|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| أبيض جدّاً |
|
|
LinkBack | أدوات الموضوع |
التقييم: 
|
طرق العرض |
03-13-2010, 12:34 AM
|
#121 | ||||
|
اِقترب منّي ترَى الدّنيا فُرَص و خِذ من شُوقي , إذا شُوقك نِقَص خلني أحكيلك مُوَاويل و قِصَص , .. شمَا يعدّي العمُر .. حبّنا يظل جِديد  , محتارة , و خايفة وايد .. دعواتكم !
|
||||
|
03-17-2010, 07:08 PM
|
#122 | ||||
|
, كنّا مثل حرفين في شهقة صغار نسرِق من السّاعة .. دبيب الثّوَاني نجمَع حكاوينا سُواليف و أخبار ونطير ضحكة .. و نتناثر أغَاني ، واليُوم .. عشّش حزننا بين الأشجار مات الكَلام .. وغرّبتنا الأمَاني ! أحسني مغبرة وحشتُوني كثيرات  !أنا يَاية وأحك راسي أفكّر شاقول ، كل اللي في بالي طار للأفس ! صَايرة هالأيّام اِستيعابي مثير لللشّفقة و وايد أنسَى  مو هاذي علامات الشّيخوخة ؟ قصّيت شعري  < مسوية إعلان !ما قصّيته وايد ، بس شوي ع خَاطري كانت في بالي قَصّة مُعيّنة و شفتها على مُنى من كم يوم .. على طول طفر في مخي " ليش ما أطقّم وياها "  بس مب من النّوع اللي أجازف ! إذا بخبّركم عن أخباري ، فماكو شي ينقال بس هاليُومين زايد اِستهبالي , أنا جذي ماعندي حَل وسط .. يا جنُون على الآخر يا برُود على الآخر  مسوّين فرقة غنائية لنه في الصّف أوّل أمس غنّينه لـ شرّوف هابي بيرثداي هههه أنَا ماعرف أحضن وأبوس و هالحركات , فأوّل ما دخلت الصّف طالعتها باِستهبال واِبتسمت و سوّيت نفسها بحضنها و رميت عليها بوسةوهي لقفت البوسة من بعيد < كل هذا صار واحنه ساكتين ! بعدين اِتفرّغت ضحكت وقلت لها : كل عام واِنتي بخير  وبكرة عيد ميلاد دعائي ويلي عليها ، إلا الناس شفيها بسرعة تكبَر .. مافي إلا أنا كل مالي أصغَر الله كريم يا عيَالي ! , اليُوم في حصّة العرب أخذنه قصيدة " وهل يخفَى القمر ؟ " ترى الشّاعر يقصدني تتكلّم عن نفر يكتب في حبيبته .. أنا إذا بقرأ قصَايد أو أشعار ، أحبّ أقرأ الأشعار " العفيفة " .. تكون أنقى و أحلى : ) يعني في شعره ما يذكر أي شيء عن مفاتن المرأة ، مجرّد يقتصر على نثر مشاعره وأحياناً يُوصف أخلاقها  سألت خوخة : زين أهوه يحبها .. ليش ما تزوّجوا ؟ ردّت : البنت ماتت لاه ! تخيّلوا ..  أنَا صرت أتخيّل وضعه , صعب الشّعور لاه !والبنات عاملين نفسهم بريئات : معلمة المفرُوض ما يعلمونه هالسّوالف ، حب ما حب ؟ أصلاً يالقرعان انتوا اللي توزعون كورسات في هالسّوالف ، ما تحتاجُون تعليم , اليُوم وأنَا في البَاص لفت نظري شي مو حويو ! بنت أعرفها من إعدادي لابسة نظارة كأنها ذبانة من الكبَار و شيلتها لنص راسها , لما ركبت السّيارة تخيّلوا .. ثيابها شلّحت لحد ركبتها .. أنا عوّرني قلبي عليها حرَام جدي الله يهدي الجميع ! أمس شفته حبيب قلبي واحشني أوّل ما دخل هجمت عليه ! ترُوح وترد بالثّلامة يا أشنص أخ يعني لو بيدي طرت لك بنفسي للأردن .. و نظفت لك الشقة .. و طبخت لك .. و غسلت ثيابك .. و مشّطت شعرك اذا تبّي ( f ) يَارب توفقه وتخلّيه .. 
|
||||
|
03-17-2010, 07:19 PM
|
#123 | ||||
|
, لما تحب شخص ، تنعمي عينك عن عيُوبه ، وفي غيابه تنتحل له أعذَار .. ما تفكّر لي رجع تعاتبه يكفيك تطمئن إنّه بخير  بس للأسَف هالنّاس طاحوا من عيني هههه وصعبة علي أشيلهم وألقفهم مرّة ثانية ، لأنّهم ما يستحقّوني ! .. مو ناقصَة وجَع قلب كفَاية الشّهور اللي ضيّعت فيها رَاحتي عشان راحتهم أحسني قَاسية وأنَا أكتب هالحجي ، قاسية وايد .. بس بخاطري أفضفض ! على قولت خوخة : تعورين راسج على وَلا شي  لا أتقِنُ طقوسَ الغياب .. ولَم أفرّط بإخلاصي قَط !
|
||||
|
03-19-2010, 04:52 AM
|
#124 | ||||
|
مَيْ مثل طلّ الصّبح لأغصانِ الحدَايق .. يبتسِم قطر النّدى لا باستِه ، أو باسَها مَيْ هاذي بنت لا مِنْ شِفت صدر الليل ضايِق .. أدري إنّ " عيون مَيْ " اليُوم طال نعَاسها ! ما ( أ ح .. ) فُوق الأرض وُ بس يا كلّ الخلايق .. حتّى تحت الأرض أ ح ب ك ، يا بعَد من دَاسها الله ! هالشعر سمعتني إيّاه دعاء اليُوم في التّقوية ، تسنّدت علَى الشّجرة و ظلّيت أسمَع والبنات يعلقون علي ويقطّون نغزات .. مُشكلة أنَا اذا أستَن في هالسّوالف .. أذُوب بغبَاء تمنّيت " ليش ما حطّوا اسم نُور بدل مَيْ " .. اللي بيضحك بعضّه : p شفت وردة صغنونة .. ناعمة لدرجة ! لونها أصفر على أبيَض ، عاد لمّا تقرّبت منها بشمها .. ندمت هههه ريحتها مُش ولا بد , بس منظرها ايجنّن  صوّرت كلشي ..تدرون أول شي الحين السّاعة كم ؟ لحظة برفع صبعتي عشان أجاوب السّاعة 2 وربع .. وأنَا "توني قاعدة من النّوم"  تخيّلوا .. رديت من التّقوية مو مدلية الطّريق .. مادري شلون بدّلت ثيابي وصلّيت رحت على السّرير شغلت لي كلاسيك ، وبدون وعي نمت ! والعصر نفس الشّي , ماكان عندي مجَال أنَام لأنّي بروح أدرس للمرة 2 فـ اِنسدحت في المجلس واسترخيت : ) ترى صج تعَب الله لا يورّيكم يروحون عني بيت يدي الخوَنة  أخوي الليل يرجعني .. أقوله : شفت عاد ، لا صلاة ولا ديَانة ! يسوي نفسه منزهق : كااااافرة ! أنا : شسوي ، في سبيل العلم لأنّ يأذّن واحنه في التّقوية .. فـ .. الله كريم : ) اليُوم كان غيير ، الصّبح أوّل ما دخلت المدرسة شفت دعاء رحت حضنتها ا ا ا ياربّي فيني الصّيحة كل عام وانتي بخير يا بعد نور وطوايف نور وحبايب نور كلهم , ترَى أنا معاها يسمونه فار وسنور أي مكان نتواجد فيه ما نهدأ , زين مننه ما نرتكب جريمة في بعض اليُوم لما شفتها : دعاء أنا واعدة نفسي اليوم ما أخدش مشاعرج الرهيفة .. بس فيني حومة مو قادرة ! . .عبّالكم هدّيتها ؟ بغت تسطّرني  !وفي الفسحة بنات صفنه مسوّين ريُوق .. كليت معاهم ع السّريع . تقريباً اليُوم ما درسنه غير حصتين هههه تصوّروا و 5 حصص قاعدين بلا هدف في الحياة ، كله تسرّب  الحصّة الخَامسة طهّور ما خلّتني بحالي  مسكت خدّييييي كان يعوّرني من الضّحك , والبنات فاطسين على شَكلي ! ترى بقولكم أنا إذا أضحَك لازم الكل يضحك لأنّ نغمة ضحكتي مينُونة ، مرّيخية .. خلّوها مستُورة بس وبعد ما راحت المعلّمة توها بسم الله بتطلع من البَاب قعدت أطبّل على الطّاولة وأغني والبنات ويّاي .. .. المعلمة بحركة سريعة دخلت : حشى ! ترى كلش ما كان يبيّن عليكم ويلي ترَى أحلى شي جوّ الأغاني والرقص والهبال اللي نسوّيه في الصّف وبس ما بكمّل ! < اللي يقول شي مهم يعني ! : أحس فيني شي متغيّر اممم مُو قادرة أحدّده ! يمكن صايرة كتُومة زيادة عن اللزوم ؟ أحس رغم جوّ التعب والضّغط صرت ما أهتم ! مو بمعنى ما أهتم ، بس قادرة رغم كل هذا أنجز و أضحَك صَح أنا حتّى لمّا أنكّت يمكن أفكّر في شي أسوَد ومحزن ومضايقني بنفس الوَقت ! وأصعَب شي لمّا تضحك ضحكة مزيّفة ومن داخلك يصيح .. أو تتقنّع بالبرود والهدوء و بداخلك بركان قهر يا دافع البلوى عادة ً قبل , أقل شي يصيدني يشلني خلاص ! ولحّد يقرّب منّي حزّتها .. بس الحين لو بسوّي جذي بالرّاحة يا برسب يا بينزل مُعدّلي ! وأنا مو حابة هالأشياء تأثر ع دراستي : ) ، أنَا مو قويّة بس لازم أعيش .. أحسني تحسّفت على الأيّام اللي ضيّعتها و على اللي بضيّعها في نكَد ! والغريب إنّ الهم ما يجي إلا من القرَاب من القلب , لو كنت أفكّر بعقلي ، كنت من زمان بعدت عنهم و ريّحت نفسي .. بس مشكلة هالقلب اللي يبيله زنطططططط انزين كئيبة السّالفة خل أغيّرها بس بخاطري أغيّر يعني مثلاً أبّي أروح البحر آكل ذرة أبّي أرمي رُوحي هناك و أكتب و أفكّر .. أطلَع مع ربعي نروح باسكن ، صاير بخاطرنه ناخذ لنه سلسلة أو سويرة مُوحّدة ترَى إذا صرت مبرمج على شي واحد , بتزهق وبتمُوت من الطّفش .. وأنا حياتي صايرة رُوتينية لدرجة , حتى في الويك إند ماقدر أطلَع ! بس أحَاول أكُون عادي مَادري ! بس الواحد يتعب ، و يصبر ، و يمكن ينال بالأخير واذا ما نَال .. فـ الحمد لله على كل حال أهم شي اللي أحبهم بخير العمر لو كانت ضحكته
.. تكفيني دقَايق ! - فهد المسَاعد
التعديل الأخير كان بواسطة : نور المنتدى بتاريخ 03-19-2010 الساعة 04:59 AM |
||||
|
03-19-2010, 05:04 AM
|
#125 | ||||
|
اِشتقت لَك
يا حلمي اللي طُول عُمري أتبعَك
.. والليل بغيَابك على عيني يطُول !
التعديل الأخير كان بواسطة : نور المنتدى بتاريخ 03-19-2010 الساعة 05:08 AM |
||||
|
03-19-2010, 05:58 AM
|
#126 | ||||
|
أكثر شي مؤلم صار لي
لمّا اِكتشفت إنّ اللي كنت أسمّيها " أمّي الثّانية " إهيه السّبب في كل دمعة ذرفتها ، في كل ألم حسّيت فيه ، في كل يُوم تعيس عشته ، في كل مشكلة صادفتنه وخلّتنه ننسى طعم الفرح اللي ينوجد بكل بيت ! أوّل مرة أتكلّم عن هالشّي عادة ً إذا بتكلّم ، بكون بسْ بيني وبيني ! ماحبّيت ألطّخ صورتهَا قدّام حَد . . بس الحمد لله .. اللي هني ما يعرفُونها ولا يتمنّون إنهم يعرفُونها : ) كانت موجودة في بيتنه قبل لا أنولد ، ظلّت 17 سنَة معانّه ، تحت ظلنه ، أكلنه واحد ، روحنه وحدة ، فكّرتها الأقرب لي .. فكّرتها تحبني صج ! هههه تصدقُون كانت قبل لا تاكل الشّي ، تأكّلني منّه . . وايد تزعل .. وايد تظلمني .. بس أتحمّل ! الحين بتقولون نور تتكلم عن خالتها ، عمّتها ، أحّد من أهلها لَا .. أنَا أهلي اللي من دمّي مو غدّارين جذي كانت " خدّامة " بس من وعيت كانت يمّي .. ألعب معَاها .. أسُولف أضحك .. تمشّطني تلبّسني تأكّلني تصرّخ علي لما عرفت صج إهيه شنهُو ما صدّقت ! قعدت أضحك بجنون وأصيح بجنون انهزّيت .. اِنصدمت .. حسّيتني ضّايعة ! كرهتها أكثر وحبّيتها أكثر .. كنت أبّي أعاتبها أقولها أنا مو بمثابة بنتج ؟ .. إحنه مو بمثابة أهلج ؟ ما لمّيناج من لما كنتي صغيرة ؟ ليش جذي تأذّينه .. ليش تعاقبينّه لأنّنا عدّيناج شي كبير , وبخلنه على نفسنه وعطيناج ! مو حرام جذي سهل ع الواحد ينسى العيش والملح سهل عليهم ؟ كنت أتمنّى لما تروحين أذكرج بالخير , بس اللي صار محَى كل شي حلُو انبنى .. تدرين أنَا ليش متضايقة مو لأنّ صارلي سنة وشوي ما شفتج مو لأنّ كلنه تأذيييينه بسبّتج ! لاا !! لأن الله في يُوم بيعاقبج عشاااااااانّه وأنا مابيج تتعاقبين صج ظلمتينّه لكن . . مسامحتنج والله العظييم يارب مادري شيَاب هالطّاري الحين
|
||||
|
03-21-2010, 11:34 PM
|
#127 | ||||
|
, أحِنُّ إلى خبز أمّي و قهوة أمِّي .. و لمسة أمِّي ، وتكبرُ فيَّ الطّفولة يوماً على صدرِ يَوْم ، وأعشقُ عمري لأنّني إذا مُتُّ أخجلُ من دمع ِ أمِّي ! - محمُود درويش. مسَاء الأمل سبحان الله كنت ضايعة و لقيتني هني ، بعوّر راسكم شوي ! 21 ـ 3 كل سَنة واِنتي أغلى ناسي , أحبّج مامي لُو بيدي هديتج رُوحي وسَعادتي وكل ما أملك ، و شويّه عليج : ) اللي ما شسمه يرُوح يبُوس راس أمّه الحين ! حَاملة أحداث سيئة ، بس مُو حابّة أذكر منها شي لأنّي لو ذكرتها ، بتعب و بضايقكم أحس كل يُوم أكتشف شي كريه يصدمني في النّاس ! ، وأشيائي اللي كنت أتخيّلها حلوة تمُوت وتذبل وتتلاشى بسرعة ، بس بقدر أزرَع غيرها ..قرأت جملة لـ مارتن لوثر , أثّرت فيني ـ سأزرعُ فسيلة شجرة التّفاح اليَوم , حتى ولو علمت أنَّ نهاية العالم غداً ـ , أحلى شي اليُوم في الباص .. دعاء يخرب بيت عدوّينها ما يصلح أتيمّع معاها في مكان صادفتنه مواقف مُخزية الله لا يراويكم أوف , خرّعتني بتّ اللذين تمشي على يَدي .. صج قليلة أدب هالنّملة أكرههم الحشَرات ، وو الحيوانات بشكل عام ماحبها بس أحب منظر الحمَام والعصافير , بس ما أتجرَّأ ألمسها ! , تصدقون أستانس اذا يجي الليل في هالوقت أحسني أهدأ وأسترخي ! أحلى شي اذا تقعد برُوحك وتسمع كلاسيك وتعيش الجو إيي صَح , أمس رحت معرض الكتاب وشريت لي ديوان " محمود درويش " ، وروَاية ، و دفترين صغار ، أوّل دفتره فيه رسائل عن الأمل والحُلم ـ والثّاني " رسائل إلى حَبيبي الغَالي " واخزياه تغطّوا زين ، واحلمُوا فيني سويت دريمز  هات اِيدك ,
خذني ل أحلامك | وجِيبِك ! ما أخاف الـ وقت .. لكنّي أخاف , [ تنتهي منّي وأنا ب أوّل طريقك ! ] - رزان العتيبي
التعديل الأخير كان بواسطة : نور المنتدى بتاريخ 03-21-2010 الساعة 11:36 PM |
||||
|
03-23-2010, 06:39 PM
|
#128 | ||||
|
ضيقة خلق
اليوم الظهر كنت بكلمكم من قلب الحدث يازعم ، بس ما حصلت جانس المعلمة سيدة طبّت علينه كان علينه " تقن " ، ونشتغل ع الكمبيوتر و الفاسقات يايبين فلاشاتهم و يسمعُون أغاني وكان الله غفوراً رحيما ! ردّيت البيت ياريتني ما ردّيت سمعت شي ضايقني ، وظلّيت أحاتي وما قدرت أنَام ! والله العظيم النّاس صايرة تخوّف  يعني حتّى القريب واللي تحسّه أوفَى ومخلص لك أكثر من الكل ، ما تقدر تأمنَه على سِر ! أحس كلشي صار يتغيّر ، للأسوأ .. وبشكل مُخيف يعني الحين صار تفكير اليَاهل اللي عمره 9 سنين , أسْوَد من خاطر ! ما تصدّق إنّه للحين يَاهل والمفرُوض هالمرحلة اللي يعيشها تكون مليانة براءة . . يعني مثلاً أسمَع من اِختي الصّغيرة عن بنات في سنها " تسع سنين " يكلمُون صبيّان .. و عن مواضيع مَا تناسب سنهم ! جيل خربان < بتنطرد الحين !أحس كل جسمي مقشعر ، وفيني الصِّيحة أخُوي واحشني ، أمس فرَحت لما شفته تشبّصت فيه لا تقُوم .. بس عليه مُراجعة ياربّي ياربّي توفقه و يتخرج .. و تبلّغني أزفّه وُ أرقص في عرسه بقُوم أسوّي الهَم اللي على قلبي , نسألكم الخنفروش : ) شلُون أبصبِر ، وأنا ع الـ بُعد ما أصبِر ؟
|
||||
|
03-23-2010, 11:07 PM
|
#129 | |||||||||||||
|
اقتباس:
لاحظوا إنّها تتكلم عنِّي < لا قُولي والله !هههه إثمدُو بعترف بشي بس لا تنتفيني .. أحبّج أنِا أدري ما ترضين علي بعد ما جيّكت وشفت اِسمج مظلّم اللستة وطلعت من الصّف شفتج وعرفت إنّ هاي اِنتين بس يعني تعرفين بوادر الخجل عبارتن يعني طَاح السقف لو للحين ؟ المُهم يعني , بس قلبي ما طاوعني قلت لأ لأ برجع وبثلِّم عليها و شسمه ، شعوري حزتها كشعور أي فتاة رقيقة تحوشها سكتة قلبية عاطفية وهي تشوف شي يخرّع ماثل جدامها هربووو يمّمه لا تطالعيني جذي ، أمزَح وقسم أصلاً اثتانثت اقتباس:
حترُوحي النَّار ، هههه اصلاً تدرين كليته وعجبني , بس ثالث وحدة عكّرت مزاجي كانت حامضة أكيد حاطّة عينج عليها يام السّعف ويلي ناوية أتكفّخ اليُوم ! يا عثَاني أبارك لش في عرسش  والحين هيّا بنا للتقييمات , اقتباس:
 اقتباس:
أنتِ كبسمَة تترقرق على ثغر بنفسجة ، لا هنت ِ اقتباس:
خلاث ما رَاح أثمح لهم ، مش حزعل أبداً عمري الفتَايا اقتباس:
عفر يختي لزوم الرجيييم تخيّلي أسوّي رجيم ، أنّا جذي وما أبيّن خودييهااا لعيُوونِك  اقتباس:
ويلي عليه سعدُون ، دُوره في المسلسل يهلك ههههه سرُوور ويلي هالمرّة أني اللي بكح وبعطس ! لكن صج صج مافي على مسلسلات أوَّل وأذكر بعد مسلسل "نيران" خب هذا صحت عليه من خاطر , كله هم وغم خلف جبدي انتين اقتباس:
والله يا خيتو أنَا يعوّرني قلبي وأنا أسمع هالسَّوالف ، الله يهدي الجميع : ) منورة بعد عمري اقتباس:
يعني المفروض البنت الحين اذا كلش كلش مستعيلة ع العرس .. تعرّس " 19 " مو بعد هاذي للحين 16 وبعدين دراستها أوْلى ، والمفرُوض تتمتع بشبابها لسّاتها صغنطوطة ، بلا زواج بلا وجع رَاس : ) جرّوح ترى في حجرتش وزغة .. صدقيني ما أتطنّز  إنزين بقولكم , باقي التقييمات برد عليهم مرّة ثانية ، ماعندي غير هالسّاعة ونص أقعد فيها برُوح ألعب نياهاها أحبكم كفيرن
|
|||||||||||||
|
03-24-2010, 07:18 PM
|
#130 | ||||
|
, عندي وايد كلَام يايتنكم بعد شوي وكأنِّي أقولكم اتهيّئوا نفسيّاً
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
