آنا حروفي في غيابك .. لا هي حكي ولا هي قصيد

تبكيك عيني في البعاد
تبكي ليالينا سوا
ومن حزنها
صارت تِلِمْ اضداد

أحيانْ ياخذها الوله
وتجمع لك اشواقه ورود
واحيان يكسرها الألم
ويصيبها برق و رعود
حتى الهدب من حزنها
تنزف أسى فوق الخدود

ومن حيرتي
تهزمني اشواقي واصير
مثل الطفل دمعي غزير
ابكي وله .. شوق وحنين
وارحل مع احلامي .. اطير
وانادي بصوت الالم
مااتحمل افراقك خطير

تعال
تعال واحضني بشوق
وداوي جروحٍ تستقيد
تعال ياشمسي وضياي
قربك حبيبي يوم عيد
قربك مناي ودنيتي
قربك هنا عمري أكيد

طيف

كيف احس انك بعيد
وانت قلبي مستحلَّه
كيف تفقدك العيون
وانت شوفه وانت ظلَّه
وكيف انا بدونك سراب
وانت روحٍ ما أملَّه
عايشة بداخل عروقي
يا حلى ورده وفلَّه

أقرب الناس انت عندي
متعلقٍ في معاليقي
وابعد الناس انت عني
لا انقطع فيني الطريقي
ياعسى ربٍ جمعنا
يفرج اهمومي وضيقي

طيف

آآآآآهـ ياطول المسافة
بينك وبيني
والدقايق تختنق
والثواني تلفظ انفاسه بيديني

آآآآآهـ صرت لارياحك هدف
تتلف ورودك بصدري
وتنزع الفرحة وتجري
ومن قساها ... نَبْضِي بقلبي وقف

آآآآهـ يا زارع الآمي
من قسى قلبك وهجرك
أَتوسَّد جرح جمرك
وَالْتِحِفْ لحظات غدرك
واكتب معاناة قلبي حرف دامي

طيف