|
|
|
|
|
|
||
| إعلانات منتديات ألم الإمارات |
|
|
|||||||
| مجلس التراث والحضارات مجلس مخصص للمشاركات التراثية العربية والغربية على سبيل المثال الحِكم وأمثال الشعوب + الألعاب والمسابقات التراثية ، للعلم يمنع نشر المشاركات المنقولة |
| كلمات البحث |
| .. خــرآآآريف .. 2 .. |
 |
|
|
LinkBack | أدوات الموضوع | تقييم الموضوع | طرق العرض |
|
#1
12-06-2008, 10:41 PM
|
|||
|
|||
.. خـــرآآآريـــف اول .. 2 ..
.. مــرحــبـآآآآ .. الحـــيـن يـيـتــكم وويــآآآيــه خــرآآريــف يـــديده .. اتمنــى انــهآآآ تــعيبــكم .. ^_^
بـــكلمـكم عــن خــرآآفــه وآآيــد معروفــه ومــشهوره في دولــة الإمــآآرآآت .. .." أم الـــدويــس او أم الـــدآآس ".. .. اول شــي بــخبــركم عـن تســميتهــآآآ .. الله يسلــمكم " ام الدويس او ام الداس " ، مــعنآآهـآ ذآآت المــنجل " اللي هــي آلـه قطــع حــآآده " , و" الــدويس " تصغــير لكلــمه " دآآس " , وام الــدويس الله يسلمــكم .. يــوصفونـهآآ الأولــيين بأنــهــآآ اجمــل مــآآتشوفــه العــين .. لأنهــآآ تتمــيز بجــمآآل آخـآآذ وبأنهــآآ ايــضآآ دقــيقه العود " رشــيقه " .. وانــيقه ودوم تــكون بأبهــى حــله . . وبــعد دآآيمــآآ تفــوح منــهآآ روآآئح العــطور والبــخور .." لــو تــشترك في مــسآآبقه جمــآآل اخــير لهــآآ من ذبــح خــلق الله " ..خـلصنآآ من الزيــن خــل اذكر لكــم الشــين , فــي روآآيآآت تــقول بأن وحــده مــن ريولهــآآ " ريل حمآآر " عزكــم الله .. والثانيــه " دآآس " .. وروآآيـآآت اخرى تقول بـأن كل ريولهــآآ " ريول حمــآآر " .. وبأن كل ايدينهآآ " داسين " منجلين .. ويــقولون أن بالــرغم مــن جــمآآلهآآ اللي يلفـت ويــبهر الأبــصآآر الا انــهآآ تملك عيون قطــو " قط " .. وهذآآ اكــبر دليل بأنهــآآ مــآآكــآآنت من البشــر .. بل مــن " الجــن " ..وتــظهر ام الــدويس " بلــيز شبــآآبــنآآ ركــزوآآ في هالنــقطه , اخــآآف تســيرون تــرقمونهــآآ وتــروحون فيــهـآآ عقب , لأن اكثر ضحــآآيآآهـآآ شبآآب " .. ^_^ .. المــهم هــي تظـهر فـي الأمــآآكن " الممــزوره " العــآآمره والمــآهوله بالســكآآن , " المــدن والقــرى والأحيــآآء الســكنيه والفلــوات والبــرآآري والمــزآآرع و القــفآآر .., يــعني تــقريبآآ فـي جــميع الأمكــنه اللي يتوآآجدون فــيـهآآ النــآآس .." بحــيث تقــدر تــغويهم وتذبــحهم " .. .." قــصص وحــكآآيــآآت عــن ام الدويــس ".. فــي حــرمه تذكــر بأن لهــآآ موقف مــع ام الدويس , خــلونـآآ نعــرف شو هــو .. تقــول ::: .. كنــآآ "نسيـر نروّي " .. كــل يوم الصــبح .. بمــعنى أن كـل صبح نطـلع ونييــب المــآآي من الآبــآآر القــريبه مـن المـدينه الجــديمه " القــديمه " .. وكــنآآ نحـن البنــآآت كــل يوم نــلتقي عنــد بيت وحده من البــنآآت اللي ويــآآنآآ .. عسب نروح كلنــآآ مــع بعــض " للطوي " للبئــر المــطلوبه .. وفــي ليله من اللــيآآلي .. قريب من الفــير يعنــي .. سمعــت صوت دق " طرق " على بــآآب بــيتنـآآ .. يوم فــتحته لقــيت بنــت غريبــه .. فسألـــتهــآآ عــن حــآآيتهـآآ .. وقــآآلت لي بأن يـآآرآآتي " زميــلاتي " طرشــنهآآ " ابتــعثنهـآآ " .. عسب نلتــقي فـي المــكآآن اللي نلتــقي فــيه دوم ..وصــدقتـهآآ لأني كــنت تحت تأثير النوم فأستأذنــت منهــآآ عــسب اييب " الجربه " القربــه >> قطــعه من الجــلد يوضع فيــهآآ المــآآء << .. وانــآآ يــآآلسه امــشي صوب هالبــنيه .. كنــت يآآلسه افــكر واشيــآآء كــثيره شكــكتني فيــهآآ ..يــعني ملابــسهـآآ نظـيفه وأنــيقـه وعيــونـهآآ تــشبه عيون القطــو و لفتآآتــهـآآ غريبـه ومخـيفه .." عــآآد تلاآآحقــت عمـرهـآآ الحــرمه .. الشــــررده " اووبـس سوري بخـليهآآ هــي تكــمل >> سمــحيلنآآ الشــيخه كمــلي << >> هــييه اصطلبي وخــلج رزين ولا تقــآآطعــين الأوآآدم << المــهم مثل مـآآ قــآآلـت لكــم تراثي .. يــوم وصـلت عنـدهآآ عطـيتهآآ " الجــربه " وقــلت لــهــآآ تريينــي لحــظه بـس .. لأني نسـيت شـي فـي البــيت , واطــير طـيرآآن للبــيت واســكر البـآآب زين مآ زين وعقـب دشـيت الغرفه وبعــد قفـلت البـآآب على عمري ..هني حست ام الــدويس اني كــشفتهآآ وشردت عنــهآآ .. فتمــت ادق البآآب بكــل قوتــهآآ وتــزآآعج وتصآآرخ .. تنــآآدي عليه تــبآآني اظــهرلهآآ .. " شــو خــبله هــي تــبآآني اســير للموت بريولي " ..تمــيت سآآكتــه ولا رمــست ..عــقب هددتــني بأنهــآآ بتقـطع " الجــربه " وبعد مآآ رمسـت , وشــوي والا اســمع صــوت الجــربه وهـي تتقــطع . يعــني تصوروا الجــربه من " الجلــد السميك " اللي صعــب انه يتقــطع .. بــس ام الدويس مــب هينــه كــآآنت " جــبآآره وقــويه " ..وتــقدر تسوي اشيــآآء واشيآآء ..والحمد الله بأني للحين عــآآيشه واروي لــكم هالقــصه ..  قصــه وموقف آخر لنــآآس مع ام الدويس ولكــن هالمــره ويــآآ ريــآآل .. يــقول :: .. كنــآآ أنــآآ و" خويي " في طريــقنــآآ مـن الشــآآرقه للبآآطنه في سلطــنه عمــآآن .., وكنـآآ في سيــآآره لانـد روفـر , فضــيعنـآآ الطــريق ..ومــآآعرفــنآآ في اي اتــجآآه نــكمل , فالجــو كـآآن كــله ملــبد بالغــيوم وماشي نجــم او قــمر في السمــآآء عسب نهتدي بــه .. وفــجآه الا نشــوف مصــآآبيـح سيــآآره حمــراء .. تــبعنآآ هالسيــآآره .. وفــرحنآآ عل وعــسى نوصــل للطــريق الصحيـح , بــس الغريــب ان المــسآآفه بــينآآ وبــيـن هالسيــآآره مــآآتتغيـر , لان نحن مــآآ نتقـرب منــهآآ ولا وصلنــآآ لهــآآ , تمســكنآآ بالامــل .. يمــكن نوصل وفــجأه وقــفت هالســيآآره وتــقربنآآ منهـآآ اكثر واكثر .. والدنــيآآ مــآآ توسعنـآآ مــن الفــرحه , ويــوم وصلنــآآ " يــآآ لهـول المفــاجـأه " .. اكــتشفنــآآ بأن هالمــصابيح سببــهآآ " حريم ثنــتين يتمشـن " وأن المــصـآآبيح الحمرآآء كــآآنت تشــع من ثوب كل وحــده من ورى .. فـانصدمـنآآ مــن شدة الخــوف , وتمــلكـنآآ الرعــب ..رعـب عمــرنـآآ مـآآ حســينآآ بـه .. فحــآآولنـآآ انــآآ نتخــطـآآهن بســرعه ونتجــآآوزهن ..في هاللحــظه كنــت بلتفــت وبــشوف اشــكآآلهـن .. لكـن " خويي " هزبــني وصرخ " لا تطــآآلع يــآآ مــينون .. هــآآي ام الدويــس " ..وشردنــآآ من المكــآآن " الشرده نــص المريله " .. والعجــيب انــهآآ مآآ تــبعتنـآآ , ويــوم وصلنــآآ عند اول استــرآآحه على طــريق الــبآآطنـه حكــينآآ عــن اللي صـآآر لنــآآ لنــآآس شــفنـآآهم هنـآآك .. وقــالوآآ لنــآآ بـأنـآآ يمــكن خطــفنـآآ على الطريق المــسكون " مسـكون بالجــن " .. " عــوذ بالله " .. فحمدنــآآ الله .. وتحمدوآآ النــآآس لنــآآ بالسلآآمــه ..  .." ام الهــيلاآآن ".. .. هــي مخــلوقــه ذآآت سلــوك شيــطآآني .. تتصــف بصفه الحسد .. " كــل همهــآآ وشغــلهـآآ الحــسد وبــس " ..وتعــيش بيـن النــآآس ومــعروفـه بخــرآآب البيوت .. ونشــر العـدوآآه بيــن خلق الله " الله يــخســهآآآ طلعــت سوســه الحــرمه " .. بعض الروآآه يــقولون بــأنهــآآ " ينيــه " تتــجسد في شــكل حــرمه وتتدخــل البيــوت وتحســد النــآآس على خــيرهـم ونــعمهم .. وتزول عقب هالنــعم لأن عينهآآ حآآره .. " حشــى صــوآآريخ نوويـه مــب عيــن علــيهآآ " .. وفي روآآه غــيرهم يقولون بأنهــآآ فعلا حرمه مـن الإنـس .. لكــن تلبستــهآآ الشيــآآطين .. وتمــت تــقوم بفـعل الأفعـآآل الشــيطـآآنيـه للنــآآس .. وروآآه غــيرهم بــعد يقولون بأنهــآآ ســآآحره تتــصف بالمــكر والخــبث والخــديعه .." مــآآخلت شي لأبليــس " ..ويتجــسد سحــرهـآآ بحــسدهــآآ الأسود اللي يطــلع مـن عيونــهآآ اللي يزيــغن " يرعــبن " .. وتقدر تصــيب كـل اللي تــبآآه دون مـآآ تــخطي ابــدآآ .." عــآآد ام الدويس بتشترك في مـسآآبقه للجـمآآل .. انتي اشتــركي فــي الرمــآآيه .. احسن لج من الحـــسد .. " ..  .. يالله عــآآد ترى وآآيد رمستــكم عــن الحــريم  , خلونــآآ نبدآآ فــي قـرض الــريآآييل .. .." الطــــنطــل ".. .. كــآآن الطــنطل عنــد الأولييــن هو " ريــآآل " طــويل او عفريت يخــتطف اليــهآآل , وهو مــب معـروف بـس في البـحريــن في بعــض انــحآآء الخــليج بعــد مثـل الكـويت ..وهــو يوصــف عنــدهم " اهـل الكــويت " بــسوآآد الجــسم وطويـل الهيئه .. بحــيث إذآآ مشــى تشــوفــه بشــكل مــرعب ويخــوف .. وهـو دوم يظـــهر فالليــل بصفــه " ريــآآل " .. ضخــم الجــسم وفــآآرع الطــول .. وعــآآري البــدن " يعنــي عليــه بـس وزآآر " .. يوقف في كذآآ سكـه " الطــرقآآت " .. ويخــوف النــآآس ويضحــك عليهــم يــوم يخــآآفون .. " اســميه صدق مستــخف " .. وهــو معروف عنــد الأولييــن بأنه اهــبل .. لأنه بــس يخوفهم بدآآفع التسلــيه لاآآ اكــثر ..  .. اتــــمنى انكـــم استمتــعتــوآآآ ويــآآيــه انـــآآآآ وخــرآآريــفي .. والســموحه لو قصــرت او ذكــرت لكــم معلومــه بالغلــط .. 
|
|
12-07-2008, 01:06 AM
|
#2 | |||
|
تسلمين اختي على السوالف اللي ولا اروع
هذي اللي كنت اتخبرج عنها ام داس اللي تفوح منها ريحة العطر والله سوالف الماضي حلوه يعطيج العافيه اختي |
|||
|
|
|
12-07-2008, 01:15 AM
|
#3 | ||||
|
مرحبـــا ..!
يالله حيها التراثيه  شـ ياينج ع الخراريف  حلوه سوالفهم وحركاتهم أحلى قبل 4 ايام تقريبا كنت في البحرين وتراويت بريال طويل متوزّر .. وبعد يوم دخلت الكويت شفته هناك .. جنه الا هذا هوه الطنطل احيدني سامع بأم الدويس ولكن ما اعرف لها مواقف أم الهيلان والطنطل ما جد سمعت بهم يسلموو على هالمعلومه وبعدنا طماعين بيديد خراريفج سلاامي
|
||||
|
|
|
12-07-2008, 01:44 AM
|
#4 | ||||
|
تسلمين اختي على السوالف اللي ولا اروع
هذي اللي كنت اتخبرج عنها ام داس اللي تفوح منها ريحة العطر والله سوالف الماضي حلوه يعطيج العافيه اختي .. الله يــسلمك يــآآ بأأرق ويــعآآفيك .. .. تــرآآهـآآ تتنــشد عنــك مــن كم (ن) يــوم .. ^_^
|
||||
|
|
|
12-07-2008, 01:50 AM
|
#5 | ||||
|
مرحبـــا ..! يالله حيها التراثيه شـ ياينج ع الخراريف حلوه سوالفهم وحركاتهم أحلى قبل 4 ايام تقريبا كنت في البحرين وتراويت بريال طويل متوزّر .. وبعد يوم دخلت الكويت شفته هناك .. جنه الا هذا هوه الطنطل احيدني سامع بأم الدويس ولكن ما اعرف لها مواقف أم الهيلان والطنطل ما جد سمعت بهم يسلموو على هالمعلومه وبعدنا طماعين بيديد خراريفج سلاامي مــرحبتين يــآآالــرومنسي .. الله يحييـك ويبــجيك .. عــآآد والله مــآآدري شو يــآآييني عالخــرآآريف.. بـس انــآآ من
تفتــحن عيــوني عالدنــيـآآ وانــآآ .. اموت في قصص وحكــآآيآآت اول الشعبيــه .. مــآآبقدر انزل موضوع خـرآآريف بـس يمــكن انزلكم موضـــوع عــن قصص شعــبيه .. يمــكن مــآآ اوعــدكم ... ^_^
|
||||
|
|
|
12-10-2008, 11:34 PM
|
#6 | ||||
|
...............................
|
||||
|
|
|
12-15-2008, 03:09 PM
|
#7 | |||
|
تسلميييييييين ع الخرارييييييف .. الحلوه *_^
أنـا أعرف أم دويس غيرها ماعرف ههههههههه نتريـا القصص الشعبية .. |
|||
|
|
|
12-18-2008, 06:33 PM
|
#8 | ||||
|
مرحبا الساع...
تسلمين الغاليه ع هالموضوع الغاوي سمعت وااايد عن ام الدويس بس هاي قصص خرافيه بس يدي الله يطول بعمره يقول انه ام الدويس قصصها واقعيه بس مستحيل هو يقول انه اول في فريجهم دوم الشباب كانوا ييلسون صوب القهوه و في ليله من الليالي تيمعوا الشباب و ع الفير مرت صوبهم وحده غاويه و لابسه ابيض و ريحته غاويه و يقول يدي كلها ريحة دهن عود و العود الاصلي و يقول انها دوم تلبس ابيض و لازم الذهبان تكمل زينها و من مرت الشباب وراها و ما خذت الا واحد منهم بس و ودته في مكان بعيد جريب اليبل و جتلته... عاااد يدي الي يقول و عقب ما يخبرنا ابها يتم يضحك هع هع هع
|
||||
|
|
|
01-13-2009, 07:54 PM
|
#9 | ||||
|
تسلمين خيتو ع الموضوووع المميز...~
انا عن نفسي وايد سامعه بها القصص عدا الطنطل...~ وان شاء الله نتريا غيرها من القصص الشعبيه *_^...~
|
||||
|
|
|
01-13-2009, 08:34 PM
|
#10 | ||||
|
مرحبا
تسلمين غناتيه عالخراريف نرقب كل يديد تحياتي
|
||||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
