|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| صمت القلب |
|
|
LinkBack | أدوات الموضوع |
التقييم: 
|
طرق العرض |
10-27-2009, 12:56 AM
|
#41 | |||||
|
مسـاء الخير ::
لا يهمك يا روح الروح إذا ناوي على النسيان تناسى يا عسى البسمة تزورك يوم تنساني وخذ فرحي معك تكفى وعلمني على الأحزان مدام الهم جاني منك أكيد بتحلى أحزاني وإذا جرحي يسلي النفس عن وقت يهز أبدان فداك الجرح يا عمري تسلى بنزف وجداني ولكن قبل تظلمني وتجازيِ ودي بالنكران حبيبي افهم إحساسي لأنه حيل أشقاني أبيك وما أبي غيرك ولو هل المطر خلان أنا مالي سواك أنت ولو غيرك تبلاني فدييتج ربي يباعد عنج هالضيقه ::"" اقتباس:
هلا فيييج ربي يسلمج حبوبه اقتباس:
مرحبا مليوون فديتج يسرج الحال :: وشحالج ؟؟ وشحال البنوته والله حبيتها هالشيطونه  صحووب اييب بنوته ولا اتريا سنه << عايبنها الوضع  |
|||||
|
10-28-2009, 08:04 AM
|
#42 | |||
|
صبـاااح الخير ::"" يالله سيروا لدوامااتكم ؟؟ << علمي روحج أول  نشيت اليوم من وقت قلت بدش أشووف أحواال يوميتي احيين بعد ماتطمنت عليها << الفاضي يسوي من نفسه قاضي بسير للجامعه  فمـان الكريم "":: |
|||
|
10-29-2009, 07:54 PM
|
#43 | |||
|
مسـاء الخير ""
من نشيت الظهر وأنـا أذاكر عندي امتحان والمااده تييب المرض يـااارب سهلها علي اليوم عندنـا عزيمه شوواقي ياايه لأهلهاااا اخييرا بشووف وييهها رمستها من ساع من ردت عالخط قلت يالسباااااااااال قالت ووويعه شو فييييج شو هالإستقبااال قلت مالت عليييييج اسبووع ماترمسيني ماتدرين حيه ميته فيني عووق قالت ماافييييج إلا الخيير اليووم بيي عند اهلي قلت وش ياايبج يلسي عند بعلج ما ابي اشووف وييهج قالت ايل ليه متصله ؟؟ قلت احبج من ردااات حظي قالت وانا اموووت فيييييج قلت ذلفي عطيتج ووويييه بعلي معااي عالخط عندي 3 تكاااليف لابد اشتغل عليهاا هالإسبوع غير الامتحاانااات يااربييه هالدراااسه من تي انشغل  ويصير وقتي رقاااد ودواااااام ووحوووسة البيت واتعيز عن اي شيء صج صاحب شغلتيين جذااب |
|||
|
11-03-2009, 06:58 PM
|
#44 | |||
|
................................. ع ـاف الفرح قلبي وقدر زمـاني ع ـاش الحزن عندي صباحه ويومه ليتك تعرف من البعد وش كثر أعـاني ليتك تعرف الحال وش هي علومه احترت وين أروح احترت لمن اشكي حتى اللي حسبته روح قسى قلبه وراح ونساني "" حبر قلمي "" |
|||
|
11-08-2009, 09:07 PM
|
#45 | ||||
|
...... عندي عرضين بروجكتر الأول ضروري اسلمه الاسبوع الياي والثاني بعد الاجازه بس واايد حوسه هالعرضين عندي امتحان الااربعاء وامتحانين الاحد وامتحان الثلاثاء يــارب سهلها اللي يوم الاربعاء هو سهل بس معلوماته كثيره واايد وكلها شراات بعض ببدأ أذاكر من اليوم  امتحاني اللي طاف يااربيه هاي الاستاذه اللي يسامحها بس  لو تدرون شو سوت كل الكلاس معصب من تصرفها  << الله يصبرنـااليوم دوامي زيين الحمدلله  جان عندي كلاسين وانتهي على 10 أخر كلاس يات الدكتوره وقالت فيه دوره وراح يكون عليها 5 درجات اضافيه لهالماده منو تبي تسجل قلت اوكي بسجل سرت مكان الدوره :: انا جنت متوقعه إنها تخص المنهج او التخصص بس تتوقعوون شو جانت مسابقه للحديث النبوي على مستوى الجامعه وهي تقول اكيد اغلب البنات يايين هنا عسب الـ 5 درجات وهو حقهم طبعا ويلست وبصرااحه ماندمت بس والله الشيطان شااطر قبل لا اسجل اسمي جاان شيء في نفسي يقول كنسلي وظهري شو تبين ؟؟ وشيء ثاني يقول اكتسبيها لربج هالساعه مو مأثره فيج والحمدلله تغلبت على اللي فخاطري ويلست والمسابقه مدتها 4 ساعات كل يوم أحد ساعه بعد ما انتهيت من الدوره ظهرت وسرت عند حرمة اخويه وربيعتها عاد يلست اقول لهم شو اخذنا قالت حرمة اخويه : يالله بالستر انقلب عقلج تغيير تفكييرج ها حالج وانتي توج بأول مره ايل شلون بتعدي الـ 3 الساعات اللي بتي ضحكت على رمستهااا << متخبله هالبنت الله يعطييهم العافيه وجزااهم الله خيير على هالمبادرات الحلوه واللي تزييد إن شاء الله ميزان حسناتنا... اقتباس:
صج والله الله يعيينا ويساعدنــا ":: تسلميين فديتج عالتقيم |
||||
|
11-11-2009, 04:37 PM
|
#46 | |||
|
مساء الشوق :: اختباري اللي جان الاحد اللي طاف يبت فيه 16 من 20 << مو مقتنعه وايد بس شيء احسن من لاشيء واختباري اليوم جان حلوو والاسئله زيينه جنت بييب العيييد لأن ما انتبهت إن الاختبار ورقتين إلا متأخر جاان يبقى 10 دقايق بس الله ستر وحليتهم كلهم وإن شاء الله اييب علامه ترضيني وربي يسهل علي امتحانات الاسبوع اليااي ببدأ اذااكرهم من باااجر واحتمال من اليوووم  عندي بالتخصص دوراات وااايد بس بإرادتنا التسجييل انا ماسجلت ولا بوحده منهن لأن ما اريد اتوظف فمجال تخصصي بس اريد بكالوريوس فهالقسم وإن شــاء الله ربي يقدرني وايب معدل حلوو احيين بظهر انــااام اشووفكم على خييييير  |
|||
|
11-20-2009, 02:43 PM
|
#47 | |||
|
ْ ْع ـشر ذي الحجه ْْ
ْْْْْْْْْْْْْ التكبير والتحميد والتهليل والذكر: فعن ابن عمر رضي الله عنهما عن النبي صلى الله عليه وسلم قال: (ما من أيام أعظم عند الله ولا أحب إليه العمل فيهن من هذه الأيام العشر، فأكثروا فيهن من التهليل والتكبير والتحميد) [رواه أحمد]. وقال البخاري ك كان ابن عمر وأبو هريرة رضي الله عنهما يخرجان إلى السوق في أيام العشر يكبران ويكبر الناس بتكبيرها. وقال: وكان عمر يكبر في قبته بمنى فيسمعه أهل المسجد فيكبرون، ويكبر أهل الأسواق حتى ترتج منى تكبيراً. وكان ابن عمر يكبر بمنى تلك الأيام وخلف الصلوات وعلى فراشه، وفي فسطاطه ومجلسه وممشاه تلك الأيام جميعاً. ويستحب للمسلم أن يجهر بالتكبير في هذه الأيام ويرفع صوته به، وعليه أن يحذر من التكبير الجماعي حيث لم ينقل عن النبي صلى الله عليه وسلم ولا عن أحد من السلف، والسنة أن يكبر كل واحد بمفرده.. لبيك اللهم لبيك لبيك لاشريك لك لبيك إن الحمد والنعمة لك والملك لاشريك لك ْْْْْْْْ
|
|||
|
11-26-2009, 05:57 PM
|
#48 | |||
|
مساء الورد ::" وشحالكم ؟؟ ع ــيدكم مبــارك وعسى الله يعيده علينــا اعوام وأعوام جان خاطري احج هالسنه بس قدر الله وماشاء فعل وإن شاء الله احج السنه اليايه خالوه ساارت للحج والله بفقدها هالعيد بس هي خاطرها بالحج وربي يسر لها امورها جنت فالبدايه هب طايعه وزعلانه ليه إنها بتسير حرام عيالها رووحهم فيها مايسيرون مكان بدونها وهااي اول مره بحياتها تتركهم قلت لها خليهم ييون عندي قالت عسب كل ما ارمسج تبجين وتبجيني ويبجوون عيالي رمستها امس وجاان عندها ازعااج واسمع صووت الدااعيه تلقي محاضرات عليهم باجر عييد اميه ولابد اسير لهم الصبح واشرف على الاضاحي وطبااخهاااا امس جنت بالسوق ويااني مسج من حبوو فديتهاا تبشرني يدووته ظهروها من المستشفى ربي يشافيها ويرد لها صحتها همسهـ ::" ~{قـويت بڷحظـًـًہ ودآعڪ أإدآري دمعتي ڷآتطيح ڷڪن يـوم أنآ آقفيت عجزت وطحت أنآ ڪڷي ..|| |
|||
|
11-28-2009, 06:30 PM
|
#49 | |||
|
مساااكم الله بالخير والسروور ::" وشحالكم ؟؟ ياحلاات العيد وياحلات يمعة الأهل ::" صحيح نتيمع نهاية كل اسبوع بس شرات يمعات العيد لااااااااااا فرحه ووناااسه الله يديييم هالنعمه علينـا وعلى كل المسلميين مو قايله لكم بسير لأميه من الصبح ياتني شواقي بنت عمي بعد العشاء ويلسنا لحد 12 ونص وسرنا لبيت عمتي ويلست عندهم لحد 3 الفير وييت للبيت وقلت لبنت عمتي خلينا نسير باجر لصلاة العيد قالت تفكر  يييت لبيتي ونمت صحييت لصلاة الفير وحصلت مسج منها تقول بتنام هب سايره صليت الفير ورقدت مقهوووره والله ,, جان بعلي عنده استلام ولا جان سرت ويااه اول مـره انام بليلة العيد وماصحيت إلا 11 الضحى تلبست عالسريع وسرت لأميه وعيدت عالييران وسرنا انا وبنات عمتي العصر صوب المنتزهات وردينا المغرب والليل تيمعنا بالعزبه وتعرفون عاد شلوون يمعااات البنوتااااات وردييت نمت على 2 ونص الليل وصحيت الظهر وسرت لعيد عمي وتو رديت للبيت لو تشوفوون شو الحووسه والليل سايره للعزبه حبو مشتاقه لج وااااايد  |
|||
|
12-04-2009, 12:30 AM
|
#50 | |||
|
إمـاراتي U.A.E
حبيبة قلبي يا أم الخير يـابلادي ياعشقٍ يسري في دمي وشرايني احبج كلمةٍ تبدأ من فوادي وتسكني لأخر نبضةٍ فيني انا وبكل فخر من يوم ميلادي إماراتي وهذي الكلمه تكفيني لأنك ياوطن عزي وامجادي علم يخفق غلاته في سماء عيني يادارٍ فالعطاء كم لبة منادي يادارٍ سيطها بالفخر يمليني ياتاريخٍ مثل وجه القمر بادي فدأ ترابج أنا وأيامي وسنيني احبج والغلا ماهو غلا عادي واهني العالم بمجدج واهنيني ويكفي ان قلت إمارات الوفا بلادي احس إني ملكت الكون بيديني متأخره واااايد |
|||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
