[ لاستفساراتكم وطلباتكم ]

اقتباس:

المشاركة الأصلية كتبت بواسطة ودعت دمعتي بابتسامه السلام عليكم ورحمة الله كيف حالكم خواتي جميعا ..؟ يابنات انا لي مشاركات في هالقسم على ما اظن ولكن على استحياء مو لاني مشغوله << مير لا دخلت المطبخ ادهر مدري وين اروح يعني انا ما اعرف الا اقطع سلطه وهالخبره اكتسبتها او تعلمت هالطبق يوم ماكان عندنا طباخه يعني المشاركات الموجوده كلها يبي لها شغل صعب يعني لو ماعليكم امر نبي اطباق خفيفه بدون عجين وياحبذا بدون نار يعني بس اخلط واحط بالثلاجه << ممكن نقول طبق الرفله فقط حفاظا على سلامة المطبخ وشكرا لسعة صدورتسن على هذرتي

هلا و غلا ودّوعة حياك ربي و كل عيد وأنت بخير . .

أعجبتني ( على استحياء ) شكلها مشاركاتك ماتعدى التصوير ، و الشغل من نصيب غيرك

والله سنافية ماشاء الله عليك إذا تعرفين تقطعين السلطة

شوفي ودوعة ، القسم فيه طلبك ، وإن شاء الله أفضي و أنزل روابط يمكن تنفعك
بس نصيحة ، المطبخ مو للي ماعندهم طبّاخ أو شغالة ، المطبخ للمرأة ، هو مكان إبداع
و غير كذا شوفي الأحساس اللي تحسين فيه إذا أهل البيت أكلوا من يدينك ،
و الأجر الكبير لك ،
مو شرط تبدعين بكل شي ، بالنسبة لي أحب الحلويات وهي أكثر شي أبدع فيه
جربي ودوعة ، الإنسان مايولد متعلم ، لا تقولين ما أعرف ،
عندنا مثل يقول [ المشتهي يقطع المستوي]> ماعرفته إلا من فترة و مستانسة بس أردده


حبيت هذرتك ودوعة ، و الله يعينكم على هذرتي أنا


أحبكم