|
|
|
|
|
|
||
| إعلانات منتديات ألم الإمارات |
|
|||||||
| مجلس يوميات الأعضاء مجلس مخصص ليوميات الأعضاء فقط ، وبإمكان العضو المشاركة بموضوع واحد فقط على أن لا يخالف قوانين المجلس |
 |
|
|
LinkBack | أدوات الموضوع | تقييم الموضوع | طرق العرض |
05-28-2009, 02:00 PM
|
#11 | |||
|
اليوم متفقين أنا وربعي كلهم ندخل المسن ونحط كلنا صورة بيبسي
و الصراحة أنا ما أحب البيبسي بس شو أسوي عجان خاطرهم بس و جيه و بعد اليوم قاعده أغايض ربعي لأني بروح كلباء و بتحوط هناك إن شاء الله و هم يقولون لي يا حظج إن شاء الله ما يصير لي شي لا سمح الله خخخخخخخخخ |
|||
|
|
06-04-2009, 01:51 AM
|
#12 | |||
|
يوم لا ينسى
 مرحبا حبايب قلبي مرحبا قسم يوميات الأعضاء والله أشتقت للكتابة مرحبا الأعضاء مرحبا للكل بسم الله الرحمن الرحيم أنا اليوم يبت لكم شي أستوى لي قعدت من بعده أضحك كنت اليوم ملانه  وأخوي الصغير في الإعدادي قاعد يلعب ps3 وأنا كل شويه أقول له خلني العب يقول أنا بلعب سيارات وأنتي ما تبي تلعبي  قلت أنزين خلني الأعب سونيك قال ما أقدر >>خاطر في هذي اللحظة أظربة << قلت أنزين برايك  طلعت برع وشويه ياء خالي إلي كبره وقاعد يتغايظ معاي وهو يقول تعالي أدفريني فقلت له ما أقدر قال جربي  قلت أوكي ونحن قاعدين ندافر وقفته على الكبت مالي قال يالله أدفري قلت أوكي  فدفرته قال بس هذي قوتج  خخخخخخخأنا عاد ما قدرت أخليه يتهزأ فيني أكثر فدفرته أكثر  ما حسينا إلى ونحن نسمع صوت شي ينكسر عثرنه كان محطي كتفة على زجاج الكبت >> قولو ما شاء الله لا حول ولا قوت إلى بالله عن تحسدو خالي <<  أنزين فأنا شفت وراه  وما أشوف إلى والزجاج شي منه طايح تحت والباجي عالج في الكبت خخخخخ أنا عاده ما قدرت أسوي شي أقول له أويه شو بنسوي  قال ما أعرف قلت له أركض يب المكنسة راح يابها وأنا قعدت اخوز الزجاج الكبير وأحطة في الزبالة  وهو قاعد يضحك وأنا وياه أونه نخوز آثار الجريمة >> الله يخليج كيف بتكوزينها وهي بتبان من الكبت << شو أسوي هذا إلي قدرت عليه أ  نزين و بعدين رحت ناديت أمي وقلت خليتها تشوف شو أستوى وأنا في داخلي خيفانه تنازعني خخخخخخ بس الحمد لله ما نازعتني وهي تقول لا يكون تعورتوا قلنا لها الحمد لله ما تعورنا قالت الحمد لله  وخوزنا الزجاج من الكبت العالج و إلي فيه و الحمد لله خلصت الجريمة المرتكبة من قبل رقيقة وخالها ................. هذا العصر صار  ................. بقول لكم عن إلي صار المغرب كنت قاعده مع خالتي نلعب كراش بعدين ملينا منه لعبنا كورة خخخخخخخخ>>شو عرفهن البنات في الكورة <<  لعبنا ويابت هي على نفسها قول وأنا أضحك بعدين أنا يبت على نفسي قول وهي قعدت تظحك علي وبعدين ياء خالي وأخوي من المسجد ولعبنا أنا فريق بروحي أحوي فريق وخالي فريق وخالتي فريق يعني اربع أفرقة لعبت أنا وخالي أول شي ياب على أحم أحم 6:0  قعد هو وأخوي يعايروني وأنا أقول لهم محد قال لكم مجطين لي فريق ما زين >> أونه انتي بروحج مختارتنه << أحم شو أسوي لازم ادافع عن نفسي أنزين وجيه  هذا هو يومي وإن شاء الله بارجر بروح أتحوط العين وبرجع يوم الجمعة ولا يوم السبت  فحبيت أحط لكم يومياتي طويله عجان ما تملون مع السلامه أدعوا لي بالرجوع بالسلامه و بالأستمتاع تصبحو على خير 
|
|||
|
|
|
07-01-2009, 06:24 PM
|
#13 | |||
|
أنكتب الجرح في عمري و لكن في أمل ينمحي من حياتي
إليكِ يا عروساً زينتْ بأبهى حلة،
نباركُ لكِ باسم مشرفات مجلس اليوميات .. لعل وعسى أن تنال هديتنا البسيطة استحسانكِ ... مبروك ~ مبروك ~ مبروك  |
|||
|
|
|
07-04-2009, 11:50 PM
|
#14 | |||
|
مرحبا الغوالي
أشتقت لكم مووووووووووووووووووووت و الله لكم وحشة وحشتووووووووووووووووووووووني حبيت أخبركم باني نجحت في الثنويه و إن شاء الله أدخل الجامعة وإن شاء الله النتايج الأسبوع هذا للي بيدخلون الجامعة إدعوا لي ادخل جامعة العين وجيه |
|||
|
|
|
07-13-2009, 08:53 PM
|
#15 | |||
|
مرحبا ااااااااااااااااااااااااااا
باركوا لي انقبلت في جامعة الإمارات في العين في كلية العلوم الإنسانية أنزين وعقبال البقية الباقية شدو حيلكم ولا تستهينوا بالسنة القادمة ونبي نشوفكم في الجامعة مع السلامه ولكم وحشة الصراحة بس سامحوني يمكن ما رح أدخل وايد المنتدى وأبي منكم انكم تدعون لي لأني أخذ دورة أيليتس وباجي لي كم أسبوع ورح احاول أدخل بعدهم وأخبركم كل السالفة عن المعهد سلموا على البقية |
|||
|
|
|
07-26-2009, 07:47 PM
|
#16 | |||
|
مرحبا وغلى للحلوين
اشتقت لكم بالحيل و سمحوني على القصور في يومياتي كنت من شهر تقريبا آخذ دورة آيليتس وخلصتها و الحمد لله انقبل في الجامعة و رح يكون 22/8 وبعد رح يكون عندي امتحان في نفس اليوم أدعولي بالتوفيق لأني خايفة الله يعيني لأن رح يكون في امتحان ورمضان وجامعة في نفس اليوم ما لي إلى دعائكم الطيب أتمنى لكل إلي رح يدعي لي أنه الله يوفقة في حياته ونلتقي في جنانه اللهم إني أسألك العفو والعافية ادعولي |
|||
|
|
|
12-21-2009, 12:57 AM
|
#17 | |||
|
مرحبا كيف الحال و الأخبار
الصراحة أشتقت لمنتدى ألم وااااااااااااااااايد وانا الصراحة مقصرة في حقة أكثر عن اللزوووووووم حبيت أخبر إلي يشوفون يومياتي عن أني رح أبدأ في الأيام القادمة في كتابة قصة من مخيلتي و الصراحة ما رح أنزلها إلى يوم أخلص منها عجان ما أتلعوز بعدين في تنزيل الأجزاء حبيت أقول للكل لكم وحشة من غير أستثناء و الصراحة الجامعة حلوة وما حلوة بس شوية كد وتعب بس إلي يتمنى يدخلها لازم يشد حيله و أتمنى للكل التوفيق و النجاح في مواقف كثيرة صارت لي في الجامعة أكثرها حزينه بالنسبة لي و بالنسبة لصديقتي العزيزة مع الأيام رح أذكرها لكم ورح تعرفون سبب أني قلت بأنها حزينه قبل لا أطلع حبيت أذكر لكم موقف أنا من بداية السنه وانا متلعوزة مع البنات إلي كانن معاي في المدرسة بعد ما أنتقلت راك ( هذيل البنات أنا بس عرفتهم من صف ثاني ثنوي ) الصراحة كل يوم يجرحوني بالكلام و انا أسكت عنهم وأشتكي لربيعتي و توأمي وهي كله تحاول تهديني وتخفف عني وتخيلوا وصلت فيهم النذالة بأنهم يجرحون توأمي وأنا ما أعرف مثلا أكون طالعة أيب شي من الغرفة الثانية وهي تقعد معاهم لين ما أرجع ويوم أرجع اشوفها محد صار هذا الموقف أكثر من مرة ( على فكرة توأمي و ربيعتي (A) معاي من صف رابع وأنا وهي ربع الروح بالروح وما أرضى عليها و إذا صار شي يجرحها يجرحني أنا معاها ) أنزين في مرة من المرات كنت واقفة عند الدرج و هي قاعده مع ربعي وانا كنت أتكلم في الفون ويوم رجعت عندهم شفتها راحت وقفت عند الدرج وكانت مضايجة حيل وأنا مسكينه أحسبها ترمس حد في الفون وهي طرجت لربيعتنا الثانية مسج بأنها رح تروح مبناهم أنا شكيت في الأمر ورحت لها أسألها شو فيج قالت لي ما شي قلت متأكدة قالت سألي ربعج شو قالوا رحت لربعي أركض وسألتهم حد قال لتوأمي شي قالوا لاء (شوفو البراءة كيف ) رحت مبنى توأمي أركض و أنا قلبي ناغزني حاسة بأنه شي صاير يوم وصلت ما شفتها شفت ربيعتنا الثانية إلي معاها في الغرفة سألتها وين توأمي قالت ما أعرف ( هي قاعجة تخبي علي ما تبيني أعرف شو صاير ) دورت توأمي في الجناح كله آخر شي شفتها في البلكونة قاعده أتصيح انا قلبي عورني وانا أشوفها جيه ما يهون علي كله ولا أشوف دموعها قلت لها توأمي شو فيج شو قالوا لج البنات قالت ما شي قلت لها قولي لا تخبي علي قالت لي قعدوا يتمسخرون على لبسها بس بطريقة محد يرضاها لنفسة وانا هني عصبت قلت لها ليش ما خبرتيني قالت ما كنت أبيج تعرفي قلت لها قالن لج شي من قبل قالت هيه دايم يوم أي عندج وانتي ما تكوني موجوده ينغزوني بالكلام ( انا هني صدق تضايجت ) قلت لها أبيج ما تضايجين منهم وانا رح أتفاهم معاهم ورح أشرح لهم أنج ما تحبين طريقتهم في الكلام قالت لي أوك وقلت لها شوفي يوم بتي عندي مرة ثانية تعالي وانا بطلع معاج وما رح نقعد معاهم عجان ما يسترجون يقولون شي لج وانا موجودة بعد هذاك اليوم و انا وهي كل ما نلتقي في مكان نقعد نتمشا ولا نقعد مع البنات و الحمد لله ما صار لتوأمي شي بس انا بديت أعاني من سخريتهم مني و تجريحهم لي جدام بنات جناحنا وربعي بالذات إلي معاي في الكلاسات من دون ما يحسون السموحة إذا طولت عليكم إن شاء الله في وقت ثاني رح أقول لكم شو هي تجريحاتهم لي تصبحو على خير |
|||
|
|
|
01-02-2010, 08:29 PM
|
#18 | |||
|
{غريب القلب لو تدري
يحب الروح يوم تبعد يدور في قلوب الناس عن حنان و حب مفقود } بداية عن إلي رح أكتبه من مده احس بضيج وكتمة على قلبي ما أعرف شو سببها وأحس كأنه حد يكتم انفاسي وما أقدر أتنفس عدل قلت لأمي قالت لي يمكن زجمة جيه يوم قالت جيه ما حبيت اخوفها وأقول بانه هذي الكتمة مستويه لي من أكثر من شهر أو أقل خبرتي ربيعتي وتوأمي قالت بانه هي بعد نفس الشي تحس بانه يوم تبي تنام تحس كأنه حد قاعد يخنقها قلت لازم تخبرين امج وقالت لي أنتي بعد خبري أمج قلت بحاول أوصل لها المعلومة بشكل أحسن عن قبل واليوم قاعده اخبر خالتي إلي هي أصغر عني بس قريبة مني وايد وتقول لي يمكن حد نظلني يعني {عطاني بعين} وانا خايفة لأانه أمي ما فاهمة شو اقول لها وأخاف أقول لأبوي ويحاتي وانا ما أبي جيه بس إن شاء الله خير أدعولي بانه الله يشفيني ويبعد عني الناس الحرام وإن شاء الله تبدأ الإجازة و أكون احسن عن جيه
|
|||
|
|
|
01-04-2010, 04:32 PM
|
#19 | |||
|
ودي ـأحطگ في ضلوعـي وآخليگ لـآ ـ أبوگ يسألني ولـآ ـأمگ تجيني .. حتى ـ أخوگ اللي يـعـزگ ويغليگ .. ينساگ في صدري ولـآ يبتليني وـإن ضاق بگ صدري رفـعـتگ ـأسليگ تطلـع من ضلوعـي وترقى لـَِ عـيني ..‘ ـأحبـــــــــــــگ ـأحبـــــــــــــگ ـأحبـــــــــــــگ ـأحبـــــــــــــگ السلام عليكم مرحبا الصراحة روعة اليوم خلصنا إمتحان IT والبارحة إمتحان الإنجليزي و إلي قبلة رياضيات وباجي بس العربي بس مع هذا كنت أتمنى أنه يكون يوم الثلاثاء إمتحان عربي عجان افتك وأروح  والله مليت  بس باجر عندي أمتحان تحدث ويوم السبت 9/1 عندي أمتحان ILETS أدعولي بالتوفيق الصراحة أشتقت لكم ديرو بالكم على حالكم وإلي عنده أمتحان يشد حيلة ولا يستهتر  نشوفكم إن شاء الله في أقرب وقت لكم حبي وسلامي
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
