|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| مد جزر في حوار الذات |
|
|
LinkBack | أدوات الموضوع |
التقييم: 
|
طرق العرض |
03-02-2011, 12:02 PM
|
#341 | ||||
|
انا اليوم سايرة الجامعة وناوية نية لمس القلوبال المهم انا امس طرشتلها ايميل وقايلتلها تراني بييج باجر المهم ييت اليوم مسنتره صوب المكتب مالها ويوم شافتني جان تقولي صح انتي يوم واحد غايبة عيل تحطني غياب زورا وبهتانا وطبعا قالت بتغير وفي حال ما غيرت تدري اني باكل جبدها وجبد من يابها وحاليا برب عندي كلاس
|
||||
|
03-03-2011, 12:13 PM
|
#342 | ||||
|
مساء الخير ما ادري صباح الخير
ما اعرف شو يقولون هالحزة بس يقولكم توني قلت بجيك على الغياب وناوية نية قشررا للمس في حال ما شلته ويقوووولكم يوم بققت عويناتي الا الغياب مشلوووول حسيت بإنتصار بصراحة ههههههههه بس لا لا حرام المس حبوبة حتى كله اكتبلها في الإيميل sweet heart تتخبل وحليلها حاليا آخر كلاس بس فيني حماس مودي مود ظرابة !! حاليا احس بحرقة في عيني بطلع من الكلاس بشوف شو سالفتها سي يو خلاف
|
||||
|
03-03-2011, 07:04 PM
|
#343 | ||||
|
وحدث ما لم يكن في الحسبان أتنفس الموت
|
||||
|
03-18-2011, 12:46 AM
|
#344 | ||||
|
هالاسبوع بصراحة ما كنت اداوم بضمير ما كنت اداوم من خاطري احس ما اعرف كيف بعكس الفترة اللي طافت امس كان عنا كلاس قلوبال وما شاء الله في بنات يرمسن وايد ويحبن يقولن رايهن بطلاقة كنا نرمس عن الأحداث اللي تستوي في الوطن العربي ونتكلم هل عادي بريطانيا تتدخل في حل هالمشكلة ولا ؟ وشو راي العرب في هالقضية وجييه وتطرقنا للي حاصل في البحرين الله يفرج همهم ويصلح شأنهم يارب لكن في ناس تنطبق عليهم مقولة سكت دهرا ونطق كفرا هههههه اللي هم انا وبنت بو سنيدة وعاد بدينا نرمس وجيه ونقول آراءنا وظحكنا صدق وانا وقرينتي نشرب أورنامين سي العود ونسوي حركات مينن روحنا عالم خاص يوم شفت الوضع تأزم جان اكتب جيه على الورقة  وخلص الكلاس وطبعا كلاسنا هذا يبدا3ونص العصر لين الساعه 5 تتخيلون بس طفرت المس وخلص الوقت جان تقول حق وحدة انا بييب تيييب اي لصق وبحطه على ثمج عشان ما ترمسين والاسبوع الياي الأربعا والخميس عنا كرنفال افكر ما اداوم بالأربعاء والخميس احضر كلاساتي وارد قبل شوي كلمت نااااس أحبهم .. الله يحفظهم لي يارب
التعديل الأخير كان بواسطة : راعية جميرا بتاريخ 03-18-2011 الساعة 12:51 AM |
||||
|
03-19-2011, 06:31 PM
|
#345 | ||||
|
يقوولكم أمس كان يوم خرافي نشيت ومزاجي مال استهبال أصلا جان اركب لابي على السماعات الكبار ويلست أحط أغاني مال الصغارية قوم بارني و الخمس سبلان وما ادري شو واليهال تصرقعوا اشوفهم ارتبشوا ومرة وحدة صفوا حذا بعض ويلسوا يغنوون والأغنية اللي غنوها منتشرة يعني وانا منصدمة نعم أنتو متى ومداكم تحفظونها !! المهم خلاف خويه بو علي قال ياللي قومي بنسير بناحذ مشاوي وهالسوالف سرنا وطول الدرب استهبالات خويه وردينا البيت وشوينا وجيه وطبعا على طلب عيال اخواني في نوع من العيوش اللي تتسوى فالبيت انا اسويييه فسوييتلهم بعد حنه ورنة على راسي يا خويه بو حارب قالي يالله قومي بنسير نتعشى برع وانا في خاطري اقول يالله مشتهية سوشي قتله ويين عاده ، قال انتي لبسي عباتج وبنشوف وين سرت سبحت على السريع ولبست على أساس اني ما بنزل مكان يعني خطافي بناخذ الأكل وبنرد الا الحبيب يقول يالله انزلوا .. مانقا سوشي!! المشكلة الكل يدل هالمكان ويوم الجمعة يعني خلق الله كلهم هنيييه وياسلام انا كيف سايره قلت والله ما عليه من حد بنزل وخويه ويايه عادي ولا مفتكرة آآآه محلاة السوشي  يوم كنا هناك كنا انا وخويه وختيه متجابلين ونسولف وجيه ونظحك وانا كل شي اعلق واخربط فالرمسة الا بو حارب يقول بتخبرج انتي شو تقولين !! والله مخي مب مستوعب اللي تقولينه انا هلكانه عليه من الظحك وهو يقولي اقول مب طالع وياج لكن ما اتوب ارد واطلع ههههه طبعا له الشرف اني اطلع وياه وحاليا مزاجي كورن فلكس هو غدا وهو عشاء هالححزة .. ومساء الورد
التعديل الأخير كان بواسطة : راعية جميرا بتاريخ 03-19-2011 الساعة 06:35 PM |
||||
|
03-21-2011, 01:06 PM
|
#346 | ||||
|
طبعا وبخلاف المعتاد راعية في الكلاس قبل لا تي المس بربع ساعة والله يا ناس حدث تاريخي طبعا بعد الحالة النفسية الزفتة اللي انا فيها وكرهي المتواصل للجامعة اليوم كسرت القاعدة وييت مالوقت ويوم حدرت الكلاس محد فييييه وحاليا الكلاس بادي بس المس لين أحين ما يت انا ملاحظة على عمري شي كل أحد من كل أسبوع أحطم الرقم القياسي في الرقاد ما تتخيلون شقايل !! بس بجوف الأحد الياي بسوي نفس الشي أوه ذكرت الأحد الياي اجازة بنكووون في خاطري ما أحضر كلاس القلوبال اليوم فيني شعور جيييه خايس مالي خاطر أحظره أحس هاليومين وايد أحداث بتستوي بس ان شاء الله تكون خير أممم شو بعد ما شاء الله الجامعة فيها أجواء الكرنفال البنات يزهبن ويعدلن ليوم الأربعا والخميس يعني لورا باجر هالعفسة كلها ويا للأسف حدرت المس وهاي المس دوم تقولي انتي super active شكلها بترمس عن الأم اليوم والله أعلم حدسي واحساسي يقولولي جييه ومساء الحب ..
التعديل الأخير كان بواسطة : راعية جميرا بتاريخ 03-21-2011 الساعة 01:09 PM |
||||
|
03-28-2011, 01:07 PM
|
#347 | ||||
|
مساء الخير هالاسبوع عنا اجازة والصراحة عندي شغل وايد لكن لين احينه ما سويت شي مزاجي وايد متعكر وايد أرف غير مب طبيعي الصراحة الانسان يكره نفسه يوم يحس انه مراقب يوم شخص بس ييلس وما يشل عينه عنك انسان تافه ما عنده أي هدف يحب يكون هو تحت نظرة الشفقة نظرة المظلوم انا قابظة عمري لدرجة محد يتخيلها بس لو انفجرت والله هالشخص ما بيلوم الا نفسه أحس برتكب جريمة والله المشكلة انها تتقصد هالحركات يوم كنت اداوم والله ما تتواجد الا يوم ارجع البيت لكن احين لاني مأجزة قبل الكل واعية والله ترى لأول تحول واللي تغير مستحيل يرد شرات قبل تحاول تبتكر اي شي بس علشان تتقرب مني بس انا مااااابا ووراها مليون ألف نقطة .. السموحة مجرد فضفضة .. أمس عبدالله ولد خويه عندي طول اليوم وكل شوي ايي صوبي عموتي حبيبتي ويلوي عليه وشوي يبوسني فديته هالولد .. المهم كنت مودتنه ويايه الحجرة ويقولي همزيني الشيبه مره وحدة اشوف راس على ثباني الولد راااااقد وتم راقد لين اليوم الضحى ويوم شافني من شوي اونه سار عنده امه يشتكي عليه اني رقدته حاليا شرات ما تعرفون مزاجي خاااايس ابا اسوي رز باللبن بس ما ابا افتح المجال لأشياء ثانية والله انها سبب في كل مصيبة تحل عليه الله يفكني منها الله يفكني منها الله يفكني منها
|
||||
|
04-03-2011, 03:07 PM
|
#348 | ||||
|
مساء الخير .. اليوم داومنا بعد اجازة ما سويت فيها شي اللهم اني يالسه في البيت أو راقده يعني ما في شي مفيد .. الكلاس الأول اليوم طبعا وبكل تأكيد وانا في البيت ناوية ما أحظره وطبعا ما حظرته لكن سرت خلصت كمن شغله يقولكم انا مسوية بحث حق الإسلاميك ومدوره في النت ولقيت وجيه وفي أشياء انا أعرف انها من كتاب إحياء علوم الدين للغزالي المهم سرت للأستاذ وقتله ما اعرف اوثق ما لقيت الكتاب بس انا اعرف انها من هالكتاب جان يصخ الاستاذ ويتطالعني جان يقولي وهو يظحك ترى الكتب موجودة في مكتبة الجامعة وانا ارد بسرعه جان اقوله انا مادري ما ادور في مكتبة الجامعة اشتغل بروحي جان يقوول يا راعية مكتبة الجامعة حقي انا مسواية مثلا !! جان اقوله مثلا !! وسرت المكتبة وطبعت وخلص شغلي المهم الكلاس الثاني مال الرعاية الخاصة ويوم الثلاثاء عنا تسليم بحث وانا وقروبي العزيز مختبصين وجيه طلع أصلا نختار شي واحد من 5 اشياء ونسويه فالهذربان في الكلاس والظحك وايد أثر علينا هههههههه والكلاس الأخير الاستاذ اليوم كان تحفة الصراحة يالس يخبرنا في شو بنمتحن وجيه وكل ما يقول شي نقوله which page؟ وهو وحليله يتم يدور ويقولنا ومن الفلاحة الزايدة الكلاس كله مب يايب الكتاب وعقب وحدة لا إرادي جان تقوله سير اي صفحه مب كاتب اي صفحه نذاكر ؟ تم السير هلكان من الظحك والله صاح من الظحك جان يقول يالله يغير الامتحان بكتبلكم هالمعلومات في اي صفحة ؟ وحاليا عندي شغل اليهد واميه من اليوم حايزتني باجر تبا تظهر وياية قبل لا اسير الجامعة واليوم وحدة بتيني البيت ومساء الدوامات يا حلوين
التعديل الأخير كان بواسطة : راعية جميرا بتاريخ 04-03-2011 الساعة 03:09 PM |
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
