:: أحلامُ طفلة ::

من شوي ميرو مطرشة لي ع المسن
"اللهمّ يارب إنّك أكرمتنا بعامنا فلا تدع خِبلة من صديقاتي الا نضجتها ولا مزعجة إلا هديتها
ولا نص لفّه الا أصلحتها ولا تنحه الا وفّقتها ولا متزوّجة الا سخرت لها بعلها
ولا عزباء الا ركدتها وزوجتها أو فكيتنا من قلقها ,
اللهمّ اسعدهم وفي جنّةِ الخلد اِجمعني بهم ولا تحرمني منهم فإنّي أحبهم وكل عآم وأنتم بخير"

قولوا إن شاء الله لاه (:
هالنفرات أحبهم واجدات

إيي بعد نسيت أقول شي
أدري إنّي ثقيلة دم وما أنبلع وأدري يمكن رُبّما ميبي زعّلت أحد من غير قصد
سامحُوني
ياريت صورتنه دائماً تكون بيضاء بعيون الكل : ).

ليش دائماً لحظات الفرح تكون ممزوجة بغصّة
و حسرة ما تنطفي بالدّاخل،
ليش لمّا أضحك أحسّ بخوف من بكرة
خوفي تنقتل هالضّحكة بطعنة جرح!،
ليش الملامح الجميلة في حياتي تبهت, و تذبل بسرعة، لي ما تتلاشى إلا من ذاكرتي.
ليش لمّا أحاول أصعد عتبة يعرقلني شي يهبّط معنويّاتي
يهمس لي "ما تقدرين" ،
ليش صرت "هفتانة" على قولت صديقتي (: ، ماحب أختلط مع غيري إلا نادراً, أفضّل أنزوي و ألزم السّكوت, وفوق هذا ما أسلم من العبارات اللي تقتلني

بس أنا مو معقّدة ومو مغرورة لأنّي صرت ماحب أختلط مع كل من،
إذا كانوا النّاس القراب، أحياناً تحسهم بعاد كل البعد من إنّهم يريحونك في بوجودهم