|
|
|
|
|
|
||
11-17-2009, 03:01 PM
|
#11 | ||||
|
السلام عليكم ورحمة الله وبركاته
مساكم الله بالخير 17/11/2009 يا حيالله هالوجيه الطيبه عندي لكم خبر زين ان شاء الله << لبى قلب شوااخي تقول هالشكل تنكتب انا نويت باذن الله وبعد الاتكال على رب العالمين اني احـج السنه هذي مع اخوي طبعا كانت ولازالت فيني رهبه كل ما اذكر اني بروح احج مع اني ولله الحمد كل سنه اعتمر بالصيف واول رمضان بس مدري يمكن لانه فرضى ولازم اتمه على اكمل وجه اسال الله العظييم ان يتقبل مني ومنكم صالح الاعمال طبعا اليوم كان اخر يوم دوام لي ماخذه اجازه عشان ارتاح وارتب شغلي يوم جيت بطلع سلمت على البنات هم مو صديقات هم فقط زميلات افهمهم واصور لهم اوراقي انا مو محتكه فيهم حيييل بنات الحلال مافيهم شي بس انا مو اي وحده تصير صديقتي يمكن انا متشددة بسالفة الصديقات بس شسوي اخااف تدرون ان الانسان محاااسب على من يتخذ صديقه قال تعالى : وَ يَوْمَ يَعَض الظالِمُ عَلى يَدَيْهِ يَقُولُ يَلَيْتَنى اتخَذْت مَعَ الرّسولِ سبِيلاً (27) يَوَيْلَتى لَيْتَنى لَمْ أَتخِذْ فُلاناً خَلِيلاً (28) لّقَدْ أَضلّنى عَنِ الذِّكرِ بَعْدَ إِذْ جَاءَنى وَ كانَ الشيْطنُ لِلانسنِ خَذُولاً (29) ((سورة الفرقان)) اي عاد اقولكم انصدمت يوم قاموا يبجون وخلاص حسيت دموعي بتنزل بس مسكت نفسي قلت لهم الله ياخذ العدو انا بروح الحج مو بموت ولو انه هنياله اللي يموت وهو فالحج ويوم زاد بجيهم الله يفضح العدو انا غلطانه مفروض ماشيه مو مسلمه عليكم المهم سكتوا وسولفت معاهم وضحكت عشان اروح والنفوس مرتاحه وتضحك وصلت لسيارتي ماتحملت صحت شوي بعدين خلاص كلمت بسووومه وارتحت هذووول مو رفيجاتي بجوا << الله يعين لارحت اسلم على ام فلاح وبسومه واهلي استودعكم الله الذي لاتضيع ودائعه
|
||||
|
11-19-2009, 10:27 AM
|
#12 | ||||
|
السلام عليكم ورحمة الله وبركاته صباح الخير 19/11/2009 امس مانمت مواصله صليت الفجر سهرت انا وشواخي في حوش المنتدى الجو كان زين قلنا نفرش ونبسط  يوم رحت بريح لي شوي الا وخيتي جايتني الساعه 5 تقول تعالي علميني قاعدة if عندها امتحان عنقليزي  وانا اقوووم عليها ودوعه : ابتس هالحين مابقى شي على المطرسه وتبين افهمتس وووينتس امس ؟ .  .........: توني ذكرتها اخلصي علي  ودوعه : وش اخلصي بعد قولي عمتي اشرحي لي لو سمحتي  .......: عاد والله من زين شرحتس ابرك الساعات ابروح لـ ...... تشرح لي ولا منتس  ودوعه : ماتشوفين شر دارها ابد على اليمين وانتي طالعه ومن نحاستها طلعت وخلت اللمبات مفتوووحه << جيل هالوقت يروع << شفيها العجوز  لي اليوم ثاني من انام بس احلم بكوابيس يمكن عشان خايفه من الحج << ياربي تسهل علينا وكل مسلم امس اخوي جا ويقول خلاص الاحد نمشي طيارتنا الصبح  طبعا انا شنطتي سحابها راح فيها افتح احذف واسكر << نص الكبت فيها  امي قالت ابتس انتي تبي تعيشين هناك كله اسبوع ورتبتها لي << ياعل ربي يخليها لي عاد يابنات حبيت اسلم عليكم قبل لأمشي وان شاءالله اذا رجعت اقولكم علومي << يارب ما اجيب العيد وتتم حجتي استودعكم الله الذي لاتضيع ودائعه
|
||||
|
12-02-2009, 01:26 AM
|
#13 | ||||
|
السلام عليكم ورحمة الله وبركاته صباح الخير 2/12/2009 الحمدالله اللي بفضلن منه رجعت من اداء فريضتي بخير ونعمه وقرت عيني بشوفة اهلي وخواتي بالمنتدي بصراحه انا تعبت من كثر ما احاتي الحج اكثر من تعبي بالحج ولله الحمد سهااالاااات ويمكن شفتوا رحمة ربي الواااسعه اللي قبل كل منسك تمطر السما كانها تغسل الارض لنا الحمدالله اشياااااااء كثيره تعلمتها واشيااااء كثيره تغيرت فيني وللاحسن ولله الحمد اللهم لاتزغ قلوبنا بعد ان هديتنا ودي اسولف اكثر بس تعبااانه ومو قادره اعبر اكثر عن اللي شفته وصلت الساعه 11 يوم الاثنين بقولكم كل شي صار لي بس بوقت ثاني باذنه تعالى اشكر كل البنات اللي قيموني او راسلوني بالخاص وتقبل الله منا ومنكم وانا احبكم في الله استودعكم الله الذي لاتضيع ودائعه
|
||||
|
12-02-2009, 10:49 PM
|
#14 | ||||
|
السلام عليكم ورحمة الله وبركاته مساءٍ ما تطوله ليالي البعدْ مساءٍ يعطر الوجدان... وتسهر لاجله ورود الارض والريحانْ مسا الذكرى... ويوم الامس.... وامل بكرا مساء النرجس الحاني.... 2/12/2009 عسىىىى الله يتقبل مني ومنكم والمسلمين اجمعييين طوووول الفترة قبل الحج كنت ادعي ربي يرزقني بالصحبه الصالحه في الحج ويتقبل مني وكل من يقول لي تعب ومشي واشياء كثيره خوفوني منها لدرجة اني مانمت رحت مواصله طبعا مشينا يوم الاثنين 23/11/2009 الساعه 5 طيارتنا وصلنا السكن واعتمرنا الساعه 7 باليل طبعا كانت مثل زحمة رمضان والحمدالله ماتغير شي علي انا واخوي متعودين على هالزحمه وعقب رجعنا وارتحنا وتعشينا والحمدالله تعرفت على قروب البنات اللي معاي كلهم اول مره يحجون نسهل على بعض وكل من تسهل على الثانيه طبعا باليل مافي نوم كاننا مو مصدقين يوم الثلاثاء 24/11/2009 ندوات دينيه وجلسات تعارف على اداريات الحمله والحريم اللي معانا كلهم خير وبركه وفيهم عجايز وونااااسه يوم الاربعاء 25/11/2009 كان يوم الترويه قايمين من الفجر صلينا وتريقنا وكنا نبي نورح لمنى بس امطااار مشاءالله وقالوا هناك سكروا الطرق مانقدر نروح طبعا انا والبنات بجي الا نبي نروح ونكلم الاداريات تكفون احنا اول حجه لاتخربونها علينا وكلموا الشيخ اللي معانا وقال هذي سنه مافيها شي لو مارحنا الحج هو عرفات والحمدالله هدينا شوي وكملنا يوم مثل كل مره ذكر وندوات وسوالف ومقالب يعني الحمدالله بس بداخلنا خوف من يوم عرفه يوم الخميس 26/11/2009 يوم عرفه شي عجييييييييييييب اول مره بحياتي من طلعنا من السكن الين وصلنا سكوووون وهدوووء حتى احنا البنات مانسولف مثل كل مره احس بررررد في جسمي خووووف رهبه مادري شنو هالشعور وصلنا للمخيم بعرفه شفنا شلون الشجر ساجد لله سبحانه والعصافير كل من يسجد ويسبح لله طبعا انا بذاك اليوم ماذقت غير الماي حسيت اني مابي شي غير الدعاء لله سكووون هدووووء احسااااس غييييير دموعي ماوقفت ولا ادري شنو السبب بس راااااااحه مو طبيعيه تسبيح وتهليل ودعاء وقراءة قرآن وللحديث بقيه استودعكم الله الذي لاتضيع ودائعه
|
||||
|
12-03-2009, 12:52 PM
|
#15 | ||||
|
السلام عليكم ورحمة الله وبركاته احلى مسا مع أبرد النسايم 3/12/2009 طبعا مثل مادخلنا عرفه بهدوء وسكووون طلعنا منها بعد الزوال صلينا المغرب ومشينا وقعدنا من بعد المغرب الين قريب الساعه 9 ننطر الباصات والناس تمشى كان حدددده زحمه
طبعا قمنا نطالع بعض انا والبنات اللي معاي وجتنا حاله من الضحك الهستيري على عيونا المتنفخه من البجي بعدين وحده فينا قالت ياعل ربي يتقبل مني ومنكم سكتتنا شوي وردينا نبجي الحمدالله صرنا مو صاحيات بس لاتلومونا شعور غررررريب نسيت اقولكم احنا شلون مكشفات واحنا بالباص ومحارمنا جدام والحريم ورا هذا الله يطول بعمركم ثاني يوم من وصولنا لمكه العجايز الله يعطيهم طولة العمر بطاعة الرحمن قاموا وجابوا خامه وخيطوها ستاره بينا وبين محارمنا علشان ناخذ راحتنا طبعا احنا استانسنا بس من نطلع بالباص نفتح الستاير ونصور اللي نشوفه والاماكن ولا يوم قامت علينا وحده من العجايز معصبه ام ..... : هالحين حنا خايطاتن لتسن هالستاره تاخذن راحتسن وانتن ماغير مع الدرايش تصورن طبعا طااااحت وجيهنا يوم سمعنا ضحك محارمنا علينا وسكرنا الستاير وصرنا نختلس النظر اذا في شي مميز وعقب وصلنا مزدلفه على الساعه 11 بليل وقالوا لنا جمعوا حصى للجمره الاولى والثانيه والثالثه مافي مشكله لو من منى عادي طبعا تدرون مافي مخيمات في مزدللفه الباصات سوها دائره وبالنص حطينا فرشات وقعدنا وعلى الساعه 2 رجعنا السكن طبعا جاني خبرررررر سعيييييييييييييييييييييد حسيت اني بصااارخ من الوناسه بسوووومه ملجت فرحت لها كثيير ياعل ربي يوفقها ويهنيها قمت اول يوم عيد على اصوات التكبير وريحة البخور والقهوه صج البركه ف الحريم الكبار شافونا نايمين مايبون يزعجونا مع انه الحق احنا نقوم فيهم صج انا لحالي بس حسيت كلهم مثل امي رمينا الجمره الاولى والثانيه والثالثه على ايام التشريق الثلاثه احساس مررررريح مع ان المناسك فيها تعب ننام اهني شوي عقب نقوم ونروح ونرد بس مانحس بالتعب طبعا انا ضعت في الجمره الثانيه مادري وين راح القروب مع ان شايل لافته بس احس ماعدت اشوف والزحمه كان في شرطه موقفينهم فوق سواتر اسمنت مرتفعه واجيهم نشبت لهم انا ضايعه قالوا انتي شسم حملتج قلت لهم دوروا مالقوا قالوا يمكن دخلوا في الجمرات لان الجسر مافيه حملات كويتيه طبعا انا وقف قلبي من الخوف قلت صعدوني انا اعرف العرب اللي معانا واصعد واوقف معاهم شكلي غلط بس ماني يمهم بس ابي اهلي احنا كانوا موزعين علينا اساور مضيئه عشان نعرف بعض ولا يشوفني صديق اخوي وينادي يا اهل .............. وانا اطب وووين اخوي قال امشي انا كلمتهم وقالوا مكانهم طبعا ما اقدر اتمسك فيه وانا ماعرفه ولا هو محرم لي يمشي وانا وراه بمسافه وكل ما بعد شوي قلت انطر اخر شي لبس جنظته على الظهر وقال اربطي ايدج بالجنطه لين وصلنا لاهلنا طبعا زعلت على اخوي ليش ضيعني قالي انا دنقت اشيل العجوز اللي طاحت انتي هديتي ايدي ليش سكت لان حرام اقول الحق عليه لان هم انا بعد ماكنت اشوف على عيوني غطوه وهو قاايل لي خففي لبسج زحمه محد منتبه لج اللهم لاتزغ قلوبنا بعد ان هديتنا لما دخلت على اهلي انصدموا من لبسي بس باركو لي والحمدالله كله من فضل الله يارب يديمها علي تعلمت اشياء كثيييييييييييره من الحج اهمها الصبر والقناعه واخيرا ياعل ربي يزقكم بحجه وخوه مثل اللي معانا ويتقبل مني ومنكم استودعكم الله الذي لاتضيع ودائعه
|
||||
|
12-06-2009, 02:16 PM
|
#16 | ||||
|
السلام عليكم ورحمة الله وبركاته
6/12/2009 يخنق آلدمع عيني وأخنقه بآلمقوله ،،،،، دمـع عيـن آلسحـآبه للصحآري , ربيـع .. يقول ابن القيم ( فإن الكريم المحسن أشرح الناس صدرا ، و أطيبهم نفسا ، و أنعمهم قلبا ، والبخيل الذي ليس فيه إحسان إلى الآخرين ، من أضيق الناس صدرا ، و أنكدهم عيشاً و أعظمهم هماً و غماً . شلون اتعامل مع انسان اناني ؟؟؟
|
||||
|
12-08-2009, 07:20 PM
|
#17 | ||||
|
السلام عليكم ورحمة الله وبركاته
8/12/2009 من عادتي لا عكّر الوقت جوّي أخفي دموعي عن نظر كل غالي ما ابدي تناهيدي ولو شبّ ضوّي وأدفن همومي بين فكري وبالي وش عاد لو بركان حزني يدوّي وإلاّ يهد بداخلي كل عـــــــالي الله بلاني ب(العقل)و ش أسوّي؟ دربي يميل ولا يميل اعتدالي حيّرت في ممشاي حيلة عدوّي لين اقتنع في طيبتي وانثنا لي ياجماااعة الخير توني جايتن من السوق انا وامي واختي ومن طلعنا من البيت الين وصلنا السوق وهي تهاوش وتسب امي : انتبهي شوي شوي الشارع زحمه ودوعه : يما الله يهديج ليش امشي وادعم السيارات اشوف امي : ايه صاجه ماهو انتي اللي دعمتي السوبر يوم انه واقف لو انه يمشي قلنا اشوه مير انه واااااقف ودوعه : الله يهديج يما ماتنسين سوالفي اللي تفشل وصلنا للسوق بالسلامه وفرت فيني اليييييين قلت بس انا حدي بالسوق ساعه ساعتين مو اكثر اتعب وأمل واختي طبعا ماتقصر كل ساعه تدق يما لاتنسين ويما ابي لون مدري وشو مابقى على ولادتها ان شاء الله شي وتعبااانه فقمنا بالمهمه انا وامي وانا دخت وتطلع من آذاني دخاااااااان واللي غثني اختي الثانيه تدش محلات المكياج وتناديني ودووعه شرايج بلونه اينن واسحبهاااااا من علباها عساااج للجني امشي خلصىىىىىى واطرش لاختي مسج ان دقيتي كسرت اصابعج واخذ تلفون امي واسكره قلت تلفونج مافيه شحن واتغرض اانا وامي بذوقنا ويوم بغينا نرد قالت امي تبي الجمعيه ومالي خلق جمعيتنا دااايم فاضيه نزلت من الجسر بسرعة والف من اقصى اليسار الى اليمين لـ ستي سنتر طبعا صااارت ازمة سيارات بس مالي شغل المهم اخلص وافتك ماوعيت الا امي الله يحفظها عطتني بوكس محترم وانا عاااادي اسفط وانزل <<< ياحليلي حليلااااه بروح اتقهوى عقب فرة الراس استودعكم الله الذي لاتضيع ودائعه
|
||||
|
12-09-2009, 07:31 PM
|
#18 | ||||
|
أنا عيوني على سورك يا بنت النور يا عطر الليل وهمس الليل أنا فيني الأماني سيل أبي تعذرين إحساسي إذا قصرت وابي تعذرين لو قصرت في حقك أو قصر كلامي وما وصفك شعور يا بنت النور يا عقد من الوله منثور يا دانة بعين بحارك ترى الأحساس ربانك وانا ربان هالمركب وأفني رحلتي عندك وحطيت الأمل عندك بس الموج ما يساعد ولا الأقدار بتساعد ولا الخطوة قربت مني ولا هدت احس انها قريبة ويمك تباعد يا بنت النور يا عقد من الوله منثور أنا لك يا بريق الماس .. أنا الألماس وانت لمعة الماسة وحساسة وقلبك موطن الأزهار وأنا اللي يعشق الأزهار وغيري يقطف احساسه ولكن ما يهم اللي تولع في غرام الورد إلا ما نسيته وردة سقاها بلهفة أنفاسه أنا يا وردة العشاق ونار الحب والأشواق أنا أول من عرف قلبك وأول من سمع نبضك وأول شخص لك إشتاق يا بنت النور يا عقد من الوله منثور <<< قاااعدتن ضايقن صدري استغفرالله وادندن اغاني ابو نوره اللي من قبل حافظتها
بروح اودي اختي الصغيرونه الطبيب تعبااانه << جذابه ماتبي تداوم باجر وعقبن بروح اشتري من الجمعيه اغراض لطلعة البر فالويك اند << طبعا راح اقضى عليهم انا وخواتي قبل لايجي وقتهم 
|
||||
|
12-12-2009, 09:58 AM
|
#19 | ||||
|
السلام عليكم ورحمة الله وبركاته 12/12/2009 *صبـــاح الخير ولا الخير يهدي لك صباحاته * صبـــــاح الـــورد يا ورد العــمر يا نغمة اشراقي * صباحك فـل واحلى فل يا طهره ونبضاته * صــباحك هو بياض الروح صباح الروح يا اوراقي * تووووني قاعدتن من النوم تعبااااانه لما ننام فالبر عطلة الربيع اقوم كل يوم انشط من الثاني بس لما نروح يوم كامل ونرد اقوم تعبانه ومالي خلق طبعا غسلت ونزلت اررررركض ابي استاذن عشان ودي اطلع السوق اتغرض الله لايوريكم يوم وصلت المجلس الا امي واخواني فاقعيينها ضحك انا ما انكر كشتي واااقفه من العجله بس عااادي  قغدت اتريق بهدوووء وزعلاانه على اخواني من امس بسالفتهم البايخه  يوم خذيت الاذن طلعت غرفت بمشط شعري << احم احم الحرير طبعا طالعت فالمررايه ولا بيجامتي مرررقعه الظاهر من تعب امس البنطلون اخضر والقميص رمادي مخطط باحمر << يافضحي فضحاه اشوه ماشافوني حريم اخواني  المهم امس فالبر طلعنا يالبنات نتمشى وقعدنا كالعاده نهابد ونصف ونرقص  مزون جاها مسج من اخوها لاتباعدون كااان الجوو بااااااارد من مطر الفجر من الساعه 3 الين 6 ماوقف مشالله يوم رجعنا الا الشباب مفولين بس استغربنا محد كلمنا بكيفهم رحنا الخيمه وحطينا جاي الخاص بالبر بنات جربوا الطريقه لذذذذيذ نعناع حبق + زنجبيل مبشور+زعفران وصبي عليه ماي حار وخلوه ينقع شوي << طبعا حسب مقاس مطارتج المهم في نص الجلسه دخل خلودي ينادي بنووو وتوته يبيهم غريبه يبى اخته بكيفه بس ليش يبي بنت عمته والله قلبي نغزني لانهم الحمل اللي معانا وعقب دش جدي يسولف ويضحك وفجاه ولا ضب وش كبره بنص جلستنا  الله لايوريكم تطشرنا اللي انحاشت من باب الخيمه واللي انقزت فوق القش واللي حشرت عمرها بزاويه انا مو كاسر خاطري الا الضب جته سكته قلبيه من المناظر اللي شافها طبعا والشباب ميتين ضحك هذا اسلوب عقاب جديد  ياااااربي شلون كل ماطلعنا خربوااا علينا ولازم احنا دايم الضحايا بلعبهم الدفاااشه استاذن باخذ فرررره فالمنتدى على ماتلبس اختى نطلع انتغرض  استودعكم الله الذي لاتضيع ودائعه
|
||||
|
12-13-2009, 05:22 PM
|
#20 | ||||
|
السلام عليكم ورحمة الله وبركاته 13/12/2009 وعد مني ولا تسمع من اقرب واحد اخباري وعد كل سجده اسجدها .. ابرفع ايدي ( ادعي لك ) لانك اطهر من الغيم وانقى منها ازهاري ابترك خاطرك يرتاح .. ( وانسى اني انا .. اجي لك ) توني قعدت من النوم مفزوووووووعه سهرراانه مانممت الا الساعه 10 الصبح مادري شلون نومي تلخبط حددده استغفرالله ياربي انك ترحمني قمت اصلي الظهر والعصر<< اشوه مادخل وقت المغرب نزلت تحت ادور لي عيشتن ابلعها ماتريقت ولاتغديت قاعدتن ماغير اطقطق في تاب توني  الا امـــــــــــى الغاليه في وجهي ولازم تعطيج من هالكلام الزين دخلت اسمي بالله لان ادري بحصلي جم من كلمه ودوعه : السلاااااام عليكم امي وترتشف فنجانا من القهوه : وعليكم السلام بدري وانا امتس وش مقعدتس ودوعه تستخف دمها : شدعوه ماماتي نام بكير واصحى بكير امي خلاص قامت تدخن : اقسسسسسسم بالله ان ماعلمت اخوانتس على سهرتس على هالمروح << تقصد اللاب توب لا دوام ولا صلاة انا اعلمتس ودوعه : يمااا حرااام عليتس هو بس اليوم اول مره ماحسيت بالوقت حتى والله قمت وصليت ما اكلت شي .... يما شنو غدانا ؟؟ امـي: وش تامرين فيه حضرت جنابتس؟ ودوعة : كل شي من ايدج حلوووووووو امـي : روحي مسوووين مرقة دجاج ودوعة : سبووووح الدجاج الله يديم النعمه ما احبه بطلب مطعم امي وتتناول علبه المناديل << والله مليانه وتعور وتصفقني فيها << طبعا ماعلمتكم عن مهارات امي في اصابة الهدف عن بعد صعدت فووق وانا منهااااره ضحك حسبي الله على عدوها سوسو حلفت الا اقرا قصتتن فالمنتدي وسهرت عليها ماحسيت بالوقت توووووبه ماعاد اعوودها ياااجمااعة الخير اللي عندها تلحقني ذبحتنىىىىى جننتنىىىى بسووومه امس لقيتها داقتن علي ومطرشه مسجات ومن امس وهي ما امرحت الماااضوع ان رجلها طلب شهادة الجنسيه علشان يكمل اوراقهم وهي وعطته وعقب دقت علي منهااااره بسووومه : ياويلىىىى ياااودوعه ابتس صووورتي ترووووع والله ليقول معطيني جنسية اخوها ماهي بالبنت ودوعه : يابنت الحلال اذكري ربتس هو شافتس نظره شرعيه ويعرفتس خلاااص بسووومه : حتى لووو اخاف يقول ماهيب حلوه ودوعه : لهالدرجه والصوره معفنه الله ياخذ عدوتس بسوومه: علىىىى شحم .. أي والله فاركتن وجهي بصابونة لوكس وماخذني اخوي لمصور الجمعيه ودوعه : لحظه تكفين بسووومه بتاكد منشي <<< وانا انقز لدرج اوراقي الرسميه وانا اطلع جنسيتي عمري مافكرت بالصوره وانا اشووف فرتي وانا اللي اصيييييييييح ياااااويلىىىى ويلااااه يابسوووومه ماني ببعيدتن عنتس << والله مدري وش الحل البنت نفسيتها تعبانه بس كل ما اتذكر اضحك بجمعتنا الجايه بقول للبنات يجبون الجنسيه ونتفرج على الصور الحلوووووه يعني كنا تونا داخلين بعمر الـ 18 سنه وكل من سالتها تقول قعدوني من النوم ورحت اصور يعني تونا متخرجين من الثانويه بس نبي النووم  استودعكم الله الذي لاتضيع ودائعه
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
