( أبيــاتٌ من اختيــارك لهــذا اليَـــوم )

انا عايش مع همي وهمي صعب تفســـــــــــيره
حياتي بالالم تبدأ وهذا أول المشـــــــــــوار



أنا صوره من الماضي وأنا حاضر بلا ديــــــره
وأنا طيف مضى وقته وأصبح للزمن تذكار



وأنا جرح صعب يبرى,وكسر صعب تجبيــــره
وجودي والالم واحد بدنيا كلهـــــــا أســرار

ابسألك .. هو أنا استاهلك ؟
!استاهل الدمع اللي جرّح وجنتك ؟
استاهل اني اعشقك ؟

ابسألك عن حالنا .. انتي وانا ياللي احس ..
انك انا حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين عشقنا دايم يزين
ماهو غريب .. اني لو مرة في همي نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب ..
استاهلك

ابسألك لو قلت لك
ان الحنان اللي في قلبك ينبت من الصخر الزهر
.. وان النهار اللي في خدودك يخلي النسمة عطر
.. وان العذاب اللي في عيونك يعلـّم الناس الشعر

.. ولو قلتلك اني احبك اكثر من هموم البشر
وكثر الجفا وكثر السهر ...
لو قلت لك وانك اقرب من عيوني للنظر
كل الذي اقدر اقوله واللي ما اقدر اقوله
استاهلك .. حبيبتي ؟!وباجاوبك
.. للأسف ما به احد يستاهلك

دامك نويت البعد ياخل مسموح
هاذه اختيارك وانت حر بدنياك
ماينجبر قلبن ولاتنجبر روح
حكم القدر مكتوب من ربي رعاك

أمس العصر ليتني ياسعود
ماجيت للسـوق ظميانـي

ياخوك من بنيـة العامـود
والنّحـس ظـل يتقفانـي

بالسوق بس صايد ومصيود
السّحب فـوري ومجّانـي

وانا خويك جلبـت الفـود
أخو القمر قـرّب وجانـي

غزال يمشي بوسط قـرود
موشارب المـاء مسّيانـي

بنتٍ شوصّف عيونه سـود
متخالط الرمـش بالثانـي

غـدران مـيٍّ عليهـا ذود
يروابها القاصـي والدّانـي

جمال بالكـون موموجـود
من شافها مارقـد هانـي

فيها الحلا بكل شي بـزود
لو ألحق الوصف ممدانـي

له شفّتيـن تقـل عنقـود
وله جسم مليان رويانـي

وله خشمٍ صغيّـرٍ وخـدود
وردٍ تفـتـح بنسيـانـي

وله قبلةٍ عندنـا ياسعـود
الملـح منثـور ربـانـي

جتني وقالت وانا مشـدود
قـوّه يهالجنتـل لمـانـي

ممكن دقيقه علـي تجـود
شي شدني فيـك يافلانـي

أرجوك خلّي الغزل بحـدود
سمعت انا اشكال والوانـي

وكل ذي نعمـةٍ محسـود
من فضل ربّـي وأعطانـي

قولي ترى مابهـا منقـود
ياما مـن الغيـد حيّانـي

قالـت تركّـد يهالمقـرود
عنـدي نظـر لاتبّـلانـي

لايروح تفكيـرك المحـدود
بعيـد فـي عالـمٍ ثانـي

حامض على بوزك الممدود
مليـون غيـرك تمنانـي

بش شدّني ثوبك المنجـود
له خامه تهيّـظ أشجانـي

أبي أشتري مثلها لحمـود
خطيبـي وولـد جيرانـي

ـآنسىآ ـآلشـآرٍعَ...

وٍ عتمـآ‘ت ـآلزٍوٍآيـآإ وٍـآلمبـآني...


هآتي يدينكـِ...


نـلفْ ـآلغَيمْ / وٍنشكـل مدينهـِْ !!

هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..

حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..

احب امه .. احب عمه .. احب جده ..واحب خاله ..
اموت بنظرة عيونه وأعشق كل حروف اسمه ..

احب جٍده واحب هزله ، اذوب وحالتي حاله ..
واذا يطروه قدامي .. احس بداخلي صدمه ..

ذبحني بكثر ماشتاقه .. ذبحني بكثرة اشغاله ..
شغلني جنن قليبي .. فصلني من على الخدمه ^^ ..

ياليت اقدر اصير بيوم شي(ن) دايم قباله ..
وراه بكل مكان يروح .. شي(ن) غالي يهمه ..

ياليتني ساعة(ن) بيده .. او ارقام(ن) بجواله ..
يطقطقني على كيفه ولا احفظ سوى رقمه ..

انا ادري انه يعاني .. وادري صعبه احواله ..
قلبي مايطاوعني .. يبي دايم اهو يمه ..

انا مايهمني ربعه .. وعذالي وعذاله ..
احبه بكل جنون الحب .. والإحساس والذمه ..

صحيح انه يكذبني وظنونه دوم على باله ..
لكني بعلمه كيف هو دمي وانا دمه ..

يقول اني انا انسى ؟! فال الله ولا فاله ..
لو بانسى انا نفسي .. مانسى ابد رسمه..

ياقلبي شوف لي حل(ن) بحب(ن) صار لي عاله ..
يا إما تجيبه لعندي .. والا إطلُبه من امه ..

راجع وانا قلبي من العام مجروح
راجع تبي نسيان ما فات وياك

راجع وعينك تذرف الدمع بسفوح
وفر دموعك ما بقى غير ذكراك

ان جيت والا رحت ما اشوف مصلوح
ريح ضميرك وابتعد ما فقدناك

ابعد وباب ٍ للغلا كان مفتوح
بيديك هديت الغلا من سواياك

عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك فوق الناس وابي ماينحني راسي