|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| يوميات آسوله, يوميات لا يمكن ان تمحى من خيالي |
|
|
LinkBack | أدوات الموضوع |
التقييم: 
|
طرق العرض |
01-12-2010, 04:23 AM
|
#121 | ||||
|
 شعور يضايق ! لآ حبييييت شخص من كل قلبـك ، بس اكتشفت انه هالإنسآن يحب غيرك اكثر منك  يمكن انك كنت شآك بهالشي !بس مو حلو يوم تتأكد من هالشي !صحيح انه يحبك ، بس ودك تكون الأول ،، ويمكن يكون هذا الشي مستحيل ! شعور يضايق ! لآ صصرت تهتم بشخص لدرجه كبيره ، وتتوقع منه الاهتمام نفسه ! لكن يفاجئك انه مايهتم فيك ابد ! شعور يضايق ! لا ششفت اللي حولك يهتمون بالكل حولك ويسألون عنهم ! لكن انت ! ولا كنك موجود !! شعور يضايق ! لا كنت متضايق وتدور على اللي تبي تشكيله حولك ! لكنه ! " غير موجود " شعور يضايق ! لا عرفت انه فيك طبع خايس والكل يتشكى منه ! لكنك منت قادر تغيره  شعور يضايق ! لآ صرت تضايق نفسك وانت مالك داعي الصراحه  !! الله يعيـن على هالافكار اللي مالهآإ داعي !............. كنتُ هنـآإ 
|
||||
|
01-13-2010, 05:34 PM
|
#122 | ||||
|
مرحبـآإ
 يآصبآح الااجآزه والروقآن حرررره اجزت قبلكم ياهل السعوديه  انا انام واصحى متى مابي وانتوو عندكم محاضرات  !بس تصدقون زهق ماأمداني أأجز الا زهقت  لازم اسوي لي اي شي ولا بنتحر وانا كل يوم ف البيت متملله بس اللي هون علي قبل اسبوع كان عندنا معرض الكتاب  وانا وسول ميتي طلعنا من الجامعه ورحناا  وهناك ششرنا روآيآت وش كثرهأأأ  خصوصا من القسم الكويتي  قصصهم حلوه واستانسنا عليهم وايد !شرنآ حق كتاب مختلفين ،، اللي اذكرهم / - عبدالوهاب السيد - تركي الأحمد - قمآشة العليآن - منال الانصاري - اجاثا كرستي < مت ونا ابي اتذكر شنو القصص الحلوه مالتها اللي قالت عنهم قلوب ولا تذكرت - احلأم مستغانمي وغيرهم بعد وشسمه اللي قريته من مجموعات الرويات اللي خذتها ! رسآئل من خوف " 1 & 2 " قريت الجزئين وكانو حلوين ،، بس يخوفون شوي  وفيه تفلسف شوي بس يعني حلووو وقريت لجين والحين قاعده اقرا " عيون قذره " ،، كلها هم في هم بس حلوووهـ اعجبتني حيل امس بديت فيها الساعه 5 الفجر ،، وخلصت لين صفحه 266 بس تعبت فـ نمت وألحين بكملهآإ،، تحسون ماعندي سالفه بس ابي اكتب ايه صح وصرت " بلآك بيريه " من زمآإن واخت خلودي احبببببج ياصديقتي وشنو بعد ايه مهووي ،، ترى من كتبت لج تقييم انه فكرة الاسواره عاجبتني بديت اطبقهاا  حتى قامو يسألوني : اشفيج عفنتي بهالاسواره !وبعد شنو شنو اييييييييييييييه شفتو MBC المحششين !مدبلجين فلم هندي لا وبعد مدبلجينه بأي لهجه ! الخليجيه !يعني لغة عربيه قبل وكان حلو وسوري وحبيناه بس خليجيييييييي اسمحو لي وبعد شنو شنو شنو مدري بس خلآص C you 
التعديل الأخير كان بواسطة : somayya بتاريخ 01-13-2010 الساعة 05:43 PM السبب: شاسويَ / نزلتها وتذكرت اشياء ابي اضيفها خخ |
||||
|
01-15-2010, 05:22 AM
|
#123 | ||||
|
السلآم عليكم  مثل ما إحنا عآرفين اليوم ان شالله بيكون كسوف الشمس ! هاليوم كان يخوف الكثير حتى الرسول صلى الله عليه وسلم ! اليوم كنا قاعدين وخالتي تمت تكلمنا عن كذا شي عن هاليوم !بنقل لكم اللي لقطته واللي استفدته !قالت ،، انه الرسول صلى الله عليه وسلم من شدة خوفة من هذا اليوم كان يمشي للمسجد وردائه مسحوب وراه عشان يصلي بالناس ! طبعا في هاليوم كان يصلي بطريقه معينه " وراح اذكرها " بس اللي صج اثر فيني انه قالت / الرسول صلى الله عليه وسلم يوم كان واقف يصلي بالصحابه ،، فجأه مد يده وبعدها فجأه رجع على ورى بدرجه كبيره ،، لين كانو الصحابه كلهم بيطيحون ! فلما سألون الصحابه عن السسبب ! قألهم بما معنى الحديث : انه يوم مد يده كان يرى الجنة ! ويوم رجع على ورى ،، كان يرى النار ومن شدة الحرارة رجع على ورى !الله يرحمنا برحمته !الحين بقولكم صفة صلاة الكسوف !1- التكبير ،، قرآءة الفاتحه وسورة من القرآن 2- الركوع والقيام من الركوع " سمع الله لمن حمده " ونرد نقرا الفاتحه وسورة من القرآن 3- الركوع والقيام من الركوع ثم السجود عادي ! 4- القيام من السجود وقراءة الفاتحه وسورة من القرآن 5- الركوع والقيام من الركوع " سمع الله لمن حمده " ونرد نقرا الفاتحه وسورة 6- الركوع والقيام من الركوع وثم السجود وننتهي من الصلآة .. يعني الحاصل .. " 4 مرات نقرى الفاتحه ، 4 ركعات ، 4 سجدات " وعشان تفهمون اكثر ،، انه نركع ركعتين وعقبهم نسجد ،، يعني مابينهم سجود !* ملاحظه : يوم نقرا سوره من القرآن ،، لازم تكون سورة حافظينها يعني مانمسك القرآن . * وملاحظة ثآنيه : النبي صلى الله عليه وسلم كآن يطيل في الوقوف والركوع لكن السجود كان عادي ! اتمنى اني افدتكم يارب واني نقلته بشكل واضح وإن شالله كلنا نقوم وقت الكسوف ونصلي وندعى يارب ولآتنسونا من الدعاء " يآرب سآمحتي ! ليـه انا كذآ ضعيفه .. ليـه ماقدر اتحكم في نفسي وتصرفاتي ! ليه ما أتعلم من خطئي ! ليـــــه ! متضـآيقه "
التعديل الأخير كان بواسطة : somayya بتاريخ 01-15-2010 الساعة 05:24 AM |
||||
|
01-26-2010, 12:35 AM
|
#124 | ||||
|
هذرهـ ~
هلا هلا
اشتقت لنفسي وانا اكتب كل يوم واشتقت لكم وانتو تقيموني كل يوم !هالأيآم داخل بخآطري احب  !عندكم ترشيحات ؟ مه مه ، ها لقيتي لي واحد ؟ !خلني اسولف لكم عن سيلين  الأسبوع اللي طاف ! ككل جمعه رحت سيلين أول ما وصلنا زوج خالتي كان يركب لعبه .. هذيك الدآئريه اللي يقطون عليها الاسهم مدري وش اسمها واحنا الحريم قاعدين برى تحت العريش ونسولف وناكل كالعاده يوم ظلمت الدنيآ دشو الحريم داخل الخيمه كالعاده و شغلو الكشافات برى وجي وحماس وريايل خالاتي قامو يلعبون اللعبة وانا وسول ميتي قاعدين عندهم نشجع اول تحدي كآن بيت زوج خالتي فوفو ، وزوج خالتي م !واول شي خلص زوج خالتي فوفو بس كان باقي يجيبه ف الدائره اللي فـ النص وكل شوي يسوي حركه انه شجعوني احنا فاطسين ضحك بس ف النهآية على هالتشجيع زوج خالتي م فاز !ثآني تحدي كان بين ولد خالتي ، وابو سول ميتي !وفاز ابو سول ميتي وثآلث تحدي انا وسول ميتي دخلنا لانه الريال زادو واحنا شكلنا صار غلط بينهم !بس طبعا ردينا طلعنا ورحنا فوق الطعس مانقدر ننحكر ف الخيمه وبعدين تعشينا وجي زبدة الكلآم كله اني قلت حق امي { بنآم هني اليوم }قآلت { لآآ } الا خالتي فوفو تقولها { انزين خلها تناام ،، مع البنات واحنا موجودين  }جآن امي قالت { اوكي } وراحو خالاتي كلهم والنآس بس اللي تموو خالتي فوفو وريلها وعيالها وابو سول ميتي وامها وعيالهم وانا < داشه عرض بين العائلات !جان قعدنا نسولف في الخيمه ،، انا وسول ميتي وبنت خالتي الا جاتني خالتي قالت لي { نامي في الكرفآآن ،، زوجي بينام في الخيمه } جان قلت لها { لا لا عادي خل ينام ف الكرفان انا والبنات بنام ف الخيمه } المهم وبدلنا وفرشنا لنا وسكرنا الخيمه عدل وانسدحنا وشغلنا لنا فلـم تمثل فيه جينفر انستون ،، مابقولكم اسمه شوي واحنا مندمجين ف الفلم نسمع صوت طق ،،  وخبركم هدوء واحنا بنفسنا ف الخيمه فابتدا الخوف الا قالت سول ميتي { عاادي ترى طلول يقول انه العنه اللي هناك اخر الليل يشتغلون طق } جآن ردينا شغلنا الفلم ،، الا الطق بعد قام ينسمع  بنت خالتي تصرقعت قالت { جنه الصوت قام يقرب }سول ميتي قالت { جني اسمع صوت بطبطه }قلت لهم { اعصصابكم اشفيكم كل وحده قامت تخرع نفسها بنفسها } < مسويه فيها بطله وانا رايحه فيها !الا تذكرت سالفة عبدة الشياطين اللي قالتها لي قيتو جآن اقولهم جان يتصصرقعون !المهم وخلص الفلم وكان شوي سخيف !وكل وحده فينا منتهيه تبي تنام جان نامت بنت خالتي بس انا وسول ميتي تمينآ نسولف ونسولف ! شوي الا تقول { جني اشوف شي يمشي } قلت لها { نعم ؟؟ } !قالت { ماعليج ترى اتخيل وايد }شوي الا تقول { جربوووووووووووع } وانا وهي نقزنا نقزه محترمه !قلت لها { اقومهآآ ؟؟ } قالت { مدري } ! شوي الا شفنا الجربوع يركض جنب بنت خالتي جان صرخنا صرخه ونقزت بنت خالتي !قالت { شنو ؟؟ جربوع ؟؟ } قلنا لها واحنا ميتين من الضحك { ايي ايي }والله لو تشوفون اشكالنا ،، متصرقعين وبردانين وميتين من الضحك مدري شنو يضحك بس كذا كنا نضحك نضحك نضحك !وابتدت رحلة طرد الجربوع من الخيمه بقيآدة سول ميتي وانا وبنت خالتي نشجعها من بعيد !!تمت هي تراكض وراه واحنا ننقز كل شوي !شوي الا راح صوب بلاك بريي ونظارة بنت خالتي  قلت حق سول ميتي { هاتي جوالي بليييز ،، والله لو راح عليه عاد اغسل الجوال }المهم وبعد عناء طويل اتوقع انه طلع واحنا الثلاثه توسطنا الخيمه وانسدحنا < ابد مو خايفين كانت الساعه 5 تقريبا ! الا قمنا مره ثانيه عشان نروح نتوضى ونصلي ! وبرى ضباااااااااااب وبررررررررررررررررد  !وبسرعه بسرعه توضينا وردينا متصرقعين !وصلينا وسولفنا لين 6 وشوي وعقب نمنا وابتدت رحلة العذاب فـ النوم فجأة ع الساعه 10 مدري 9 قمت ليش ؟؟ عشان ذبانه كانت تحوس عندي اذني  وتقول ززززززززززززززززززززززززززز يآ إنيييييييي عصببببببببببببببببت وقمت اسبها واسبها واسبها  !وفجأه صصصصار حررر برى الهوا حلو ،، بس داخل الخيمه حرررر لأنه الشمس حاره وضاربه الخيمه وانا بعد يأسي لأني ادري ماراح انام طلعت برى وحطيت الايبود ف إذني وقعدت اسولف فـ المسنجر !وهذيل نايمين يقهرون مدري كيف شوي شوي بدو يقومون وثمن قآلو { يالله فطور } دخلنا الكرفان كلنآإ ،، وكان فطور شي شي لذيييييذ  !الا زوج خالتي قال لي { لو انتي الحين نايمه ف البيت كنتي بتحصلين فطور نفس هذا ؟ }قلت له { انا ف الأيآم العاديه ما أحصل نفس هذا تبيني ف إجازه احصل } وخلصنا فطورنا وقعدنا نسولف ونضحك بعدين قمنآإ ورحنا العديد ،، صوب البحر عشان نصيد بس طبعا ماصدنا احنا البنات قعدنا نصور ونسوي سكراب بالتراب !وبعدين رديناا مره ثانيه العنه وجآو ناس يقربون لزوج خالتي ،، فأنا دخلت الخيمه لأنو فيه رجال غريب وجاو سول ميتي وبنت هذاك الرجال وتمينا نسولف وانا خلاص ميته ابي انام يوم راحت البنت تقعد معاهم انا وسول ميتي شردنا ورحنا الكرفان نشوف فلم وانا كل شوي انام واقوم حالتي مأسأويه لين تعشينا وهيكآإ ،، ورديت البيت ع الساعه 12 الليل كآإن كل شي حلو الا النومه طبعاا وأول مارديت سسسبحت بمىآآي حار جمييييل ! وتميت انطر اخوي يجيب لي محلول ونمت واليوم الي بعده اللي هو الأحد قمت على اتصال من اختي قالت { بنروح سيلين عنة زوجي تجين ؟ } قلت { يالله قدام }< ما أشبع 3 ايام ورى بعض ورحنا احنا العيلة الكريمه المكونه من 8 افراد ومعانا نسآيبنآإ واليهآل طبعا !وسقت رينووووووو  وتعشينا وردينا البيت ع الساعه 11 اما هالأسبوع فكآإن يوم الجمعه شوي يوم مأساوي !مو هيك بدآيته كان ضحك وسوالف مع خالاتي وجي والبنات ! وكان برد ووناسه بس هيك يوم قعدنا انا وسول ميتي بروحنا قالت لي شي تضايقت صصصصصحت لا شعورياً وهي تقولي لا تصحين ومن هالكلام ووصارت جناجن ماقدر اقولها ووآيد تنرفزت وتضايقت ذاك اليوم فضيته صياح تقريبا حتى ولد خالتي كسرت خاطره لقاني قاعده فوق الطعس بروحي جآ يسولف معآإي وسول ميتي كانت بعيده شوي تسولف مع صديقتها ف التلفون بعدين رد صار وناسه قلت لهم { ابي اسوق بآنشي }وخلوني اسوق  وسسسسسقت وسرعت واسسستآنست وركبت سول ميتي وراي وكان وناسسسسه وقالت لي سول ميتي { نامي هني } قلت لها { لا سوري بضاي نفسي ف النومه وبضايقج ويآي }وهيكآإ وبعد وشو ايه ابي اطلع زههقت من جدددددد ابي اطلع ابي اروح السينما اففف ادعوي لي اطلع آمييييييييين وبس هذرت على راسكم وايد وياليته مرتب ،، مدري والله وش قلت اي شي يجي ف مخي اكتبه فأنتو سلكو لي اذا شفتو شي غلط يالله C you لعيونج زوزو
التعديل الأخير كان بواسطة : somayya بتاريخ 01-26-2010 الساعة 12:42 AM السبب: انا بس قريت اخر جمله طلع فيها اخطاء إملائية قد شعر راسي :s / سلكو لي بليز هههههههههه :P !! |
||||
|
02-01-2010, 12:48 AM
|
#125 | ||||
|
مرحبآإ ماقلت لكم اني خذت درجاتي صح الحمدلله كلهم حلوين كلهم A شاقولكم مممم يوم الأربعاء طلعناا واخيراً رحنآإ الستي ،، انا وخواتي كنت مسويتلي عبايه وخذتها ودرنا بلا هدف وجي يعني ورحنا مطعمي حبيبييييي نتعشششى Applebees فديته حبيبي شهر ماكلت فيه واول ماحطو الاكل جااناا اخوي بو جاسم الا قلت له { بس انت من تشم ريحة الاكل تجي }قآل { اكل ببلآش طبعا بجي يالله اطلبو لي }وكلنآإ وكملنآإ ويوم طلعنا برى المطعم .. قال لي { يالله غطي ويهج الخايس } قلت له { دامه خايس ليش اغطيه محد بيشوفه }قال { يالله يالله انتي وويهج }قلت له { احلى من ويهك }وطول ماحنا وياه ،، وهو يتحرش فيني وانا اتهاوش وياه !بس عبط طبعآإ اختي ام علاوي تقولنا { يهال انتو اشكثثر تتهاوشون }المهم ورحت دفعت فآتورتي ،، شعور جميل يوم الواحد يدفع فاتورة قبل كنا نشتري كروت ونعبي الحين احس نفسي شخصيه وانا ادفع الفاتوره < ملآغه طوفو ماعليكم ويوم الخميس .. كنا متيمعين ف بيت خالتي  ولبست بلوفر احمر وبنطلون جنز اسود وطول الوقت انا وسول ميتي برى نتمشى في الحوش والبررررد مانحب ننحكر ف مكآإن ويوم الجمعه ..اكيد ف سيلين هالمره وناسه ،، كل شبابنا تقريبا موجودين وكل البنات يعني ماعدا اللي مسافرين يدرسون برى الله يسلمكم احنا مسوين انه كل اسبوع بيت من البيت هم يجيبون الاكل يعني عزيمتهم تكون وهالمره كانت عزيمتنا وطبعا مشيلين وايد اغراض فرحنا بسيآرتين سيآرة اخوي ،، انا واختي ام علاوي فيه وسيارة ابوي ،، الشعب كله هناك احنا ليش كنا شوي مع انه السياره فرويل ؟؟ الحين بقولكم لنه السياره كلها اغراض الاكل على الجدور على مدري شنو وريحة السياره كانت بصصصصصصصصصل تبخرنا ياشيخ ،،بس زين اخوي ربط كيس البصل عدل وقطه اخر السياره وحط فوقه اغراض وتوجهنا صوب سيلين وهنآك واحنا رايحين بس خطين ،، خط رآيح وخط جآي وخبركم كله تجآإوز المهم ،، كانت قدامنا شاحنه وبطيئئئئة ،، وفيه وايد سياير جاين ،، فمافي مجال نتجاوز الا اخوي الذكي نزل ف الترآب ،، وعطاه ريس ولا قدامنا جات جي حفر صغيره الا فجأه يقول { حاسسسب } ونقزنااااااا نقزتين مب صاحيات طقيت راسي طقه عجيبه حسيت اني جي صرت > وقعدت اضحك واضحك واضحك هههههههههههههههههههه حسيت انه الطقه اثثرت على سلامة مخي وانا مخي الحمدلله والشكر مب ناقص !!المهم ورحنا ووصلنا العنه ونزلنا وتمينا قاعدين برى وجي احنا البنات وجا ولد خالي مسمينه " فديته "خالتي وايد تحبه ومن يقولون اسمه تقول " فديته " الا خلاص سميناه فديته المهم جآإ وقعد معانا وتم يسولف معانا وجي وزوج خالتي وخالتي والبنات وبعدين اخوي ركب البطبه وركبني وراه حممممممممممماسسسسس طعوس وحركات وتنقز وسسسرعه وناسسسسسسسسسسه ورجعنا وتعشيناا ،، كان مجبوس حلو استانسو عليه بس انا عادي مافرقت عندي بما اني ماحب هالاشياء !وبعدين قلت حق سول ميتي لازم اسلم ع الطعس مارحت فوق اليوم ورحنآإ فوق الطعس نسولف ونسولف فديتهاا وحششششتنيييي وشوي جاو البنات وهم جآين قاعده اقول حق سول ميتي { لا لا تجون مب فاضين لكم ،، نبي نسولف }الا جاو وقعدو معانا وتمينا نسولف بس كان برررد تجمدو فكلنا نزلنا وقعدنا حول النار وجي يعني كان حده وناسه استانسنا وردينا البيت الساعه 12 وشوي وأمس السبت .. اختي طلعت مع بنت خالتي وبنت خالي وانا زهقااااااااااااااااانه قلت حق امي تطلعني الا قالت { اوكي }  وطلعنا انا وامي واخوي ،، وابوي وصلنا ماكان وناسه بس يعني اسمها طلعه واحنا هناك شفنا زوج اختي وخفت يعلق علي لني كنت ماسكه الجوال ورحنا تعشينا ف تشليييز وكلت مولتتتتتتتتتتتتتتتتتتن !!وخلصنا وطلعنا ورحنا بيت خالتي وهناك يدتي فديتها وايد مريضة الله يشافيها ويريحها يييييييارب وجات اختي هناك هي وبنت خالتي ،، الا بنت خالتي قالت { ليش ماجيتي معانا ؟ } قلت لها { محد عزمني وماكنت ابي املغ }الا اختي قالت لي { هم قالو لي خل تجي انا قلت لهم مب لازم } قلت لها { لنج حمآره }وبس ردينآإ البيت وأما اليوم ،، مللللللللللللللللللل زههههههههههههههق لوووووووووووووووعة جبببد وانا زعلت من نآإس يعرفون نفسهم وبس ،، هذرت وايد اي وصصصح ،، أنا اسفه ما أقيمكم ترى صج اقرى لكم بس اتعيز اقيييم أنا اسفه مع السلآمه
|
||||
|
02-02-2010, 01:51 AM
|
#126 | ||||
|
أنا قاعدهـ احاول احب النآس بكثر ماهم يحبوني واني ما أحبهم زياده عشان ماأتعب انا ! انا من عادتي لآ حبيت شخص ،، خلاص احبه من كل قلبي واحب اكون قريبه منه ،، واحب اهتم فيه واسأل عنه واتوقع دايماً انه هو بعد يسوي نفس الشي !بس المشكلة اذا انصدمت بالعكس !! فـ عشآإن جي من الييييوم  بحآول اعامل الغير بمثل ماهو يعاملني !بمقدار حبه لي ،، انا بحبـه !! ماراح ازيد حبي عشان ما أتعب انا ! وما أضايقه هو !بـ حآإول !! رآح احاإول !! وإن شششالله !! وبقولكم النتآيج معاي اشلون 
|
||||
|
02-03-2010, 01:08 AM
|
#127 | ||||
|
هذرهـ ..
صايره وايد ادخل اليوميه ها
الحمدلله شكلها ايام أول رجعت بسس للحين وايد اتعيز المهم  اليوم من اول ماقمت من النوم وانا طالعه لين قبل شوي رديت البيت ونآسسسسسسه إن شالله كل يوم < مافي أمـل اول شي رحنا " حديقة الحيوآإن " عند ربع عيال اختي كل ما سألو امهاتهم " وين بنروح "  اقولهم { بتروحون عند ربعكم }وأختي تقولي { اشقصدج } المهـم ،، فـ السيارهـ اختي قالت { ويـه نسيت اجيب الكاميرا }جآإن انا جي صرت > قلت { لآآآآآآآآآآآآآآآآآ لآآ لأآ ،، اشلون اشلون انا نسيت الكاميرا اشلون }وتميت معصبه ومنقهره من نفسي كله من طمطم بنت اختي المزعجه اختي قالت لي { تعالي نلبسها } وانا رحت هنآإك ،، وهذي الخايسه ،، تركض وتقول { سيديني } يعني صيديني !مع ويهها المهم وصلنـآإ هنـأك ،، الا شفنا مكتوب " يوم النساء والأطفال "ايه صح ما قلت لكم ،، من احنا اللي رحنا كنت انا وبو جاسم اخوي / واختي ام علآوي وعيالها " طمطم وعلآوي " ،، وأختي أم عبودي وعيالها " عبودي وحمودي ولولو " ،، وخدامة ام علاوي ،، المهم ولا قلت لهم { من متى هذا بعد ،، اخبر يوم عائلات ،، بعد صار نساء }والا اخوي قال { عادي روحو وانا بروح حق ربعي يوم تخلصون اتصلو }ودخلنآإ ،،  وانا استخدمت جوالي كا كآميرا واصور ،، وكل شوي احط صورة فـالـ BBM !المهم ورحنا عند " الفيل " واليهال اكلوه وانا اصور ورحنا صوب الأسد ،، اللبوه كل شوي تروح تتحرش فيه يعضها وتحرك اقول صج حريم يستفزون الريايل < بتحقدون علي !ويوم رحنا عن النمر ،، هذا يصارخ مدري يزأر مدري شيسوي نست شيسمون صوته والأسد بس يزأر مدري يصرخ بصوت عالي تصرقعنااا الا اختي تقول { تخيلو يكسرون القفص ويطلعون }الا اختي الثانيه تقول { بسم الله تخيلو ،، يالله امشو نوخر }وانا ضحكت عليهم يوم شفتهم يروحون بسرعه قلت لهم { من صجكم يعني ما بيكسرون القفص الا اليوم عشانكم موجودين يعني }وتمشينا ونشوف الحيوانات ،، ورحنا صوب الطآووس ،، كانو يتمشون حولنا وكملنا الفره ،، حول السبلان وكل الحيوانات وبس رحنا الكافتيريا اليهال خذو بوب كورن وطلعنـآإ ركبنا السياره مع اخوي وقلنـآإ بنروح " المـول " اسمـه المول ترى صح نوني !ورحنا اول شي الالعآب ،، عشان البزران يلعبون ! واختي نزلت تتشرى وانا نزلت معاها واخوي يقول { تغطي }قلت { اففف انزين }وجي تمشينا وخلصنآإ وعقب رحنآإ chillis انا طلبت سلطه ،، مالها طعم كلش بس كلت لقمتين وهديتها وتميت اكل معاهم وعقب طلبنآإ مولتـن حبيب القلب وعقب طلعنـآإ ،، وردينآإ البيييت وقعدنا نشوف فلم وقعدت ع النت والحين كتبت يوميه والحيـن بسولف ع المسن وبس  C ya
التعديل الأخير كان بواسطة : somayya بتاريخ 02-03-2010 الساعة 01:14 AM السبب: احطـه ع الجـنب خخ ! |
||||
|
02-19-2010, 03:32 AM
|
#128 | ||||
|
الحممممممدلله
تعرفون وش معنى السعاده والوناسه والفرح
؟؟؟انكم تجيبوووون الايلز IELTSالحمدلله الحمدلله من جد الحمدلله فرررحت فرحه مو طبيعيه !! تعرفون وش يعني اني جبت الايلز !يعني راح ابدا اخذ مواد تخصص وماراح اتأخر !!الحممممممممممممممدلله !كله من فضل ربي املي بالله كبير ،، والحمدلله ربي ماخيب املي !كل ماكانو يسألوني { هاه شخبآر ؟؟ } كنت اقول { مدري ،، بس أملي بالله كبير }بعضهم قالو { مو كل شي بالامل !! } قلت لهم { صح ،، بس انا سويت اللي علي ،، وانا عند حسن ظني بربي والله مابخيب املي ان شالله  } الحممممممممممممممدلله !يارب من ججججججججد وناسه من ججججججد !! يمكن اللي مايعرفون نظام جامعتنا يستغربون من هالوناسه !ترى هذا الايلز اهم من نتيجة الثانويه !لأنه الله يسلمكم ،، اللي مايجيب الايلز مايقدر يتخصص !يأكثر بنات اعرفهم تخرجو من الثانويه من 4 سنوات وللحين ماتخصصوا بسبته !! واعرف بنات بينطردون من الجامعه هالكورس اذا ماجابوه !لأنه عندج سنتين اذا ماجبتيه تنطردين او تقعدين ف بيتكم لين تجيبينه !الحمممممممممممممدلله !!خلني اقولكم شسويت الله يسلمكم قمت ع الساعه 9 الصبح ،، سبحت وبتدى التوتر شوي  !واقوم اخوي مايقوم !بعدين قام وقال لي { تأكدي اذا منزلين النتيجه خل نروح مو نروح درب ع الفاضي } فقلت لصديقتي " مقدمه وياي " { روحي انتي بما انه بيتكم قريب اذا خذتي النتيجه خبريني بطلع من البيت }وراحت وانا طول الوقت خايقه بس فدييييت البنات اللي ماقصرو فديييييت " نونيييي " ،، والله احببببببببج يأ أكووووس بنت ف هالدنيا كانت معايي وتسألني ووترتها معاي !نووووووووووني ،، احببببببببببببببببببببج جدااااا !!الحمدلله اني تعرفت على انسانه مثلج !المهم ،، وصلت صديقتي وقالت لي { خذت الظرف } قلت { كذابه يالله بسرعه افتحيييه قولي لي } الا كتبت لي { سمووي ،، عديت الله والله } وانا { كذذذاببه والله ؟!!! مبرووووووووووووووك } وقعدت اناقز بغرفتي كني انا جايبته !وبسرعه رحت قومت اخوي ولبست عباتي وانطلقنااا وانا ف السياره ياربي متوتررررره وقلبي يدقدق ووصلنا هناااك ،، قال لي اخوي { مو لو خذتي النتيجه ومانجحتي تصيحين !! } قلت له { لا اشدخل }ونزلنآإ ورحنا فوق وخذت الظرف وردينا السياره ،، وانا اتنافض مو قادره افتحه !اخوي سحب الظرف مني ،، وافتحه ولا انا لمحت 5.5 فتحت عيوني كذا وقلت { جببببببببببببته والله جببببببته 5 ونص جبت الايلززززززز جبتتتتتتتتتتتتتتتتتته }وقعدت اصصصصصصصصارخ " جبته جببببته "حتى اخوي تصرقع لنه مانتبه وين مكتوب وسحبت الورقة منه ورويته قلت { شوف شوف ،، جببببببببببببببببببته ،، وناسسسسسسسه جببببببببببببت الاييييييييييييييييلز }اخوي قعد يضضحك قلت { عشان تعرف اختك مب هينه }وكانو مكلميني كثير ع البيبي يسألوني فدزيت لهم كلهم برودكآست !ودقيت على امي على طول قلت لها { هلآ ماما ،، هاتي البشاره }قالت { شنو ؟؟ } قلت { يالله اشناطره باركي }قالت { شنووو ؟! } قلت لها { ماما جبتتتتتتتتتت الايييييييييييلز عديييييت جبت 5 ونص }الا فديت قلبها فرحت لي ودعت ليييي وسكرت منها وانهلت التبيريكات علي ع البيبيييي وناسسسه شعور جميييل !بنات خالي وخالتي وصديقاتي والكل قام يبارك لي !واتصلت بعدها على سول ميتي وغيرت صوتي شوي على حزن قالت { يالله بشري } قلت { انتي قولي  }قالت { يالله عاد قووووووووووولي }قلت { مدري انتي قولي }قال { عديتي ؟؟ } قلت { ايييييييييييييييييييييييييييييييييييييييييييييه جبت الاييييييييلز }هههههههههههـ،، زين مافجرت طبلة اذنها !!وتمت فديتهااا تبآرك ليييي وكل شي بالحياه !بعدين دقيت على اختي لأنها ماقرت البرودكاست وبشرتهاا !وبعدين دقيت على فطومتي بس جوالها موقوف ومسافره فمقدر اكلمها !ووداني اخوي مطعمي حبيبي عشان نحتفل !وشربنا مارتيني < فاهمه الاحتفال غلط !!وكلمت زوزو وبشرتهااا !وتغدينا وخلصنا ،، ورحنا مرينا على اختي اول ماركبت السياره حطيت الشهاده ف ويهها قلت لها { شوفي اختج الشاطره } !ورجعنا البيت وقعدت ع النت وهيكآإ وامي قامت وجات سلمت علي وباركت لي وفتوم بعد رجعت من الشغل وباركت لي !وبعدين دقيت على فطومتي على رقم بنت خالتها السعودي وكلمتها وبشرتها ياي !بعدين خلاص خارت قواي فاستسلمت ورحت انام شوي عشان وراي سهره الا ع الساعه 7 جا اخوي يقومني واختي وازعجوني اخوي قال { قومي شوفي حلقت اشرآيج فيني ؟؟ احلى } قلت { جمييل جمييل ،، الحين شكلك عدل مو شعرك كشه قبل }وقمت اصصصوره ،، وشوي يسوي حركات غبيه واضحك عليه !وبعدين بديت اكششخ ورحنا بيت خالتووو ،، وهناك كلهم كانو يسلمون علي ويبآركون لي وكل وحده تقولي { اشلون كان شعورج ؟؟ } والثانيه { ماصحتي ؟؟ }والثالثه { اشسويتي يوم دريتي } شي شييييييي !!كلهم كانو مستانسين لي وانه مشالله علي جبته من ثاني مره لانه بنت خالتي قدمته يمكن 9 مرات لين جابته وتأخرت سنتين ! وبنت خالتي الثانيه للحين ماجابته ،، وغيرت الجامعه بسبته وبعد لازم تجيبه !!وهيكاا فكآإن جد جد جد وناسسسسسسه كل شوي اطالع الورقه وصورتها بعد بس عيزانه انزل الصور وحتى توني يوم رجعت من بيت خالتي القيت نظره ع الورقه !!الحمممممممممدلله الحمممممممممممدلله !وبس
التعديل الأخير كان بواسطة : somayya بتاريخ 02-19-2010 الساعة 03:37 AM |
||||
|
03-05-2010, 02:15 AM
|
#129 | ||||
|
قديمـه انا وبقوهـ صح
؟!عندي سوالف قد شعر راسي وكل ماجيت وقلت بكتب اتعيييييز حددددي سخيفه ادري !!بس تصدقون حتى النت ماقمت ادخله وايد واحس حياتي كلها بزي مع انها لا بزي ولا هم يحزنون لا بس جد هالاسبوع كنت بزي ان شالله بسولف وبكتب لكم اذا الله راد  !!بقولكم جدولي الجآمعي اشلون !الأحد : أوف الأثنين : من 8 لين 9 وربع انقلش ون ومن 9 ونص لين 11 الا ربع عربي ون  الثلاثاء : من 12 لين 1 و 40 مآث الأربعاء : من 8 لين 9 وربع انقلش ون ومن 9 ونص لين 11 الا ربع عربي ون الخميس : من 8 لين 11 الا ربع كمبيوتر  وبعدين بريك طوووويل لمدة 4 ساعات وبعدين من 2 لين 3 و 40 ماث !!تصدقون ،، حلو يكون الاحد اوف احس الويك اند طويل !!وهذا احلى يوم ف جدولي بس طبعا يوم الخميس مسبب لي أزمه وتعقدت وتضايقت منه لنه يوم متعب جداً يعني مثل اليوم الحين حدي تعبانه وعيوني قاعده تغمض الحين على فكرة بس قلت دامني فتحت اليوميه خلني اكتب لني مدري متى بفتحها مره ثانيه بس بفتحها قريب !!يارب ابعد الضيق عني [3 ]
التعديل الأخير كان بواسطة : somayya بتاريخ 03-05-2010 الساعة 02:18 AM |
||||
|
03-10-2010, 01:20 AM
|
#130 | ||||
|
مرحبآإإ
 ..شو أخبآركم ؟؟ اسبوعي اسبوع جامعي ممل للحين مانتهى !!خاطري اسولف لكم عن الاسبوع اللي طاف لأنو كان اسبوع جميل جداً !بس فـ الوقت الحالي عييييييييزإنه !وتعبآإنه ومفهيه وفيني النوم ! مممممـ،، خلني اسولف عن اسآتذتي < هذي التعبآنه والمفهيه و و و !*العربي ،، دكتورة حنآإن !حبببببببوبه وحلييييوهـ وتضحك حبيتهآإ جدا !صح تمدح نفسها بس يحق لها واصله الدكتوراه وهي قطرية * المآث .. wolfgang !!اسمه تحفه ..بس اهبل هالاستآذ حبيته ..يشبه ممثل ،، بس ناسية اسمه ف الوقت الحالي كان بطل فلم اتز كومبليكيتد ،، للي شافه !كلآسسه طويل ،، احسه يقرى ع الكلاس قبل لايدخل ..بس احساسي خاب لأنه كافر < ماتملغ !بس حلو كلآسسه !وهو بريطآإني اتوقع * الإنقلش .. olga :هالاستاذة ،، تعذيب بالنسبة لي !حبوبه وطيوبه وماعليها كلام من ناحية الاخلاق !بسس ياربي تررررررررررقد بآآآآآردهـ بششكل !!يا أني اتثاوب في كلاسهاا فوق الـ 10 مرات !ومرات ما أفهم عليها تتكلم بصوت عادي مرتفع ،، وفجأه يبدا ينزل ينزل لحد مايختفي ويالله عاد يا أنا ،، افهمي وش قالت وانتي حتى ماسمعتيه !!أجر أجر !* الكمبيوتر .. الدكتور محمد شآهد جميل  !هذا هو نفسه اللي درسني الكورس الأول !زييين وشرحه اوكيييه واهم شي انه يمدحني !وكل من بغى شي يخليهم يسألوني ،، لأني الفاهمه اللي اخلص أول وحده حتى يوم يمر عليهم يشوف شنو حلو يسحب علي يقول اعرف تحلين صصح ونآسسسسه احس بالعبقريه !هو هندي على فكرهـ ،، انا وفطوم الحمير نسميه خياطنا الله يسامحنا !!وبس خلصو اساتذتي بديت دايت أول مره ف حياتي اسوي دايت !ان شالله امشي عليه ومايكون صعب اليوم كان اول يوم ،، والفطور كان بيضة مسلوقة ،، اكلتها وانا اركض لني متأخره والغدا كان دجاج مشوي ،، واكلته متأخر ع الساعه 5 لأنو كنت فـ المجمع مع اختي ،، وطولناا  ..والعشا كان ذا 100 غرام شاورما بدون خبز بس جي خاليه اول اسبوعين ماكو خبز وماكو عيش عادي ماحب العيش فعادي عندي وما أكله يعني بس الله يعيني لني احب الببسي ..يالله ان شالله اوصل الوزن المثالي !!وبس بنام لني تهزأت من أميي اشوفكم ع خيررر ايي صح بغير اسم يوميتي ترقبو الاسم الجديد
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
