عثرة من متى عندي وكيف بعدها باجية والله الصراحة حسيت اني متحف والله لقيت كتاب العلوم مال صف 6 ابتدائي ههههههه يقووولكم وجان يعتدل رقادي لكن الصراحة رقادي غادي ماصخ ارقد وانش على الساعه 6 ونص الفجر ولا اليوم ناشة 7 ونص وبالكثير الساعه 8ونص انا مرتزة فالصالة هالحزة حلو الجو .. أطلع فالحوي أيلس فالصالة وأحيييين داق في راسي أسوي قرص مفروك .. ان شاء الله حاليا بسير الجمعية ويوم برد بسوي القرص وبخبرك عن الهفة اللي صايبتني .. برب .. دقت الساعة .. واميه اليوم بتكفخني .. الله يصبرها عليه بس ههههههههه .. يالله برب .. الوجهة إلى الجمعية ..
|
||||
|
09-01-2010, 12:39 PM
|
#253 | ||||
|
مساء الخير ..
يقولكم أمس كنت أبا أكتب .. بس بس رقدت من الساعه 9 وشي المساء .. ونشيت على الساعه 5 ونص .. وصدق كنت شبعانة رقاد .. المهم صح رقادي اعتدل بس اعتدل بطريقة خايسة .. يعني ارقد مالوقت وانش من الفجر .. اقص يديه لو نشيت هالحزة ايام الجامعة .. ، ، ، المهم يقولكم من يومين حلمانة حلم .. وألا وهو اني أطبخ عيش .. وأنا هالعيش ماكلتنه في بيت قوم بنت بو سنيدة .. وما ادري كيف حلمت الحلم والحلم يتظمن طريقة العيش وأنا أطبخه وسرت أمس الجمعية ويا امييه .. وتشرينا .. وصيحت ويلات بالقواري .. المهم يقولكم ركبنا السيارة جان تقولي أميه : جوفي ورق الشير شقايل يتناثر جان اقولها : تصدقين يقولـون انه الخريف .. جان تصد عليه وتقولي : تبين ارقعج على راسج احين جان انطب واصخ ههههه وردينا البيت وسويت العيش والنتيجة ..  وصدق صدق تخبلوا عليه وعيبهم .. بس الغريب ان الطريقة صح والحلم صح .. ، ، ، واليوم الصبح نشيت وجيه جفت حرمت خويه متلبسه هي وعيالها وسرت وياهم ..  سرنا خذنا لبس المدرسه مال عيالها والكتب وهناك خويه الثاني وحرمته بعد يو .. المهم جفت ابلتي هناك .. وتشوف يهـال ويايه ومنصدمة مني وتراقبني .. ومن غير يت وحدة جان تقولي ما شاءالله هذيلا عيالج .. من متى معرسه ؟! وانا في خاطري إييييه نعم وين تبين .. وعقب يت وحدة جان تقولي انتي اي صف ؟! وبس ظحكت شوي على هالمواقف الغبية .. وبس .. بسير ازهب احين هل بوظبي بيوونا .. ولازم نزهل الفوالة ..
التعديل الأخير كان بواسطة : راعية جميرا بتاريخ 09-01-2010 الساعة 12:43 PM |
||||
|
09-01-2010, 01:09 PM
|
#254 | ||||
|
أكاد أن يغمى علي تفاهات لا أعلم لما تنهال علي أكاد أختنق بغبار الألم أتنفس الأنين وأستنشق اللامبالاة فقد كهذا دون هل ؟ لما ؟ كيف وحتى لماذا ..
|
||||
|
09-02-2010, 04:39 AM
|
#255 | ||||
|
على الرقاد اللي رقدته .. العصر كنت وااايد معصبة .. لدرجة أحس بالثوران .. سرت حجرتي وأنا كاتمة غيظي .. قلت بيلس على اللاب شوي وإلا انا في سابع نومة .. ولا بعد معترضة على الشبرية مب راقدة بالوضع الطبيعي .. والمشكلة واللي مب طبيعي انا ما ألوي على شي يوم ارقد لكن كنت لاوية على المخدة نعم وييييين أبا !! ، ، ، ويقولكم نزلوا جداولنا .. ولكن منزلين لي المواد بدون اساتذة .. يعني بخصوص الجدول جامعتي العزيزة .. ما تبوني أحظر مثلا !! والجدول ما اعرف شكله بيتغير .. ، ، ، المهم عقب سرت المطبخ وزهبنا الفوالة وسويت أم علي ولقيمات وزهبت للجيز كيك والله نسيت بعد شو بس وايد اشياء ونحن كنا نزهب الفوالة خالاتي حدرن علينا وااااااااي انتف شعر راسي يعني صدق صدق تخادينا وكنا نسولف وجيه وجان تقول خالتي (ن) تصدقين انتي الوحيدة ميولج غييير عن بد اخوانج كلهم جان اقولها هي ادري لو ابا اقدر اكون شراتهم بس انا غيييير افكاري غير ما احب الروتين احب اسوي أشياء احب اشارك احب اسوي وتمت تتطالعني وتفكر هههههه يوم كنت فاتحة المدونة وايد أشياء في بالي كنت أبا اكتبها بس أحييين ماشي .. وبس
التعديل الأخير كان بواسطة : راعية جميرا بتاريخ 09-02-2010 الساعة 04:43 AM |
||||
|
09-02-2010, 12:27 PM
|
#256 | ||||
|
 هنالك ما ينخر القلب توجعاً
وهنالك ما يراقص الروح تبهجاً وتبقى على رفات القلب بقايا أشلاء تنعيك أتدري !! أو لم تدري !! أنك لم تعدل تتواجد على منعطفات القلب ؟! ولست هناك في سويدائه !! وملامح الجبل المنحوت بدأت تذوب !! ذوبان الجليد جميل ،، بتفاصيل وملامح .. وحمرة التوت تعتلي الوجنتين .. ودجى الليل يرتسم في المقلتين .. هنيئا لك يا بقايا أشلاء عاثرة !! بقايا أشلاء حارقة !! بقايا قلب خائن !!
التعديل الأخير كان بواسطة : راعية جميرا بتاريخ 09-02-2010 الساعة 12:30 PM |
||||
|
09-03-2010, 10:07 AM
|
#257 | ||||
|
أتعرف !! قيل سابقا هنالك من يحب بجنون !! وهنالك من يمت ويستنشق الحب .. وأنا هنا أنفث سموم الحب بعيدا .. لا تقترب أرجوك .. إبقى هنالك خلف جميع تلك المنعطفات خلف شوارع الإنتظار .. أبقَ هناك .. أستنشقك سماً.. أتنفسك ألما ً.. ولا أريدك حباً لي .. أو حتى مجرد عبثاً في قلبي ..
|
||||
|
09-05-2010, 11:02 AM
|
#258 | ||||
|
صباح الخير .. ، ، من زمان ما كتبت من خاطري .. أحس الفترة اللي طافت مودي خربان من الخاطر ليش ما ادري !! ، ، المهم أمس سرت تشريت باجي الأغراض اللي ناقصتني ولكن لين أحين ما فصلت عبي للجامعة .. وصدق متهايزة أسير وأختار .. ، ، أمس فجأة مزاجي تعكر بشكل خايس يومي كان كله رقاد في رقاد حتى اللاب ما حدرته .. والفون مغلق .. اللهم نشيت الساعه 3 وشوي الفجر حدرت المسن .. وعقب على طوول سرت سبحت تسحرت على الخفيف ورديت رقدت .. ، ، انا أحس الرقاد بالنسبة لي وسيلة تهرب !! أتهرب من الأشياء اللي معكره مزاجي بالرقاد .. ، ، وصلني خبر وايد حلو .. ربيعتي ربت ويابت "هند" الحمدلله على سلامتج وتتربى في عزكم يارب بخصوص اللي تبا طريقة السويت ..
كيف أطرشلج على الخاص وانا وما اعرف منوه انتي ؟؟
التعديل الأخير كان بواسطة : راعية جميرا بتاريخ 09-05-2010 الساعة 11:16 AM |
||||
|
09-06-2010, 04:19 AM
|
#259 | ||||
|
|
||||
|
09-06-2010, 05:43 AM
|
#260 | ||||
|
هالفترة أحس بتعب ما اعرف من شو صدق صدق تعبانة لدرجة محد يتخيلها أظحك وأسولف عادي واطلع واسير وارد لكن أنا من داخلي تعبانة حتى جسمي يعورني ما أطيق حد يدقني ، ، ، المهم هالفترة وايدين يقولـون اني متغيره وانا ما احس اني متغيره بس الصراحة انا صدق كارهه الموبايل يعني عادي عندي أغلقه ولا أدري عنه أبا اسير مكان بعيد محد فيه ابا ارتااااااااح أبا اشوف ويوه يديده مكان اعيش فيه مغامرات أبتعد عن كل اللي اعرفهم ويعرفوني أبا اكون حرة !! أسوي اللي اباه في هالفترة علي كيفي محد يقولي لا .. عيب .. منقود ابا أعيش جنون لا محدود أبا أفرغ أشياء مكبوتة ، ، ، ، ومرات أفكر لو صحت برتاح ؟! لو نزلت دموعي بغزارة اللي في قلبي بيطيب !! لكن اكتشفت انه فعلا الصياح مريح .. تتعبين تتألمين دموع مالحه حرقة فالقلب لكن فالنهاية تنسين .. لكن تتوجعين بعدين على ذرف هالدموع .. ، ، أفتقد وايد أشياء حتى إني أفتقد نفسي أفتقد وايد أشياء فيني أنا فعلا وصلت لمرحلة ما أقدر أطنش أتجاهل عدم المبالاة بس اللي فعلا وصلت له " على الدنيا السلام " ، ، ، فيني خوف من كل شي كانت فيني ثقة عمياء فالناس بس الحين قمت أخاف من الكل قمت ما أستلطف حد ما ابا اسولف ويا حد ابا أختلي بنفسي ابا أعيش عالمي الخاص القوقعة اللي تحتويني وما تمل مني قوقعة احتوت فرحي ، همي ، حزني ، ألمي وتوجعي ، وحتى دموعي بالمختصر المفيد وربما ليس مفيد أنا بديت أنتهي .. أشياء وايد فيني ماتت وأشياء أهتزت ومستحيل ترجع مثل ما كانت وايد انصدمت واااايد انجرحت وايد تألم قلبي وايد تجرعت الألم بس اللي يقهر ويذبح الروح .. انسان جرحك يحاول يتقرب منك ويراضيك بس انت مب قادر تتقبله .. الجرح كبييييييير .. وبعده ما برا .. بأي شكل ولا أي طريقة أرد مثل قبل !! والله ما اقدر .. يذبحني الألم .. وأحس بالعلقم في مسرطي .. وعيني تذرف الدمع بمجرد اني أشوفهم .. لكن ربي اني سامحتهم جميها فاعف عني وارحمني واغفر لي ربي إني أسألك ما هو خير لي وابعد عني كل ما هو شر لي اللهم ارحمني واغفر لي ولوالدي وجميع المسلمين والمسلمات
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
