|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
01-29-2009, 04:54 PM
|
#11 | ||||
|
قصيدة كتبها الشيخ محمد الحسن ولد الددو لزوجته حينما كان في سجنه ،،،، قصيدة احتشدت حولها المعاني القوية الطاهرة والنقية في تسكين مهجته روحه من عذابات البُعاد والذُل والهوان فانسجمت مشاعر الألم في أعماقة فقاوم هذا الواقع القاتم بالتفاؤل والصبر وعلو الهمة.... كانت ابيات في غاية الروعة وخاصة أبياتها الست الأخيرة,,,, كلمات تعانق الروح في مواجهة خنقات الزمان بسلاح التقوى والإيمان وبإتباع نهج النبي عليه افضل الصلاة والتسليم الانشودة بصوت حمود الخضر + مبارك المبارك + عبدالوهاب المنيفي التحميل قريب -على بعد- أنا منك في الأسرى بدونية قفر بها جيف الحسرى يذكرني حالي وحالك قولة لفارس حمدان الذي عالج الأسرا أيضحك مأسور وتبكي طليقة فصبرا فإن العسر يستصحب اليسرى وفيما مضي قد كنت تخشين ضرة فكانت بدار الشرطة الضرة العسرى نبيت بدار للهوان معدة ونلبس أوساخا ونفترش الغبرا ضفادعها في العد مثل بعوضها وداحسها في عدوه يسبق الغبرا ولكننا فيها أنسنا بربنا فنلنا سرورا لن تحيطوا به خبرا سعادتنا بالضيم في ذات ربنا تفوق بأضعاف سعادتنا الأخرى وأسورة فيها يصفد بعضنا تفوق التي قد كان يلبسها كسري وإن لنا في الشعب والجب أسوة زنازيننا إذ ذاك نحسبها قصرا يثور كتاب الله من كل غرفة إذا الليل أرخي من غدائره سترا وتسمع آناء النهار تلاوة فتسمع ترتيلا وتسمعها حدرا وتسمع في الأنحاء من كل سورة وتسمعه سبعا وتسمعه عشرا نفوق آي الذكر في وجه من بغي فيبصرها الباغي الردينية السمرا ونصلتها بيضا قواطع نورها يرد علي الباغي بواتره بترا فكم حجة لله فيها مبينة وكم شبهة للناس تدحرها دحرا بموعوده الآتي نجدد عزمنا ومن قصص الماضين نستلهم الصبرا مخازي بني صهيون نقرؤها به فنزداد بغضا للآلي دنسوا المسرى وإخوانهم من نافقوا كل أمره منراه عيانا واقعا بعد ما يقرا فإن سارعوا فيهم نسارع لجنة ومغفرة نرجوهما نحن في الأخرى وليس لهم ذاك الرجاء وإنما يؤخرهم ربي لبطشته الكبرى وما يبتغي الجهال منا فإننا أشداء لا بطشا نخاف ولا غدرا أسود من آساد المهيمن تبتغي من الله في الأخرى المثوبة والأجرا بنهج قويم لا التطرف شأنه ولا اللين للتهديد والضغط والإغرا نسير على نهج النبي محمد ببيعة إيمان نرى نكثها كفرا ولله قد بعنا نفوسا أبية بربح عظيم فيه أربي لنا السعرا بأجسامنا نفدي وننصر ديننا وننشره نشرا ونقبضه جمرا ونمنعه حني نصرع دونه وتنشر بالمنشار أجسامنا نشرا ولسنا نبالي خاذلينا فإنه مضعاف وإنا دونهم نرتجي النصرا
|
||||
|
02-03-2009, 03:01 PM
|
#12 | ||||
|
السلام عليكم ورحمة الله وبركاته
اشتقت لكم واااااااااااااايد اشتقت للفضفضة هنيه  بدينا مدارس وبدينا دح وتعرفون لازم أدح ضعف اللي دحيته الفصل الاول عسب أغير نتيجتي  سرت المدرسة كل 5 دقايق أحضن ربيعة من ربيعاتي  اشتقت لهم وايد بس الدراسة نوب  بدينا الحصة الاولى كانت تربية اسلامية سولفنا وقالت مابعطيكم درس مو عشان ويوهكم بس عشان انه بعدنا ماخذيتوا الكتب فقعدنا نسولف أنا ويّا ربيعاتي  المهم خلصت الحصة وبعدها فيزياء فديتها تمّت تهدي فينا وقالت أدري انه الامتحان كان صعب بس اللي يابت عندي بالثمانين تعتبر متميزة فكلامها وااايد فرحني وطبعن ماخذينا حصة خلصت الحصة فكان علينا انجلش قالت المس انا توني ياية من المطار من سوريا لهون وع طول عندكم وأحس عندي طاقة مش طبيعية  قلنا لها مس ان شاء الله بتعطينا درس قالت : "آه ولاّ " واعطتنا درس الحصة الخامسة "لانها كانت علينا حصتين " المهم بعدها كان علينا رياضة وبعدها فسحة عقب بالحصة الخامسة خذينا درس انجلش ومع سوالف بنات عبط × عبط  الحصة السادسة كان علينا عربي عاد المس أنا كرهتها ماحبيتها اعطتنا درس  الحصة السابعة اهنيه الكارثة كان علينا رياضيات فيدت تقول لنا انه الامتحان كان صعب وللبنات المتميزات وتقول انتوا وانتوا يعني [ فتحت سالفة الامتحان ] انا هنيه قلت في نفسي [ نحن طوينا صفحةالامتحانات ليه يعيدون ويزيدون فيها ] .. فكانت المس تقول انه بنية ويانا في الصف يابت 100 واللي يابت بالتسعين يعتبروا متميزات انا حزّت بخاطري هالكلام حسيت عمري غبية بمعنى الكلمة لاني أحب الرياضيات حتى المس يوم اني أغلط في الامتحانات حتى ولو غلطة تزعل مني تقول انتي آخر وحدة أشك انها تغلط في بالامتحان سبحان الله والحمدلله يبت 70 من100 المهم اليوم اللي بعده كنت ماشية لقيت مس الرياضيات في ويهي فما لي خلق ابتسم لها اللي فيني مكفيني فشفتها تبتسم ابتسامة كبيرة >> مدري وش عندها فابتسمت لها بتسامة باااهتة بمعنى الكلمة قالت لي " مس أبل ليش هالفصل حزينة ؟ " جان اقولها "لا ابد بس احس عمري غبية ..! قالت : لاء ماتقولي هيكـ انتي أديتي اللي عليك واجتهدتي الفصل الأول وبذلت جهد وماتخلي هالافكار تسيطر عليك " قلت لها :ربج كريم ... وسرت عنها وش نقول غير الحمدلله على كل حال
|
||||
|
02-13-2009, 07:01 PM
|
#13 | ||||
|
السلام عليكم ورحمة الله وبركاته
اشتقت للفضفضة هنيه  طول الاسبوعين أحس بكآبة وحزن مب طبيعي مدري ليه  المهم فقررت قرار إني من يوم الاحد أبدى يوم جديد كأني ولدت من جديد  وان شاء الله ربنا يوفقني ويوفق الجميع
|
||||
|
02-16-2009, 03:31 PM
|
#14 | ||||
|
مساء الخير
اليوم ثاني أيام الاسبوع والحمدلله بدت التغيرات فيني  الحمدلله رب العالمين مافي أحسن إنه الواحد يكون مرح ويرد لحالته الأولية اليوم كان علي كويز فيزياء بس الحمدلله تمام حليت وانا كلي لفجوات المس لانه المس ماشاء الله عليها تييب أشياء كلها استنتاجية من راسها  بحط لكم خاطرة من الخواطر اللي كتبتها بتاريخ لحظة بسير أييب الدفتر لقَدْ أَّضْناني الشّوْقُ إِليْها وَتَعَجّبَ الشّوْقُ من شَوقِي رَأيْتُها فَفَرِحْتُ من صَميمِ قَلْبي صامِدة .. كَمَا عَهِدْتُها شَامِخَة .. كما رِأَيْتُها بِالصّدْفَة لَمِحْتُ مَعْهَا هَدِيّتي دَبْدُوبٌ وصَدَفَة لِعَلاّقَةِ مَفَاتِيحِها فَرِحْتُ واسْتبْشَرْتُ خَيْرًا بِأَنّ لِي فِي قَلْبِهَا مَكَانَة كتبتها في 4/9/2008 أشوفكم على خير ومع مجموعة جديدة من خواطري
|
||||
|
02-26-2009, 04:37 PM
|
#15 | ||||
|
السلام عليكم ورحمة الله وبركاته
اشحالكم يالحلوين اشتقت للفضفة هنيه اممممممم هالاسبوع مليااان بالمفاجآت أهم شي إني راضية عن مستوااي هالأسبوع من بدايته الين نهايته كتبت خاطرة لمس الأحياء صدق أحسها تستاهل كل شكر مني أحبها في الله طلبت مني أمس اني اسوي لها مقدمة لإذاعة عن تكريم المتفوقات فسويت لها اياها وطلعت الاذاعة تجنن مااعرف شو بسوي يوم اخلص مدرسة احس عمري خلاص ببكي كل مساتي أحبهم بإيجابيتهم وبسلبياتهم ^^ مأقول إلا ربي يحفظهم ويخليهم لاجل عين ترجيهم
|
||||
|
03-05-2009, 03:55 PM
|
#16 | ||||
|
خلص هالاسبوووووعـ
كان الاسبوع متعب ومرهق  معظم حصص العربي شغل لانه عندنا يوم الثلاثاء حصة مشاهدة وبيحضر موجهين اللغة العربية + 11 مدرسة من بوظبي +مصفح يعني هالشغل ماخذ كل وقتنا ومانصدق متى نقدمه لهم الدرس عن الحكاية الشعبية حكاية "كوشولين " الدرس عن عبارة عن قصة بس انا خليتها حواء يعني خليتها مسرحية وشاركت انا دور الام و3/4 الصف معانا فقلنا مستحيل كلنا بنمثله في قدامهم فقلنا انه نحن نصوره ونعرضه قدامهم كأنه مسلسل متكامل  فالمس استانست وطلع العمل حلو في نص الشغل وبعد ماقسمنا الأدوار تقول لنا المس :[ أصل فيه رجّاله حيحضروا موجهين ] أنا وربيعتي علامة تعجّب فوق رووسنا  قلت لها : مس انا أتغطى وربيعتي تتغطى ماينفع أمثل بانحسب أحسن المس عصبت :قالت مش الحين تنسحبوا قلت لها : والله لو تنطبق السما ع الارض ماامثل جدامهم  قالت : خلاص جيبي بنت تحل محلك قلت لها في 24 طالبة غيري وبشوفهم المهم هالمشكلة انحلت انا بعرض القيم ويّا ربيعتي الثانية وتخيلوا اثنينتا متغطين  يعني الدنيا ماشية معنا ثاني مشكلة امس المس كانت تباني اييبلها بطاقة الدعوة فانا نسيت طبعن >> غبية قالت بعصبية : كيف بنرسل لهم الدعوة لازم اليوم تنرسل قلت لها : عطيني الفاكسات للمدارس وانا بطرشه لهم ايش اسوي استاااااااااااهل لو اني مانسيت ماكان فشّت خلقها علي يلا دعواتكم بروح المحل اللي تحت بحيث اطرشه لهم
|
||||
|
03-13-2009, 02:52 PM
|
#17 | ||||
|
السلام عليكم ورحمة الله وبركاته
اشحالكم يالربع افتقدتكم وااااااااايد  أخيرا خلصنا من حصة المشااهدة  وافتكينا منها بعد  كانت حصة المشاهدة يوم الثلاثاء  فكان علي اني أييب من الضيافة "فطاير + قهوة "  فقمت الساعة 3 الفجر وتميت اسوي الفطاير وسويت معه سينابون قلت "خل المس تستانس وتنفخ ريشها"  ماخلصت من الطبخ إلا الساعة 6ونص اول ماشفت الساعة متأخرة وايد ع طوووول رحت تلبست ملابس المدرسة وحطيت الأغرض داخل كيس كبير تقريبا 3 صحووون زجاجية "الحامل اذا شالتهم بتربي "  اووووووووه نسيت القهوة فقلت مااقدر آخذها معي يدي بتعورني فودّاني اخوي المدرسة وكنت تعبااااااااااااااااانة شوي وابي ارقد  فصحصحت ووصلت المدرسة ووديت الاغراض للمس دخلت لقيت ربيعتي جوجو قالت شبك ؟ جان اقولها :صاحية من الساعة 3 اسوي لها ومايبت القهوة قالت عادي مابتقول شي المس فالمس لاحظت التغيرات اللي في فيسي  قالت :[فيك إيه يامس أبل ] جان اقولها :يبت الفطاير والسينابون بس مايبت القهوة ماقالت شي ولاكلمة بس لوت فمهااااااااا  سويت لي طاف وكلمت بنية ثانية انا اهنيه كأنه انكبت علي ماااااااي بارد جوجو قاعدة تهدني فيني تقولي ماعليك منها يعطيك العافية قلت :تخيلي ماقالت حتى شكرررررررررررررررن قالت جوجو : خلاص اهدي يت المس تقولي وين عرضج حق اليوم يبت لها العرض وقلت الله اياه "كان عرضي اني اتكلم عن القيم السلبية في المجتمع " ماعيبها وهزبتني وقالت :طول الاسبوعين وين كنتي قلت لها والعبرة تحنقني : كان عندي شغل مع الكيمياء والاحياء مش فاضية . فإهي عرفت اني ببكي :[ أيوااا بدينا "يعني بدينا نبكي " ] ماعيبها الكلام وطلعت انا برااااااا الغرفة "ذاك الوقت كان جرس الطابور دق" وانا في طريقي للصف بكيت بكااا عمري مابكيت أبكي بصووووووووت خلاص انفجرت منها نزلت الطابور كل بنات الصف يوا لعندي وانا ابكي بصوت عالي  فبعدتهم عني وقلت اكيد المس بتنزل وتلقاني ابكي ومالي خلقها البنات يوم عرفوا انه مس العربي لها يد بالموضوع قالوا : والله ماتستاهل دموعج لانه المس الوحيدة اللي ماتقدر شغل الطالبات هاي المس بنظرهم وبعد الطابور هديت الين البنات ماذكروني بالسالفة ورجعت ابكي الين ماشافتني مس الكيمياء وانا ابكي قالوا لها البنات شو فيني فقالت : ولايهمج القهوة وبعد شاي بيبهم من بيتي بس المهم ماتبكين فهديت بعد ماعرفت انه المس بدت تبكييعني تدمّع معي بعد حصتين تقريبا قابلت مس العربي عسب حصة المشاهدة وكنت معاها رسمية لابعد الحدود لاني انا بالعادة كل المسات معاهم كوووووووووووول فاهي لاحظت بعد حصة المشاهدة كنت بعدل غشوتي "بسبب الرياييل الموجودين " لقيتها يتي من وراي ومسكت راسي وباستني فلفيت وطالعتها قالت : خلاص قلت لها وانا بعدني مدهوشة : هاااااااااااه قالت خلاص جان اولها وانا منحرجة ومو مستوعبة : خلاص وخليتهم وطلعت بعد الحصة البنات طار عقلهم بالفطاير والسينابون والحمدلله عدّا الأمر على خير
|
||||
|
04-18-2009, 06:10 PM
|
#18 | ||||
|
مغااااااااااااااااااااااااااامراتي
كح كح غبااااار كح كح كح صار لي فترة عنكم تقريبا شهر في هالشهر صار لي أحدااث خطيرة .... الحدث الاول ع قولة مس الرياضيات [ نمبر ون ] صار لنا قريب الاسبوعين ونحن مانحظر الطابور عندنا مايسمّى الحصة القبليّة  فأنا اول وحدة أدش الصف تقريبا مرة أنا او زميلة من زميلاتي اللي في الصف فأنا دايما في فترة الصبح أحل مسائل فيزياء واسير عند المس اشوف حلي اذا صح ولا لأ [ مسات العلووم كلهم في قسم خاص بهم ] وانا ماشية في القسم ألاقي مس الجولوجيا جان أقولها : " أكيد صباحي اليوم أحلى صباح وبتفاءل فيه " جان تقولي وهي مبتسمة : إن شاء الله  المهم سرت لمس الفيزياء وقالت الحمدلله حلي صح ماعدا مسألة وحدة فيها غلط ونفس اليوم خبّصت باامتحان الرياضيات والفيزياء ..  ففي آخر الدوام شفت مس الجولوجيا جان اقولها " شفتي يامس يومي حلو بس خبصت بالفيزياء والرياضيات جان تقولي وهي تضحك [ خلاص لاتصبحين علي ] جان اقولها اوكييييييييك المهم اليوم الثاني لقيتها بويهي جان أصد عنها واقول مابصبّح عليج بيعتفس يومي كله جان المس تضحكككككككككك من الخاطر علي حان أقولها : لا استهبل شخبارج يامس ... الخ وكمّلنا سوالف المغامرة [ نمبر تووو] بقولكم شي انا سجّلت في مسابقتين ع مستوى الدولة  مسابقة اولمبياد الكيمياء ،، ومسابقة اولمبياد الرياضيات امنتحنت امتحان الكيمياء كان سهل بس خبّصت بالعملي المهم نقصت من 100 تقريبا 14 علامة وكنت الاولى ع البنات على حسب كلام المس وفاز علي واحد ولد ماشاء الله عليه كلهم انبهروا منه . المهم الحمدلله ع كل حاااالـ . امتحنت الرياضيات وبعدها باسبوع اتصلوا بمس الرياضيات وقالوا اني انا وربيعتي اترشّحنا اننا نمتحن في دبي على مستوى الدولة فالمسات هنئوونا والحمدلله رب العالمين وكان الامتحان اللي في دبي كان يوم الخميس هذا 16 ابريل اول ماقريت عنوان المسابقة كنت بقول مابا اسجّل مابا امتحن كان العنوان [ جائزة الامارات للعلماء الشباب ] انا ع بالي اولمبياد عادي مثل اللي امتحنته السنة اللي طافت المهم امتحنت وكان الامتحان عبارة عن 12 سؤال وانتي حلّي الحمدلله ع كل حال ياني انا وربيعتي احباط بس الحمدلله تجربة ومغامرة حلوة هيه صح نسيت اقولكم سووا معي مقابلة بقناة ( Decision Makers TV (DM-TV وبعد صورونا قناة سما دبي ونحن داخل القاعة وانا ماسكة عمري أبي اسوي [ حبتين ] للكاميرا عسب أهلي يعرفووووووووني ولانه هذي حركتي في المدرسة اذا المس تباني بشغلة اسوي لبنات الصف [ حبتين ] صدق اني غبية وبس هذا اللي أذكره احين وان شاء الله اذا جد شي بخبركم عاد لاتنسوون
|
||||
|
04-19-2009, 03:58 PM
|
#19 | ||||
|
يومي المدرسي اليوم خالي من جميع الاكشنات اللي تصير في كل مدرسة لا نسيت اليوم بنات الصف الخاينااات  ماخبرووني انه فيه حفلة لبنية لانه عيد ميلادها عاد نحن نبا حفلة عسب الهبـــل   المهم ببدالكم بجدولنا الممل {~{ القبلية : فيزياء الحصة الاولى : دين الحصة الثانية : فيزيااء الحصة الثالثة : انجلش الحصة الرابعة انجلش بـــــــــــــــــــــــــــريك الحصة الخامسة : اول عشر دقايق فيزياء وبعدها احياء الحصة السادسة : عربي الحصة السابعة : رياضيات }~} الجدول جدا رائع لدرجة بغيت اكفخ عمري  من كثر نحن مضغوطين ***123***المهم الحصة الاولى مملللللللللللللللللللللللللللللللة لدرجة اني اتريا اي موقف عسب اضحكـ بتقولون لي دين عيب ومدري شو المس الله يسامحها كرهتنا بالمنهج تبانا نحضر وننسخ الدرس كوبي بيست عسب نشارك وياها في الحصة بس الشهادة لله المس حبوبة  الحصة الثانية فيزياء طبعن لازم كل شي فيني اركز ويا المس لانه الفيزياء ما احبه احاول أييب فيه درجة بس  الحصة الثالثة والرابعة انجلش ماخذينا شي بس البنات قاموا يعرضوون برزنتيشن حقهم ولتقاريرهم وكان ناااااااااايس البريك كان نص ساعة سوينا الحفلة وكانت واااااااااااااااايد حلوة ونايسييين  الحصة الخامسة سرنا كلنا للنادي العلمي لانه علينا احيياء [ اهو علينا رياضة بس تعرفون صارت الحصة ملطشة وكل مس تاخذها ] لقينا مس الاحياء عندها اجتماع فخذتنا مس الفيزياء ونحن خلاص مانبا جان نسير صوبغرفة مس الاحياء مالقيناها واول ماظهرنا من الغرفة لقيناها جدامنا قلنا لها " مانبا فيزياء خذينا ونترجاها " قالت عيب آخذها خلاص حلال عليها . والله جان شوي وبنخنقها  ياخي مابغينا وكل هاالترجي ومس الفيزياء تشوفنا من بعيد ونحن طااااااااااااااااااااااااف ياشيخة مو متفيجييين ناخذ فيزياء  المهم خذت مس الفيزياء اول 10 دقايق واعطت الباقي لمس الاحياء وبعدها خذينا عربي ورياضيات ولا يومجد اي جديد يلا سي يوو وراي كويز كيمياء تسمية [ الالكان العضوي ] وامتحان شامل للتكامل في الرياضيات دعواتكم
|
||||
|
04-21-2009, 10:28 PM
|
#20 | ||||
|
عبط × عبط
أمس مادشيت النت أبدا ولا قربته بسبة كان عندي امتحان احياء بوحدتين المهم درسته وكان حـلو الامتحان وان شاء الله علامة كاملة  تصدقوون امتحان الرياضيات 3/4 بنات الصف غلطانين بسؤال سخيييف  ويوم سرت للمس جان اقولها مس تمّت تناظرني بنص عين وقالت " أكيد غلطانة " جان اقولها والله الجواب صح بس الطريقة غير وعلى كذا التكامل في حد ناقص وقالت عليه درجة انا هنا انفطر قلبي لانه من بداية الترم وانا احاول أييب علامة كاملة بس لازم أنقص المهم ماعليناا وكويز الكيمياء يبت 10 من 10 اليوم الحصة الأخيرة كان علينا دين وانا كنت طفشاااااااااانة جان أقول للي حذالي : [ تلعبين Bingo ] جان تقولي هيه ، ولعبنا الين ماخلصنا كم مربع من اللعبة فقالتي : [ بصّي البنات اللي قدام المس يلعبوا اسم حيوان جماد ] عاد انا اهنيه قلت الحمدلله مش انا الوحيدة اللي تلعب وتخيلوا واكتشفت انه 3/4 بنات الصف يلعبون هذي اللعبة خخخخخخخخخخخخخخخخخ وبنص الحصة اسمع البنات بصوت شبه مرتفع : ستوووب ..ستوب وبعد شوي تقول وحدة انا خلصت قبلج والمس لا حياة لمن تناااادي خخخخخخخخخخخخخخخخخخ خبرنا مس الاحياء تخبّلت علينا وقالت مياااااااااانين قلنا لها ندري عادج ماشفتي شي : يلا سي يوو عمّا قريب 
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
