حفـــلهـ تنكريهـ ..

دمي فداك · 08-28-2008, 04:18 AM

السلااااااااااام عليكم ورحمة الله وبركاته

انا عندي حفله تنكريه

وابي افكااااااااااركم لملابس تنكريه

بليييييييييييز طلعولي افكار علشان يمديني افصل واجهز البس قبل موعد الحفله

واذا قدرتي ارفق مع فكرتك صوووووووووره ..

الكرستالة · 08-28-2008, 07:13 AM

السلام عليكم ورحمة الله وبركاته...
هلللللا بك...

شوفي ياحلوه أحلى شي تلبسين لبس هندي مره حلو خاصه أنها حفله وفيها ناس كثير..
وما يحتاج تفصيل فيه محلات كثيره للبس الهندي مع أكسسواراته..

فيه محل بمجمع الحياة مول..
وفيه واحد ثاني مره حلو بشارع العليا العام..بأول عماره بالشارع أذا جيتي من كبري الخليج..وتراه جوى العماره ...
والسموحه ما عندي صور..

.
.
الله يوفقك..

احلامي وردية · 08-28-2008, 09:48 AM

وعليكم السلام ورحمه الله ...
هلا فيكِ خيتوو ...
**1**
الستااايل الخليجي التقليدي ...الشعر مجدل كامل ...و جلابيه خليجيه ...وكف ذهب ...واللي يحطونه على الراس من الذهب >>>>>نسيت اسمهاا .....وعقد من الريحان و الورد المحمدي .
**2**
الستايل الروماني ...بس لازم تفصلين لكِ الفستان ...هالستايل مرة فخم وحلووو بس يحتاج جهد ...وحده من البنات لبست في حفله تنكريه كنا مسوينها هالستايل وطلع مرة يجنن ...وهو انك تلبسين الفستان الروماني ...يكون كم طويل ودانتيل مكشكش في نهايه الكم ...مخصصصصصر من فوق و منفوش من تحت ويكون في الظهر حركه الاكس وعند الصدر... وهالفستان يحتااج قطع كثيره .....وشعر معمول بالفير كاااااااامل وبف ناعم ... وتسوين الغررة مستشورة .
**3**
الستايل الهندي ...ساري هندي ...مع شعر ستريت ...والاساور الذهب الكثيرة ...و الحلق الطويله ...واذا تبين تكملين اللوك ..سوي لك حنا هندي ...بيطلع مررة حلوو .
**4**
ستايل سندريلا ...هالموديل انا شفته وعجبني بالمررررررة ...لان اللي سوته كانت بيضا و شقرا مثل سندريلا ...فاذا كنتي مثلها ..وتبين تصيرين ملفته في الحفله ...طفره جينيه يعنوو...تقدرين تسوينه ...او تعملين لك فستان اي وحده من اميرات ديزني ..انا شفت بعضها وكانت مرة حلوة .
**5**
ستايل الروك ...انك تلبسين تنورة قصيرة مع تي شرت فيها قصه مميزة ...و الشعر كيرلي كامل ...وحلق ناعمه ..بس اساور كثيره ....و السلاسل تحطين واجد >>>>اللي في كليرز يناسبون لهالستايل ....وبوت جلد .....تصيرين فللللللله ..
امممممممممم ....هذي الافكار اللي عندي ..
وسوري ما عندي صور مرفقة ...
وانشااء الله nice time in your party
اتمنى اني افدتكِ...
وآآآآآآسفه ع الاطاله قلبوو..
تقبلي مروري ..

اختك ..احلامي وردية ...

دمي فداك · 08-28-2008, 03:59 PM

مشكوووووووره خيتو كرستاله

حلو الستايل الهندي بس اتوقع بنت عمتو تلبسه لان حلوووو مره عليها
والمشكله الثانيه انا مو من الرياض

.................................................. ..

ومشكوووووووووره خيتو احلامي ورديه

الستايل الخليجي مايروق لي

والستايل الروماني والستايل المكسيكي مرررررره داخلين مزاجي بس مشكلتي ابي صوره لها ودورت في الانترنت ولا لقيت صور

والستايل الهندي سبق وقلت بنت عمتو اتوقع تلبسه

وسندرلا ههههههههههه احس اطلع بزر فيه

وستايل الروك مرررررررره شكله كيوت بس ابي صوره له علشان افصل التنوره زيه

.................................................. ..........
وانا معجبني لبس جانغوما في مسلسل جوهرة القصر
بس احس صعب تفصيل الفستان وكذالك صعبه القى نفس خامة فستانها

كويـتية · 08-29-2008, 01:47 AM

السلام عليكم ..

ذكرتيني بالحفلة اللي كنت متوقعة اطلع الاخيرة فيها بس فزت بالمركز الاول لاحلى لبس ..

و لبسي كان بسيط .. و كان كله بالبيت ..

راعية بَرِّدْ " بياعة آيس كريم "

اخذت بنطلون و بدي لووون اسود .. و شريت شراايط ملونة .. و شريت وسيلة مدرسية لونها اسود .. و شريت ايس كريم ..

اخذت شرايط ملوونة .. و علقتها على البنطلون بشكل طولي .. و صار جنه تنورة ملونة .. و البدي كتبت عليه بالشرايط ICE CREAM كل حرف لووون .. و الوسيلة سويت فيها كبوووس طويييييييييييل و لفيته بشريطة وحدة بس و علقت قرطاس البرد عليه بعد ما كليته طبعا

.. و وزعت جم برد بالحفلة ..

لبس بسيط .. و حلوووو .. و شغل ايدج .. و غريييب محد يفكر فيه ..

البنات دايما يختارون لبس اميرات او ملكات او بدلات كلاسيكية .. او بدلات حفلات .. او بجامات نوم .. او لبس مدرسي او او اواو .. يعني احس افكار شايعة وايد ..

ان شاء الله اكون عطيتج فكرة حلوة .. و تكونين استفدتي منها يا رب ..

كويـتية

**Dad's girl** · 08-29-2008, 03:08 AM

السلام عليكم ورحمة الله وبركاته

هلا بك أختي دمي فداك

اممممممممم أخاف أقولك فكرتي تضحكين عليّ

بوصي ياستي قبل فترة قريبة سوينا حفلة تنكرية والغالب في هالنوع من الحفلات زي ماقالت كويتية لبس أميرات أو بيجامات نوم أو لبس بيبيات ......إلخ

لكن فكرتي غيييييير ,, زي ما جدة غير

جمعت بين الأصالة والهبال والصرقة وبكذا ملكت كل أنظار الموجودين

الفكرة هي إنك تلبسين بنطلون بيجامتك النوم طبعآ الأفضل يكون ملون بألوان متعدده حتى تكتمل الأناقه

على سبيل المثال بنطلونك يكون باللون الأصفر والليلكي ألبسي بدي ليموني فوقه جاكيت جينز رسمي أو سبور إللي يريحك بس الأفضل يكون رسمي

ولا تنسين لما تسكرين أزارير الجاكيت خلي طرف أطول من طرف لزوم الكشخه

وحتى تكتمل طلتك القمر أشتري ريش لايمت لكشختك بصلة مثلآ لون تركواز أو أزرق

نجي لمربط الفرس وهو سر جمالي في ذيك الحفلة وهي إني شريت برقع مو نقاب لا هذي اول مرة ألبس برقع وطبعآ يكون قصير شعري بالعربي وبدون فلسفة حسته حوسه محترمه ورفعته بالكامل ونزلت الغرة على برقعي

وعشان تكونين باريس هيلتون السعودية ألبس نظارة شمسية >> شكلك كذا اللحين

حتى لو كان ليل ومافيه قمره إلبسي نظارتك وفوق البرقع بعد عشان تقزين نظرات إعجاب من يقزك بالراحه وبدون إحراجات

أنا أول ماشافوني بهالطلة كلهم أعجبهم وصفقوا من الحمآس صح يمكن ماتقتنعين بشكلك مرة بس أهم شيء الضحك في ذاك اليوم

لأنهم في الغالب بيكونون متنكرين بلبس تعارفنا عليه في هيك حفلات وإذا فيه تغيير بيتمكيجون ويرسمون على الوجه وكأنك في مهرجان فكاهي للأطفال >> ماعجبتها الحركة الأخيرة

ولا تنسين يالغلا أكبر شنطة عندك كذيها لزوم الكشخة وبعد ألبسي شباشب أبو هنود هذيك إللي يجي منها أزرق و أخضر >> أتحدى تكونين فهمتي من هالوصف

أنا على شكلي هذا مثلت دور أم مناحي الهامورهـ إللي تلعب بالفلوس لعب

أجل حسبالهم هالكشخة جاية من فراغ

يالغالية أنا متيقنه مليون بالمية عقب هالرد بتحرمين تواجدي في مواضيعك لأني طولت في الشرح وفوق هذا أفكاري أتحف من التوووحفه نفسها

أنتظر كفك أقصد ردك

لك مني أرق وأعذب التحايا

Dad's girl

دمي فداك · 08-29-2008, 05:18 PM

مشكوره خيتو كويتيه على الفكره الغريبه

..........................

اما خيتو Dad's girl قســــــــم بالله فكرتك تحفــــــــــــــــــه

وشكلي ابسويها ههههههههه

وياليت اذا كان عندك افكار زي هذي اعطيني اياها

احلامي وردية · 08-30-2008, 05:54 AM

خيتوو **دمي فداك**...

التنورة اللي تصلح لستايل الروك تكون غالبا تنورة قصيرة ومكسرة وفيها حزام ستان او هيك تنانير من ذا الشكل ...
وبعدين انا انصحك تشترينها بلا تفصيل بلا هم

....وفوق كذا سهل انك تلاقينها ...
..
..
..
تذكرت فكرة خطييييره

....ههههههههه ........بــــــس مرررة ستااايل ....>>...لما عملتها وحده من البنات كانت Sooo dangerous
شوفي يا طويله العمر ....تلبسين بدله الرياضه اللي حق اللاعبين ....اي فريق كورة انتي تشجعينه ....و الرقم اللي تبينه ....وينقشون عليها اسمك من ورا مثل اللاعبين بالضبط ..........و الشعر كيرلي ومنكووووش ع الآخر ....والجزمه ....هذي عااد الخطه العالميه ....تلبسين جزمتين سبورت ...كل وحده شكل ...وتصيرين آآآآآآآآآآآآآآآآآخر فلللللللللله .......وحبذا يكون الوان الشّرابات الوان فاقعه .....فووووووووشي ....اصفر فسفووووري ....هييك يعنوو ....و على فكرة ذا الستايل بيصير مرة خفيف في اللبس ..ترتاحين لما تتحركين فيه ...ما راح تحسين بعباله و عفسه انتي لابستها .......يعني بالمختصر***كووووووووووووووووووووووووووووووووووول **

واذا على بدله الرياضه مررة سهله ....تروحين لاي من محلات تفصيل بدل الرياضه للاولاد ويكفي تعطينهم المقاس و الرقم اللي تبينه و لون البدله و الاسم اللي تبين يكتبونه...وماراح يقصرووون
وهذي فكرتي ..

لكِ حياتي قبل تحياتي خيتوو
تقبلي مروري

اختك ..احلامي ورديه

دمي فداك · 08-30-2008, 07:17 AM

خيتو احلامي ورديه فكررررررررررررررررتك مره حلوه

وابخلي بنت اخوي تسويها وابخليها تلبس النصر لان كل بنات عمومتي هلاليين

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)