|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| في منتهى الرقهـ في منتهى الذوق |
|
|
LinkBack | أدوات الموضوع |
التقييم: 
|
طرق العرض |
12-16-2010, 12:30 AM
|
#261 | ||||
|
ابي فزعتكم ,,,, طواري
السلام عليكم
اعضاااء الم ابي فزعتكم أدري انكم قدها مارح تخيبون أمالي ابي افووووز  Virgin Mobile Qatar | Facebook << هني تصوتووووون التصويت على الفيس بوك اي وحدة عندها لاتبخل علي  ظپظ…ط§ظ† ط§ظ„ظ„ظ‡ ظٹط§ظ…ط³ط§ظپط± =( VMQ2011 | Flickr - Photo Sharing! وهذه صوورتي اللي ابيكم تصوتون لها سهل بس تحطون اعجاب حق الصفحة وعقب تضغطون ع الصوورة وفي تحتها حق التصوويت  وأي سؤال انا بالخدمة  كورنهـ
التعديل الأخير كان بواسطة : كورن فليكس بتاريخ 12-16-2010 الساعة 12:34 AM |
||||
|
01-21-2011, 05:07 PM
|
#262 | |||
|
عدت بعد غيبه
السلام عليكم
وحشتوووووني قد الدنياااا بس ماعندي وقت اكتب يومية لي فتره اقول بكتب اخر اخباري طلعت نتيجة مقرر العربي كانت اوكي بس كنت متوقعة اكثر  والحمدلله تستمر المأساة مع جامعة قهر  الاسبوع الجاي ببدا كورس انقلش << الله يوفقني ياارب واجيب الايلس  وامس جتنا خالتي وبناتها صارلي فتره ماشفتهم  بس شفتهم طلعت حرتي لعبوا باعصابي ذاك اليوم سلمت ع سارو مع كف جميل مني لها هدية وبيشوو ترجع ع ورى ولمن جيت بسلم تمسك ايدي  عاد بيشووو ماشالله قوية ماقدرت افك ايدي خليتها وعقب رديتها لها وبس ظلينا نسوولف وجذي سارو قالت هاا اليوووم نطلب ماك قلتله قداام قالت خالتي خيييييير انسات قلتلها ماك شنو خير قالت كورنهـ شرايكم تطلبون بيتزا قلتلها لالالا لا تقنعيني ماك يعني ماك وهي تقول محاضرة كل مره انتوا تاكلون اكل خايس وووو وسارو وبيشو وحدة تقول ماك والثانية تقول برقركينق قلتلهم خلاص ماك كتبنا الطلبات سارو طلبت وزفتهم عشان يجيبون الاكل مسنع قلتلها يستاهلون كل مره يجيبونه اي شي وبارد عقب قعدنا نسوولف وجذي ونستهبل ونتحرش << مانعيش بدون مانتحرش سارو وبيشوو مصخوها مستلمين فضووه اختهم الصغيره وفوقها بس وعقبها خالتي قالت حق بيشو انتي ماتشربين الكولا انتي تعبانه وصار حرب عشان الكولا وعقب رضيناها طلبنا لها بدون ماتدري خالتي اخر شي لمن جا الاكل كلينا وهي كلت بس ماشربت عقب خالتي استسلمت قالت لها تشربينه بس مو اليوم باجر قالت لها الصبح قالت لها اقوولج الفير تصلين وتشربينه قالت اييييي قالت لها سارو يالخبله اليوم الثاني يبدأ بعد الساعة 12 قلتلها خلاص بيشو 12 ودقيقة اشربيه قالت ايييييييييييييييي قلتلهم تدرون طعم الكولا احلى من البيبسي طعمه يهبل غيير خالتي قالت سكتي سكتي انتي هههههههههههههههههههه قلتلها والله من صجي << طبعا المفروض ماشرب الكولا لاني مانام بالليل من الم عظامي هه1 بس ماقدرت ماشربه صارلي فتره مانعة نفسي فأمس من قلب طحت بالكولا هع بس حاولت ماكمله شربت بس نص هههههه بيشوو قالت تعرفين انا احب اشرب البيبسي اكثر قالت ساروو اييي لانه هي وامون شايفين اي هو اكثر البيبسي يطلع قلاصيين والكولا قلاص ونص عشان جذي يبون بيبسي هههههههههههههههههه وعقب خلصنا وقمنا نسوولف عن المبارات وشفنا برنامج فض فض وبعدها راحواااا اليوم العصر ودينا عبود اخوي الملعب عشان مباراة العنابي والحين قاعد اشووف مباراة قطر والصيين يااااارب الفوز عنااابي  وسادتي الصغيره منذ أن أضع رأسي على وسادتي .. لكي أخلد إلى النوم .. وأرحل إلى العالم الأخر.. أبدأ بسماع أنين خافت ينبعث من قلبي ... ألم .. تعب .. ضعف .. فراق .. أرق .. منذ ذاك تبدأ رحلة العذاب الصعبة .. أحاول أقناع نفسي بأنه وقت الراحة .. لكن أفقد سيطرتي عليها.. فيهتز كياني كأمواج البحر الهائج.. ويكاد قلبي أن يفر مني هارباً.. ودموعي تتساقط كالأمطار.. فأضم وسادتي الصغيره إلى جسمي الهائج.. لكي يحس بالأمان ويسكن.. فيهدأ ويظل ساكناً يبحث عن النوم والراحة حتى الصباح.. 21/1/2011 كورنهـ التعديل الأخير كان بواسطة : كورن فليكس بتاريخ 01-21-2011 الساعة 05:19 PM |
|||
|
01-29-2011, 07:31 PM
|
#263 | ||||
|
اقتباس:
 ويااج ويوفق الجميع حبيبتي ودووووع احبج حديييييي السلام عليكم دام ماكو شغل ومن زمان ماسولفت لكم عن نفسي خل اسولف لكم شوي  الخميس قعدت من الساعة 6 الصبح طبعا ماقدرت انام الا متأخر مدري شقصة النوم معاي  فقلت كورنهـ بدال نومة الفراش وكل شوي قايمة وملاغة قومي احسن لج قمت كنت بردانه بس مابدلت لبست لي جاكيت فوق ملابسي  ورحت قعدت ع سفرة الريوق مع امي قلتلها هذا حليب منوو قالت اخذيه  ايي ماقلتلكم بما انه عظامي اوشكت ع الانتهاء قررت قرار مفيد اني اعود نفسي ع شرب الحليب يوميا طبعا هذا قرار صعب ولكن صائب بما اني مافي امل اشرب الحليييب وشربته اكبر انجاز بحياتي والانجاز الثاني اني صرت كل يوم اشربه انطر يخلصون 22 يوم عشاااان اكون خلاص تعودت ع شربه المهم عقبها مسكت مصحفي جدولي اني اخلص الجزء اللي بديت فيه قبل نهاية الشهر فعشان جذي شادة حيلي عقب خلصت من المصحف ومسكت كتابي وحبيبي نجاحات عظيمة يوميا هالكتاب صار رفيجي احبه حدييييييييي استفدت منه واييييد عقب ماقريت الجزء اللي مقررته قعدت على اللاب وساعدت امي شوي بمدري جم شغله وعقبهااا ع العصر قعدت اسولف مع دلووع >> اختي هذه احبها حدي وعقب قعدت ادرس انقلش درست بجد ومن قلببببب وعقب نزلت صورة ع الفلكر << صاارت فيني عادة ماقدر يوميا لازم انزل بس خليتها تخف شوي وكان سبرايز لشعب السعودي مسووية لهم تشوويق من اسبوع عشان انزل لهم هالصوورة بس الحمدلله طلعت رووعة والكل حبهاااا هم صوورتين بسدحهم هني عشان السعوديييات   وعقبها قرروا يطلعون وانا كلش دايخة رحت حق امي قلتلها اذا بتطلعون وتظلون تتهاوشون اي مطعم قولي عشان ماطلع معاكم قالت اووه تطوورتي والله قلتلها طبعا > اخيرا حست بالتغير شوي وعقب قلتلها زين وين بتروحون قالت الستي قلت اوكي طبعا انا لو مو محتاجة شي مارحت بس ابي اشتري جم شغله رحنا حده زحمة  ماحب اروح مجمع زحمة ولانه ويك ايند بزوود ماظل احد مو بالستي  يعني مو من زينه هالكثر الناس عليه  ابوي يقول شفيج راس شهر عشان جذي قلتله حتى لو راس شهر حسسوني انه الستي قاعد يوزع ملابس ببلاش عقب رحنا صوب المطاعم ووووع بروووحي غصب اتنفس وريحة النفيش بالكراميل وكل شي ع بعض  من صج غصب تحملت اسكت لين طلعنا من صوب المطاعم لانه مو قادرة اتنفس والمكان خنقة حييل  وعقب رحنا سيارتنا واي مت من التعب ردينا البيت كليت اكلي << طبعا من ماك وعقب قعدت ع اللاب ولا تشوفني امي قالت كورنهـ ارحمي نفسج شووووي ارتاحي  قلتلها زين زين الحين بسكر وانام قالت شنو هذا انتي من الصبح هذه قعدتج كانت الساعة 1 عقب سكرت ونمت ماحسيت بنفسي بس ياارب ترد لي لذة النوووم ماقعد احس بالراحة بنومي والجمعة قمت متاخر 12 تقريبا يعني انا قايمة من قبل بس ماقوم على طول من فراشي قمت طلعت الصاله ولا اشوف بنت جيرانا ولا تقوول هلاااا شلونج ومدري شنو وانا غصب اتكلم معاها لانه حدي تعبانه غصب شايلة نفسي  غسلت وجذي وعقب رحت المطبخ سويت لي حليب سويت كل الحليب فورته وحطيته بدلة حطيتها ع الطاولة وسحبت الكلينكس ولا تطيييح وتنكسر طبعا انا كنت اتحرك ببطء وهدووء حيييل بسسس الله كاتب تنكسر بس اهم شي اني صبيت لي وعقب انكسرت بعديييين رحت غرفتي قعدت حفظت اللي علي من القران وقريت الكهف وعقب فتحت الانقلش قعدت احل الهوم ورك ماقلتلكم خذيت كورس انقلشش سبيكينق وراجعت اللي حفظته وعقب حضرت حق موضوع السبيكينق  وعقب انهد حيلي لاني بروحي تعبانه قعدت ساكتة وبروحي وفتحت اللاب وكنت متضايقة حبتين بس ضروري اتغلب ع هالشي وماعطيه مجال وعقب ابوي طلع ومحمد سوا زلزال ليش ابوي ماياخذه فابوي عطاه فلوس قاله روحوا اشتروا اللي تبون كيك وعشا عاد امي قالت تجين معانا كان باقي لي شي واحد مانجزته اني ماقريت من كتابي نجاحات عظيمة بس قلت يلا بأجله لانه مافيني حييل ابدن خل اطلع شووي يمكن اصير احسن رحنا شروا كيك انا ماعجبني شي من الكيك وعقب راحوا شروا عشا شاورما وجذي وانا قلت ابي ماك امي انتي ماتيوزين لازم يصير فيج شي ولا تاكلينه بخبال عشان اذا مافيج شي ومااثر يأثر عدل كلام كل مره قلتلها المهم الحين يلا خل نشتري عشان نرد البيت  عقب ردينا البيت رديت بهدوء وقعدت لمن ردينا بعد دشيت الغرفة بعد ماكليت عشاي وماطلعت ولا تجي امي انتي شفيج قلتلها مافيني شي وبس ظليت لين بالليل وعقب سولفت مع ساروو بنت خالتي ع المسن فصلنا عدل واستهبلنا تقووولي رحت السووق وشريت بوجامة قلتلها من صجج شريتي بوجامة ليش ماخذيتي بجامة عادية ليش خذيتها مع الواو تقول لا بوجامة وزنوبة وشفت بلانكت حسيته مسكيييين قلت خل اخذه ولو اني مابيه بس يلا يمكن احتاجه بالمستقبل قلتلها حسستيني انج اول مره بحياتج تشووفين سووق قالت خمينا خم انا وبيشوو قلتلها عفية عشان يحسوون انه عندهم مخمات اصليات موو بنات اي شي قلتلها اثبتي لهم بجدارة انج مخمة مو سارة قالت سكتي عندي زنوبة قلتلها انتي هبله ترا اول مره ادري الزنوبة حق الشتا معلومة جديدة قالت الحين هي يم فراشي لمن اقووم بلبسها قلتلها شرايج تنامين فيها احلى ترا عشان محد يبوقهاا خاف ينط عليكم حرامي وياخذها الا تحسين فيه وتجيه شووته منج فيها قالت لالالا مايقدر ياخذها قلتلها انتي جان شريتي له عشان مايفكر بزنوبتج قالت لالا شنو ابوي يلحق علييييي انا وبيشو ولا ع الحرامي قلتله مسكين محد يشتري له عقب قلتلها وبيشو قالت بيشوو حطته يم فراشها قالت اللي يلبسه يويله تكلمه تقول الحين بروح انام بس اقوم الصبح بلبسك وبوقفك عند باب الحمام وعقب بردك الغرفة ومارح ادخلك المطبخ عشان ماتتوصخ قلتلها هبله بيشوو بس خل يمر جم يوم تلقينه بالحوووش او بالزباله المهم عقب سوولفنا جذي سوالف خاصه وعقب طلعنا هي راحت تنام وانا رحت انام وقمت الصبح نفس الشي تعبانه رحت تسبحت وسويت لي كوب حليب وعقب نزلت صورة ع الفلكر وعقب قعدت ع مصحفي وبعدين ع كتاب نجاحات عظيمة طبعا بتقولون صارلج قرن تقرين فيه بس الكتاب متييين عقب فتحت اللاب قعدت شوي وعقب صارت 4 ونص قمت لبست وطلعت رحت المعهد بالكلاس كنت وايد منتبهه واجاوب وجذي ولا تقوولي المس كورنهـ انتي اليوم بيرفكت شنو ماكله قبل لا تجين كل يوم اكلي نفس الشي طبعا ماتغديت بس كليت بطاط وشربت عصير افكادو واصبعين ككاو ميرسي رديت قلت حق زحووم شفتي المس مستانسه لانه هذا غداي قالت لا ومدري شنو بس ياارب ماتقل همتي وتعلى كل يووووم لين اصير بيرفكت صح وبس رديت وكاني قاعدة ع اللاب قلت اكتب لكم يومية لانه ذاك اليوم فكرت قبل لا انام شنو اكتب ولمن قمت من النوم نسيت كل اللي بكتبه وماتذكرته ابد وهذا تعووويض هههههههههههههههههه إن ماأقوم به اليوم مهم لأنني أدفع يوماً من حياتي ثمناً له. ‘هيو موليجان‘ كل يوم هو حياة جديدة وفرصة جديدة, اقتنص الفرصة وعش الحياة : لأن فرصة اليوم تعود بالنفع على حياة الغد "ديفيد جاي بورز" شًخٍصَ وُآحد لاحِـاكًـانِـي بعِـز.. { ضِيَقُتٍـيَ} .. غصَـب عني آبتَسسـمـ لوُ الدموع بمحآجرهـآ كورنهـ |
||||
|
01-31-2011, 12:52 AM
|
#264 | |||
|
كلمات نقلت لكم بعض المشاعر من قلبي
صباحج لمة شووق من عقب فراق(ن) طويل
صباح الحب والشوق والحنين صباحج كويتي ومسائج عنابي .. أجمل ما بالكون هو اللقاء لقاء الاحبة بعد فراق دام طويلاً فتظهر القلوب مشاعرها الحقيقة لبعضها البعض  ففي ظل الفرح تدمع أعيننا  وفي ذلك الوقت تغطي سماءنا غيمة الفرح  وتبكي السماء فرحاً بلقائنا ونتعانق تحت ظل تلك الغيمة قبل ان تنجلي بعيداً وتنتهي لحظات الفرح لانها دائما ماتمر سريعاً ولكن يبقى الأمل ينبض بقلوبنا البيضاء وتبقى تلك اللحظات راسخة بقلوبنا الصافية ... 31\1\2011 توووصلوون بالسلامة ياارب   كورنهـ التعديل الأخير كان بواسطة : كورن فليكس بتاريخ 01-31-2011 الساعة 12:58 AM |
|||
|
02-02-2011, 01:45 AM
|
#265 | |||
|
مزيج من المشاعر...
السلام عليكم
صباح الجوري يوم الأثنين كان يوم فيه كل المشاعر حسيت ماظلت فيني مشاعر ماحسيتها بهذا اليوم الصبح ... قمت تعبانه حدي بداية افلونزا امي قومتني الصبح حق الصلاة وقالت لي عن ولد جيرانا هذيله جيرانا حييل وياهم عشرة عمر ولدهم الصغير صاير عنده نزيف بالمخ بدون ولا شي جذي فجأة وحالته خطرة ياااااارب اشفيه وعافيه ياااارب شكله يكسر القلب عاد قمت قلت اي نوم بعد هذاااا طار النوم وابووه سويت لي نسكافيه وقعدت عقب رحت مع امي حق المستشفى وعقب رحنا نستقبل توتة وعمتي وعيالها بالمطار  طبعا كالعادة طيران الكويت عليه تأخير كنت حدي مستانسة واقفين يم الزجاج اللي تشوفين منه منو وصل وشكلنا يضحك انا ماسكة الكام اقولهم اول مايجون بصوورهم كلنا رحنا نستقبلهم بس ابوي وعمي الكبير ماجوا احنا وعمي وعياله وخواني وخواتي وعيال عمي ويدتي وبنت عمي بس اللي كان واقف يم الزجاج بس احنا واستخفينا بس شنووو الحمدلله انه المطار مو مترووس اوادم جان رحنا فيهاااا وماقدرنا نتحرك المهم واقفين ننطر وكل شوي نقول يلا يلا عاد طلع واحد نازل من طيارة عمتي اللي وصلت قلتلهم والله شكله مو غريب جني شايفته ع التلفزيون ولا تقولي قت شكووووو انتي فصلتي بالمره ترا قلتلها والله من صجي شكله مو غريب عاد كل مايفتح باب يطلعون ناس ميمو بنت عمي تقول ايوا ايوا عقب فترة من الانتظار ولا اشووف وحدة ماسكة بيبي وتركض طلعت من الباب واصورها الا توتة بس تمشي بسرعه جتنا قطت اسوو ع ميمو وجت تسلم لميتهاا حيييييييييييييييييل لي جم سنة ماشفتهاااااااااااااااااااااا وحسيت برجفة جسمهااااا ضميتها اكثر عاد في واحد مليق وملقووف قاعد ع الكراسي ومفجج عيونه عليناا انا وتوتة شلون لميين بعض مع انه مو مسووين شييي بس هوووووو مايستحي بس خليته يووولي عقب مسكتها وتمينا واقفين ننطر عمتي وعيالها للحين ماجوا توتة خلتهم وجت تقول تعبني اسوو ذبحني وانا شايلته عقب قالت يبي الكام خل نصوور عطيتها ولا يجي واحد قطري من السكريتي بالمطار ولا يقول لاتصورون ممنوع التصوير هالصوب ويضحك قلت شكله شايف الفلم الهندي اللي مساع صار عقب جت عمتي وعيالها ورحنا لهم كلنا ونسلم وجذي هني ماتم احد بالمطار ماطالع لنا صرنا فلم عمتي تقول حياتي ماقدر اسلم عدل هني هني ع الطاير بالبيت اسلم عليكم عدلللل عقب ردينا البيت وهم راحوا بيت عمي رديت سمعت جم خبر يضيج الخلق بس الحمدلله ع كل حال ربي يحقق اللي ببالي ياااارب وعقب حاولت انام بس بعد وين النوم طار من عيوني قمت سويت لي نسكافيه عشان اصحصح عندي معهد وانا مو منهدة الا رايحة فيهااااا والافلونزا مو مقصرة معاي وبدلت وكل شي ورحت المس سالتهم بموضوع السبيكنق انا خذيت الكوفي معاي شربته هناك لين اخر الكلاس صرت شوي اوكي وابي اتكلم عن الموضوع  قالت المس ها كورنهـ تتكلمين قلتلها ايي وبس تكلمت كان اووكي وعقب رديت البيت قعدت شووي وبعدها بدلت وكشخت لعيون عمتي الغالية عقب رحنا لهم واستقبلتني توتة بالاحضان  ووصلت لي لمة زحووم وقالت هذه لمتها ويلا الحين لمتي وتمينا نلم بعض عقب دشيت سلمت عليها ولميت عمتي حييل وهي بس تبووس حبيبتي احبها حييل وعقبها واحنا قاعدييين امي تعبت فجأة لاتسألوني عن شعووري مت من الخرعة والصدمة وكل شي لاتدوروني بهذه المواقف اتجمد وماسوي شي واخاف حييل وممكن اطيح عليهم من الخوف والكل احتاس ولبسنا وطلعنا مع ابوي ودا امي المستشفى بس مارضى جدتي تجي معاها لانها تعبانه وحيل اخترعت وعمتي قالت انا اروح معاها ابوي قال لا ماله داعي بنروح الطواري ومعاها البنات وجذي وبسسسس راحت وامي للحين تعبانه ياارب تصيير بخير وعافية بس عطوها مهدئ ماعرفوا شفيها يااارب اشفي جميع مرضى المسسلمييين يااارب واشفي امي واشفي امي شوق بعد واشفي عبوودي ياااارب اليوم صبحت تعبانه حيييل بطيح الا شووي غصب وقفت صليت الفير امي قالت قومي اوديج الطبيب انا بروح قلتلها لاماقدر تكفين مافيني اووقف وخفت عليها تروح بروحها وهي تعبانه بس ماقدرت اقوم قالت شكثر قلتلها ماقدر اروح خلاص والله ميته من التعب مافيني اوقف ع ريولي وبس خلصت شيين اليوم بقول واحد منهم خلصت كتاب نجاحات عظيمة يومية وبس كتبت قصة من قصصه تشوفونها بالمجلس الثقافي اذا تبون حيل حلووة ومفيدة ويلا مافيني اقول الباقي بقوم انام أحتاج لحسك في حياتي كورنهـ التعديل الأخير كان بواسطة : كورن فليكس بتاريخ 02-02-2011 الساعة 01:47 AM |
|||
|
02-28-2011, 04:41 PM
|
#266 | |||
|
رغــم الألــم أضـحـك وأسـولف مع الغير
وأنـســى جـروحـي واتـجـاهـل نــداهـا مسآء الجـرح ياجرحٍ نـزف في صفحـة الاحزان مساء النوح والصمـت الطويـل وقسـوة سنينـي ... مسآء الهـم والضيـقـه مسآء الـبـوح والحـرمـان مسآء آلام عمـري يالدمـوع اللـي بكـت عينـي مسآء الحـزن ياحـزنٍ بوجهـي صـار لــه عـنـوان تعـرّى فـي ملامـحْـه وجهه الـلـي يحاكيـنـي يـمـر اللـيـل واحـزانـي تـراودنـي وانــاسـهـران وصبحي تنجلي شمسه وانا همومي تخاويني لـك الله يـازمـن يكـفـي تــرا ملـيـت هالكتـمـان تـرا مليـت ضحكـاتـي بـوجـه الـلـي يواسيـنـي أحاول أخفي جروحي واعايـش قسـوة الازمـان واذا قالـوا عسـى ماشـر اقـول ابـداً وانـا فينـي وانا احمل داخلي حـزنٍ تعـدى طاقـة الإنسـان قـدرت اخفيـه وأتْجـاهـل نــداجــروح ٍ تناديـنـي الا يالله تغـفـر لــي ذنـوبـي ياعـظـيـم الـشــان والايالله فـي عفـوك عــن همـومـي تسليـنـي مساء الخيـر ياجـرحٍ نـزف فـي صفحـةالاحـزان مساء النوح والصمت الطويـل وقسـوة سنينـي قـــل للــحزن يرفـق على وجـه الافــراح وقـل للـصبـر مــاعـدت بالــصـبـر الاوّل تـعـبـت مـن جـرحٍ نـزف سـبـةارتاح ومـليـت مـن حـزنٍ بـقـلــبـي تــجــوّل كورنهـ |
|||
|
03-07-2011, 10:54 PM
|
#267 | |||
|
السلام عليكم
وحشتووني حييل عشان جذي قلت اقولكم مختصر جدولي هالكورس هالكورس اخر كورس عقبه اذا ماجبت الايلس اخذ سنة مجانا بالبيت المهم اني شادة حيلي حدي << بس ان شالله ماينقطع المهم اني هلكانه حدي << اما انه هذا المهم << اووهوو كل شي عندي مهم اي وسجلت بالمعهد مع مس ميلان دورة ايلس ومو ملحقة ع H.w من الصوبين المعهد والجامعة اقول حق ربعي اذا رأيت شخص مسهتر وفاصل ومنتهي وحالته يرثى لها فاعلم انه ينتمي للصحراء الكبرى عاد شنو اخيرا التاسيسي استوعبوا لازم يدرسونا ايلس << لالا تو الناس اهنيكم ع الاستيعاب المبكر وزادوا وقت الكلاسات << عشان يكثر الانتحار ويفتكون من طالبات الفانديشن وصار الشغل بالكلاس بدون توقف << حتى المشين يشتغل اقل من عندنا بس الحمدلله لاني من طلاب الصحراء الكبرى الحمدلله ع النعمة والحمدلله مستواي صاار فووق واليوم كان عندي معهد قبل شوي رديت من المعهد كان عندي براكتس سبيكينق المس تفاجأت فيني وقالت اني شاطرة << فديتني وقالت لي السكوور اللي يبته بالبراكتس فرحت لاني تعبت وانا احضر حق السبيكينق  والسكور كان اوكي الحمدلله ماراح تعبي ع الفاضي اي وقبل جم يوم رحت الخياط وديت الخام والتصميم << عشان حنة بنت خالتي يوم السبت يووه احس كل شي ع بعض ماكو وقت زحمة زحمة وبسسس << هذا يومي بختصار شديد I am very happy today ♥ كورنهـ |
|||
|
03-20-2011, 12:25 AM
|
#268 | ||||
|
من أنتم ؟؟
يوماً بعد يوم
أنصدم ممن هم حولي ! أعتدتُ على الصفاء و النقاء أعتدتُ على وجوه تشع بنور الطاعة على الخير يعم عالمي ! أعتد على الأخلاص والحب والوفاء لم أعتد على الحقد والنفاق ! لم أعتد على وجود الأشرار !! يتحولون الى مستذئبين عند مغيب الشمس ! لماذا بعضهم يتخفون بأقنعة الطيبه !! لمَ أنتم مسلمون مادتم هكذا !! لم النفاق !! مادتم تكنون الكره بكل حرف يخرج من ثنايا شفاهكم !! اليوم اليوم !! سقطت جميع الأقنعة !! ظهرت الوجوه على حقيقتها !! لم يعد هناك مجالاً للنفاق والخداع !! لا تحاولوا اقناع أحد بعد اليوم بقناع الطيبة ! فـ أنتم أصبحتم شعار للنفاق والفساد !! أذهبوا بعيداً !! فنحن مسلمون !! فمن أنتم ؟؟؟؟!! ....... 19\3\2011 كورنهـ
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
