|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
01-29-2011, 08:58 PM
|
#201 | ||||
|
مرحبآ
، هاليومين استوت اشيآ حلوة ، 27-1 حرمة اخوي ربّت ويابت سيف  واستوى لرشود اخو  ياحليله رشود اول ما وصلتني صورة سيف  جان اراوي رشود عاد هو مسك التلفون وباسه وتم يضحك  فديته ويوم سار عند امه العصر سار لعند سيف وعطاه بوسه بس عقبهآ كان بيعطيه كف بس نحن يينا من وراه ومسكنا يدّه جان امي تقول [ من احين الغيرة بتبدآ  ]، 25-1 فديت قلبج غدوووي [ من أجل غد] بتقولون ليش أقولكم سويت وصفتهآ حق كعك التمر  طلع يجنن حتى أمي قالت لي من وين الوصفة جآن أقولهآ مصادر عليآ  بجد طعمه لذيذ وخاطري انزل صورته بس ان شاء الله يوم افضى بنزل صورة الكعك حتى ربيعات امي قالوا طعمه حلو ووحدة منهم قالت لو حمّرتيه بيطلع شي تبين الصراحة انا يوم عجنتها حسيتها ما بتضبط لاني زوّدت الزبدة وخفت ما يضبط صرت ادخله الفرن واطلعه بدون نفس بس الحمدلله طلع مضبوووط  أرجاتوا كوزايمآس بالياباني كمسهميداا بالكوريثانكيوو شكرآآآ قد السمآ
|
||||
|
02-01-2011, 10:27 PM
|
#202 | ||||
|
ونزلت الدرجآآآآت
 مدري العادة احط  مع انه درجاتي حلوة بس ماادري ليش ما احس بفرحة يمكن لانه الـ GPA مب وآيد مرتفع مع انه مرتفع بس مااعرف GPA جيد جدا يعني لازم اشد حيلي يالله الحمدلله ع كل حآل ان شاء الله ان شاء الله السمستر الياي أشد حيلي ، يالسة اتناقش مع اختي عن مادة مب محسوبة بالمعدّل تعتبر elctive اسمها introduction to Drama فانا وربيعتي مثلي ماتحب تسولف وتقرا وتناقش الاستاذ ببعض المرات [ يعني انه الفكرة ببالنا بس ما نقولها ]  فالكل نصحنا انه ناخذها عسب انه تقوي شخصيتنا + نتعرف ع مسرحيات يدد إلا اختي قالت لي خذيها مب هالسمستر الياي اللي عقبه عسب تتقوى انجليزيتج وانا صليت استخااارة مرتين واحس مرتاحة لو خذتها واللي شجعني اكثر انه الدكتور اللي درسني القلوبال هو بيكون دكتور هالكورس وهو نصحنا انه ندشهاا وقلنا له انه نحن خايفين انه نحن انجليزتنا مب اوكيه قالنا انتوا تعالوا واحكموا بالعكس بجيه انتوا بتتقوون والخ يعني بالمختصر المفيد شجّعنآ فان شاء الله خيــر ، قلب دبي مبرووووك عليج الدرجات ان شاء الله السمستر الياي فوووق السمآ تضرب الدرجات ويكون GPA 4 عاد بيكون منو قدج
|
||||
|
03-02-2011, 09:28 PM
|
#203 | ||||
|
مرحبآ
،، طبعن بدينا سمستر وبدينا كراف  المهم كل اللي يدرسوني كيوتين نبدا Career وحدة توها فريش ياية من امريكا وتوها معرسة من 5 شهور والله لو عربية جان ما اشتغلت إلا بعد سنة خخخخ وان شاء الله خلال هالشهر بتاخذ الدكتوراه وماشاء الله عمرها 31 توها نونو  اممم انا كنت ما ابلعها مع انه شخصيتها حلوة وكل ماتسولف اتذكر الافلام الامريكية الكوميدية بس بديت اتقبلهآ ، Global II هالمادة يدرسني واحد 24 ساعة يستهبل في الكلاس قبل ما كنت حابّة كلاسه بس احين اوكيه لا بااس يعني الحمدلله بس طبعن مب احسن من اللي درسني قلوبال ون شتّآن بس ع العموم الحمدلله ، Eng III تدرسني وحدة عيوز أنيييقة وستايل عز الله عيايزنا حتى الروج ما يحطونه أما هذي ماشاء الله مناكير وحركات المهم من اول يوم حفظت اسامينا ماشاء الله عليها ذاكرة قوية قالت اختاروا موضوع لبحثكم جان اختار [ هل العولمة تهدد حضارتنا وثقاقتنا ؟] ، Excel خذيته مع واحد توه يديد شكله كيوت كندي اختي يوم جافته قالت شكله حبوب فخذيت عنده مادري شقايل كلاسه استمتع وما استمتع  ، اسلاميك ون هالمادة شي خصوصا اللي يدرسني وآحد كشششخة اسمه محمد أميزيان ماشاء الله اهو قد ابويه يعني عوود بس سمح يعني يوم تكلمينه تستحين تحطين عينج بعينه حتى يوم يمشي يغض بصره طول ماهم ماشي عينه بالأرض المهم هالانسان درّس أختي، ودوم اختي تمدحه لي وحتى اهو يمدحها ، المهم كان علي عرض تقديمي عن [حروب الردّة] كنت زايغة بشكل ما تتصورون ربيعتي نور تقولي [ بلا هبل انتي عربية شي طبيعي بتبدعي ] جان اقولها [ صح بس مع اميزيان غييـر ] [ لانه ما شاء الله موسوعة متنقلة ماشاء الله ماشاء الله ] المهم بديت العرض وكنت خايفة جان يقاطعني وعطى نبذة عن الموضوع طول ماكان يتكلم [ اقول حق نفسي ابوولة u can do it] وسرت للبورد ورسمت خريطة شبه الجزيرة العربية وحطيت 3 مراكز الدعوة [ مكة والمدينة والطائف] وخلص كلامه وانا بديت واتكلم اتكلم بلغة فصحى حتى انا كنت مستانسة اني قدرت اسويها وكنت كل ما اناظر السير اجوفه مبتسم انزين خلصت وشليت لابي وسرت لدرجي حذال ربيعتي نور اللي قالت لي [ رهييبة ماشاء الله عليج ] الاستاذ فتح الليت وقال [ يابنتي شو اسمك ] جان اقوله [ أبولة بن أبل ] >> ع فكرة اسم ابوي مميز لدرجة انه في المدارس كان يعرفوني اني اخت N بسبب اسم الأب جان يضحك وقال: [ انتي استاذة أبولة مب أبولة ] عاد انتوا دوروني  خدودي تحرقني وابي اضحك بس مب قادرة وبنفس الوقت كنت متفاجأة وكمّل وقال [ انتي استاذة ماشاء الله عرض ومضمون رائع ولديك ذاكرة وقدرة ع الحفظ، طيب ممكن تفيدين البنات كيف سويتي العرض ] طبعا انا جيه اقول [ انا آآآآآ آآآآ ] مارمت اتكلم وبعدين تكلمت الحمدلله ويوم رديت البيت فتحت لي اختي جان اقولها يااستاذة أبولة حتى ما قلت السلام عليكم من الوناسة تمّت تضحك وقالت ها كله من مجهودي جان جيه اطالعها جان اقولها جب انا سويت العرض وما طلبت مساعدتج جان تناظرني وتقول[ اساسا عرف انج اختي قبل يومين طرشت له ايميل، هع هع واكيد عرف من اسم الأب هع هع ] وان شاء الله باجر بسلّم البحث ، وباجر عرض ربيعتي فطوم الصبح ان شاء الله يارب يكون حلو وممتع 
|
||||
|
03-20-2011, 10:11 PM
|
#204 | ||||
|
مرحبـــآ
، نسيت كيف ابدا يوميتي خخخخ المهم باجر علي امتحان كرير وبجد لووووووووووعة  ، المهم الاسبوع اللي طاف كان بجد ضغط وخاصة نفسي لانه كان علينا حلقة نقااش وفوق جيه تضبيط التقرير وكان بجد تععععب فيوم سوينا حلقة النقاش كانت تدور عن سقوط الاندلس والتتار والحروب الصليبية فكنت اتكلم عن حروب المغول واقول الفرق بين التتار والمغول فذكرت انه علي الصلابي في كتابه قال كذا وكذا جان اسمع الدكتور يسألني: [يا أبل ماذا تعرفين عن علي الصلابي؟ ] جان أقول [ د. علي محمد محمد الصلابي، أخذ الدكتوراه والماستر من جامعة أم درمان في السودان، ويظهر على قناة الجزيرة كل يوم ] "طبعن هالانسان عرفته من كتاباته، اذا قدرتوا تاخذون له كتب فخذوها بدون تردد، أسلوبه حلوو ماشاء الله، وطبعن انا ما جفته بالجزيرة بس أخوي خبرني عنه قبل العرض ب3 أياام ] الاستاذ ابتسم: [هذا الذي اريده منك، بارك الله فيك مذيعة ممتازرة ] عاد انا اكمل نقاشي وفيني ضحكة وادعي لاخوي [ حبيبي والله لولا معلومتك جان الدكتور ما استانس خخخ ] الحمدلله عقب ما خلصنا مدح بحلقتنآ ويوم خلص الكلاس خلاص كنت اجوف بحث حلقة النقاش بعد ما صححه [عطيناه قبل الكلاس بوقت] جان اسأله لانه كاتب حذال هالفقرة يختصــر: [ استاذ انته اهنيه كاتب يختصـر، بس أكثر من جيه ما قدرت ] جان يضحك ويقول [ انتي تحسبين البنات مثلج ومثل نور، خلاص يابنتي انا قلت يختصر عشان يناسب البنات، ولا الفقرة تمام ] عقب سألني انا ونور اذا نحن ربع ولا لاء، ويوم عرف انه صار لنا متعرفين من السمستر اللي طاف جان يستانس ويقول : حافظوا على صداقتكم وعقبها يوم عرف انه نحن ما حددنا تخصص قال لنا: لا ياا بناتي لازم تحددون تخصصكم، انتم من خيرة البنات، هذا باين من تفاعلكم ومن خلفيتكم العلمية، واذا خذتوا تخصص لا تاخذون أي تخصص إلا اذا كان يبرز شخصيتكم، وبحكم الوقت احين ان شاء الله لي جلسة معكم بجد حسيته مثل أبوي ووايد كبر بعيني، يعني همه ناخذ شي نستاهله ويستاهلنا. ، برب بذاكر الكرير ع فكرة ما صار شي في حياتي يذْكر
|
||||
|
03-28-2011, 08:24 PM
|
#205 | |||||
|
مسآكم طاعة
، طبعن مثل ماقالت راعية هالاسبوع اجازة وانا ورآي شغل شغل [ ادوّر مصادر للانجلش+ تقرير الاسلاميك + امتحان الاسلاميك ] ، طبعن متعايزة أقرا عن التوبك حقي في الأنجلش فقلت خل اقرا عن تقرير الاسلاميك [ نكتب أي شي عن الإستعمار سواء كانت أسباب أو أشكال الاستعمار أو حركات ] فقلت بكتب عن محمد بن عبدالكريم الخطابي في المغرب بجد هالانسان الله يرحمه شخصية عجيبة حبيته من قريت عنه ، أما الامتحان للحين مادرست شي عنّه ، صار لي فترة ما اقرا أي كتب أو مبتعدة عن القرآءة مدري شفيني بس من اسبوع تقريبا يلست ع رواية أسمهآ "عالم صوفي" لـ جوستاين غاردر  طبعن شريتها من معرض الكتاب هالسنة وهذي صورة الكاتب اختي صوّرته وهو يوقّع لها ع هالكتاب  حلو هالكتاب حبيته مع اني بربعه او بثلثه يخليج تفكرين معاه وهو أصلا رواية حول تاريخ الفلسفة  ،  طبعن هذي حصيلة أختي لهالسنة اهي تشتري ع ذوقها وأنا اقرآ  اقتباس:
درت المعرض كله عشانه لدرجة انه اليوم الثاني سرت لعند سير الاسلاميك وقلت له من وين آخذه لانه بجد كلمة روووعة قليل بحقه هو عن مستشرقة ألمانية عاشت مع العرب وتتكلم عن تجربتهآ ، * الصور واسماء الكتب من مدوّنة أختي ،
|
|||||
|
04-03-2011, 07:15 PM
|
#206 | ||||
|
مساء الكتب والدوامات
، حاليا أشرب كوفي مع وآحد سجارة يعدّل المزآج خخخ أمزح اشرب كوفي واتريا كنافتي النابلسية في الفرن تحر ، المهم اليوم أول يوم دوآم كلاسي الاول الساعة 2 الـExcel حلو وكان ممتــع  بداية الكلاس كنا نضحك ع بنية عاد السير إلا وإلا يبي يعرف ليش كنا نضحك ياخي هالاجانب عليهم لقاافة كسّروا حريمنآ ، الكلاس اللي بعده قلوبآآل طبعن هالكلاس كان فضييع اليوم وزّع علينا درجاتنا انا ويهي جيه كان  تخيلوا يايبة 48 من 100 يخرب بيت شيطانه لا وزوّدنا 25 درجة واستوى 73 بس بجد اتحطّمت اول مرة جيع اييب باجر ان شاء الله انا عنده اعرف وين أغلاطي ، الكلاس اللي بعده دش السير وزقرني انا ونور أعطانا الكتاب [شمس العرب تشرق على الغرب] الكتاب اللي ادوره كنت واعطانا اياه عسب نقرآه ياحليله وبس هذا يومي
التعديل الأخير كان بواسطة : Mi$$ Apple بتاريخ 04-03-2011 الساعة 07:21 PM |
||||
|
04-03-2011, 07:44 PM
|
#207 | ||||
|
انا آسفة لعدم تواصلي وعرض التقااييم
شكرآ لكل من قيّمني جفتوا كيف انا جديمة من أيآم رمضآن خخخخ وانا متعايزة أنزّلهن خخخ ،  ، 
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
