:: أحلامُ طفلة ::

~( 20 / 11 )~

حُوري
أذكر أوّل اسم أطلقتينه ع روحج ( بيّاعة اللومي )
كنّه صغار وايد بس لي الحين أتذكّر
وكنتي كلما تدشّين المسن أناديج جذي و تتشققين

ولمّا رحنه ثالث إعدادي اشتهرتين بـ عوو اللي للحين قاعدة أعصر مخي أبّي أفهمها مب قادرة
و احم احم يا الله ،
وآي لوف يو والليلة المولد ، ما كنّه نستانس نصفّق عليها ونردح إلا اذا كانت من صوتج
أذكر لما كنّه بنسوي ختمة القرآن ، كنت عاملة احتياطاتي عشان أيوّد ضحكتي وما أتهوّر عليكم بنص الصّف ! ويصير فيسنه قوطي صلصل مصدّي قدام المعلّمات
بس صوتج خلانه نصيح تأثرنه عدل عدل ،
تأفّرنه عشان يكون المعنى أعمق : p

ولمّا اِنتهت السّنة أوّل وحدة كنت أتمنّى آخذج وأحضنج وأفتّت عظامتج حتّة حتّة انتين ،
كنتين قوّية ذاك اليوم قدّامنه : )

أحسني وايد غلطت في حقّج ، مادري ليش !
صرت أسب روحي لمّا أتذكر دموعج ذاك اليوم وانتِ تركضين وكانت بسببنه ..
بس احنه ما نبّي نتذكّر الأشياء السّودة اللي دايماً تصير ،
قربنا وابتسامتنا ومودّتنا واكفهرارنا كفيل بإنّه يمسح كل هالأشياء من الذّاكرة
..

وأمس ؟
لمّا ماريّا يابت الكيكة واجتمعنه كلنه صوب صفّج
والمجرمة كشفتينّه ويبتين لنه الصّيحة .. يعني فالحين في كل شي إلا المفاجآت !
رحنه سوّينه جنون على سبّورة صفج عشان يجارمونج البنات
وبعدين لمّا ييتين لنه ورا المبنى ( خلف الكواليس )
بدون شعُور لمّا شفتج حسيتني بصيح بصيح وما بسكت ، خو أنا حتى الأشياءات السّعيدة أقلبها نكد
هههه وفرحت لمّا قلتين لـ اختج تعالي صوريني مع نُور , حتّى ما استوعبت وقمت مادري شقول ههههه
يعني اهوه شي عادي بس تعرفين الخبالة وما تفعل : )


وفي الأخيييييير : D
أمس احولت عيني وأنا أطالع السّاعة
قلت لازم لازم أكون أوّل وحدة أهنّيج .. ولو كان عندي كردت زود جان خلّصته فداء ً لخنافرج المكفهرة

و كل عام وانتِ أقرب و أصدق وأحلى وأجمل
كل عام وانتِ أحلى حُور في الدّنيا
كل عام وانتِ اختي واخت الكل