الامثال الشعبيه في بلادي

الامثال الشعبيه البحرينيه

--------------------------------------------------------------------------------

(يادهينة لا تنكتين)

(هالباب على هالخرابة)

(من خيرهم ما خيروني ومن شرهم عموا عليَّ )

(عداري تسقي البعيد وتخلي القريب)

(ابو زنة يتمنى الجنة)

(الإسكافي يمشي حافي)

(قرعة تفوشر براس ختها)

(تعلم التحسونة في روس القرعان)

(يا من شرى له من حلاله علة)

عط الخباز خبزه حتى لو اكل نصفه

من دخل بلا عزيمة طلع بلا حشيمه

﴿الطول طول نخلة والعقل عقل صخلة﴾

﴿اتكل مويس على عويس وضاعت البقرة﴾

﴿وش عرف الحمار بأكل الكنار﴾

﴿يوم شبع لحمار نهگ ﴾

﴿راح بيكحلها عماها﴾

﴿زاد الطين بلة﴾

﴿إدا بغيت تحيْره خيْره﴾

( يعطو العطيه وفادهم فيها وقولو ياربي ردها علي.)

( كل ساقط وله لاقط)

﴿ قدم الغشيم والحقه ﴾

( علمناهم على لطراره اسبقونا على البيبان )

{ السبال في عيون أمه غزال }

﴿ عنزة ولو طارت ﴾
﴾ قال طلقها وخذ ختها .....قال لا خيرة الله فيها ولا في ختها ﴿

حطها في عالم .........واطلع منها سالم

( مو صايدنه قال چبه )

((( جايبنك عون ، صرت فرعون )))

ضربني وبكى ...........سبقني واشتكى

امسك مينونك ..............لا يييك الي اين منه

الي ما يطال العنب .......... يقول حامض

طالع العنز واحلب لبن

﴿يتعلم التحسوون في رووس القرعان

﴾﴿الأعور على العميان باشا﴾



(( على حس الطبل ترقص المجنونة ))

﴿مغنية الحي لا تطرب﴾

﴿من سبق لبق﴾
﴿اللي يبغى السح لا يقول أح﴾

﴿قديمك نديمك لو الجديد أغناك﴾

﴿قال ويش حادك يا مسمار قال المطرقة﴾
﴿حب أوُ قوول و إكره أُو قوول﴾

﴿اللحمة إذا ما حبت غارت﴾

﴿إذا طاح الجمل كثرت سكاكينه﴾

﴿يامن شراله من حلالة علة﴾

لو تجري جري الحوش غير رزقك ماتحوش

لو كل من جى ونجر ما ضل في الوادي شجر

وين أدونك يا حبشي !!

﴿أنا و أخوي على ولد عمي .... و أنا وولد عمي على الغريب﴾

(لو تقلب الجره عى ثُمها ،تطلع البنت على امها)

(بو طبييع مايغير طبعه)

مد رجلك على قد إلحافك

ألبس ما يشتهي الناس وكل ما تشتهي نفسك

الناس في الناس والعبد في الحطب

(الناس في زلزلة والعروس تبي رجل)
__________________

بعضها بحريني بحريني مختوم


البعض الآخر اعتقد بأنها متداول في كل دول الخليج وفي النهايه كلها شعب واحد




سلامي وخيتي وربي لا هانج

هذي امثال سعوديه عفر طيب سمعتو المثل 0(لاتثقل الدوس ياخلي يملونك لنت ولدهم ولا طفلن يربونك)0000(الحظ للشلقه والبلقه ونحيسة الخلقه)00000000( يارجولي سوى للطريق انعال)0000000(طبخ طبختيه يالرفله اكليه) 0 هذا امهيرش اكليه ماحد يعاونك فيه 00هذي امثال سعوديه قطيفيه

السلام عليكم ورحمة الله وبركاته....

تسلمين اختي على هالامثال البحرينية والخليجية المعروفة وبعضها يديد عليّه.....

لا هان شانج ومقدار ونتمنى استمرار هالتفاعل والتواصل ويانا في ميلس التراث....

هذا واحد مشهور عندنا

مد رجليك ع قد لحافك


مدري اذا كان عندكم ولا لا


ومشكووووووووووره ع الامثال

تسلم ايدك ياعسل

يعطيج العافيه على الأمثال

الصراحه أنا تعجبني رمسة هل البحرين

يسلمو على الامثال الرائعة

تسلمين ع الامثال الحلوة والغاوية

﴿اتكل مويس على عويس وضاعت البقرة﴾
ههههههههههه
عجبني هالمثل
فيه كثير من الامثال نداولها حنا بعد
يسلموووو