يوم أفكر واستعيد الذكرياتي . . *~

عفاري راكبه فراري · 08-16-2008, 10:29 AM

السلام عليكم ..
شحالكم يا اعضاء ؟!

الصراحه ولا مره خطر على بالي اني اسوي لي يوميات .. لكن مادري شياني اليوم وخلاني اكتب !! وانشالله اذا ياتني سالفة بقولها لكم ولا كنت ضايقه وبفضقض .. وبآول شي راح اتكلم عن نفسي.. وانشالله لي عوده مره ثانية ..

{يوم افكر واستعيد الذكرياتي . .
يا الضنا ذكرى ليالينا الخوالي

ذكريات في فؤادي راسخاتي . .
كل ساعه ذكركم يخطر عبالي }

16 / 8 / 2008

اسمي عفرا ! مبين من النك نيم مالي .. انشالله انا رايحه ثالث اعدادي !! توني صغيره ادري
وايد اجتماعيه احب اكون صداقات .. يعني عندي ربع من السعوديه الإمارات وقطر والبحرين والكويت بعد !! بس ولا عمري تعرفت على وحده عمانيه !! لاني ما اشوف عمانيات وايد

من هواياتي .. التصوير وااايد احب التصوير .. و كتابه القصص و الفوتوشوب

مممم وبعد ؟ انا مب وايد صريحه ساعات لكن لما خلاص انه " طفح الكيل " على قولتهم كل شي يطلع مني لا شعوريا يعني مثلا لما انقهر او شي .. يعني كثر ما اخلي بقلبي واسكت واكتم واكتم خلاص عقب كل شي يطلع مني في ويه هالشخص !! وهالشي اللي ماحبه في نفسي

يقولون عني اني مب جديه كله اضحك واخذ الأمور آيزي يعني بالسهالات .. بس يعني على قد ماهم يقعدون وياي مايفهموني ولا يعرفون شخصيتي .. مادري ليش ؟!؟ ساعات احس اني غامضه من كلامهم جي لي .. ومحد فاهمني كلش !!

ودايما لما اقول وجهة نظري ساعات يآيدوني وساعات يطلعوني انا الغلطانه دايما !!
وخاصتا في وحده وايد قريبه مني بشكل ما تتصورونه احسها ساعات يعني تكرهني مادري ليش ؟؟ واحسها شايفه نفسها .. ودايما انا الغلط وهي الصح..

ووووو بس !!
ولي رجعه مره ثانية

مع السلامه

عفاري راكبه فراري · 08-16-2008, 11:51 AM

انا رجعـــــــــت

تاريخ : 15 / 8 / 2008

امس بليل انا وامي قاعدين انسولف .. وقلت لها اتقول لي سالفة اتضحك عني لما كنت صغيره .. المهم .. قالت لي السالفه ..

كانت خالتي يايبه لي ملابس داخليه يعني مثل البكيني وانا توني ياهل يعني كان عمري 4 سنين تقريبا .. وكنت مستانسه عليه وكنت لابسه فستان وطبعا قبل كنت كيووووت >> مشكله اللي مصدقه عمرها..
هع هع .. المهم وكانت عندنا يمعه في بيت يدي .. وانا واقفه عند الباب وكل ماحد دش رفعت فستاني يابلفيت اوريهم البكيني اللي تحت ..

همسه: اصلن هو بيكيني يابلفيت البسه لي البرجه او لما بنروح البحر .. خخخ بس من الوناسه لبسته تحت الفستان هع ..

المهم وكانو الكل يضحكوون علي ههههه .. والله احس عمري غبيييييه كل ما اتذكر السالفه ..

عفاري راكبه فراري · 08-24-2008, 06:54 PM

السلام عليكم ..
وااااااااااااااااااااايه من زمااااااان مادشيت مذكراتي ..
وحشني والله .. !!

يوم الجمعه اللي طاف يعني من يومين .. اخيس يوم بحياتي .. بيت يدي فاضي مافيه حد يدتي مسافره علآآآج .. الله يردها انشالله بالسلامه .. وخالاتي كلهم مسافرين !! بس الحمدالله اليوم خالتي بترجع بليل.. !!

يعني باجر في حياه ..

اليوم الآحد امي وابوي واخواني سافرو وخلوني ويا اخوي الصغير.. شفتو هالظلم >>
المهم اصلن ما عندي سالفة ادش بس حسيت اني مصختها اني ماكتبت يمكن صار لي اسبوعين مادري يمكن

المهم بس ابي اسولف وافضفض .. ايه صح المدرسه بعد 6 ايام .. الله الحين صج بيكون في حياه .. بنرجع البيت تعبانين .. منهدين نتغدا انريح انسوي اللي طلبوه المدرسين منه .. يعني في شي

ادري اللي اكتبه ماله معنى .. بس يعني ماعندي شي اسوويه .. وحده فاضيه .. >> هاي انا

ممممممم وبعد ... والله ماعرف .. بس اكثر شي اقضي وقتي اكتب القصه اكملها ..

المهم مابي اطول عليكم ع الفاضي وانا ماعندي سالفة .. بس خل يصير موقف او شي بيي بكتبه هع .. ويلا سلملم

ايه صح نسيت .. مابقى ع رمضان شي

مبارك عليكم رمضان مقدما ..

عفاري راكبه فراري · 10-17-2008, 08:11 PM

السلام عليكم
شحالكم ؟
عساكم بخير ؟

والله وحشتوووني كلكم وخاصتا اللي يتابعون قصتي ..

اسموحلي ماعيدت عليكم

هع عندي خبر حلو لي الآعضاء اللي يتابعون قصتي انشالله باجر بيوصل لاب توبي بالسلامه

ويلا ماقدر اطول عليكم لازم اطلع

بااااااااااااااي

عفاري راكبه فراري · 10-18-2008, 11:05 PM

هلا والله
شحالكم ؟

بس حبيت امر اسلم عليكم واقول لي الآعضاء اللي يتابعون قصتي يا البي يا كتاكت ياما انته شايل وساكت ! انه الحمدالله اللاب القصه لحين موجوده وانشالله كل ويك آند بنزل لكم !

مع السلامه

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)