|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
08-15-2008, 01:19 AM
|
#1 | |||
  
|
[ حُـــرّهـْ ]
 عدت والعود ,, محمد  عودة مختلفة ,, إن شاء الله 
|
|||
|
|
08-15-2008, 02:00 AM
|
#2 | |||
|
والعود محمد متعمدة لاحد يصححها ,,, اتناقشت العصر ويا ربيعتي If Only عن السوق شو صاير الحين ؟ كل شي غش × غش والأسعار نار والكواليتي مب شي أنزين يعني من وين نشتري ؟ نسافر عشان نشتري للعيد والجامعة ؟ الصيف اللي طاف أشتريت أغلب أغراض الجامعة من السعودية وارتحت لكن هالصيف ,, ماعرف ! رمست اشتياقي وتقولي أنها اشترت أغراضها كلها من البقعة اللي سايرة لها صدق افتكت أنا مثلا ,, ماحب أشتري شي وأروح الجامعة ألقى 3 ,, 4 بنات لابسات شراته !! عشان جيه ارتاح يوم أشتري شي من برا البلاد شوفولنا حل ياناس  ,,, رمست فلانة أقولها عن شي اشتريته بعدة ألوان << شغل بنات out وشسمه قالت عن البنات كيف يعيبهن الأصفر والفوشي والبرتقالي أقولكم في بنات عندنا فالجامعة شو يلبسن ؟ × العباة مفتوحة × الشيلة وجودها والعدم واحد × جينز ضيج × بدي * × ربطة شعر* × جوتي عزكم الله * × شنطة * * هالأشيا تكون بواحد من هالألوان : الأصفر الفاقع ,, البرتقالي الفاقع ,, الأحمر الفاقع ,, الأخضر الفاقع ,, ألخ يعني عن بعد كيلو تنشاف الله يهديهن ,,, نفس فلانة اللي فوق تناقشت وياي عن الحب وهالخرابيط لكن ماله داعي أقول مناقشتنا لأنه أحس مالها داعي وهيكي ,,, وجيه يومياتي بتكون مختلفة .. مناقشات وآراء ومعتقداتي الخاصة لوحة تحكمي وصندوق رسايلي يستقبلكم بترحاب 
|
|||
|
|
|
08-15-2008, 09:01 PM
|
#3 | ||||||
|
 اقتباس:
أهلين فيج أختي تشرفني متابعتج لاخليت يارب ,,~ ... اقتباس:
ههههه واللــه لو حد يوديني مستحيل أقول لا وأنا بعد أقول أنه أسواقكم فيها أشيا وايد حلوة يكفي إني أكون مختلفة عن اللي هني وماحد يكون لابس شراتي هيهيهيهي مشكورة ختيه ع التقييم ^.^ ... اقتباس:
وعليكم السلام ورحمة الله وبركاته دوم إن شاء الله هالوناسة يارب منور فيج والله ,, وتشرفني متابعتج الغالية .. ...
|
||||||
|
|
|
08-16-2008, 01:26 AM
|
#4 | |||
|
بعد الغدا ,, كانت مناقشتي أنا وبنت عمتي وأختي وبنت عمي تناقشنا عن حركات الأعراس هالأيام كل عروس أدور حركة غريبة وعجيبة عشان تدخلبها القاعة كل وحدة منا قالت موقف قرته أو سمعته فمكان ,, يعني مثلا ,, مثلا ,, وحدة داشة القاعة فتابوت والحريم يصيحن عليها ويوم يدش المعرس عليها أون تقوم من سباتها  يعني الوحدة تسوي حركة .. لكن بالشي المعقول يعني مثلا يهال ايولون ,, بنات صغار ينعشن ,, بنات لابسات مثل الفراشات حتى لو حركة جديمة ,, أحسن من حركة غريبة بعدين العيايز بيلسن الا يتنقدن ع العروس  ... كنت رايحة اليوم مكان .. ولابسة عباتي شافتني خدامتنا قالت : وين روح انتي ؟ قلت لها وين بروح جان تقولي تبا شغاب gold نعم يختي ؟  يوم أنا ما ألبس ذهب ,, تبيني أسير أشتريلج ذهب ؟ بعد تتشرط ماتباه صغير تباه من الكبار سمعتها الوالدة وضحكت .. قالت لها : ادعي أنه الفارسة تعرس وبتييب لج أنزين اللي أبا أقوله منو من البنات الحين يلبسن ذهب ؟ عن نفسي ما ألبس ولا أحب ألبسه ويوم يقولون يبون يشترون لي أقولهم لا .. الذهب اللي عندي من أمايه يوم راحت الحي .. من خالي ربي يرحمه .. وهدية من وحدة من الشيخات وبس .. وهذا بعد اللي عندي خاطري أبيعه وأستفيد منه أحسن من مايبقى فالصندوق ... شفتوا يهال هالأيام ؟!! قبل كم يوم أخوي الصغير يايب لي كوب ماي فاليوم الثاني طلب مني شي بس رفضت قال : أنا أمس يبت لج كوب ماي ,, تحيدي ؟؟  بتذلني مسود الويه يلا مناك  بعدها بكم يوم كنت فالجمعية ووياي أخوي اللي أصغر عنه طلبت منه أييب لي سلة لأنه كان في رياييل صوبهن وأنا أمشي وياه وطبعاً حشرني كل شي يباه وأنا أرفض ,, ماعندي بزا يهال جان يوقف وطالعني بنظرة  أون يبت لج السلة بعد يا ريال؟ يالمفعوص انت بعد بتذلني ؟ صاح الولد .. والناس أطالعه .. يتحرا عمره فالبيت ضحكت وقلت له والله ما أحفلك صيح لين تعيز ويوم تخلص دورني فالجمعية سمع الكلام ووقف صياح ومشى وراي يعني اليهال أحياناً ماينفع وياهم الدلع  ... رايحة ويا أخوي اليوم وين موقف سيارته عشان أرجع أنا بالسيارة الثانية ركبت السيارة وهو سبقنا ووياي أختي تقولي وقفي صوب الجمعية بشتري شي أقول لها أنا ماعرف أرد ريوس ولا أعرف أوقف .. اللهم أمشي سيده وبس حتى زيادة 20 ماسقت ... بذمتكم حد يداوم فرمضان ؟! أوكي بنداوم لكن مب من أول رمضان خاصة نحن بنات السكن بعدنا يبالنا نتعود ع السكن اليديد ونرتب أمورنا كنت أرمس مرهفة المشاعر الصراحة أغبطكم أهل السعودية ع إجازتكم  ...
|
|||
|
|
|
08-16-2008, 03:39 AM
|
#5 | |||
|
 ترا هالرطب من نخلتي اللي فالبيت قربوا ,, إنزين سؤال شو يعني رطب وشب ؟ اتريا أجوبتكم
|
|||
|
|
|
08-17-2008, 12:23 AM
|
#6 | |||||||||
|
اقتباس:
تشرفني متابعتج أختي ونورتي لوحتي ,,~ ... اقتباس:
وعليكم السلام ورحمة الله وبركاته هلا فيج أختي الغالية تسلمين ,, وتسرني وتشرفني متابعتج  ... اقتباس:
تسلمين فديتج هذا من ذوقج يختي راضين نعطل وياكم بس مانداوم فرمضان وخاصة نحن بنات الجامعة ,, السكن عذاب ... اقتباس:
تسلمين ختيه بس أنا ما أحسدكم ,, أنا أغبطكم ... اقتباس:
تقييم فاضية بس شكراً زاد عدد نقاطي لووول ... اقتباس:
إنتي تلحقيني هيهيهيهي أنا فكل حته ,, نورتينا ياست الكل
|
|||||||||
|
|
|
08-18-2008, 01:53 AM
|
#7 | |||
|
 حالتي من سيء لأسوء الحمدلله على كل حال الوالدة تزعل يوم ما أروح المستشفى والويع كل يوم يزيد بس شو أسوي أخاف يطلع فيني شي لا سمح الله  أسبوعين ,, وبعدهم دوام فداخلي وايد أشياء ,, بس ماعرف ليش أفضل إني أسكت ماحب أفضفض لحد يفضفضون لي أوكي ,, بس أشكي لحد لا ... منو قال إنه البنات رقيقات ؟ هذا زمان أول ,, ع أيام سعاد حسني البنات البنات ألطف الكائنات  اليوم بنات الله يستر عليهن ,, حطوا جدامهن كيكة مسكينة بالقهوة طلعوا مصارين يدتها ههههه بروحي أكره الكيك ,, وأكره القهوة ,, واليوم بطوله كلت قطعتين صغار بيتزا مثل الفطاير بس عشان خاطر بنت عمي يعني دماعي كلت لقمتين ,, والحين ندمانة  نصيحة : لو مالكم خاطر تاكلون وعايفين طاري الأكل ,, لا تروحون صوب أمهاتكم ... قبل كم يوم وصلني خبر عن ربيعتي المعرسة آآه والله قلبي عورني عليها شو رايكم فكلامي تحت ؟ صح العرس للبنت ستر .. بس الحين ماينفع بنت توها متخرجة من الثانوية تعرس يمكن في بنت تقدر أدبر أمورها لو كانت متعودة ومتعلمة ع شغل البيت وطريقة التعامل ويا الريال لكن مب كل البنات يقدرن وإذا البنت تقدر يمكن الريال مايعرف يتصرف ويا بنت صغيرة بس ربيعتي مايخصها فشغل البيت والتفاهم ,, سالفتها شي ثاني حسبي الله ونعم الوكيل يا ناس حصنوا عماركم دايماً ... حتى الكتابة لايعة جبدي منها ماعرف شو السالفة ... ماحد جاوب ع سؤالي مال الرطب  معقولة ماحد يعرف
|
|||
|
|
|
08-18-2008, 04:01 AM
|
#9 | |||
|
!  نفسي ,, ومنى عيني ,, أطالع السما ,, زرقا ,, بهدوء .! لاحد يناديني .*ْ ولاحد يطالعني .*ْ أنا .. وبس أنا نفسي ,, ومنى عيني ,, أشوف الفرح بس .. داخل قلبي .!  نفسي ,, ومنى عيني ,, أنام .! براحة ,, بدونهم بدون صوتهم ولا صورتهم ولا أحلامهم نفسي ,, ومنى عيني ,, أحلام وردية .*ْ بشاطئ أزرق .*ْ وفراشة صفرا .*ْ وأنا وبس .! .
التعديل الأخير كان بواسطة : فارسة ألم بتاريخ 08-18-2008 الساعة 04:07 AM. |
|||
|
|
أقسام الموقع
\يوميات روعة واصلي
/
