مسجد الى كوفي شوب !!!

السلام عليكم والرحمه ,,

قال تعالى: { وَمَنْ أَظْلَمُ مِمَّنْ مَنَعَ مَسَاجِدَ اللَّهِ أَنْ يُذْكَرَ فِيهَا اسْمُهُ وَسَعَى فِي خَرَابِهَا أُولَئِكَ مَا كَانَ لَهُمْ أَنْ يَدْخُلُوهَا إِلَّا خَائِفِينَ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ} سورة البقرة114

هذولا يبيلهم ذبح انتهكو اطهر بقاع الارض.. حسبي الله ونعم الوكيل عليهم لاذمه ولا ضمير ولا مراعاة لحرمة المسجد وحرمة المسلمين .. وين الرقابه عنهم؟؟


وين هيئة الامر بالمعروف وين من قام واشرف على ان يكون مسجد بالكليه !!!


وأتمنى موضوعج يلاقي صدى عند المسؤلين والاداره للي بالكليه وانشالله تلقون حل بإذن الله..

يعطيك الف عاااااااااااافيه ...

تحياتي,,

السلام عليكم اختي
موضوع مثير للجدل او لمره اسمع فيهـ بس الله يسامحهم عاللي يسوونه مسجد مسجد يا ناس يتحول لكوفي وين قلوبهم ذولي وين الايمان وين الغيرة وين الاسلام
الحين كل العرب مسلمين لكن في مسلم بالاسم وفي مسلم بالاسم والفعل
امر عجيب بصراحهـ
الله يهديهم
كنت هنا
زوبعات

لاحول ولاقوة الا بالله العلي العظيم وحسبي الله ونعم الوكيل

عن داود عن عوف بن مالك رضي الله عنه ان النبي صلى الله عليه وسلم قضى بين رجلين فقال المقتضّي عليه لما ادبر : حسبي الله ونعم الوكيل ، فقال النبي صلى الله عليه وسلم (( إن الله تعالى يلوم على العجز و لكن عليك بالكيّس فإذا غلبك امر فقل حسبي الله و نعم الوكيل ))


اشكر لك غيرتك اختى

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

اختى ليش ماتروحون مجموعة من الطالبات الى الادارة وتفهمونهم الوضع وانشالله في ناس للحين فيها غيره على الدين


وبالنسبه الى المصليات اللي ذكرتيها ليش انتو ماتحاولون تغيرون فيها وطبعا لكم الاجر فيها

..
..
وعليكم السلام ورحمة الله وبركاته ..
..
..
أمر محزن بالطبع والقلب يكاد يحترق لما يحدث ..
أيعقل أن يتحول مسجد بيت الله إلى كوفي ..
إذا كان هذا صحيح فلا مجال للسكوت فلابد بالمطالبة بالحق
بهذا المسجد والتحدث مع المسؤولين ..
بارك الله فيك ..
في حفظ الله ورعايته ..
..
..

السلام عليكم ورحمه الله وبركاته
أشكر لكم ردكم و تفاعلكم بالموضوع
بالنسبة لذهابنا الى الادارة، فردي كالتالي :
مجلس الطالبات اللى عندنا في الكلية تناقشوا في الموضوع لاكثر من مرة ومع الادارة ولكن للاسف لا حياة لمن تنادي.

فكرنا أنه نسير بأنفسنا الى مدير الكلية و نتكلم معاه في الموضوع ، بس يبالنا نسير كمجموعه كبيرة علشان نوضح له ان الموضوع يهم اكثر الطالبات ، بس للاسف مش قادرين نجمع الطالبات لان كثير و منهم أنا ما نضمن هالكلية.

هم يقولون حرية تعبير ،، بس الصراحة الواقع شي ثاني .. عادي اذا ما عيبه الموضوع يطلع اي سالفه و يطردنا بحجه تصرف غير مهني .. و هاي آخر سنه النا في الكلية.

مرة من المرات كنت سايرة الادارة قسم شوؤن الطالبات .. و تكلمت مع وحده من المسئولات بخصوص المسجد فقالتلي بان عندكم المصليات الثانية سيرولها .. قلتلها أنهم ما يكفون و حالتهم يرثى لها .. فلم تعلق على الموضوع .. سألتها منو صاحب الفكرة قوليلي علشان أتفاهم و ياه و أعرف وجهة النظر الحقيقة من هذا الموضوع فكان ردها بأن هزت رأسها نافيه يعني ما أقدر أقول ...

تحدثنا مع احدى الجرائد و قالي الاخ اللي رد عليه بأن سمع هالموضوع من مشتكية ثانية بس مر أكثر من 3 أسابيع وما شفنا نتيجه ..

لو الكلية عندها حق في اللي سويته كانت بطرش ايميل حق الطالبات اول شي تسوي استبيان علشان تعرف رايهم قبل ما تحول المسجد ... و ثاني شي اقل شي أنها اطرش ايميل تبين فيه أن نحن حولنا المسجد الى كوفي شوب للاسباب التالية ... بس طبعا ولا شي من هذا صار .. و كل مرة و الثانية يطلعون بحجة جديده و هذا دليل على ***** (و اللبيب من الاشارة يفهم )

بالنسبة لتغير المصليات احيد قبل ..أن الطالبات كانوا يفتحون الدريشة علشان يتهوا المكان بس بعدين الادراة قامت و قفلتها .. ما جربت هالسنة بس بجرب ان شاء الله و بشوف شو بيستوي.. موضوع النمل ما نقدر انسوي فيه شي.. البنات ما يقصرون مرتبين المكان و فيه سجاد صلاة و مصاحف و غيره .. و بعض البنات تعطر المصلى ... بس قوة الرائحة المتراكمة تجعل الموضوع اصعب.. الكلية الصراحة غيرت السجاد من اكثر من سنه تقريبا بس لان المكان ضيق.. ما فيه تهوية .. فأكيد الريحة بترجع ..

ان شاء الله بنحاول نصلح في وضع المصليات بس نحن ما نريد نسكت و نرضخ للموضوع بكل سهوله .. و اتوقع اذا الكلية شافتنا غيرنا المصليات و لا بيعبرونا في موضوع المسجد ...

أتمنى من أي شخص يقرأ الموضوع و حتى لو لم يرغب بالرد .. أنه ياخذ الموضوع و ينقله في منتديات ثانية خصوصا الاماراتية علشان يوصل صوتنا باسرع وقت ممكن ..

جزاكم الله كل خير

و السلام عليكم ورحمه الله وبركاته

أستغفر الله ،،

اللهم لا تؤاخذنا بما فعله السفهاء منا ،،