( أبيــاتٌ من اختيــارك لهــذا اليَـــوم )

أنا الذي من شوف الأحباب محروم..
والله يڪْفي شر زلات الاقدام..
قبل امس مع ربعي سواليف و علوم..
واليوم طاويني هواجيس وهيام..
اضحڪْ ضحى قبل امس وابڪْي ضحى اليوم..
ما اسرع دورات الليالي والايام..

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

ماذبحني فيك الا انك تبيني
وما سحرني الا حكاك الاستعاري
لا حكيت أحس بأشياء تعتريني
وان خشع قلبي .. تطري لي طوراي
أعشق حكيك و احفظه يا ضنيني
حفظ ابن تيميه لحكي البخاري
ولا سكت أحط يدي في جبيني
وارجي الله ما يطول بانتظاري

ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***

ياأدفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصالحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانتا تبيني
وماتحسسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت

***

ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع وتغترب

بالتفاصيل الصغيره
نقدر نعيش ونحب

اصدق دموع اشوفها دمعة فراق
من الهدب للأ رض طاحت حزينه
قبل يتفارق بالهوى اثنين عشاق
في ساحة التوديع قبل السفينه
معاد تجمعهم مراسيل و اوراق
وكلن بلا خله يكمل سنينه
واحد رحل وبنظرته حر الاشواق
واحد وقف تصفق يساره يمينه

اختبرتك و النتيجه .. مآخذ الصفر بجدآره
ألف مبروك لسقوطك .. حطم الرقم القياسي
فعلاً اذهلت المشاعر ياخي كل هذي شطاره
يالله عقبال انكسارك خلَّص الفصل الدراسي

الله خلقني عادي ليش كثروا حسادي ؟؟؟

لان الوفا من طبعي والصدق طبع فوادي

ودهم اغير طبعي واطفـي بيدي شمـعـي

لو مت يبقى دمعي ويبقى وفاي >مرادي<

ما اندم ولو لاموني والصدق نور عيوني

والله ما يردونـي لو سال دمعي واااادي

يالله وقـتي ضدي واحــس بانـي وحــدي

الناس تجهل قصدي والكذب فيهم عـادي

تعجبني مثل هذه الإختيارات اللطيفة .

سلمك الله أيها القدير


__

أنا تعلمت الهوى تحت يمناك
............ درست معنى العشق حسب اختياري
مبغاك تعشقني ولكني أبغاك
............ لا ضاقت الدنيا تصير داري
وابيك لامني تزاعلت وياك
............ ترضي غروري قبل اجيب اعتذاري
وابيك تدري لو أرضى بفرقاك
............ إني ابرضى قبلها بانتحاري!"

اشتاق لك لا مر بالبال طاريك
والمشكلة طاريك دايم على البال