|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع | تقييم الموضوع | طرق العرض |
|
#1
07-31-2009, 03:54 AM
|
|||
|
|||
خربشات قلم
أحيانا نبكي بصمت ونتألم بصمت وأيضا نكتب بصمت ونكون خربشات قلم تعكس ما نشعر به وبعض الاحيان تعكس ما يشعر به الاخرين وها انا اضع بين ايديكم خربشات قلمي وأتمنى ان تحوز على البعض من استحسانكم
~. خربشتي الاولى .~ ~{ كيف ابرحل }~ اشتاق لك واحن برضا وتخنقني العبره فهواك واسكت واقول ما بقى قد اللي مضى واكتم اشواقي واجفاك وتحرقني جمرة غضا بداخلي كن عشقي لك ما يبي رضاك!! ويعشق ارضك قبل سماك غصب عني ويزيده جفاك قلي كيف ابرحل ؟! وقلبي يبيك وكل ما اقله ليه يا قلبي تبيه ولا شفته تترك الكون وتجيه يسكت ثم يكتم العبره ويجيييك كيف ابرحل ؟؟ ~{ بقلمي }~ تحيه عذبه
|
|
08-02-2009, 12:45 AM
|
#2 | ||||
|
خربشه أخرى }~
~. معشوقتي .~
 جده يا ارض الرخا والشده ياسكر حلو بحده من هواك لامس خده ينطقها بلا شعور جده احبك واحبك واحبك بشده وشوقي لك مافي شي يرده ادري من قراني قال جده!! اقول اكيد من عرفها يبتسم حده يفرح لا جاها ويكره بعدها بحده ااه يا ليل جده بحرها لحاله مغرور من جده يحق له وهي توقف بغرور وقدها قده واللي يعشقها ماله عن العشق صده يكرهونك ويكرهون عشقك وضده واعاديهم عشانك وعشان هواك وعنده ينهزم كل عشقي وتضيع حروفي فيك يا جده احبك واحب اسمك بشده ج : جمالك ينبض بحده د : دلالك واصل(ن) حده ه : هواك مقدر اصده كلك حلى وتراك قصيد ماهم بقده بس بقولك شي لا قالو الحب قلت جده لا قالو الشوق قلت جده لا قالو الهوا السهر السمر والبحر صدقيني بكل حده اقولهم مافي غيرها عروس البحر جده ~. بقلمي .~
|
||||
|
08-02-2009, 10:08 AM
|
#3 | ||||
|
كيفي حجازيه }~
صباحكم \ مساكم جوري لكل اللي يقرئو أحب اعرفكم عن نفسي  اسمي \ كيفي حجازيه او عذبة الروح سعوديه << احلفي بس  هواياتي \ اكتب خواطر وحاليا بكتب قصه وان شاءالله تكون بقد المستوى وتعجبكم  امممممم وأفضل انكم تعرفوني اكتر بنفسكم  حاليا بكتب لكم وانا جالسه اكمل كتابه في قصتي  واخر شي يشرفني حضوركم وقرائتكم لسطوري   ~. تحيه عذبه .~
|
||||
|
08-03-2009, 08:33 AM
|
#4 | |||||
|
{{ سالفة عشق ..
اقتباس:
 وعليكم السلام ورحمة الله وبركاته اسعدني مرورك اختي الكريمه وتقيمك لي ولا يسعني سوى القول بأنك اخجلتي حروفي ~. تحيه عذبه مني لكـِ .~ \ / \ / صباحكم أحلى صباح يارب اليوم انا مرررره مبسوطه لان اخر خاطره كتبتها في الم نالت استحسان القراء واعجابهم يدعمني ويعطيني الدافع عشان اقدم احلى ماعندي واللي يليق بألم الامارات ككل 11 م رحت السوق مع اهلي ماكان زحمه كتير لاننا رحنا بعد صلاة العشاء ومر المشوار بسلام بس سمعت خبرين زعلوني شويه واللي هما خبر سفر بنت خالتي للخارج عشان الدراسه وكمان احتمال ما اروح لمعشوقتي << اقصد جده ^_^ << احلفي ورجعت البيت نمت وصحيت على اذان الفجر صليت وجيتكم  << مدري ايش دخلو بس لاني مبسوطه خخوطبعا الحمدالله على كل حال امم اليوم حابه اتكلم نفسي شويه لكن بالخواطر << لا يا شيخه  هاذي اكتر خاطره قريبه لقلبي واتمنى تعجبكم ~{ سالفة عشق }~ بيني وبينك سالفة عشق واشواق تشتاق بسكات وعيني بحبك معاها حق تجدد شوقها لو الشوق بها مات فيك شي(ن) يرهني والرهينه مالها عتق لو كل البشر اللي تفداها لك جات ماغيرك بالدنيا برهنها احق تحبك تعشقك تهواك واذا قلبها راح عنك مات شتسوي لاطالت سالفة هالعشق وتحول بوحها لسكات روحي تحبك وحبك مابه عتق كيف انعتق والروح ان رحت بطوعها لك جات لا ماابي البوح ابي الرفق بقلب حبك وبلا عشقك مات وترجع سالفة العشق اللي بيني وبينك وتزيد بسكات حبيبي تبغى الصدق ابيك كلك قبل يقولون قطارها فات ابيك اكثر واكثر من عشق لين يقولون خلاص قلبها فيك مات وأبي يوم قلبي يدق وينطق باسمك طول يومي وعلى اسمك يبات يقولون يابخته من له هالعشق كل مافي هالبنيه مات الا قلبها مرهون له وماله عتق حتى لو راحت الازمان وجات وكل يوم تجدد سالفة هالعشق ياناس ادعولهم بالمسرات \ / \ \ همسهـ،، استودعتكم الله الذي لا تضيع ودائعه ~.تحيه عذبه.~
|
|||||
|
08-06-2009, 01:50 AM
|
#5 | ||||
|
بعثرة انفاس }~
من الجميل لا بل من الرائع ان تبتسم وجروحك تنزف ولا تلبث ان تقول ~.الحمدالله.~ وتضحك ضحكه صاخبه رغم الالم
ولكن هل نستطيع ان نبتسم وفي داخلنا براكين الالم تحترق ؟؟ هنا فقط وفقط تظهر قوة الايمان وصلابة قلوبنا وايماننا بان ~.الله عزل وجل.~ مازال ولا يزال يرانا ويراقبنا حينها فقط سنؤمن بأنه لن يصيبنا الا ما كاتب ~.الله.~ لنا وأن هذا ما قٌدر لنا من احزان وافراح بكاء وضحكات وأن السعاده لن تندوم كما أن الحزن لن يدوم قد تكون كلماتي للبعض بعثرات قلم ربما كان جريحاً وربما يبتسم لمجرد الابتسام ولكن هنا تجتمع بعثرات القلم مع بعثرات شتات الروح لـ يكونان ~{ كيفي حجازيه } ~ تبتسم لـ أجلكم ولـ أجلكم فقط تكتب وكلها رجاء أن ترسم ولو ظل إبتسامه على شفاهكم ~. همسه .~ أذكروا {الله} دائما ودوما وتذكروا ~. قمة الشموخ الابتسام رغم الجروح .~ وأخيراً أستودعكم الله الذي لا تضيع ودائعه
|
||||
|
08-06-2009, 07:13 AM
|
#6 | ||||
|
وانكسر البرواز ..~
لما تجي في يوم وتسمع \ي اخبار سيئه عن شخص ما رح اقول قريب منك راح اقول يمثل شكل من اشكال القدوه وكان الخبر زي الكابوس اللي اتحقق وصعب نتفاداه وبعد الخبر تجي عينك في عينه ولا شعوريا تترسم في عيونك نظرة ~.. انكسر البرواز .. يا ترى ايش بتكون ردة فعل هالشخص وايش بتكون مكانته عندك ياترى نفس المكانه ؟؟ \ / \ / \ / لما ترسم\ي صوره خياليه لواقع الحياة محد يشوفها غيرك ومحد يفهم ابجدياتها احد غيرك وفجاءه وبدون سابق انذار ~.. انكسر البرواز .. ياترى راح ترجع \ ي تعيد \ي رسم الصوره من جديد بأبجديات مختلفه ولا راح تتابع \ي بقايا البرواز ؟؟ \ / \ / \ / في النهايه ليلة 16 من شعبان كانت ذكرى ملونه من عبق الماضي صوره حلوه بعنوان مزخرف لكن قبل ما تنتهي رسمة الذكرى ~.. انكسر البرواز .. يا ترى راح تظهر الذكرى بكره بنفس ألوانها البهيه ولا .... << الله أعلم  \ / \ / \ / وأخيراً أستودعتكم الله الذي لا تضيع ودائعه وتحيه عذبه قبل ما ينكسر البرواز
|
||||
|
08-08-2009, 06:16 AM
|
#7 | ||||
|
ذكرى ميلاد ..~
صباحكم سكر
امس كانت ذكرى ميلادي وكان يوم غريب من نوعه لان فيه ذكرى ممكن تكون مميزه للبعض لكن بالنسبه ليا كان يوم مميز لان اول ذكرى تمر عليا اقضيها في الحرم بجد كانت زياره حلوووه ومميزه ومن ضمن الاحداث اللي مرت عليا حدث سار في الحرم امس قبل صلاة المغرب كانت في وحده زائره قدامي جالسه بتقرأ قرآن وتبكي منظرها شدني عن جد يمكن لاني اول مره اشوف التأثير دا على احد قدامي واللي لفت انتباهي اكتر انو عن جد احنا غريبين بنروح الحرم دايمن طبعا اللي ساكنين في جده ومكه المكرمه والمدينه المنوره هادا طبعا غير سكان باقي المناطق في مملكتنا الحبيبه لكن مو الكل بيتأثر دا التأثير بزيارة الحرمين الشريفينليش يعني زوار بيت الله غيرنا ايش الي زايد فيهم عننا هما يزورو الحرم يمكن لاول مره ويمكن مره كل سنه وبيستغلو كل لحظه تمر عليهم هناك بالدعاء والدموع وقراءة القران وغيرها من الاشياء واحنا نزورو دايمن زيو زي اي زياره يعني عادي اللهم نصلي الفرض والسنه وندعي شويه وبعد كدا نمشي وطبعا ما خفي كان اعظم  \ / \ / \ / اليوم 2 ص الاخت ~. غلا الجواهر.~ نزلت الجزء الجديد من قصتها وكنت بما اني من اول المتبابعين لها <<  على طول رحت قرأت البارتالموهيم بعد ما قرأت الجزء حقها اتحمست اني ارجع للكتابه لاني اتوقفت عنها كم يوم ودحين بأكلمكم وانا بكتب في القصه يلا عن اذنكم اروح اكمل كتابه  همسه أحلى حاجه تسووها لاحد مررره عزيز عليكم في نظري انكم تقولو ~{ أستودعتك الله الذي لا تضيع ودائعه }~
|
||||
|
08-11-2009, 07:03 AM
|
#8 | ||||
|
انا تراني من العشق محروق
وانت من شوقك وصلت الكآبه أجل كيف لا وصلت حدود العشق وفوق وصرت تحب بغرابه وقتها بتسابق في السما البروق لجل تشوف طيف محبوبك وتهنابه انا وش اقول يا غالي الشوق وانا كل مافي قلبي مافي حدٍ ما درابه شقول يا منبع الذوق تكفى لا تسكت ابي منك الاجابه كان عذبك بغيابي الشوق انا عذبني حبي لك وطيفك واقترابه
|
||||
|
08-13-2009, 07:32 AM
|
#9 | ||||
|
واقترب الميعاد ..}}
اليوم بدأ العد التنازلي لموعد مهم في حياتي وبتمنى الايام تنطوي ويجي الموعد لكن الصبر طيب << ان الله مع الصابرين
موعد في ربوع جامعتنا عن جد اليوم حسيت بطعم الانتظار طعمه مر بس ان شاءالله تكون النتيجه حلوه واحلى من السكر . . . . اليوم كان بين النت وبين زياره لبيت اختي واستقبال الضيوف وبين استعداد لبكره لان راح بتكون في جمعه لانو بكره رح بيكون عندنا حاجه عندنا يعني عند اهل الجحاز واهل المدينه خاصة اسمها سيدي شاهن او شاهين (تعديل من عندي )  الموهيم مالكم في الطويله هو عباره عن يوم يكون في منتصف شعبان ليلة 14 او 15 بس احنا أخرناه دي السنه عشان يكون الكل موجود وفي اهزوجه كانو زمان يقولها توصف الاجواء اللي تكون في دا اليوم ويوزعو حلويات وكدا ونجيب فيه فشار ومشبك ومناسبتو او بالاحرى ليش نسويه هو احتفال بقدوم رمضان وتوديع لشعبان طبعا هو مو عيد ونتعز فيه وكدا ويدخل في البدع لكن هو تقدرو تقولو ميزه من مميزات اهل الحجاز والاهزوجه هيه { سيدي شاهن يا شربيت خرقه مرقه يا أهل البيت اما جواب ولا تواب ولا نكسر هادا الباب لولا خواجه ما جينا ولا انطاحت كوافينا يحل الكيس ويعطينا والساده والعاده ستي سعاده هاتي العاده سيدي سعيد هات العيد اما مشبك ولا فشار ولا عروسه من الروشان ولا عريس من الدهليز } وطبعا اللي يغنوها الاطفال والقصد من العروسه انو بنت ترميلهم الفشار والحمص والحلويات من الروشان ( الشباك ) او عريس ولد يعطيهم نفس الاشياء من الدهليز (الباب) واذا اعطوهم يرددو قاروره يا قاروره ست البيت غندوره وطبعا هو مدح واذا ما اعطوهم شي كبريته يا كبريته ست البيت عفريته وطبعا طبعا ذم وفي طبعا دي الايام احنا نسميها الشعبنه  همسه ممكن بعضكم يعرف كل الكلام اللي قلتو بس حبيت اعرفكم اكتر عنو وتشاركوني دا الاحتفال { اللهم بارك لنا فيما تبقى من شعبان وبلغنا رمضان اللهم اميــــن } ~. استودعتكم الله الذي لا تضيع ودائعه .~
|
||||
|
08-18-2009, 08:21 AM
|
#10 | ||||
|
عدنا والعود أحمد ...{{
صباحكم \ مساكم سكر اليوم الحمدالله احس اني مبسوطه ومرتاحه وفيني شوية كسل وكل ما افكر في قصتي يزيد الكسل ما ادري ايش المشكله بالضبط بس ما اقول الا ان شاءالله خير صح وعلى سيرة سيدي شاهن كان يوم ولا اروع واتمنيتكم معايا  كلكم بدون استثناءوبهادي المناسبه لكم عندي هديه مرررره صغيره وان شاءالله اليوم اعطيكم هيه وطبعا طبعا في قصتي اممممم وكمان ان شاءالله حنزل خاطره حصريا لكم  همسه ضَاقَتْ فَلَمَا اِسْتَحْكَمَتْ حَلَقَاتَها فُرِجَتْ فُرِجَتْ فُرِجَتْ وَكُنْتُ أَظُنُهَا لَا ُتفْرَجُ الحمدالله على كل حال
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
