حياكم الله

صباح الخير او مساء الخير

هذا راجع للوقت اللي بتشرفوني وتقرون فيه يومياتي

وبما انها يوميات بتلقون ايام مثيره وايام مثل مايقولون يوم وعدى مو ازمه وتعدي هذي غير

اليوم الله يسلمكم ويطول اعماركم كان عندي ورشة عمل واول مادخل المسرح وبديت بتركيب اللابتوب عشان الباور بوينت اكتشفت ان بلاك المسرح اللي مجربه عليه اللابتوب والداتا شو امس خربان طبعا لا تشوفون وجهي ساعتها قمة الكآبه

وصعدت فوق اشوف محول الكهربا صرت كهربائيه اخر عمري لكن طبعا فشلت العملية وهم مااشتغل البلاك

ولحسن حظي اللي ما بغى يتعدل ادخلت معلمه من قسمي وعرفت المشكله وقالت شوفي البلاك الثاني وكان في بلاك بزاويه بعيده وركبنا بلاكين في بعض ( مشترك) وابشركم اشتغل ههههههههههه

المهم

نطرنا الموجهه الفنيه اللي لازم تكون حاضره عشان نبدأ الورشه وطال الانتظار وبدأ الحضور يزيد فقلت لرئيسة قسمي نبتدي بدونها كيفها طبعا وانا داخلي اكاد اموت غيضا لان مو اول مره تسوي فينا هالحركه الكورس اللي فات اكشتت بدرسي بعد ههههههه (باقي المره الثالثه ويغدا شرناS_020:

المهم مره ثانيه الكل اعجبته الورشه ولله الحمد والفضل

وسويت درس مره وحده مدام موجود اللابتوب والداتا شو بس الدرس كان خاص لقسمي والبنات كانوا نايمين للاسف وبعضهم ضربهم الحيا على غفله وكان في طالبه مستبسله معاي بالحصه وتصرخ ابله وتشارك بفعاليه ( البنت فازعه الله يجزاها خير) وعقب الدرس جتني تقول ابله اشفيه صفنا اليوم قلت مدري باجر اوريج فيهم
<<<<< ناويه نيه قشرا
عموما المشاركه ماارضتني لاني متعوده على تفاعل اكبر بالصف مع ان رئيسة قسمي تقول زينين


ورديت البيت وبالدرب اتصلت بمدرستي الاولى وقلت لها تعالي اخاف الموجهه فيها شي لاسمح الله منعها انها تحضر او ترد على التيلفون وحنا طايحين فيها حش ما تستحي وحسبي الله ونعم الوكيل قالت يمكن

المهم انا للحين ماادري شنو رد الموجهه اذا ردت بقول لكم ماني مخليتكم تنطرون
يكون في احد درى عنج الحين >>>>>>

المهم بالبيت لاجديد بس ها تسيت اقول لكم انا عروس وقاعده اجهز وبدا العد التنازلي لعرسي
واليوم سلمت الرايه لخواتي قلت لهم انا تعبانه جسديا ونفسيا من المدرسه روحوا انتم اليوم وطلعوا ملابسي وماقصروا الله يخليهم لي وباجر لازم اروح استلم الباقي واخيط غيرهم
واللي يبي موعد العرس ووده يحضر يدز لي على الخاص واعلمه بالمكان والموعد وبحضوركم يتم الفرح والسرور <<<<<< مستحيه


واكمل معاكم باجر اذا الله احيانا وكان عندي وقت اشبك

اختكم
آمار

مساكم الله بالخير

ماقلت لكم امس غبت

يا حلو الغيااااب هههههههه

واليوم عندنا عطلة مرحلين عطلة المولد النبوي عشان مايغيبون البنات

المهم
امس رحت لمشغل وحده ما تدخل اي احد لازم من زباينها الخاصين وانا منهم طبعا <<< ياحركات

المهم وعشان هالخصوصيه هي غاليه حيل وما عندها زحمه
عاد لقيت عندها وحده هي اختارت بدله وانا اخترت بدله ثانيه ولما راحت راعية المشغل تبدل لانها كانت تعرض البدل لنا
قالت لي: اشرايج نروح الخياط برا رخيص انتي تخيطين نفس بدلتي وانا اخيط نفس بدلتج

ذكيه البنت وانا بيني وبينكم ما صدقت لاني مقحطه من مصاريف العرس
فرحت اليوم الصبح معاها لخياطه اعرفها خوش وحده اذا انتوا بالكويت دزولي بالخاص اقول لكم وين ههههههههههههه

ورديت البيت ومسكت خواتي الرايه مره ثانيه قلت روحوا قصوا الخام انا تعبت من طلعت الصبح
<<<< كله مالها خلق

والحين اكلمكم واكلم رفيجتي بالتيلفون لو تدري اني اكلمكم تطلعلي من السماعه
ههههههههههههه
نسولف عن اسم زوجي تقول غريب قلت لها عاد مو حلو <<<< مستحيه

قالت يوووووه عاد انتي حتى الصور مانقدر نعلق عليها يعني ههههههههههههه

قلت لا ماعليج مزيون ههههههههههههه الحمدلله

والحين بروح اصلي واشوفكم اذا في تطورات تنكتب

وشكر خاص للي علقوا على اليوميات بالخاص فديتهم كلهم ذوق وربي

اختكم

آمار

اليوم راح يكون آخر يوم اتواجد فيه بينكم

ادري ماامداني لكن ظروف خاصه

واتمنى من الجميع ان يدعوا لي بالتوفيق في زواجي

وانا اتمنى للجميع من هنا وادعوا لكم من قلب صادق

بالسعاده والصحه والرضا امين يارب

في امان الله
اختكم

آمار

تدرون برجع اكتب

لان ظروفي الخاصه اللي كانت بتمنعني عن الكتابه اقدر اقول انها تغيرت وانتهت ادري بسرعه بس الحمدلله احسن من انها تستمر عموما

اللي ايضا شجعني اني ارد اكتب علاقتي بوحده من العضوات وبغت تزغل مني وهي عزيزه علي وعشانها رديت اكتب ههههههههه هذي انا رديت اكتب ارتحتي (:

المهم اليوم الله يسلمكم شفت فيلم شايفته اربع مرات وهو خادمة في منهاتن بطولة جينفر لوبيز وانصح اللي ما شافته تشوفه

واليوم خواتي نايمين وقست بدله توني مستلمتها من الخياطه والحمدلله اطلعت تجنن ونزلت لامي اوريها البدله جان تقول لي عسى مو هذي ام 900 ههههههههههههه

انا مخيطه بدله ب900 لصباحتي اللي هي الليله الثانيه للعرس وامي محتره مني

فقلت لها لا مو هي قالت اشوا والله مدري ليه 900 للحين محتره الوالده ههههههههههههه

الله يخليها لي قولوا امين

ما قلت لكم عن نانا ونانا هذي فرد فعال في العائلة بنت اختي وعمرها 3سنوات ونص قمة الابداع في السوالف
اليوم تقول انا بالعرس ابي البس تنوله ولديه وامتك ولد بيدي والبت كعبي وامتي والناس يطبقون ويغنون وطني حبيبي وطني الغالي ههههههههههه
طبعا انتوا الحين تبون الترجمه هي تقول ابي البس تنوره وردية وامسك ورد بيدي والبس كعبي وامشي والناس يصفقون ويغنون وطني حبيبي ههههههههههههه
طبعا انا يوم قالت وطني حبيبي فطست من الضحك قلت خوش دخله للعروس ههههههههههه
والا اشرايكم

آمار

اليوم اقدر اسميه يوم الذكريات العالمي

جوني بنات اختي اليوم وقعدنا نسولف عن سفرتنا للخبر
كانت فيلم مو سفره

كان معانا امهم وامي اللي هي جدتهم " لغز مو سالفه " هههههههههه

واخوي وزوجته

وصلنا الدمام اول وقعدنا ندور المارينا مول وسألنا واحد سيارته كريسيدا قديمه حيل موديل الف وحطبه المهم طلع الدرب طويل والرجال اذا جتنا اشاره او زحمه يوقف على جنب ينطرنا المهم يوم وصلنا امي اقعدت تدعيله " يالله انك ترزقه سياره جديده " ههههههههه يا حلو امي ودعواتها ادري عجيبه

المهم وصلنا وشرينا اشياء حلوه هناك في محل جواتي وشنط حلو بس مااعرف اسمه
طلعنا ورحنا مكان اسمه القريه التراثيه وهو عباره عن مقهى ومطعم ومتحف مع بعض بس لا تشوفون رحلتنا واحنا ندور هالقريه العجيبه
سـألنا مصري عنها قال انا عرفتها ما انا رحت لها بس والله مش عارف هي فين ههههههههههههههه
وشفنا شباب صغار ووصلونا الرحله كلها صارت توصيل بتوصيل هههههههههه
دخلنا وطلبنا شاي بالنعناع يا حلاته لانا كنا متعشين بالمارينا
وشفنا المتحف كان فيه اساور وقلايد قديمه انتيكات فضه قالت بنت اختي خاله اخذي وحده فيهم شبكه لعرسج هههههههههه قلت لها اخاف علياء زوجة نمر بن عدوان على غفله

وطلعنا ورحنا للخبر والله لا يوريكم ساعتين بس عشان ندور سكن لان سفرتنا صادفت عطلة المدارس عندهم وكل السعوديين طالعين المناطق الساحليه بس الحمدلله لقينا سكنالساعه تقريبا 3 الفجر ونمنا والصبح قالت اختي وين حليب الكرنيشن طبعا اختي هذي ماتشرب الا هالحليب وامسكتها عليها زوجة اخوي طول السفره ما تناديها الا كرنيشن هههههههه

ورحنا سوف الراشد وشفنا واحد هناك ضعيف حيل ومطول شعره تحت كتفه حيل طويل الشعر وهو قصير ويغازل وحنا مو يمه نكاسر البايعربكشك الساعات الركن السويسري شوي والا المغازلجي يشب زقاره ويشربها ويطالعنا جان تقول زوجة اخوي شوفوا رشدي اباضه هههههههههههههههههه انا مت من الضحك استغفر الله

المهم خلصنا من الراشد ورحنا لسويكت وشريت عباتين من محل العيسائي وللحين ما اوصلوا ببكي

اممممممم ورحنا لفينيسيا مول وشرينا منه فساتين للعرس لبنات اختي وهم شريت منهم كذا شغله اذا بقول ماراح اخلص

وحنا رادين قعدنا نغني ونشيل القصايد اللي تعجبكم وزوجة اخوي استانست تقول ماراح اسافر الا معاكم وتعالوا اسمعوا اغانيها هي ما بقى اغنيه وطنيه ماغنتها ههههههههه

المهم مرت اخوي مو منقبه فيوم طلعنا من حدود السعوديه قطت نقابها وقالت " خلصت الاماكن المقدسه " ههههههههه

وانا خلصت بعد تعبت من الكتابه اكمل ياجر اذا الله احيانا

اشوفكم على خير يالغاليين