|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| مد جزر في حوار الذات |
|
|
LinkBack | أدوات الموضوع |
التقييم: 
|
طرق العرض |
09-14-2010, 01:47 AM
|
#271 | ||||
|
توني كنت ارمس نور الوطن وانا ارمسها اجوف خط ثاني فجيبت عيني اقرى الإسم !! جان اقولها بو عسكور متصل تمي على الخط بو عسكور : انتي واعية !! انا : ليش انته ويييين !! بو عسكور : انا عند الباب بسرعه نزلي فتحيلي ولا تخبرين حد !1 وبسرعه بندت عن نور الوطن وطرووج صوب الباب فتحته وصدق صدق أحلى مفاجئة يا بو عسكور نورت البلاد
|
||||
|
09-14-2010, 10:14 PM
|
#272 | ||||
|
مساااء الخير .. أحم أحم طاب مسائكم <<خخخ يقولكم اليوم نشيت من الصبح والوجهة اني اسير اجدد ليسني جان اقول لابويه خلني اليوم انا بسوق ومركز المرور وايد جريب من بيتنا وجان نسير وجددت الليسن وجيه وعاد انا ما ابا ارد البيت جان اعطيه على شارع جميرا وخطفنا ريقت ابويه وخلاف تحوطنا في جميرا ابويه يعيبه نمر على البحر وانا احب اخطف على البحر بصراحة وغيرنا جو وردينا البيت وطوول الدرب ابويه صاخ وانا بعد ابويه ما أدري في شو يفكر وانا سرحانه وانا اسوووق المهم ردينا البيت ويا خويه بو علي ويلسنا سولفنا وجيه واليوم كان أول يوم دراسي لعيال اخواني وباجر ان شاء الله اللي في كيجي 1 بيداومون  جان أقبظ عواشي بنت خويه هي في صف اول ابتدائي احين راجعت الها الحروف العربية والإنقليزية .. وسلمكم الله العصر كنت يالسه في حالي الا يوصلني مسج السلام عليج غوغو نعم منووه غوغو !! جوفوا الحوار احسن  وعقب سلمكم الله انا متصله في حرمه تي لين البيت تسوي عبي وانا بكل صراحة انسانة هيزة شويه عليه صدق ما اتفيق اسير اسوي شي يعني اذا بيوصلني الشي لين البيت وايد اوكيه وحليلها يت وفصلت عبي ودليتها بيتنا غلط وهي أصلا بيتها ورانا هههههههههههه بس تعرفون الغباء شوي يلعب دور وبتخلصلي العبي للجامعة لانه سلمكم الله انا تهايزت افصل عبي للجامعة وما ذكرت الا يوم العيد انه وراية جامعة جان استحي على ويهي وافصل عبي اليوم اممم شو بعد بس بس اليوم كان ممتع .. لو توفيت !!!
وقالوا لك تدخل غرفتي :، وتاخذ منها شي .. شو بتاخذ ؟! وليـــش ؟! - قولـولي وبقولكم ربيعاتي شو قالن لي ..
التعديل الأخير كان بواسطة : راعية جميرا بتاريخ 09-14-2010 الساعة 10:17 PM |
||||
|
09-17-2010, 09:10 PM
|
#273 | ||||
|
يقولكم ادهشتني اجاباتكم على السؤال المهم سلمكم الله ربعي اللي على البي بي شو قالوا 1. عطري 2. غرشة دهن العود مالي 3.كندورتي والثياب اللي كانت عليه يوم اموت 4.وحد قال يبا الدفتر اللي اكتب فيه خرابيشي بس الأغلب قالوا مخدتي ولحافي ههههههه أما في التقاييم 1. علاقة المفاتيح <<وصدق علاقة المفاتييح تحمل ذكريات وايد لي 2.دفتر خواطري 3.لابتوبي <<هههههه فيه كل مصايبي 4.عطري ولاحظت انه وايدين يطلبون عطري خلاص فالكم طيب بكتب عطري المفظل ههههههههه ، ، ، ، ، ، المهم يوم الخميس نشيت من فجر الله تزهبت وتلبست وجيه وسرت وديت عيال اخواني المدرسة والله قسما بالله يظحكون علاية في كلاس روحها وتأقلمت على الوضع أما فطامي وياهـا ظبية والهنتين دلوعات ومايعات المهم عقب يوم تطمنا عليهم طلعنا انا وام علي وختها وسرنا السوق نزهب لعيد ميلاد عواشي وقسما بالله شو الظحك متنا متنا من الظحك المهم خت حرمت خويه تقول انا عطشانة !! وعبدالرحمن الدريول مطنشنها وكل ما نخطف على مسيد اقول لحرمت خويه نزلي اكووه براد الماااي بصب في يديج وخل تشرب !! حتى عبدالرحمن ظحك هههههههه وهي تقول ما عليه يالخيااااس والله لا اراويكم المهم وعقب سكرنا سكرنا من الظحك والمقالب والظحك وجان آخذ شلق  هع هع وخاطري انقعه في راس حد وعقب ردينا خطفنا على الصغارية ورديت البيت ورقدت وعلى المغرب زحمة جروح مطرشتلي مسج " انا في دبي مول " وانا مب من النوع اللي اسير دبي مول على المساء المهم ما اعرف كيف الله يسر وسرت وانا احين شو اسوي صدق يوم خلاص وصلت المول وحدرت حسيت اني مستحية وااااااايد المهم دورت ودورت وآخر شي انا جدام زحوووم !! وسلمت عليها وجيه وسلمت على خواتها وتعرفنا على بعض هي وخواتها وانا واختي وسولفنا شوي منيه مناك وشو اقووولكم عن زحوووم وربي كيوووت وصغيرووونه واااايد ما تعطونها انها وحدة تشتغل وحتى متخرجة تقولـون وحدة فالإعدادي بس صدق صدق استانسنا من الخاطر وزحووم احجرتني وعشان بطني ما يعورني اندوكم كلو  وعشان ما تحسدون زحووم ما براويكم خطها الجميل وكان لقاء جميل ..  ، ، ، ، واليوم سرت بيت عمتيه وصدق ما ابا اكتب شو استوى ومن شوي رمست بنت بو سنيدة وجان اسولف وياهـا واستهبل وظحكنا وما كملت 5 دقايق الا ونور الوطن متصله ههه وصدق صدق استانست وبس أحين يوعانة وايد وخاطري آكل من مكان معين يالله فمـان الله
التعديل الأخير كان بواسطة : راعية جميرا بتاريخ 09-17-2010 الساعة 09:19 PM |
||||
|
09-18-2010, 12:51 AM
|
#274 | ||||
|
|
||||
|
09-18-2010, 11:32 PM
|
#275 | ||||
|
|
||||
|
09-19-2010, 07:53 PM
|
#276 | ||||
|
أول يوم جامعي ..
بديناه بكراف ولله الحمد .. من الساعه 8 وانا فالجامعة لا لا لا 7 ونص والله لا يراويكم زحمة البنات عنبوووه كيف يتكاثرن البنات ما شاء الله المهم طبعا بدينا انا ونور الوطن لازم انا وهي نتجابل الصبح ويلسنا في مكانا المعتاااد وعلى الساعه 9 وشي الفلاسية يتنا وصدق ارتبشنا وياهـا وعقب سرنا كلاساتنا لكن بقعتنا منوه بيحرسها !! والمشكلة البنات اليداد ما يعرفن القوانين ههههههههه عكيفنا نحن المهم حظرنا كلاساتنا وردينا والا نشوف بنات ميلسات يلسنا وجابلناهم وانا والفلاسية يالسات جان تقول وحدة منهن : جوفن هالبنات !! وانا كنت ارمس حرمت خويه على الخط جان اقول بصوت مسموع : أشكره يرمسن عنا !! هههههههه قفطن وانطبن .. وعقب حسوا على دمهم ونشوا واكتسحنا المكان ويلسنا واكتمل شمل الشلة المشتلة وظحك وسوالف والـ hugs ههههههه ببلاش على قولتهم أول كلاسي لي " إكسل " واللي يدرسني بروفيسور هههههههه يقول هو بريطاني استرالي الأصل لكنه وبصراحة اسمه يدل انه هندي وحتى شيفته .. المهم بس وحليله طيب .. الكلاس الثاني قلوبال2 واللي يدرسني مغربي وما اعرف حد فالكلاس تخيلوا بس شكله المدرس طيوووب وفي مادة ما نزلوها لي بكل سخافة ما شي مكان وأنتي على الويتنق ليست المهم قلت بسير عند الأدفايزر مالي وسرت ويا الزين كله وشفت طاااااااااااااااااابور الله لا يراويكم جان اقول بصوت عالي : والله بس أبا أشوف شيفتها والله مابا ارمسها اليوم !! والبنات تظاحكن اونه انتي شو خبييلة انتي !! وغناكم الله عن شيفتها المهم رديت البيت على الساعه 2 وهلكااااانة ورقدت على طوول ومن شوي ناشة وباجر وراية يوم طوييييل نوعا ما .. وان شاء الله بسير اخليهم ينزلون لي مادة زيادة .. وبس .. يمكن لي عودة بعدين ..
|
||||
|
09-21-2010, 02:40 PM
|
#277 | ||||
|
مساء الخير ..
يقولكم أمس كنت ابا اكتب على المسا لكن صدق صدق كنت هلكااااانة وعلى الساعه 11 وشوي تقريبا سطلت ورقدت ، ، ، ، البارحة سوينا حفلة لشواخ بنت خويه وحشرة وربشة والصراحة لاعت جبدي وسطلت المهم الساعه 6 ونص الصبح ناشة ومتهايزة بعدني مسطلة فيني رقاد المهم انا غيرت كلاس الأكسيل وسرت كلاس فليب والصراحة عجيب هذا الإستاذ معني ما أحب الإكسل بس هو تمااام .. وعقب عندي بريك ولاعت جبدي من الملل وعقب حظرت كلاس القلوبال وكان حلو بصراحة الإستاذ أسلوبه اوكي وبعدني في مادة ما نزلوها لي لانه كل الكلاسات مسكرات وزحمة والحلو فالموضووووع ان يوم الخميس اجازة عنااا فالجامعة هع هع وحاليا لابي مفظي ومجبورة أعتمد الرد بسرعه ..
|
||||
|
09-21-2010, 09:57 PM
|
#278 | ||||
|
أحم أحم .. انتعاااااش .. توني ماخذه شور على كيف كيفي .. وطبعا ما يحلى التفكير والأفكار إلا وأنا فالحمام يعزكم ربي .. ويلست أفكر وأفكر خخخخخخ ويلست أتذكر خرابيطي يوم كنت صغيرة أذكر يوم كنت فالإعدادية أوني أحدر أتسبح هههه وأمزر البانيو وأنسدح وارقد ههههههههه ومرات أنسى عمري والرشاش شغال ههههههههه وكيف ارقد ما اعرف والله احساس حلو واسترخااااء وأذكر مرة عشان اتأدب تزحلقت ههههه وتمت ريلي تعورني لكن استغفر الله انا ما اتأدب ولين أحين تيني حالات بس ما ارقد بس استرخاااء وأميه مسكينة تعقدت مني ومن اخواني لانه كلنا فينا هالطبع الخاااايس هع وفي ناس يطلعون برع الفيلا ويردون داخل وهم بلا حاسية هههههههه الله يستر عليهم بس يقووولكم أول أمس حظرتي منخمدة ونسيت انه ما عندي ماي فالحجرة المهم على الساعه 3 اظن نشيت ألهث من العطش ومااا لقييييت ماي ما اعرف كيف يت يديه على الكندا درااااي وكيييف شربته وما حسيت انه حرق لي مسرطي او أنه مشروب غازي المهم يوم نشيت الصبح ما حسيت بشي وعقب رديت البيت من الجامعة وانا ارمس نور الوطن جان اقولها صبري بستنتج شي وصدق لقيت الغرشة مشروووب نصها وانا منخمدة كيييف شربت صدق صدق اني بلا حاسية يوم أرقد اليوم وايد هلوسنا انا وشلتي الحبيبة لدرجة هلكنا من الظحك والحين انا صدق صدق مدوخه من الخاطر وانا جااان تذكرون ما ارقد مالوقت ومن سابع المستحيلات لكن دوام الحال من المحال وتصبحون على خير .. بس حبيت اقرقر على مخوخكم الجميلة
التعديل الأخير كان بواسطة : راعية جميرا بتاريخ 09-21-2010 الساعة 10:01 PM |
||||
|
09-22-2010, 10:42 PM
|
#279 | ||||
|
مسـٌآگـم نظّرَھ مَنْ عيَنِي ؛ بلمّحَـہ حِييـــلَ { نعّسَآنْــہ .. مسِـٌٌٱٱگـّم انـّٱٱ احسآآآآآس جميييل انه الناس باجر دوآآآآآآم ونحن مأجزين .. والله شعور حلووو طاف آول اسبوووع بسرعة البرق مووول ما حسينا به واليوم اكتملت شلتنا كانت وحدة من ربيعاتنا مسافرة ووصلت بالسلامة الهم .. يقووولكم اليوم تقاشرت على لابتوبي المسكين قلت بسير بوديه الهلب ديسك عسب ينزلون لي الفايرفوكس ومن غير في برنامج للجامعة ما يفتح عندي المهم يوم وديته حسيت ان اللي جدامي غبية المهم سيرت وياهـا وخلاف وصلني ايميل على الفون ان اللاب خلص شليته وحدرت الكلاااس جااااااااااان يطلع لي وورنق فيه فايروووس !! وانا خلااااااص نقع مخي وعلى طوول طرووج سرت الها وديه ثانيه وبنت بو سنيده ويايه والغبية مال الهلب ديسك انزين قوليلي شو اسوي تقولي ترى هالفايرووس قوي !! آذبحها مثلا !! المهم رديت البيت على طوول شليت ساماني اللي فاللاب وسويت له سكان والحمدلله كل شي سليم بس سستم اللاب هو اللي متفيرس المهم ما وحالي ٥ دقايق الا واللاب عطاكم عمره .. قلت يالله نفاد المهم شليت اغراضي .. وحاليا يالسه على لابي الثاني وكيبورد الماك بووك قمة من التعاسة آماكن الحروف كلها مجلبة وشكلي خلاص بستخدمه للجامعة من شوي صابتني حالة فقدان ذاكرة هههههه ابا احدر ايميلي الياهو وناستنه والجي ميل وبعد ناستنه زحووم حبيبتي والله طلعتلي ايميلي الياهو وطلعت باسوورد يديد وسبحان الله فجأة وبقدرة قادر تذكرته ههههههه وجان يفتح ماااااا خبرتكم نزلولي المادة اللي ناقصتني وجااااااان استانس اليييوم سلمكم الله في كلاس الكرير كنا انا و بنت بو سنيدة و وعليا ومريوم يالسين والمس عاطتنا اوراق نعبيها على آساس كل وحده روحها وسبحان الله نحن حولنا الحل جماعي وشالين البقعة من الظحك عطتنا المس بنظرة وصخت ورديييينا مصخناهـا زيادة ونظحك وصدق صدق كان فينا عبط ممكن تتخيلون انه نحن يالسين على يمين الصف آآآخر ٤ كراسي ورى عصبت المس خلاص اشطت عادة علينا جان تقول ممكن كل وحدة تحل الورقة روحها ما يحتاي تتناقشوون ههههه عادي والله الحياة قميييله بس نفهمها .. آآآمــم شو بعد الله يوفقج يا مخضر الطرف يارب وتسمعين الخبر اللي يفرحج الدكتورة الله يسهل عليج يارب وفالج الامتياز يا قلبي نور الوطن قدر رائع في حياتي الزين كله لج جوج وغلاتج خاصه بنت الفلا هههههه كله ولا يوم تقلدين رمست عرب لج ستايل مميز موني قلبج طيب الله يعطيج على قد نيتج يارب الفلاسية والله انج اختي الصغيرة آحبج فالله العامرية حياج الله في شلتنا رسميا نعلن انظمامج النا حبيبتي والله يديم الظحكة على شفاتج oh man هههههه بخصوص انج توج راده من امريكا واليوم مداومه تستهبلين مثلا !! لا لا اسولف والله وايد افتقدناااج مووزي الله يوفقج واللي خلف الكواليييس آحلى سلااام إلكم علر فكرة في آعضاء تولهت عليهم وااايد مفتقدتنهم بحجم السماء والآرض بس بس يالله وايد رمست تصبحون على خير قد أكون قطعة ' شوكولآ ' تستمتع بھآ | وتستلذ بلذتھآ لكن بالمقآبل ؛ لي ' سعرآت حرآرية ' تقلب حيآة ، ، [ أمِّن جآبتك
التعديل الأخير كان بواسطة : راعية جميرا بتاريخ 09-22-2010 الساعة 10:46 PM |
||||
|
09-23-2010, 10:33 PM
|
#280 | ||||
|
اليوم بخلاف الآيام اللي فاتت ناشة الساعه ٦ !! ودوم ايام الدوام ما انش هالحزه طبعا شي آكيد رديت رقدت ومحد ينافسنا انا ونور الوطن في مسلسل الآحلام خخخخخ قصه قصه مب حلم نحلمه المهم اليوم كان ملل الصراحه قلت آآآه يا ليتنا داومنا والله يقووولكم عوشه بنت خالتيه دخلوها الروضه حبيبتي هالبنت بعدها صغيرووونه اونها ترمس امييه وتقولها علومني رقم واحد وكلت آآبل يا ربااااه بس الله يحفظج يالعاش .. آآآآمممممـــم بعد تفكير عميق وبعد مناقشات واااايد قررت آقدم للعمل التطوعي آحس بشعووور الصراحه ا اعرف اوصفه والله ييسر لي ان شاء الله اليوم رمست بنت بو سنيدة وسولفنا وخلاف رمست نور الوطن ورمسنا عن المعاقين والتوحد والخلايا المشيمية و دم الحبل السري ومتلازمة داون كانت مكالمه حلوة مليئة بالمعلومات القيمة والصراحه حاليا جدا ملانه افكر آقرالي كتااااب او ارقد او ما اعرف شو اسوي اذكر فالصيف كيف الوقت بسرعه يمر وخصه في رمضان والله ولا نحس بالوقت تعرفون خاطري أقص شعري بس ادري اميه ما بتطيع اوكييه مب مخالفه اني ما اقصه بس من جدام ابا اغير ابا القصه بس من جداام وبنات خويه اونهم انا مثلهن الآعلى ليييش عادة !! يبن يطولن شعوورهن شراتي قلت في خاطري ما يدرن عقب بيعيفن الشعر الطويل كنت بكتب شي بس غيرت رايي ما اكتبه آحسن . . الفارغون أكثر ضجيجاً..!! -إذا مرَّ القطار وسمعت جلبة لإحدى عرباته فاعلم أنها فارغة. -وإذا سمعت تاجراً يحرّج على بضاعته وينادي عليها فاعلم أنها كاسدة. -إن كل فارغ من البشر والأشياء له جلبة وصوت وصراخ. أما العاملون المثابرون فهم في سكون ووقار لأنهم مشغولون ببناء صروح المجد وإقامة هياكل النجاح. -إن سنبلة القمح الممتلئة خاشعة ساكنة ثقيلة أما الفارغة فإنها في مهب الريح لخفتها وطيشها. -السيف يقص العظام وهو صامت والطبل يملأ الفضاء وهو أجوف. -فعلينا أن نصلح أنفسنا ونتقن أعمالنا, فالتافهون وحدهم هم المنشغلون بالناس أما الخيّرون فأعمالهم الجليلة أشغلتهم عن توافه الأمور!! كالنحل ينشغل برحيق الزهور فيحوّله عسلاً فيه شفاء للناس. فاعمل واجتهد وأتقن ولا تُصـغِ لمثبّط أو حاسد أو فارغ. قيل أن , بعوضة هبطت على نخلة فلما أرادت أن تطير قالت للنخلة تماسكي أيتها النخلة فأنا سوف أطير فقالت النخلة للبعوضة; والله ما شعرت بك يوم وقعت فكيف أشعر بك إذا طرتِ؟ -واعلم أن الأسد لا يأكل الميتة. -والنمر لا يهجم على المرأة لعزة النفس. - أما الصراصير فعملها في القمامة وإبداعها في الزبالة! د.عائـض القـرني
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
